1. Дома
  2. Категории
  3. Акида (исламско верување)

Хадис „,Бидете умерени и настојувајте да постапувате исправно, и знајте дека никој од вас нема да биде спасен поради своите дела.‘ Тие рекоа: ,О, Божји пратенику, дури ниту ти?‘ Тој одговори: ,Ниту јас, освен ако Аллах не ме облее со Својата милост и благодат.‘“

عَنْ أَبِي هُرَيْرَةَ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«قَارِبُوا وَسَدِّدُوا، وَاعْلَمُوا أَنَّهُ لَنْ يَنْجُوَ أَحَدٌ مِنْكُمْ بِعَمَلِهِ» قَالُوا: يَا رَسُولَ اللهِ وَلَا أَنْتَ؟ قَالَ: «وَلَا أَنَا، إِلَّا أَنْ يَتَغَمَّدَنِيَ اللهُ بِرَحْمَةٍ مِنْهُ وَفَضْلٍ».

Ебу Хурејре, Аллах нека е задоволен со него, пренесува дека Божјиот пратеник, салаллаху алејхи ве селем, рекол:
„,Бидете умерени и настојувајте да постапувате исправно, и знајте дека никој од вас нема да биде спасен поради своите дела.‘ Тие рекоа: ,О, Божји пратенику, дури ниту ти?‘ Тој одговори: ,Ниту јас, освен ако Аллах не ме облее со Својата милост и благодат.‘“

صحيح متفق عليه صحيح مسلم - 2816

Објаснување

Веровесникот, салаллаху алејхи ве селем, ги поттикнувал асхабите да работат и да се плашат од Аллах онолку колку што можат, без претерување и без запоставување. Тој ги советувал нивните дела да бидат исправни, со искрена намера кон Аллах и во согласност со Сунетот, за да бидат прифатени и да станат причина за спуштање на Божјата милост врз нив.
Потоа им кажал дека никој нема да биде спасен само поради своите дела, туку неопходна е и Аллаховата милост.
Тие прашаа: „О, Божји пратенику, дури ни тебе, со оглед на твојата возвишена положба?“
Тој одговори: „Дури ни јас, освен ако Аллах не ме облее со Својата милост и благодат.“

من فوائد الحديث

  1. Ен-Невеви рекол: „(Бидете умерени и настојувајте да постапувате исправно): Трудете се вашите постапки да бидат исправни и да дејствувате според тоа. А ако не можете целосно да го постигнете тоа, тогаш приближете се што е можно повеќе до исправноста. Исправноста претставува рамнотежа помеѓу претерувањето и запоставувањето. Затоа, не претерувајте, но и не бидете немарни.“
  2. Ибн Баз рекол: „Добрите дела се причина за влез во Џенетот, исто како што лошите дела се причина за влез во Џехенемот. Овој хадис појаснува дека влегувањето во Џенетот не се постигнува само со делата, туку е неопходна и Аллаховата милост и прошка. Луѓето ќе влезат во Џенетот како последица на нивните дела, но она што, всушност, ќе го овозможи тоа е милоста, прошката и благодатта на Возвишениот Аллах.“
  3. Робот не треба да се залажува ниту да се восхитува на своите дела, без разлика колку се големи, бидејќи Аллаховото право е многу поголемо од неговите дела. Затоа, човекот секогаш треба да живее помеѓу стравот и надежта во Аллах.
  4. Аллаховата милост и благодат кон Неговите робови се неизмерно поголеми од нивните дела.
  5. Добрите дела се причина за влез во Џенетот и неговото постигнување бива преку Аллаховата милост и благодат.
  6. Ел-Кирмани рекол: „Ако никој не може да влезе во Џенетот освен со Аллаховата милост, тогаш причината зошто Божјиот пратеник, салаллаху алејхи ве селем, посебно се спомнува во хадисот е затоа што, иако е сигурно дека тој ќе влезе во Џенетот, сепак нема да влезе освен со Аллаховата милост. Ако тоа важи за него, тогаш уште повеќе важи за другите.“
  7. Ен-Невеви рекол за значењето на Аллаховите зборови: „Влезете во Џенетот поради тоа што го правевте!“ (Ен Нахл, 32) „Ете, тоа е Џенетот кој ви е подарен како награда за тоа што го правевте." (Ез Зухруф, 72) и слични ајети кои укажуваат дека со делата се влегува во Џенетот; дека тие не се во противречност со хадисите што велат дека никој нема да влезе во Џенетот само со своите дела. Туку, значењето на овие ајети е дека делата се причина за влез во Џенетот. Но, самото упатување кон правењето добри дела, искреноста во нив и нивното прифаќање се поради Аллаховата милост и благодат. Затоа, вистина е дека човекот нема да влезе во Џенетот само поради своите дела, како што укажуваат хадисите, но исто така е точно и дека влегува поради нив, односно како причина за тоа – бидејќи и самите дела се дел од Аллаховата милост.
  8. Ибн ел-Џевзи рекол: „Од ова се извлекуваат четири одговори. Прво: Успехот во извршувањето на добрите дела е дел од Аллаховата милост. Да не беше Неговата претходна милост, немаше да има ниту иман, ниту покорност преку која се постигнува спасение. Второ: Сè што робот прави му припаѓа на неговиот Господар, па неговите дела се должност кон Аллах. Затоа, секоја награда што ќе ја добие е од Аллаховата благодат. Трето: Во некои хадиси се наведува дека самиот влез во Џенетот е со Аллаховата милост, додека степените во Џенетот се распределуваат според делата. Четврто: Добрите дела се извршуваат во ограничено време, додека наградата во Џенетот е вечна. Па така, вечната награда не може да биде само поради ограничените дела, туку е резултат на Аллаховата благодат, а не само последица на самите дела.
  9. Ер-Рафи'и рекол: „Оној што прави добри дела не треба да се потпира само на нив во надеж за спасение и постигнување високи степени, бидејќи тој ги извршува единствено со Аллаховото упатство, а гревот го избегнува само со Аллаховата заштита. Што значи, дека сè е резултат на Неговата милост и благодат.“

Преглед на преводи

50 Јазик
EN English Англиски
UR اردو Урду
ES Español Шпански
ID Indonesia Индонезиски
BN বাংলা Бенгалски
TR Türkçe Турски
RU Русский Руски
BS Bosanski Босански
SI සිංහල Синхала
HI हिन्दी Индијски
ZH 中文 Кинески
FA فارسی Персиски
VI Tiếng Việt Виетнамски
TL Tagalog Тагалог
KU Kurdî Курдски
HA Hausa Хауса
PT Português Португалски
ML മലയാളം Малајалам
TE తెలుగు Телгу
SW Kiswahili Свахили
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية