1. سه‌ره‌كی
  2. پولینكرن
  3. Virtues and Manners

فه‌رمووده‌ ب ڕاستی من هوین نه‌دانه‌ سویندێ ژ به‌ر كو ئه‌ز گومانێ ژ هه‌وه‌ ببه‌م و من باوه‌ری ب هه‌وه‌ نه‌بیت، به‌لێ جبریل هاته‌ ده‌ڤ من و گۆته‌ من كو خودایێ مه‌زن شانازییێ ب هه‌وه دبه‌ت‌ ل ده‌ڤ مه‌لائیكه‌تان

عَنْ أَبِي سَعِيدٍ الْخُدْرِيِّ قَالَ: خَرَجَ مُعَاوِيَةُ عَلَى حَلْقَةٍ فِي الْمَسْجِدِ، فَقَالَ: مَا أَجْلَسَكُمْ؟ قَالُوا: جَلَسْنَا نَذْكُرُ اللهَ، قَالَ آللَّهِ مَا أَجْلَسَكُمْ إِلَّا ذَاكَ؟ قَالُوا: وَاللهِ مَا أَجْلَسَنَا إِلَّا ذَاكَ، قَالَ: أَمَا إِنِّي لَمْ أَسْتَحْلِفْكُمْ تُهْمَةً لَكُمْ، وَمَا كَانَ أَحَدٌ بِمَنْزِلَتِي مِنْ رَسُولِ اللهِ صَلَّى اللهُ عَلَيْهِ وَسَلَّمَ أَقَلَّ عَنْهُ حَدِيثًا مِنِّي:
وَإِنَّ رَسُولَ اللهِ صَلَّى اللهُ عَلَيْهِ وَسَلَّمَ خَرَجَ عَلَى حَلْقَةٍ مِنْ أَصْحَابِهِ، فَقَالَ: «مَا أَجْلَسَكُمْ؟» قَالُوا: جَلَسْنَا نَذْكُرُ اللهَ وَنَحْمَدُهُ عَلَى مَا هَدَانَا لِلْإِسْلَامِ، وَمَنَّ بِهِ عَلَيْنَا، قَالَ: «آللَّهِ مَا أَجْلَسَكُمْ إِلَّا ذَاكَ؟» قَالُوا: وَاللهِ مَا أَجْلَسَنَا إِلَّا ذَاكَ، قَالَ: «أَمَا إِنِّي لَمْ أَسْتَحْلِفْكُمْ تُهْمَةً لَكُمْ، وَلَكِنَّهُ أَتَانِي جِبْرِيلُ فَأَخْبَرَنِي أَنَّ اللهَ عَزَّ وَجَلَّ يُبَاهِي بِكُمُ الْمَلَائِكَةَ».

ئه‌بو سه‌عیدێ خودری دبێژیت: موعاویه‌ چوو ده‌ڤ كۆمه‌كا صه‌حابییان د مزگه‌فتێڤه‌، ئینا گۆتێ: چ تشت بوویه‌ ئه‌گه‌ر هوین ل ڤێرێ ڕویننه‌ خوار؟ گۆتن: ئه‌م ب تنێ یێن ڕوینشتین دا زكرێ خودێ بكه‌ین، گۆت: كا سویند بخۆن كو هوین ژ به‌ر هندێ یێن ڕوینشتینه‌ خوار؟ گۆتن: سویند ب خودێ ئه‌م ب تنێ ژ به‌ر هندێ یێن ڕوینشتین، گۆت: ب ڕاستی من هوین نه‌دانه‌ سویندێ ژ به‌ر كو ئه‌ز گومانێ ژ هه‌وه‌ ببه‌م و من باوه‌ری ب هه‌وه‌ نه‌بیت، و چ كه‌سان د پله‌ و جهێ مندا ل ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) وه‌كی من كێم فه‌رمووده‌ ڤه‌نه‌گوهاستینه‌:
و ب ڕاستی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) چوو ده‌ڤ كۆمه‌كا صه‌حابییان كو دیوانه‌ك دروستكربوو و گۆت: «چ تشت بوویه‌ ئه‌گه‌ر هوین ل ڤێرێ ڕویننه‌ خوار؟ گۆتن: ئه‌م یێن ڕوینشتین دا زكرێ خودێ بكه‌ین و سوپاسییا وی بكه‌ین كو به‌رێ مه‌ دایه‌ ئیسلامێ و ئه‌م ڕاسته‌ڕێ كرین و ئه‌و قه‌نجی یا د گه‌ل مه‌ كری، گۆت: كا سویند بخۆن كو هوین ب تنێ ژ به‌ر هندێ یێن ڕوینشتینه‌ خوار؟ گۆتن: سویند ب خودێ ئه‌م ب تنێ ژ به‌ر هندێ یێن ڕوینشتین، گۆت: ب ڕاستی من هوین نه‌دانه‌ سویندێ ژ به‌ر كو ئه‌ز گومانێ ژ هه‌وه‌ ببه‌م و من باوه‌ری ب هه‌وه‌ نه‌بیت، به‌لێ جبریل هاته‌ ده‌ڤ من و گۆته‌ من كو خودایێ مه‌زن شانازییێ ب هه‌وه دبه‌ت‌ ل ده‌ڤ مه‌لائیكه‌تان».

صحيح رواه مسلم صحيح مسلم - 2701

شرۆڤه‌كرن

موعاویه‌یێ كوڕێ ئه‌بی سوفیانی (خودێ ژ هه‌ردووكان ڕازی بیت) چوو ده‌ڤ كۆمه‌كا خه‌لكی د مزگه‌فتێڤه‌ كو دیوانه‌ك بۆ خۆ چێكربوو، ڤێجا پرسیار ژ وان كر كا ئه‌و ژ به‌ر چ تشت كۆم بووینه‌. وان گۆت: ئه‌م یێ زكرێ خودێ دكه‌ین. ئینا موعاویه‌ی (خودێ ژێ ڕازی بیت) ئه‌و ب خودێ دانه‌ سویندێ كا ئه‌رێ مه‌ره‌ما وان ژ ڤێ روینشتنێ ب تنێ زكرێ خودێ بوویه‌. وان ژی سویند بۆ وی خوار. پاشی گۆته‌ وان: من هوین نه‌دانه‌ سویندێ ژ به‌ر هه‌بوونا گومانێ د ڕاستگۆییا هه‌وه‌دا، پاشی به‌حسێ پله‌ و جهێ خۆ ل ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) كر و كو كه‌س وه‌كی وی یێ نێزیكی پێغه‌مبه‌ری (صه‌لات و سه‌لامێن خودێ ل سه‌ر بن) نه‌بوو؛ چونكی ئوم حه‌بیبه‌ یا خویشكا وی هه‌ڤژینا پێغه‌مبه‌ری (صه‌لات و سه‌لامێن خودێ ل سه‌ر بن) بوو، و ئه‌و ئێك ژ نڤیسه‌رێن وه‌حییێ بوو، د گه‌ل هندێ ژی ئه‌وی كێم فه‌رمووده‌ ڤه‌گوهاستینه‌. پاشی بۆ وان به‌حسێ هندێ كر‌ كو ڕۆژه‌كێ پێغه‌مبه‌ر (صه‌لات و سه‌لامێن خودێ ل سه‌ر بن) ژ مالا خۆ ده‌ركه‌ڤت و دیت صه‌حابییێن وی د مزگه‌فتێڤه‌ د ڕوینشتینه‌ و یێ زكرێ خودێ و سوپاسییا وی دكه‌ن ل سه‌ر ڕاسته‌ڕێكرنا وان بۆ ئیسلامێ و ئەو قەنجی یا دگەل وان کری، ئینا پێغه‌مبه‌ری (صه‌لات و سه‌لامێن خودێ ل سه‌ر بن) پرسیار ژ وان كر و ئه‌و دانه‌ سویندێ هه‌روه‌كی موعاویه‌ی (خودێ ژێ ڕازی بیت) ئه‌ڤه‌ د گه‌ل هه‌ڤالێن خۆ كری. پاشی پێغه‌مبه‌ری (صه‌لات و سه‌لامێن خودێ ل سه‌ر بن) ئه‌گه‌رێ پرسیار و دانه‌سویندا خۆ بۆ وان دیار كر: كو جبریل (سلاڤ لێ بن) هاته‌ ده‌ڤ وی و ئه‌و ئاگه‌هدار كرن كو خودایێ مه‌زن ل ده‌ڤ مه‌لائیكه‌تان په‌سنێن هه‌وه‌ دكه‌ت و شانازییێ ب هه‌وه‌ دکە‌ت و قەدر و بهایێ هەوە بۆ وان دیار دکەت و كریارێن هه‌وه‌ یێن باش نیشانی وان دده‌ت.

ژ مفایێن فه‌رمووده‌یێ

  1. قه‌در و بها و مه‌زناهییا موعاویه‌ی (خودێ ژێ ڕازی بیت) و ڕژدبوونا وی ل سه‌ر چاڤلێكرنا پێغه‌مبه‌ری (صه‌لات و سه‌لامێن خودێ ل سه‌ر بن) د گه‌هاندنا زانستیدا.
  2. دروستییا دانه‌سویندێ بێی كو گومان ل كه‌سێ هه‌بیت، ئه‌ڤه‌ ژی بۆ هندێ دا مرۆڤ گرنگییا وی ده‌نگوباسی دیار بكه‌ت.
  3. قه‌در و بهایێ ڕوینشتنێن زكری و زانینێ و كو خودێ حه‌ز ژێ دكه‌ت و ل ده‌ڤ مه‌لائیكه‌تان شانازییێ ب وان دكه‌ت.

نیشاندانا وه‌رگێڕانان

57 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية