1. سه‌ره‌كی
  2. پولینكرن
  3. The Creed

فه‌رمووده‌ هه‌ر كه‌سێ ب دروستی و ژ دل شاهده‌ بده‌ت كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌؛ خودێ دێ وی ل سه‌ر ئاگری حه‌رام كه‌ت

عن أنس بن مالك رضي الله عنه:
أَنَّ النَّبِيَّ صَلَّى اللهُ عَلَيْهِ وَسَلَّمَ وَمُعَاذٌ رَدِيفُهُ عَلَى الرَّحْلِ قَالَ: «يَا مُعَاذُ بْنَ جَبَلٍ»، قَالَ: لَبَّيْكَ يَا رَسُولَ اللهِ وَسَعْدَيْكَ، قَالَ: «يَا مُعَاذُ»، قَالَ: لَبَّيْكَ يَا رَسُولَ اللهِ وَسَعْدَيْكَ، ثَلَاثًا، قَالَ: «مَا مِنْ أَحَدٍ يَشْهَدُ أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ صِدْقًا مِنْ قَلْبِهِ إِلَّا حَرَّمَهُ اللهُ عَلَى النَّارِ»، قَالَ: يَا رَسُولَ اللهِ، أَفَلَا أُخْبِرُ بِهِ النَّاسَ فَيَسْتَبْشِرُوا؟ قَالَ: «إِذًا يَتَّكِلُوا». وَأَخْبَرَ بِهَا مُعَاذٌ عِنْدَ مَوْتِهِ تَأَثُّمًا.

ئه‌نه‌سێ كوڕێ مالكی (خودێ ژێ ڕازی بیت) دبێژیت:
پێغه‌مبه‌ر (صه‌لات و سه‌لامێن خودێ ل سه‌ر بن) ل سه‌ر ده‌واری بوو و موعاز ل پشت وی یێ سویار بوو، ئینا گۆت: ((ئه‌ی موعازێ كوڕێ جه‌به‌لی))، گۆت: ئه‌ز یێ ل بن فه‌رمانا ته‌ ئه‌ی پێغه‌مبه‌رێ خودێ و به‌رده‌وام دێ د به‌رسڤا ته‌دا هێم و من داخوازا به‌خته‌وه‌رییێ یا كری ب به‌رسڤدانا ته‌، گۆت: ((ئه‌ی موعاز))، گۆت: ئه‌ز یێ ل بن فه‌رمانا ته‌ ئه‌ی پێغه‌مبه‌رێ خودێ و به‌رده‌وام دێ د به‌رسڤا ته‌دا هێم و من داخوازا به‌خته‌وه‌رییێ یا كری ب به‌رسڤدانا ته‌، سێ جاران ئه‌ڤه‌ گۆت، پاشی پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((هه‌ر كه‌سێ ب دروستی و ژ دل شاهده‌ بده‌ت كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌؛ خودێ دێ وی ل سه‌ر ئاگری حه‌رام كه‌ت))، گۆت: ئه‌ی پێغه‌مبه‌رێ خودێ؛ ئه‌رێ ما ئه‌ز ڤی ده‌نگوباسی نه‌گه‌هینمه‌ خه‌لكی و دا پێ كه‌یفخۆش بن و ببیته‌ مزگینییه‌ك بۆ وان؟ گۆت: ((ئه‌گه‌ر ته‌ گۆتێ؛ دێ خۆ هێلنه‌ ب هیڤییا هندێڤه‌)). ده‌مێ مرنا موعازی نێزیك بووی؛ ئه‌ڤ تشته‌ گۆت، بۆ هندێ دا گونه‌هكار نه‌بیت.

صحيح متفق عليه صحيح البخاري - 128

شرۆڤه‌كرن

موعازێ كوڕێ جه‌به‌لی (خودێ ژێ ڕازی بیت) ل پشت پێغه‌مبه‌ری (صه‌لات و سه‌لامێن خودێ ل سه‌ر بن) ل سه‌ر ده‌وارێ وی یێ سویار بوو، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گازی وی كر و گۆتێ: ئه‌ی موعاز؟ سێ جاران ئه‌ڤ گازییا خۆ دووباره‌ كر، ئه‌ڤه‌ ژی ژ به‌ر گرنگییا وی تشتێ دێ بێژیته‌ وی.
هه‌ر جاره‌كا گازی موعازی دكر؛ موعازی (خودێ ژێ ڕازی بیت) به‌رسڤا وی ددا و دگۆتێ: (لَبَّيْكَ يَا رَسُولَ اللهِ وَسَعْدَيْكَ)، ئانكو: ئه‌ز یێ ل بن فه‌رمانا ته‌ ئه‌ی پێغه‌مبه‌رێ خودێ و به‌رده‌وام دێ د به‌رسڤا ته‌دا هێم و من داخوازا به‌خته‌وه‌رییێ یا كری ب به‌رسڤدانا ته‌.
پاشی پێغه‌مبه‌ری (صه‌لات و سه‌لامێن خودێ ل سه‌ر بن) گۆته‌ وی كو هه‌ر كه‌سێ ژ دل و بێی دره‌و شاهده‌ بده‌ت كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌، پاشی ئه‌گه‌ر ل سه‌ره ڤێ ڕه‌وشێ مر؛ خودێ دێ وی ل سه‌ر ئاگری حه‌رام كه‌ت.
ئینا موعازی (خودێ ژێ ڕازی بیت) پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر كا ئه‌رێ ڤی ده‌نگوباسی نه‌گه‌هینیته‌ خه‌لكی و دا پێ كه‌یفخۆش بن و ببیته‌ مزگینییه‌ك بۆ وان؟
پێغه‌مبه‌ر (صه‌لات و سه‌لامێن خودێ ل سه‌ر بن) ترسا خه‌لك خۆ ب هێلنه‌ ب هیڤییا ڤێ په‌یڤێڤه‌ و كارێ وان یێ باش كێم بیت.
له‌وا موعازی ئه‌و تشت بۆ كه‌سێ نه‌گۆت، هه‌تا به‌ری مرن بسه‌ردا بهێت، وی ده‌می گۆت، ئه‌ڤه‌ ژی ژ ترسێن هندێدا نه‌كو بكه‌ڤیته‌ د ناڤ گونه‌ها ڤه‌شارتنا زانینێدا.

ژ مفایێن فه‌رمووده‌یێ

  1. خۆبكێمزانینا پێغه‌مبه‌ری (صه‌لات و سه‌لامێن خودێ ل سه‌ر بن)، ئه‌ڤه‌ ژی ده‌مێ موعاز ل پشت خۆ ل سه‌ر ده‌وارێ خۆ سویار كری.
  2. ڕێكا فێركرنا پێغه‌مبه‌ری (صه‌لات و سه‌لامێن خودێ ل سه‌ر بن)، چونكی وی گازیكرنا موعازی دووباره‌ كر، دا ئاگه‌هییا وی بۆ لایێ خۆ ڕاكێشیت ژ به‌ر وی تشتێ دێ بێژیت.
  3. ژ مه‌رجێن شاهده‌دانا: (أَنْ لَا إِلَهَ إِلَّا اللهُ وَأَنَّ مُحَمَّدًا رَسُولُ اللهِ) ئه‌ڤه‌یه‌ خودانێ ئه‌ڤێ شاهده‌دانێ یێ ڕاستگۆ بیت و یێ پشتڕاست بیت، نه‌ كو دره‌وان بكه‌ت یان گومان ل دۆر هه‌بن.
  4. كه‌سێن ئێكتاپه‌رست هه‌تا هه‌تایێ نامیننه‌ د ناڤ ئاگرێ جه‌هنه‌مێدا، و ئه‌گه‌ر ژ به‌ر گونه‌هێن خۆ بۆ چه‌نده‌كێ بچنه‌ تێدا؛ پشتی ژ گونه‌هێن خۆ دهێنه‌ پاقژكرن دێ ژێ هێنه‌ ده‌رئێخستن.
  5. قه‌در و بهایێ هه‌ردوو شاهده‌دانان بۆ وی كه‌سێ ژ دل و ڕاستگۆیانه‌ وان دبێژیت.
  6. دروسته‌ مرۆڤ د هنده‌ك ڕه‌وش و كاوداناندا فه‌رمووده‌یێ ڤه‌نه‌گێڕیت ئه‌گه‌ر زانی دێ خرابییه‌ك ل سه‌ر ڤێ ڤه‌گێڕانێ په‌یدا بیت.

نیشاندانا وه‌رگێڕانان

63 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية