1. الرئيسية
  2. التصنيفات
  3. فضایل او آداب

حديث الله عزوجل فرمایلي: د آدم زوی ما ازاروي، په زمانې بد وایې، حال دا چې زه زمانه یم، چاره زما په لاس کې ده، شپه او ورځ اړوم راړوم

عَنْ أَبِي هُرَيْرَةَ رَضِيَ اللَّهُ عَنْهُ قَالَ: قَالَ رَسُولُ اللَّهِ صَلَّى اللهُ عَلَيْهِ وَسَلَّمَ:
«قَالَ اللَّهُ عَزَّ وَجَلَّ: يُؤْذِينِي ابْنُ آدَمَ يَسُبُّ الدَّهْرَ وَأَنَا الدَّهْرُ، بِيَدِي الأَمْرُ أُقَلِّبُ اللَّيْلَ وَالنَّهَارَ».

له ابوهریرة رضي الله عنه څخه روایت دی وایي چې: رسول الله صلی الله علیه وسلم فرمایلي:
"الله عزوجل فرمایلي: د آدم زوی ما ازاروي، په زمانې بد وایې، حال دا چې زه زمانه یم، چاره زما په لاس کې ده، شپه او ورځ اړوم راړوم".

صحيح دی متفق علیه دی صحيح البخاري - 4826

المعنى الإجمالي

نبي ﷺ خبر ورکړی چې الله تعالی په قدسي حدیث کې فرمایي: انسان ما ازاروي او زما په حق کې نېمګړتیا کوي، کله چې د مصیبتونو او ناخوالو پر مهال پر زمانه بد وایې؛ ځکه الله جل جلاله د هرې پېښې چارسمبالی او مدبر دی؛ نو پر زمانې بد ویل په الله جل جلاله بد ویل دي، او زمانه خو یو مسخر مخلوق دی، چې د الله تعالی په امر پکې پېښې واقع کېږي.

من فوائد الحديث

  1. دا حدیث هغه ډول حدیث دی چې رسول الله صلی الله علیه وسلم یې له خپل رب څخه روایتوي او قدسي یا الهي حدیث ورته ویل کېږي؛ دا هغه حدیث دی چې الفاظ او معنا دواړه یې د الله جل جلاله له خوا دي، خو د قرآن کریم ځانګړتیاوې نه لري چې له نورو کتابونو سره یې پرې توپیر کېږي، لکه دا چې (د قرآن کریم) په تلاوت سره عبادت کېږي، د را اخستلو لپاره یې طهارت کېږي او خلک پرې ننګول شوي دي.
  2. له الله سبحانه وتعالی سره په وینا او عقیده کې ادب مراعتول.
  3. اړینه ده چې انسان په تقدیر او قضا باور ولري، او د اذیتونو پر وړاندې صبر وکړي.
  4. اذیت له ضرر څخه جلا دی؛ انسان د ناوړه خبرو په اورېدو یا لیدو سره اذیت ویني، خو له دې سره ضرر نه ویني، همداراز، انسان د بد بوی لکه د پیاز او هوږې له بوی څخه اذیت ویني، خو له دې سره ضرر نه ویني.
  5. الله سبحانه وتعالى د خپلو بندګانو له ځینو بدو کړنو څخه خوښ نه وي او دا کارونه یې نه خوښېږي، خو سره له دې، هېڅ زیان ورته نه رسېږي؛ ځکه هغه ذات له هر ډول نقصان، اړتیا او کمښت څخه پاک دی، لکه څنګه چې الله تعالی په قدسي حدیث کې فرمایي: «اې زما بندګانو! تاسو نه زما ضرر ته رسېدای شئ چې ما ته زیان راورسوئ او نه زما نفعې ته رسېدای شئ چې ما ته ګټه راورسوئ».
  6. زمانې (دهر) ته سپکاوی او توصیف یې درې ډولونه لري: ۱ - په داسې ډول د زمانې سپکاوی چې د کړنې نسبت ورته وشي؛ یعنې دا باور ولري چې زمانه ده چې حالات ښه یا بد کوي! چې دا لوی شرک دی؛ ځکه دی باور لري چې له الله سره بل خالق شته، او پېښې یې غیر الله ته منسوب کړې دي، ۲- داسې چې زمانې ته سپکاوی وکړي، پدې عقیده نه چې زمانه د حوادثو تر سره کوونکې ده؛ بلکې باور یې دا وي چې الله تعالی یې کوونکی دی، خو زمانه ځکه ملامتوي چې دا ناخوښه پېښې پکې رامنځته شوي دي؛ دا ډول سپکاوی حرام دی، ۳-چې موخه یې یوازې پېښه وي، نه ملامتول؛ او دا جائز دی، لکه د لوط علیه السلام قول چې ویې ویل: {وَقَالَ هَذَا يَوْمٌ عَصِيبٌ} یعنې دا یوه سخته ورځ ده.

عرض الترجمات

41 اللغة
EN English الإنجليزية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
MG Malagasy المالاجاشية
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية