1. سه‌ره‌كی
  2. پولینكرن
  3. The Creed

فه‌رمووده‌ ئه‌و سه‌رفه‌راز بوو ئه‌گه‌ر ڕاست بێژیت

عَنْ طَلْحَةَ بْنِ عُبَيْدِ اللهِ رضي الله عنه قَالَ:
جَاءَ رَجُلٌ إِلَى رَسُولِ اللهِ صَلَّى اللهُ عَلَيْهِ وَسَلَّمَ مِنْ أَهْلِ نَجْدٍ ثَائِرُ الرَّأْسِ، نَسْمَعُ دَوِيَّ صَوْتِهِ، وَلَا نَفْقَهُ مَا يَقُولُ حَتَّى دَنَا مِنْ رَسُولِ اللهِ صَلَّى اللهُ عَلَيْهِ وَسَلَّمَ، فَإِذَا هُوَ يَسْأَلُ عَنِ الْإِسْلَامِ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «خَمْسُ صَلَوَاتٍ فِي الْيَوْمِ وَاللَّيْلَةِ» فَقَالَ: هَلْ عَلَيَّ غَيْرُهُنَّ؟ قَالَ: «لَا، إِلَّا أَنْ تَطَّوَّعَ، وَصِيَامُ شَهْرِ رَمَضَانَ»، فَقَالَ: هَلْ عَلَيَّ غَيْرُهُ؟ فَقَالَ: «لَا، إِلَّا أَنْ تَطَّوَّعَ»، وَذَكَرَ لَهُ رَسُولُ اللهِ صَلَّى اللهُ عَلَيْهِ وَسَلَّمَ الزَّكَاةَ، فَقَالَ: هَلْ عَلَيَّ غَيْرُهَا؟ قَالَ: «لَا، إِلَّا أَنْ تَطَّوَّعَ»، قَالَ: فَأَدْبَرَ الرَّجُلُ، وَهُوَ يَقُولُ: وَاللهِ، لَا أَزِيدُ عَلَى هَذَا، وَلَا أَنْقُصُ مِنْهُ، فَقَالَ رَسُولُ اللهِ صَلَّى اللهُ عَلَيْهِ وَسَلَّمَ: «أَفْلَحَ إِنْ صَدَقَ».

طه‌لحه‌یێ كوڕێ عوبه‌یدوللاهی (خودێ ژێ ڕازی بیت) دبێژیت:
زه‌لامه‌ك ژ خه‌لكێ نه‌جدێ هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) كو پرچا وی یا بژاله‌ بوو، مه‌ گوھ ل ده‌نگێ وی دبوو، به‌لێ مه‌ نه‌دزانی و ئه‌م تێنه‌‌دگه‌هشتین ئه‌و چ دبێژیت، هه‌تا نێزیكی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بووی، مه‌ دیت ‌ئه‌و یێ پرسیارا ئیسلامێ ژ وی دكه‌ت، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: «پێنج نڤێژ د شه‌ڤه‌ك و ڕۆژه‌كێدا»، گۆت: ئه‌رێ ژ بلی ڤان نڤێژان؛ چ نڤێژێن دی ل سه‌ر من هه‌یه‌؟ گۆت: «نه‌خێر، ئه‌و نه‌بیت ئه‌گه‌ر تو ب خۆ ب حه‌زا خۆ نڤێژێن سوننه‌ت بكه‌ی، هه‌روه‌سا ڕۆژییێن هه‌یڤا ڕه‌مه‌زانێ ژی ل سه‌ر ته‌ هه‌نه‌»، گۆت: ئه‌رێ ژ بلی وان؛ چ ڕۆژییێن دی ل سه‌ر من هه‌نه‌؟ گۆت: «نه‌خێر، ئه‌و نه‌بیت ئه‌گه‌ر تو ب خۆ ب حه‌زا خۆ ڕۆژییێن سوننه‌ت بگری»، و پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌حسێ زه‌كاتێ ژی بۆ كر، گۆت: ئه‌رێ ژ بلی وێ چ دی ل سه‌ر من هه‌یه‌؟ گۆت: «نه‌خێر، ئه‌و نه‌بیت ئه‌گه‌ر تو ب خۆ ب حه‌زا خۆ خێر و صه‌ده‌قه‌یێن سوننه‌ت بكه‌ی»، ئینا ئه‌و زه‌لام زڤڕی و چوو و هه‌ر دگۆت: سویند ب خودێ؛ نه‌ ئه‌ز تشته‌كی ل سه‌ر‌ زێده‌ دكه‌م و نه تشته‌كی‌ ژێ كێم دكه‌م، پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: «ئه‌و سه‌رفه‌راز بوو ئه‌گه‌ر ڕاست بێژیت».

صحيح متفق عليه صحيح مسلم - 11

شرۆڤه‌كرن

زه‌لامه‌ك ژ خه‌لكێ نه‌جدێ هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن)، پرچا وی نه‌ یا ڕێكخستی بوو و ده‌نگێ وی یێ بلند بوو، به‌لێ كه‌س ژ مه‌ تێنه‌دگه‌هشت كا ‌چ دبێژیت، هه‌تا نێزیكی پێغه‌مبه‌ری (صه‌لات و سه‌لامێن خودێ ل سه‌ر بن) بووی و ده‌رباره‌ی فه‌ڕزێن ئیسلامێ پرسیار كرن.
ڤێجا پێغه‌مبه‌ری (صه‌لات و سه‌لامێن خودێ ل سه‌ر بن) ب نڤێژێ ده‌ستپێكر و ئه‌و ئاگه‌هدار كر كو خودێ پێنج نڤێژ د شه‌ڤه‌ك و ڕۆژه‌كێدا ل سه‌ر وی فه‌ڕز كرینه‌.
وی گۆت: ئه‌رێ ژ بلی ڤان پێنجان؛ چ نڤێژێن دی ل سه‌ر من فه‌ڕزن؟
گۆت: نه‌خێر، ب تنێ ئه‌و نه‌بن یێن تو ب حه‌زا خۆ وه‌كی سوننه‌ت ئه‌نجام دده‌ی.
پاشی پێغه‌مبه‌ری (صه‌لات و سه‌لامێن خودێ ل سه‌ر بن) گۆت: و ژ تشتێن خودێ ل سه‌ر ته‌ فه‌ڕز كرین؛ گرتنا ڕۆژییێن هه‌یڤا ڕه‌مه‌زانێیه‌.
وی زه‌لامی گۆت: ئه‌رێ ژ بلی ڕۆژیێن ڕه‌مه‌زانێ؛ چ ڕۆژیێن دی ل سه‌ر من فه‌ڕزن؟
گۆت: نه‌خێر، ب تنێ ئه‌گه‌ر تو ب حه‌زا خۆ هنده‌كێن سوننه‌ت بگری.
پاشی پێغه‌مبه‌ری (صه‌لات و سه‌لامێن خودێ ل سه‌ر بن) به‌حسێ زه‌كاتێ بۆ كر.
زه‌لامی گۆت: ئه‌رێ ژ بلی زه‌كاتا فه‌ڕز؛ چ خێر و صه‌ده‌قه‌یێن دی ل سه‌ر من هه‌نه‌؟
گۆت: نه‌خێر، ب تنێ ئه‌گه‌ر تو ب حه‌زا خۆ بده‌ی.
پشتی زه‌لامی ئه‌ڤ فه‌ڕزه‌ ژ پێغه‌مبه‌ری (صه‌لات و سه‌لامێن خودێ ل سه‌ر بن) گوهلێ بووین، پشتا خۆ دا پێغه‌مبه‌ری (صه‌لات و سه‌لامێن خودێ ل سه‌ر بن) و چوو و سویند خوار كو دێ پێگیری ڤان فه‌ڕزان بیت بێی زێده‌گاڤی و كێمكرن، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ئه‌گه‌ر ئه‌و زه‌لام یێ ڕاستگۆ بیت ل سه‌ر وی تشتێ وی سویند ل سه‌ر خواری؛ دێ ژ كه‌سێن سه‌ركه‌ڤتی و سه‌رفه‌راز بیت.

ژ مفایێن فه‌رمووده‌یێ

  1. سادەیی و سا‌ناهیبوونا شه‌ریعه‌تێ ئیسلامێ بۆ موسلمانان.
  2. جوانییا سه‌ره‌ده‌رییا پێغه‌مبه‌ری (صه‌لات و سه‌لامێن خودێ ل سه‌ر بن) د گه‌ل ڤی زه‌لامی، كو ڕێك دایێ نێزیكی وی ببیت و پرسیارێ ژێ بكه‌ت.
  3. ده‌ستپێكرن د گازییا بۆ ڕێكا ده‌ڤ خودێ ب تشتێن گرنگتر.
  4. ئیسلام بیروباوه‌ر و كریاره‌، كریار بێی باوه‌ری مفای ناگه‌هینیت، باوه‌ری ژی بێی كریار ته‌مام نابیت.
  5. گرنگییا ڤان كریاران و كو ئه‌و ژ ستوینێن ئیسلامێنه‌.
  6. نڤێژا ئه‌ینییێ یا د ناڤ پێنج نڤێژێن فه‌ڕزدا؛ چونكی ئه‌و جهێ نڤێژا نیڤرۆ یا ڕۆژا ئەینییێ دگریت سەبارەت وی كه‌سێ ل سه‌ر فه‌ڕز بیت.
  7. پێغه‌مبه‌ری (صه‌لات و سه‌لامێن خودێ ل سه‌ر بن) ب فێركرنا ستوينێن ئیسلامێ یێن پشتی هەردوو شاهدەیییان دەستپێکر؛ چونکی ئەو موسلمان بوو و به‌حسێ حه‌جێ نه‌كر، چونكی هێشتا ئه‌و فه‌ڕز نه‌بووبوو، یان ژی ژ به‌ر كو وه‌ختێ وێ نه‌بوو.
  8. ئه‌گه‌ر مرۆڤ ب تنێ پێگیرییێ ب فه‌ڕزان بكه‌ت؛ دێ سه‌ركه‌ڤیت و ئه‌و كه‌سه‌كێ سه‌رفه‌رازه‌، به‌لێ پا‌ مه‌ره‌م ب ڤێ چه‌ندێ ئه‌و نینه‌ ئه‌و سوننه‌تان نه‌كه‌ت، چونكی سوننه‌ت كێماسییێن فه‌ڕزان ل ڕۆژا قیامه‌تێ ته‌مام دكه‌ن.

نیشاندانا وه‌رگێڕانان

57 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
پولینكرن