1. سه‌ره‌كی
  2. پولینكرن
  3. The Creed

فه‌رمووده‌ بزانه‌ تو دێ چییه‌ د ناڤ هنده‌ك كه‌سێن خودانێن په‌ڕتووكێدا، ڤێجا ئه‌گه‌ر تو چوویه‌ د ناڤ واندا؛ ده‌ستپێكێ تو گازی وان بكه‌ ئه‌و شاهده‌ بده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌

عَنِ ابْنِ عَبَّاسٍ رَضِيَ اللَّهُ عَنْهُمَا قَالَ:
قَالَ رَسُولُ اللهِ صَلَّى اللهُ عَلَيْهِ وَسَلَّمَ لِمُعَاذِ بْنِ جَبَلٍ، حِينَ بَعَثَهُ إِلَى الْيَمَنِ: «إِنَّكَ سَتَأْتِي قَوْمًا أَهْلَ كِتَابٍ، فَإِذَا جِئْتَهُمْ فَادْعُهُمْ إِلَى أَنْ يَشْهَدُوا أَنْ لَا إِلَهَ إِلَّا اللهُ، وَأَنَّ مُحَمَّدًا رَسُولُ اللهِ، فَإِنْ هُمْ أَطَاعُوا لَكَ بِذَلِكَ، فَأَخْبِرْهُمْ أَنَّ اللهَ قَدْ فَرَضَ عَلَيْهِمْ خَمْسَ صَلَوَاتٍ فِي كُلِّ يَوْمٍ وَلَيْلَةٍ، فَإِنْ هُمْ أَطَاعُوا لَكَ بِذَلِكَ، فَأَخْبِرْهُمْ أَنَّ اللهَ قَدْ فَرَضَ عَلَيْهِمْ صَدَقَةً تُؤْخَذُ مِنْ أَغْنِيَائِهِمْ فَتُرَدُّ عَلَى فُقَرَائِهِمْ، فَإِنْ هُمْ أَطَاعُوا لَكَ بِذَلِكَ، فَإِيَّاكَ وَكَرَائِمَ أَمْوَالِهِمْ، وَاتَّقِ دَعْوَةَ الْمَظْلُومِ، فَإِنَّهُ لَيْسَ بَيْنَهُ وَبَيْنَ اللهِ حِجَابٌ».

ژ ئبن عەباسی (خودێ ژ هەردووكان ڕازی بیت) گۆت:
ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) موعازێ كوڕێ جه‌به‌لی هنارتییه‌ یه‌مه‌نێ، گۆته‌ وی: ((بزانه‌ تو دێ چییه‌ د ناڤ هنده‌ك كه‌سێن خودانێن په‌ڕتووكێدا، ڤێجا ئه‌گه‌ر تو چوویه‌ د ناڤ واندا؛ ده‌ستپێكێ تو گازی وان بكه‌ ئه‌و شاهده‌ بده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌، ئه‌گه‌ر وان بۆ ڤێ چه‌ندێ گوهدارییا ته‌ كر، هنگی تو بێژه‌ وان كو خودێ د هه‌ر شه‌ڤه‌ك و ڕۆژه‌كێدا پێنج نڤێژ یێن ل سه‌ر وان فه‌ڕزكرین و ئه‌گه‌ر بۆ ڤێ چه‌ندێ گوهدارییا ته‌ كر، هنگی تو بێژه‌ وان كو خودێ صه‌ده‌قه‌یه‌ك (زه‌كات) یا ل سه‌ر وان فه‌ڕزكری، ژ زه‌نگینێن وان دهێته‌ وه‌رگرتن و ل سه‌ر هه‌ژارێن وان دهێته‌ دابه‌شكرن، ئه‌گه‌ر وان بۆ ڤێ چه‌ندێ گوهدارییا ته‌ كر، هنگی هشیاربه‌ نه‌چی مالێ وان یێ ژ هه‌مییان باشتر ژ وان وه‌ربگری و خۆ ژ دوعایێن مرۆڤێ سته‌ملێكری بپارێزه‌، چونكی ب ڕاستی چ په‌رده‌ و ناڤبڕ د ناڤبه‌را دوعایا وی و خودێدا نینن)).

