1. سه‌ره‌كی
  2. پولینكرن
  3. Jurisprudence and Juristic Principles

فه‌رمووده‌ هه‌ر كه‌سێ ده‌ستنڤێژه‌كا وه‌كی ڤێ ده‌ستنڤێژا من بگریت، پاشی دوو ڕكاعه‌تێن نڤێژێ بكه‌ت، وه‌سا كو خوشوع تێدا هه‌بیت و دلێ وی یێ ئاماده‌ بیت؛ هنگی خودێ دێ گونه‌هێن وی یێن بووری بۆ وی ژێبه‌ت

عَنْ ‌حُمْرَانَ مَوْلَى عُثْمَانَ بْنِ عَفَّانَ رضي الله عنه:
أَنَّهُ رَأَى عُثْمَانَ بْنَ عَفَّانَ دَعَا بِوَضُوءٍ، فَأَفْرَغَ عَلَى يَدَيْهِ مِنْ إِنَائِهِ، فَغَسَلَهُمَا ثَلَاثَ مَرَّاتٍ، ثُمَّ أَدْخَلَ يَمِينَهُ فِي الْوَضُوءِ، ثُمَّ تَمَضْمَضَ وَاسْتَنْشَقَ وَاسْتَنْثَرَ، ثُمَّ غَسَلَ وَجْهَهُ ثَلَاثًا، وَيَدَيْهِ إِلَى الْمِرْفَقَيْنِ ثَلَاثًا، ثُمَّ مَسَحَ بِرَأْسِهِ، ثُمَّ غَسَلَ كُلَّ رِجْلٍ ثَلَاثًا، ثُمَّ قَالَ: رَأَيْتُ النَّبِيَّ صَلَّى اللهُ عَلَيْهِ وَسَلَّمَ يَتَوَضَّأُ نَحْوَ وُضُوئِي هَذَا، وَقَالَ: «مَنْ تَوَضَّأَ نَحْوَ وُضُوئِي هَذَا ثُمَّ صَلَّى رَكْعَتَيْنِ لَا يُحَدِّثُ فِيهِمَا نَفْسَهُ غَفَرَ اللهُ لَهُ مَا تَقَدَّمَ مِنْ ذَنْبِهِ».

حومڕانێ مه‌ولایێ (عه‌بدێ ئازاكری یێ) عوسمانێ كوڕێ عه‌ففانی دبێژیت كو: وی عوسمانێ كوڕێ عه‌ففانی دیت داخواز كر هنده‌ك ئاڤ بۆ بهێته‌ ئینان دا ده‌ستنڤێژا خۆ پێ بگریت، ڤێجا ژ وی ئامانێ ئاڤ تێدا هنده‌ك ئاڤ كره‌ سه‌ر ده‌ستێن خۆ، پاشی سێ جاران ده‌ستێن خۆ شویشتن، پاشی ده‌ستێ خۆ یێ ڕاستێ كره‌ د ناڤ ئاڤێدا، پاشی ئاڤ د ده‌ڤێ خۆ وه‌ردا و كره‌ د دفنا خۆدا و هه‌لكێشا، پاشی سێ جاران سه‌روچاڤێن خۆ شويشتن ، و هه‌ردوو ده‌ستێن خۆ هه‌تا ئه‌نیشكان شویشتن، پاشی سه‌رێ خۆ مه‌سح كر، پاشی هه‌ر پێیه‌كێ خۆ سێ جاران شویشت، پاشی گۆت: من پێغه‌مبه‌ر (صه‌لات و سه‌لامێن خودێ ل سه‌ر بن) دیت وه‌كی ڤێ ده‌ستنڤێژا من نوكه‌ گرتی ده‌ستنڤێژ دگرت، و پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((هه‌ر كه‌سێ ده‌ستنڤێژه‌كا وه‌كی ڤێ ده‌ستنڤێژا من بگریت، پاشی دوو ڕكاعه‌تێن نڤێژێ بكه‌ت، وه‌سا كو خوشوع تێدا هه‌بیت و دلێ وی یێ ئاماده‌ بیت؛ هنگی خودێ دێ گونه‌هێن وی یێن بووری بۆ وی ژێبه‌ت)).

صحيح متفق عليه صحيح البخاري - 164

شرۆڤه‌كرن

عوسمانێ كوڕێ عه‌ففانی (خودێ ژێ ڕازی بیت) شێوازێ ده‌ستنڤێژگرتنا پێغه‌مبه‌ری (صه‌لات و سه‌لامێن خودێ ل سه‌ر بن) ب ڕه‌نگه‌كێ كرداری نیشا خه‌لكی دا، ئه‌ڤه‌ ژی بۆ هندێ دا زێده‌تر ڕوهن بیت و خه‌لك تێبگه‌هیت، ڤێجا وی داخواز كر هنده‌ك ئاڤ بۆ بهێته‌ ئینان دا ده‌ستنڤێژا خۆ پێ بگریت، پاشی سێ جاران ئاڤ كره‌ سه‌ر ده‌ستێن خۆ و شويشتن، پشتی ڤێ چه‌ندێ ده‌ستێ خۆ یێ ڕاستێ كره‌ د ناڤ ئاڤێدا و هنده‌ك ئاڤ پێ هه‌لگرت و كره‌ د ناڤ ده‌ڤێ خۆدا و شلقاند و ده‌رئێخست، پاشی ئاڤ بۆ ناڤ دفنا خۆ هه‌لكێشا و پاشی ده‌رئێخست، پاشی سێ جاران سه‌روچاڤێن خۆشويشتن ، و هه‌ردوو ده‌ستێن خۆ ژی هه‌تا ئه‌نیشكان سێ جاران شویشتن، پاشی جاره‌كێ ده‌ستێن خۆ یێن ته‌ڕ ب سه‌رێ خۆدا ئینان و برن و سه‌رێ خۆ پێ مه‌سح كر، پاشی هه‌ردوو پێیێن خۆ سێ جاران شویشتن،
پشتی ئه‌و (خودێ ژێ ڕازی بیت) ژ ده‌ستنڤێژگرتنێ ب دویماهیك هاتی؛ گۆته‌ وی خه‌لكێ ل وێرێ كو وی پێغه‌مبه‌ر (صه‌لات و سه‌لامێن خودێ ل سه‌ر بن) دیت وه‌كی ڤێ ده‌ستنڤێژێ گرت و پاشی پێغه‌مبه‌ری (صه‌لات و سه‌لامێن خودێ ل سه‌ر بن) مزگینی دا خه‌لكی كو: هه‌ر كه‌سێ ده‌ستنڤێژه‌كا وه‌كی ده‌ستنڤێژا وی بگریت، پاشی دوو ڕكاعه‌تێن نڤێژێ بكه‌ت، وه‌سا كو خوشوع تێدا هه‌بیت و دلێ وی یێ ئاماده‌ بیت، هنگی خودێ دێ ل به‌رامبه‌ری ڤێ ده‌ستنڤێژگرتنا ته‌مام و ڤێ نڤێژا دلسۆز و ب تنێ بۆ خودێ؛ دێ گونه‌هێن وی یێن بووری هه‌مییان بۆ وی ژێبه‌ت.

ژ مفایێن فه‌رمووده‌یێ

  1. سوننه‌ته‌ به‌ری مرۆڤ ده‌ستێن خۆ بكه‌ته‌ د ناڤ ئامانێ ئاڤێدا بۆ گرتنا ده‌ستنڤێژێ؛ ده‌ستێن خۆ بشووت، خۆ ئه‌گه‌ر وێ گاڤێ ژ خه‌و نه‌ڕاببیت ژی، به‌لێ ئه‌گه‌ر وێ گاڤێ ژ خه‌وا شه‌ڤێ ڕاببیت؛ هنگی پێدڤییه‌ و واجبه‌ ئه‌و هه‌ردوو ده‌ستێن خۆ بشووت (نه‌ كو ب تنێ سوننه‌ته‌).
  2. پێدڤییه‌ مامۆستا نێزیكترین ڕێك بگریته‌ به‌ر بۆ تێگه‌هشتن و چاندنا زانینێ ل ده‌ڤ قۆتابی، ژ ڤان ڕێكان ژی فێركرنه‌ ب ڕێكا كاروكریارێ.
  3. پێدڤییه‌ نڤێژكه‌ر هزر و خه‌یالێن گرێدایی دونیایێ ژ سه‌ر هزرا خۆ ببه‌ت، چونكی ته‌مامه‌تییا نڤێژێ یا د هندێدا دلێ مرۆڤی تێدا یێ ئاماده‌ بیت، به‌لێ گومان تێدا نینه‌ كو مرۆڤ نه‌شێت هزرا خۆ ڕاگریت و نه‌هێلیت چ جاران ژ نڤێژێ ده‌ركه‌ڤیت، ژ به‌ر هندێ پێدڤییه‌ نڤێژكه‌ر خۆ زه‌حمه‌ت بده‌ت بۆ ڤێ چه‌ندێ و گه‌له‌ك تێدا نه‌چیته‌ خوار.
  4. سوننه‌ته‌ مرۆڤ ل ده‌مێ ده‌ستنڤێژگرتنێ؛ ژ لایێ ڕاستێ ده‌ست پێ بكه‌ت.
  5. پێدڤییه‌ مرۆڤ بۆ ئاڤوه‌ردانا د ده‌ڤ و دفنێدا و ده‌رئێخستنا ئاڤێ ژ دفنێ ڕێزبه‌ندییێ به‌رچاڤ وه‌ربگریت و ل دویڤ بچیت.
  6. سوننه‌ته‌ مرۆڤ سێ جاران سه‌روچاڤێن خۆ و هه‌ردوو ده‌ست و هه‌ردوو پێیێن خۆ بشووت، یا فه‌ر و پێدڤی ژی ب تنێ جاره‌كه‌.
  7. ژێبرنا گونه‌هێن به‌ری هنگی مرۆڤی كرین ژ لایێ خودێڤه‌ دمینیته‌ سه‌ر كرنا دوو تشتان: گرتنا ده‌ستنڤێژێ و كرنا دوو ڕكاعه‌تان، ب وی شێوازێ د فه‌رمووده‌یێدا هاتییه‌ به‌حسكرن.
  8. هه‌ر ئه‌ندامه‌كێ ده‌ستنڤێژێ سنووره‌كێ هه‌ی و دڤێت مرۆڤ ئاڤێ بگه‌هینیتێ: سنوورێ سه‌روچاڤان: بۆ درێژاهییێ ژ وی جهییه‌ یێ مویێن سه‌ری لێ شوین دبن هه‌تا ژ ڕیهان دهێته‌ خوار و دگه‌هیته‌ ئه‌رزینكێ، بۆ پاناتییێ ژی ژ گوهی بۆ گوهییه‌. سنوورێ ده‌ستی ژی: ژ سه‌رێن تبلان هه‌تا ئه‌نیشكێیه‌ كو ئه‌و زه‌ندك و زه‌ڤله‌كێن ملی ژێك جودا دكه‌ت. سنوورێ سه‌ری ژی: ژ وی جهییه‌ یێ موی لێ شوین دبن ل ڕه‌خ و دۆرێن ڕوی، هه‌تا دگه‌هییه‌ بلنداهییا ستوی، و مه‌سحكرنا هه‌ردوو گوهان ژی هه‌ر ژ سه‌ری دهێته‌ هژمارتن. سنوورێ پێی: پێ هه‌مییه‌ د گه‌ل وێ گه‌ها پێی ژ ساقێ مرۆڤی جودا دكه‌ت.

نیشاندانا وه‌رگێڕانان

61 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية