silamɛya ye :i ka Seereya k'a fɔ má foyi tɛ yen fo Ala,Mamadu y'a ka ciden ye., i ka seli jɔ, ka jaka di, ka sunkalo Sun, ka hiji n'a sé kɛra i ye
Ala ka hakɛ a ka jɔnw kan o ye k'a bàto fɛn kana fàra a kan, jɔnw ka hakɛ Ala kan o ye mɔgɔ kana làjaaba min ma fɛn fàra a kan
mɔgɔsi tɛ seereya ko tìgi foyi tɛ yen fo Ala Mamadu y'a ka ciden ye tuɲa boloma a dusukun na fo Ala ka tasuma haramuya o kan
ni mɔgɔ min ko: tìgi foyi tɛ yen fo Ala, ka kafiriya bàtofɛn wɛrɛ ma min tɛ Ala ye o ka nàfolo n'a jòli kɛra haramu ye silamɛ bɛɛ kan, a ka ko fɛsɛfɛsɛli bɛ Ala de kan
ni mɔgɔ min sàra k'a sɔrɔ a tɛ dɔwɛrɛ fàra Ala kan o bɛ don alijana la, ni mɔgɔ min sàra k'a sɔrɔ a bɛ dɔ fàra Ala kan o bɛ don tasuma la
i k'a dɔn i bɛna taa màntow ma gafe dùngew do, n'i seera u ma i b'u weele u ka seereya ko má foyi tɛ yen fo Ala, Mamadu y'a ka ciden ye
mɔgɔw lasewalenbá ni ne ka sɔrɔnadon ye kiyama o ye min ko má foyi tɛ yen fo Ala, k'a sɔrɔ a b'a dusukun n'a ninkun nan
Limaniya ye tilanyɔrɔ biwolonwula ni ko- wali - biwɔɔrɔ ni kɔ ye, Ala fusamanci ye: má foyi tɛ yen fo Ala, o fɔli. a dugumata ye: tɔɔrɔfɛn tali ka bɔ sira kan
Ne ye kira ɲininka nɛɛma ni kisi b'a ye: jùrùmuko jumɛn ka bon Ala yɔrɔ kosɛbɛ? A ko: << i ka sìna kɛ Ala la k'a sɔrɔ a le de y'i dan
ne de ye diɲɛɲɔgɔnmanw la kaarilenbá ye ka bɔ filaninkafɔya ma, ni mɔgɔ min ye baaradɔ kɛ ka dɔwɛrɛ fàra ne Ala kan o la , n b'o ni a ka filaninkafɔya to
aw ka na ne màjamu ka dàntɛmɛ i n'a fo nasaraw ye min ke mariyama den na; ne ye Ala ka jɔn de ye, aw y'a fo: Ala ka jɔn n'a ka ciden
n ye min to aw ye a ye to o kan, mànton dɔw y'aw kɔn u halakila ɲininkali kama an'u ka Nabiɲumanw fɔkɔɲɔgɔyali
aw ye laseli kɛ ka bɔ ne ma hali hayakelen ɲɔgɔn, aw ka bani isiraila kaw ka bàro bɔ fen t'a la, ni mɔgɔ min ye nkalon da ne la o k'a sigiyɔrɔ labɛn jahanama kɔnɔ
ni duniya wili waati surunyara ne ka kuma bɛ lase cɛ dɔ ma k'a sɔrɔ a sɛmɛnen a ka sìgilan na a b'a fɔ: Ala ka gafe de bɛ aw ni ne cɛ
aw ka na aw ka sow kɛ kaburuw ye, aw ka na ne kaburu kɛ ɲɔgɔn lajɛ yɔrɔw dɔ ye, aw ye sɔlatu kɛ ne kan ; aw ka sɔlatu bɛ sɛ ne ma aw bɛ yɔrɔ wo yɔrɔ
ne b'a kɔn a dɔ ka kɛ ne dagawuliteri ye, i k'a dɔn Ala ye ne minɛ k'a kɛ a dagawuli ye, i n'a fɔ a ye iburahima k'a dagawuli ye cogomin
n bɛ na i ci fɛn na kira ye ne ci min na nɛɛma ni kisi b'a ye ? O ye i kana tɛmɛ jà foyi la ni i m'a kari, ani kaburu kɔrɔtalen ni i m'a dalakɛɲɛ
tere filɛ ye filaninkafɔya ye, tere filɛ ye filaninkafɔya ye, tere filɛ ye filaninkafɔya ye, - siyɛn sàbà ->>, mɔgɔ t'an na a tɛ na min ma, n ka se ni bonya Ala b'a la taga ni jìgìsɛmɛ ye a le la
mɔgɔ t'an dɔ ye min bɛ filɛli kɛ ni kɔnɔ ka panni ye wali o filɛli kɛra mɔgɔ min ye, kɔrɔtɛ kɛla wali a kɛra min ye
yali aw b'a dɔn aw tìgi ye min fɔ wa? >> u ko: Ala n'a ka ciden de b'a dɔn, kira ko, Ala y'a fɔ: << ne ka jɔn dɔ limaniya la n na, dɔ fana kafiriyala n ma
i k'a dɔn ne bɛ siran fɛn min ɲɛ aw kan kosɛbɛ o ye filaninkafɔya fitini de ye >> u ko: filaninkafɔya fitini ye mun ye yaa Ala ka ciden? A ko: << yɛrɛyira
sitanɛ bɛ na aw dɔlakelen ma a b'a fɔ: jɔn ye danni kɛ tan? jɔn ye danni kɛ tan? F'a b'a fɔ: jɔn ye e tìgi dan? N'a seera o yɔrɔ ma a ka tangaɲini Ala fɛ k'a hakilimajɔ
ni mɔgɔ min ye ne ka jɔn ɲuman (waliyu)dɔ tɔɔrɔ n b'o kɛlɛ, wa ne ka jɔn tɛ gɛrɛ ne la ni fɛn ye min kadi ne ye ka tɛmɛ n ye min faridaya a kan
n b'aw ma ni Alaɲɛsiranyɛ ye, ani mɛnni ni kumakan labàtoli (ɲɛmɔgɔ labato), hali n'a kɛra abasi dugu jɔn ye, aw bɛ na fɔnkɔɲɔgɔya gɛlɛn ye ne kɔfɛ, n b'aw ma ni n ka taasira ye ani n nɔnabilali kandalen naani
ni mɔgɔ min bɔra kumakan labàtoli kɔnɔ ɲɛmɔgɔ kɔ, ka fara ka bɔ jàma la o kɔfɛ a fatura o kan, o fatura kodɔnbaliya dùngew ka fatucogo kan
jɔn foyi tɛ yen ko Ala bɛ màrafɛn don a ka màrakɔnɔ, a bɛ faatu a faatu don na k'a sɔrɔ a y'u suyɛn, fo Ala ka alijana haramuya a kan
ɲɛmɔgɔ dɔw bɛ na kɛ aw la aw b'uw ka baara dɔw sàbàti ka dɔw nankari, ni min ye baara nankarilen n kɔn k'a sɔrɔ se tɛ i ye jurumu tɛ o kan, ni min y'a kɔn k'a yɛlɛma n'a se bɛ i ye o kisira
nɔjugu ni koɲɛw bɛ na kɛ yen aw bɛ min kɔn >> u ko: yaa Ala ka ciden i b'a bilasira ni mun ye? A ko: << aw y'aw ka hakɛ di, ka Ala deli aw ka hakɛw la
yaa ne tìgi, ni mɔgɔ min bilala ne mànto ka koɲɛ dɔ kuna k'a ye gɛlɛya la see u ma, gɛlɛya kɛ o kan, ni mɔgɔ min bilala ne mànto ka koɲɛ dɔ kuna k'a ye nɔgɔya la see u ma, nɔgɔya k'o ye
n'i ye mɔgɔw ye u bɛ tugu haya minnu bɔlen bɛ ɲɔgɔn fɛ o de kɔ, Ala y'olu de kofɔ, aw y'aw kɔlɔsi u la
Ni mɔgɔ min ye ko kɔnnɛ dɔ ye aw la a k'a yɛlɛma n'a tɛgɛ ye, n'a ma sé o la a k'a kɛ n'a nɛn ye, n'a ma sé o la a k'a kɛ n'a dusukun ye, o laban n de ye limaniya la lafulenw ye
Ala ka dan kolosibagaw n'a sàkobagaw misali bɛ i n'a fɔ jamakulu dɔw u ye kalafili kɛ u ni ɲɔgɔn cɛ kulun kɔnɔ, dɔw garisɛgɛ kɛra sanfɛla ye dɔw ta kɛra dugumala ye
ni mɔgɔ min ye weeleli kɛ ka taa kanda ma a bɛ kandalen ka bàràjiw ɲɔgɔn sɔrɔ, foyi tɛ bɔ u ka bàràji la
N kalen na màsà la ne Mamadu ni bɛ màsà min bolo, mɔgɔsi tɛ ne ko mɛ ni mànton n na a kɛra yahudiya ye wali nansara, o kɔfɛ a bɛ faatu k'a sɔrɔ a ma limaniya fɛn na ne cira ni min ye, f'o ka kɛ tasuma dunke dɔ ye
Kira y'a bàro bɔ an ye nɛɛma ni kisi b'a ye, a le de ye tuɲatigiw la tuɲatigiw ye: << k'a fɔ aw dɔlakelen dantɔla bɛ fàra ɲɔgɔn kan a bá kɔnɔ tilebinaani ni subinaani
Ala bɛ dugukolo minɛ, ka sankolow meleke n'a kinintɛgɛ ye, o kɔfɛ a b'a fɔ: ne de ye màsà ye, dugukolo màsàw bɛ min
n kalenna màsala n ni bɛ min bolo, a surunyara mariyama den ka jìgìn kana aw ma ka kitiw tigɛ ni tilennenya ye, a bɛ baranto kari, ka lɛ fàgà, k'a nisɔngɔ ɲɛnamaya, wari bɛ caya fo mɔgɔ tɛ na sɔn a la
ne ka jifolon ye kalo kelen taama ɲɔgɔnna de ye, a ji jɛlen ni nɔnɔ ye, wa a kasa ka di ni latikolon misiku ye
n'aw tun b'aw jìgìsɛmɛ Ala la jìgìsɛmɛ yɛrɛyɛrɛ la, a tun n'aw garisɛgɛ i n'a fɔ a bɛ kɔnɔ garisɛgɛ cogomin,a kɔngɔtɔ bɛ soli ka bɔ ka segin wula fɛ a kɔnɔ falen
yaa ne ka jɔnw ne ye tɔɲɔni haramuya n yɛrɛkan, n y'a kɛ aw yɛrɛdamaw ni ɲɔgɔncɛ haramu ye, aw kana ɲɔgɔn tɔɲɔ
Ala ye ɲuman ni juguman sɛbɛn, o kɔfɛ k'a bange, ni mɔgɔ min hamina ni ɲuman ye a ma sé k'a waleya Ala bɛ ɲuman kelen dafalen sɛbɛn a ye, n'a hamina a la k'a waleya Ala bɛ ɲuman tan sɛbɛn a ye k'a jiidi fo kɛmɛ wolonwula nɔgɔn, ka see jiidili caman ma o cogo la, ni mɔgɔ min hamina ni kojugu ye a m'a kɛ Ala bɛ ɲuman kelen dafalen sɛbɛn a ye, n'a hamina n'a ye k'a waleya Ala bɛ juguman kelen dɔrɔn de sɛbɛn a ye
ni min ye silamɛya kɛ k'a ɲɛ o tɛ minɛ kɔrɔlen ma, ni min ma silamɛya kɛ k'a ɲɛ, o bɛ minɛ ni fɔlɔ ni laban ye
i bɛ ka min fɔ ani ka weeleli kɛ ka taa min ma o ye ɲuman de ye, anw kibaruya an ye min kɛ kojuguw la n'a be yàfa
mɔgɔ tɛ jùrùmuko kɛ, o kɔfɛ ka seliji tà, o kɔfɛ ka seli, o kɔfɛ ka Ala yaafamadeli, fo Ala ka yaafa o ma
an má bɛ jìgin a kɔrɔtalen barika b'a la don bɛɛ sufɛ ka na duniya sankolo la tuma min su tɔ bɛ to tilan saba laban ye
N dɔgɔ, n bɛ i ladɔniya kumakan dɔw la: Ala tanga a bɛ i tanga, ala tanga I b’a sɔrɔ i ɲɛ, n’i bɛ delilikɛ Ala de deli, ni bɛ tanga ɲini tanga ɲini Ala de fɛ
fɛn fɔ n ye silamɛya la n tɛ mɔgɔ wɛrɛ ɲininka min na, kira ko: << a fɔ n limaniyala Ala la, o kɔ i tilen
ni mɔgɔ min ye seliji tà ne ka nìn tàli cogo n na, o kɔfɛ ka jɔ ko fila seli, a m'a yɛrɛ kumaɲɔgɔnya, Ala bɛ yàfa a ka jùrùmu tɛmɛnen ma
N'aw dɔlakelen ye seliji tà à ka ji k'a nun kɔnɔ o kɔfɛ k'a fiyɛ, ni mɔgɔ min ye sanuyali kɛ ni fɛnjalan ye o k'a kɛ ni yeleke ye
i k'a dɔn u fila bɛ ka ɲankata, wa u tɛ ka ɲankata fɛnba kama, u dɔlakelen tun t'a yɛrɛ sanuya ka bɔ jàlàminɛ la, wa tɔkelen tun bɛ taama ni mɔgɔbilaɲɔgɔnna de ye
Kira tun kɛra n'a bena don ɲɛken kɔnɔ a b'a fɔ << ne ma n bɛ tanga ɲini i fɛ ka bɔ sitanɛ cɛman n'a musoman tɔɔrɔ ma
hadamaden bɛrɛ ye duuru ye: nɛgɛkɔrɔsigi ni bàrakɔrɔsi dili ni nunkɔrɔsi tigɛli ni sɔni tigɛli ani kamankɔrɔsi bɔgɔtili
Ne tun ye cɛ diaji caman tìgì ye n tun bɛ maloya ka kira ɲininka nɛɛma ni kisi b'a ye a denmuso ka yɔrɔ kaman, n ye asiwadi den mikidadi yamaruya ka ɲininkali kɛ a y'a ɲininka a ko: << a bɛ cɛya ko ka seliji tà
Kira tun kɛra nɛɛma ni kisi b'a ye n'a bɛ jànàba ko, a b'a tɛgɛfila ko, ka seliji tà, o kɔfɛ a b'a ko
n'aw dɔlakelen ye fɛn dɔ sɔrɔ a kɔnɔbara la, a sigara yali fɛn bɔra wali fɛn ma bɔ, o tìgìlamɔgɔ ka na bɔ mìsìri kɔnɔ f'a ka mankan dɔ mɛ, wali ka kasa dɔ sɔ
baara jumɛn de kadi Ala ye kɔsɛbɛ? A ko:<< seli a waati la>>, a ko: o kɔfɛ jumɛn? A ko: << o kɔfɛ bangebaa kanlabatoli >> a ko: o kɔfɛ jumɛn? A ko: << kɛlɛ Ala ka sira kan
seli waati duuru, ani juma ka see juma ma, ani sunkalo ka see sunkalo ma, olu ni ɲɔgɔncɛ ye jùrùmu yaafa tumaw de ye n'a y'a yɔrɔ janya jùrùmu kunbabaw la
Ala kɔrɔtalen ko: ne ye seli tilan fila ye n ni n ka jɔn cɛ, fɛn bɛ n ka jɔn ye a bɛ min ɲininkali kɛ
n kalenna màsà la n ni bɛ màsa min tɛgɛ kɔnɔ, ne ka seli kɛcogo de ka surun kira ta la ka tɛmɛ aw bɛɛ ta kan, a tun bɛ seli tan de ka kɔn a fatuli ɲɛ
i k'a dɔn seli min ka gɛlɛn nafiki ma o ye saafoseli ni fajiriseli de ye, n'u tun b'a dɔn min bɛ sɔrɔ o fila la u tun bɛ na u ma hali n'u b'u munuman
Kira tun kɛra kisi b'a ye n'a y'a kɔ wili ka bo kunberekunminɛ la a b'a fɔ: << Ala ye mɔgɔ laminɛ min y'a tànun
Kira tun kɛra nɛɛma ni kisi b'a ye a b'a fɔ a ka tenturu fila ni ɲɔgɔncɛ: << Ala yàfa ne ma, i ka hinɛ n na, ka n làfiya, ka n kanda, ka ngarisɛgɛ
n'aw bɛ seli aw y'aw ka safa tilen, o kɔfɛ aw dɔlakelen ka seli ɲɛ minɛ, n'a ye kibaru fili aw fana ka kibaru fili
kira ye ne kalan seereya kumasen na nɛɛma ni kisi b'a ye, ka ne tɛgɛ to a kamanfila ni ɲɔgɔn cɛ, i n'a fɔ a b'an kalan kurana suran na cogomin
ne ma n bɛ tànga ɲini i fɛ ka bɔ kaburu ɲankata ma, ani tasuma ɲankata, ani ɲɛnamaya ni sàya, ani taamabaga dajali ka fitina
sitanɛ de do a bɛ fɔ a ma ko kinizabu, n'i sɔmina a la tànga ɲini Ala fɛ ka bo a ma, i ka daji tu i numan fɛ siyen sàbà
mɔgɔw la suyɛnnikɛla cɛjugu o ye min b'a ka seli suyɛn >> a ko: a b'a ka seli suyɛn cogodi? Kira ko: << a ka kunberekunminɛ ni tenturu tɛ dafa
yali aw dɔlakelen tɛ siran wa- wali: aw dɔlakelen tɛ siran wa- n'a y'a kunkolo wili ka kɔn Alimami ɲɛ, Ala kana a kunkolo kɛ fali kunkolo ye wa, wali k'a suwuraya kɛ fali ta ye
seli ko kelen ne ka nìn Mìsìri n kɔnɔ o hɛɛrɛ ka bon ni a ɲɔgɔnna wɛrɛ ta ye siyɛn bà kelen f'o n'a kɛra lahɔrɔma misiri ta ye
saraka tɛ foyi bɔ nàfolo la, wa jɔn min bɛ yàfa Ala t'o jiidi foyi la ni bonya tɛ, wa mɔgɔsi m'a yɛrɛ majigin Ala ye f'a k'o Kɔrɔta
Yaa aw mɔgɔw aw k'a dͻn Ala ye màsà sanuman de ye w'a tɛ foyi labi fo fɛn sanuman, wa aw k'a dͻn Ala ye limaniyajɔnw yaamaruya ni fɛn ye a ye cidenw yaamaruya ni min ye
Ni mɔgɔ min ye gɛlɛyabaatɔ ɲɛmafilɛ wali ka jùrù bìn ka bɔ a kan na, Ala b'o tìgi don a ka màsasigilan suma kɔrɔ kiyama, don min suma tɛ sɔrɔ n'o suma tɛ
ce dɔ tun bɛ yen a tun be jùru don mɔgɔw la, a tun b'a fɔ a ka baara kɛ den ye: n'i seera gɛlɛyabaatɔ min ma i bɛ tɛmɛ o kan, a dɔ la Ala bɛ tɛmɛ an kan
ni mɔgɔ min hijira Ala ye a ma kafoɲɔgɔnya kɛ a ma kojugu kɛ, a bɛ segin i n'a fɔ a wolobá y'a bange don min
fɛn to yen i sikara min na ka taa fɛn ma min sika tɛ i la, tuɲa ye mafantiya de ye, nkalon ye sika ye
Ala bɛ kelenya, wa i k'a dɔn limaniyajɔnw fana bɛ kelenya, Ala ka kelenya ye limaniyajɔn kana na ni fɛn ye min haramuyala a kan
ni mɔgɔ min ye kafiri lahidu tigi fàga o tɛ alijana kasa sɔmin sɔrɔ, i k'a dɔn o dun kasa sɔmin bɛ sɔrɔ san bi naani sira taama hakɛ ɲɔgɔn na
yali aw bɛ kɔrɔfɔli dɔn wa? >> u ko: Ala n'a ka ciden de b'a dɔn, a ko: << ka fɛn fɔ i balimakɛ ma a bɛ min kɔn
sufɛn bɛɛ ye dɔlɔ ye, wa sufɛn bɛɛ ye haramun ye, ni mɔgɔ min kɛra dɔlɔminna ye duniya kɔnɔ ka faatu a kan a ma tuubi, o t'a min lahara
Aw ka na ɲɔgɔn hasidiya, aw ka na gɛlɛya kɛ ɲɔgɔn kan feere la, aw kana dimin ɲɔgɔn kɔrɔ, aw ka na aw kɔdon ɲɔgɔn na, aw dɔlakelen ka na sànni kɛ dɔ ka sànnifɛn kan, aw ye kɛ bàlimamaw ye Ala ka jɔnw
yaa aw mɔgɔw, i k'a dɔn Ala ye kodɔnbaliya waati yɛrɛbonya wili ka bɔ aw kan ani karama sɔrɔli a waati la ni wolofa ka sira ye
a tɛ bɛn cɛ k'a dá tigɛ a balima silamɛ la ka tɛmɛ su sàba kan, u bɛ ɲɔgɔn kunbɛnɲɔgɔnya, ni b'a kɔdon ni fana b'a kɔdon, u lasɔnhɛɛrɛma ye min bɛ fòli daminɛ
jɔn b'a daburufila ni ɲɔgɔncɛ latangali lahidu ta n ye, a n'a worofila ni ɲɔgɔncɛ, n bɛ Alijana lahidu ta o tigi ye
i k'a dɔn duniya ye ɲɛ binkɛnɛ de ye min ka timi, wa Ala de y'aw bila a kɔnɔ, a b'aw lajɛ aw bɛna baara kɛ cogomin, aw ye siran duniya ɲɛ aw ye siran musow ɲɛ
limaniyajɔnw la limaniya dafalen ye u la jogoɲuma tigi de ye, wa aw la sɔn hɛɛrɛma o ye min bɛ hɛɛrɛ kɛ mùsow ye
Kira ɲininkara nɛɛma ni kisi b'a ye fɛn na min bɛ mɔgɔ don alijana la ka caya, a ko: << alaɲɛsiranyɛ ni jogoɲuma
i k'a dɔn mɔgɔtilennenw bɛ sìgilan kɔrɔtalen nɔɔrɔmanw de kan Ala yɔrɔ,hinɛmàsa kininfɛla la sebaaya bɛɛ tìgi
tɔɔrɔ tɛ silamɛya la wa mɔgɔ kana tɔɔrɔ kɛ, ni min ye tɔɔrɔko dɔ kɛ Ala b'o tɔrɔ, ni min ye gɛlɛyako dɔ kɛ Ala bɛ gɛlɛya k'o kan
fɛn naani bɛ yen mɔgɔ min mana k'o cɛla o ye nafigi piripiri ye, n'a dɔ taamasiyɛn yera min na naafigiya taamasiyɛn bɛ o la f'a k'a bila: n'a kumana a bɛ nkalon tigɛ, n'a ye lahidu ta a bɛ janfa kɛ, n'a ye lahidu tà a b'a bɔrɔtɔ, n'a ye kɛlɛ daminɛ a be dantɛmɛ kɛ
ni mɔgɔ min ye duniya gɛlɛya dɔ wili ka bɔ limaniyajɔn dɔ kan Ala bɛ lahara gɛlɛya dɔ wili ka bɔ o kan
mùso filiyatɔw ni misikinɛ dɛmɛbaa, o bɛ i n'a fɔ kɛlɛkɛla Ala ka sira kan, wali su jɔ baa seli la o min bɛ tile fana Sun
hinɛbagaw hinɛmàsa bɛ hinɛ olu la, aw ye hinɛ dugukolo kàn mɔgɔw la, min bɛ sankolo la o bɛ hinɛ aw la
silamɛ ka hakɛ ye duuru de ye a silamɛ ɲɔgɔn kan: foli laminɛli,ani ka ta bɔ bànabaatɔ ye, ani ka tugu janaja kɔ, ka weeleli jaabi ,ani ka tisobaatɔ laminɛ
Aw tɛna don alijana kɔnɔ f'aw ka limaniya, wa aw tɛna limaniya f'aw ka ɲɔgɔn kànu, yali n tɛ fɛn dɔ kofɔ aw ye wa n'aw y'o kɛ aw bɛ ɲɔgɔn kànu? Aw ye fòli càri aw ni ɲɔgɔn cɛ
jibirila ma fara a bɛ ka ne ladi sìgiɲɔgɔn ka ko la, fo ne y'a bìsìgi ko sigiɲɔgɔn niyɔrɔ bɛ na don cɛn na