صحيح متفق عليه صحيح البخاري - 1496

شرۆڤه‌كرن

ده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) موعازێ كوڕێ جه‌به‌لی (خودێ ژێ ڕازی بیت) وه‌ك گازیكاره‌ك بۆ ڕێكا خودێ و مامۆستایه‌ك هنارتییه‌ وه‌لاتێ یه‌مه‌نێ؛ بۆ دیار كر كو ئه‌و دێ ڕویبڕوی هنده‌ك مرۆڤێن فه‌ڵه‌ بیت، ئه‌ڤه‌ ژی دا یێ ئاماده‌بیت بۆ ڕویبڕویبوونا وان، پاشی دا گازییا خۆ د گه‌ل وان ژ تشتێ گرنگتر بۆ یێ گرنگ ده‌ست پێ بكه‌ت، ڤێجا ل ده‌ستپێكێ و به‌ری هه‌ر تشته‌كی دێ وان بۆ پاقژكرن و چاككرنا عه‌قیده‌ و بیروباوه‌ران گازی كه‌ت، ئه‌ڤه‌ ژی ب وێ چه‌ندێ كو شاهده‌ بده‌ن كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و کو موحەممەد پێغەمبەرێ خودێیە. چونكی ئه‌و ب ڕێكا ڤێ شاهده‌دانێ دێ هێنه‌ د ناڤ ئیسلامێدا، ئه‌گه‌ر گوهداری بۆ ڤێ چه‌ندێ كر؛ دێ فه‌رمانێ ب كرنا نڤێژێ ل وان كه‌ت، چونكی نڤێژ مه‌زنترین واجب و كارێ فه‌ره‌ ل سه‌ر مرۆڤی پشتی ته‌وحید و ئێكتاپه‌رستییێ، ئه‌گه‌ر وان ئه‌ڤ نڤێژه‌ ژی ب دروستی كر؛ دێ فه‌رمانێ ل زه‌نگینێن وان كه‌ت ئه‌و زه‌كاتا مالێ خۆ بده‌نه‌ هه‌ژارێن خۆ، پاشی پێغه‌مبه‌ری (صه‌لات و سه‌لامێن خودێ ل سه‌ر بن) موعاز ژ وێ چه‌ندێ هشیاركر كو ئه‌و بچیت مالێ وان یێ ژ هه‌مییان باشتر ژ وان وه‌ربگریت بۆ زه‌كاتێ، چونكی یا واجب و پێدڤی مال و سامانێ ناڤنجییه‌، پاشی شیره‌ت ل وی كر خۆ ژ زۆڕدارییێ بپارێزیت، دا كه‌سێ زۆڕیلێكری چ دوعایان ل وی نه‌كه‌ت، چونكی ب ڕاستی دوعایا وی كه‌سی یا وه‌رگرتی و قه‌بویلكرییه‌.

ژ مفایێن فه‌رمووده‌یێ

  1. ڕامانا شاهده‌دانا (لا إله إلا الله) ئه‌ڤه‌یه‌ مرۆڤ عیباده‌تێ خودێ ب تنێ بكه‌ت و عیباده‌تێ هه‌ر تشته‌كێ دی ژ بلی وی بهێلیت.
  2. ڕامانا شاهده‌دانا (محمد رسول الله) ئه‌ڤه‌یه‌ مرۆڤ باوه‌رییێ ب وی و ئه‌و تشتێ ئه‌و پێ هاتی بینیت و وی د وی تشتیدا ڕاست ده‌ربێخیت یێ ده‌نگوباسی پێ دده‌ت و دبێژیت و كو ئه‌و دویماهیك پێغه‌مبه‌رێ خودێیه‌ بۆ مرۆڤایه‌تییێ هاتییه‌ هنارتن.
  3. ئاخڤتنا د گه‌ل كه‌سێ زانا و ئه‌و كه‌سێ گومان ل ده‌ڤ هه‌ین؛ وه‌كی ئاخڤتنا د گه‌ل كه‌سێ نه‌زان نینه‌، ژ به‌ر ڤێ چه‌ندێ ژی پێغه‌مبه‌ری (صه‌لات و سه‌لامێن خودێ ل سه‌ر بن) موعاز ژ ڤێ ئێكێ هشیاركر ده‌مێ گۆتییێ: ((تو دێ چییه‌ د ناڤ هنده‌ك كه‌سێن خودانێن په‌ڕتووكێدا)).
  4. یا فه‌ر و گرنگه‌ مرۆڤێ موسلمان زانین ل سه‌ر دینێ خۆ هه‌بیت و دیندارییا خۆ ل سه‌ر چاڤڕۆهنییێ بڕێڤه‌ ببه‌ت، دا ژ گومانێن گوماندروستكه‌ران ڕزگار بیت، ئه‌ڤه‌ ژی دێ ب داخوازكرنا زانینێ بده‌ستڤه‌ هێت.
  5. به‌تالبوونا دینێ جوهی و فه‌ڵه‌یان پشتی هنارتنا پێغه‌مبه‌ری (صه‌لات و سه‌لامێن خودێ ل سه‌ر بن) و كو ل ڕۆژا قیامه‌تێ ئه‌و ژ وان كه‌سان نابن یێن ژ ئاگرێ جه‌هنه‌مێ ڕزگار دبن هه‌تا باوه‌رییێ ب دینێ ئیسلامێ نه‌ئینن و باوه‌رییێ ب پێغه‌مبه‌ری ژی (صه‌لات و سه‌لامێن خودێ ل سه‌ر بن) نه‌ئینن.

نیشاندانا وه‌رگێڕانان

69 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
EL Ελληνικά اليونانية
AK Akan الأكانية
UZ O‘zbek الأوزبكية
UK Українська الأوكرانية
KA ქართული الجورجية
LN Lingala اللينجالا
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو
پولینكرن