1. سه‌ره‌كی
  2. پولینكرن
  3. Jurisprudence and Juristic Principles

فه‌رمووده‌ سالۆخه‌تێ سه‌رشویشتنا ژ به‌ر جه‌نابەتێ.

عَنْ مَيْمُونَةُ أُمِّ المؤمِنينَ رضي الله عنها قَالتْ:
وَضَعْتُ لِلنَّبِيِّ صَلَّى اللهُ عَلَيْهِ وَسَلَّمَ غُسْلًا، فَسَتَرْتُهُ بِثَوْبٍ، وَصَبَّ عَلَى يَدَيْهِ، فَغَسَلَهُمَا، ثُمَّ صَبَّ بِيَمِينِهِ عَلَى شِمَالِهِ، فَغَسَلَ فَرْجَهُ، فَضَرَبَ بِيَدِهِ الأَرْضَ، فَمَسَحَهَا، ثُمَّ غَسَلَهَا، فَمَضْمَضَ وَاسْتَنْشَقَ، وَغَسَلَ وَجْهَهُ وَذِرَاعَيْهِ، ثُمَّ صَبَّ عَلَى رَأْسِهِ وَأَفَاضَ عَلَى جَسَدِهِ، ثُمَّ تَنَحَّى، فَغَسَلَ قَدَمَيْهِ، فَنَاوَلْتُهُ ثَوْبًا فَلَمْ يَأْخُذْهُ، فَانْطَلَقَ وَهُوَ يَنْفُضُ يَدَيْهِ.

مه‌یمونه‌یا دایكا باوه‌رداران (خودێ ژێ ڕازی بیت) دبێژیت:
من ئاڤ بۆ پێغه‌مبه‌ری (صه‌لات و سه‌لامێن خودێ ل سه‌ر بن) ئاماده‌ كر دا سه‌رێ خۆ پێ بشۆت و من ب ڕێكا پارچه‌ قۆماشه‌كی په‌رده‌ بۆ گرت، ئینا ئاڤ ل ده‌ستێن خۆ كر و ئه‌و شویشتن، پاشی ب ده‌ستێ ڕاستێ ئاڤ ب سه‌ر یێ چه‌پێدا كر و عه‌وره‌تێ خۆ شویشت، پاشی ده‌ستێ خۆ ل ئه‌ردی دا و پاشی پاقژ كر (مه‌سحكر)، پاشی شویشت، پاشی ئاڤ د ده‌ڤ و دفنا خۆ وه‌ردا و سه‌روچاڤ و هه‌ردوو زه‌ندكێن خۆ شویشتن، پاشی ئاڤ ب سه‌ر سه‌رێ خۆدا كر و ب سه‌ر هه‌می له‌شێ خۆدا ئینا، پاشی ژ جهێ خۆ چوو و هه‌ردوو پێیێن خۆ شویشتن، من ژی پارچه‌كا قۆماشی داڤێ دا خۆ پێ پاقژ بكه‌ت به‌لێ وه‌رنه‌گرت، ڤێجا چوو و ده‌ستپێكر ب ده‌ستێن خۆ ئاڤ ل سه‌ر له‌شێ خۆ ڕاكر و خۆ هشك كر.

صحيح متفق عليه صحيح البخاري - 276

شرۆڤه‌كرن

مه‌یمونه‌یا دایكا باوه‌رداران (خودێ ژێ ڕازی بیت) به‌حسێ شێوازێ سه‌رشویشتنا پێغه‌مبه‌ری (صه‌لات و سه‌لامێن خودێ ل سه‌ر بن) دكه‌ت ژ به‌ر جه‌نابەتێ، كو وێ ئاڤ بۆ ئاماده‌ كر دا خۆ پێ بشۆت و په‌رده‌ بۆ گرت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) ئه‌ڤ كاره‌ ئه‌نجام دان:
ئێك: ئاڤ ب سه‌ر ده‌ستێن خۆدا كر و ئه‌و شویشتن، به‌ری بكه‌ته‌ د ناڤ ئامانیدا.
دوو: ئاڤ ب ده‌ستێ ڕاستێ ب سه‌ر ده‌ستێ چه‌پێدا كر و ئه‌ندامێ خۆ یێ نێرینه‌ شویشت دا شوینێن جه‌نابەتێ پاقژ بكه‌ت.
سێ: ده‌ستێ خۆ ل ئه‌ردی دا و پاشی پاقژ كر و شویشت، دا پیساتی ل سه‌ر نه‌مینیت.
چوار: (مه‌ضمه‌ضه‌) كر كو ئه‌و ژی ئه‌ڤه‌یه‌ ئاڤ كره‌ د ده‌ڤێ خۆدا و د ده‌ڤێ خۆدا ئینا و بر و پاشی هاڤێته‌ ژ ده‌رڤه‌، هه‌روه‌سا (ئیستینشاق) ژی كر، كو ئه‌و ژی ئه‌ڤه‌یه‌ ب هه‌ناسه‌دان و هه‌لكێشانێ ئاڤ بره‌ د دفنا خۆدا، پاشی ئه‌و ئاڤ ژێ ده‌رئێخست، ئه‌ڤه‌ ژی بۆ هندێ دا پاقژ ببیت.
پێنج: سه‌روچاڤ و زه‌ندكێن خۆ شویشتن.
شه‌ش: ئاڤ ب سه‌ر سه‌رێ خۆدا كر.
حه‌فت: ئاڤ ب سه‌ر هه‌می له‌شێ خۆ یێ ماییدا ئینا.
هه‌شت: ژ جهێ خۆ چوو و ل جهه‌كێ دی هه‌ردوو پێیێن خۆ شویشتن كو به‌ری هنگی نه‌شویشتبوون.
پاشی مه‌یمونه‌یێ پارچه‌كا قۆماشی (خاولییه‌ك) بۆ ئینا دا له‌شێ خۆ پێ هشك بكه‌ت، به‌لێ وه‌رنه‌گرت و ده‌ستپێكر ب ده‌ستێن خۆ ئاڤ ژ له‌شێ خۆ ڤه‌دكر و دهاڤێت.

ژ مفایێن فه‌رمووده‌یێ

  1. گرنگیدانا هه‌ڤژینێن پێغه‌مبه‌ری (صه‌لات و سه‌لامێن خودێ ل سه‌ر بن) ب وه‌سفكرنا بچویكترین هویركارییێن ژیانا وی؛ دا كو ئوممه‌تێ فێر بكه‌ن.
  2. ئه‌ڤ شێوازێ سه‌رشویشتنێ ئێكه‌ ژ وان ڕێكێن ژ پێغه‌مبه‌ری (صه‌لات و سه‌لامێن خودێ ل سه‌ر بن) بنه‌جھ بووین بۆ سه‌رشویشتنا ته‌مام ژ جه‌نابەتێ، به‌لێ شێوازێ فه‌ڕز ب تنێ ئه‌وه‌ یێ كو ئاڤ ب گه‌هیته‌ هه‌می له‌شێ مرۆڤی د گه‌ل ئاڤ تێوه‌ردانا د ده‌ڤ و دفنێدا.
  3. هشككرنا له‌شی ب پارچه‌ قۆماشه‌كی یان هێلانا وی پشتی سه‌رشویشتنێ یان ده‌ستنڤێژێ؛ تشته‌كێ دروسته‌ و هه‌ردوو چێدبن.

نیشاندانا وه‌رگێڕانان

57 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية