عَنْ شَدَّادِ بْنِ أَوْسٍ رَضِيَ اللَّهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ:
«سَيِّدُ الِاسْتِغْفَارِ أَنْ تَقُولَ: اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي فَاغْفِرْ لِي، فَإِنَّهُ لاَ يَغْفِرُ الذُّنُوبَ إِلَّا أَنْتَ» قَالَ: «وَمَنْ قَالَهَا مِنَ النَّهَارِ مُوقِنًا بِهَا، فَمَاتَ مِنْ يَوْمِهِ قَبْلَ أَنْ يُمْسِيَ، فَهُوَ مِنْ أَهْلِ الجَنَّةِ، وَمَنْ قَالَهَا مِنَ اللَّيْلِ وَهُوَ مُوقِنٌ بِهَا، فَمَاتَ قَبْلَ أَنْ يُصْبِحَ، فَهُوَ مِنْ أَهْلِ الجَنَّةِ».

شه‌ددادێ كوڕێ ئه‌وسی (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((سه‌روه‌را ئیستیغفاران ئه‌ڤه‌یه‌‌ تو بێژی: "اللَّهُمَّ أَنْتَ رَبِّي لاَ إِلَهَ إِلَّا أَنْتَ، خَلَقْتَنِي وَأَنَا عَبْدُكَ، وَأَنَا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ لَكَ بِذَنْبِي فَاغْفِرْ لِي، فَإِنَّهُ لاَ يَغْفِرُ الذُّنُوبَ إِلَّا أَنْتَ"، ئانكو: ((خودایێ من؛ تو خودایێ منی، ژ ته‌ پێڤه‌تر چ خودایێن ژ هه‌ژی په‌رستنێ نینن، ته‌ ئه‌ز یێ ئافراندیم و ئه‌ز عه‌بدێ ته‌مه‌ و هندی ئه‌ز بشێم ژی ئه‌ز یێ ل سه‌ر سۆز و په‌یمانا ته‌، ئه‌ز خۆ ب ته‌ دپارێزم ژ خرابییا وان كارێن من ئه‌نجام داین، ئه‌ز دانپێدانێ ب نیعمه‌تێن ته‌ ل سه‌ر خۆ دكه‌م و ئه‌ز دانپێدانێ ب گونه‌هێن خۆ دكه‌م، ڤێجا تو گونه‌هێن من ژێببه‌، چونكی ب ڕاستی ژ بلی ته‌ كه‌س گونه‌هان ژێنابه‌ت)). گۆت: ((و هه‌ر كه‌سێ ل ڕۆژێ ب باوه‌ری ڤێ بێژیت و ل وێ ڕۆژێ به‌ری ئێڤاری بمریت؛ دێ ژ ئه‌هلێ به‌حه‌شتێ بیت، و هه‌ر كه‌سێ ب شه‌ڤ ب باوه‌ری ڤێ بێژیت و به‌ری سپێدێ بمریت؛ دێ ژ ئه‌هلێ به‌حه‌شتێ بیت)).

صحيح رواه البخاري صحيح البخاري - 6306

شرۆڤه‌كرن

پێغه‌مبه‌ر (صه‌لات و سه‌لامێن خودێ ل سه‌ر بن) مه‌ ئاگه‌هدار دكه‌ت كو بۆ داخوازا ژێبرنا گونه‌هان ژ خودێ (ئیستیغفاران) گه‌له‌ك په‌یڤ و شێواز هه‌نه‌، به‌لێ باشترین و مه‌زنترینا وان ئه‌ڤه‌یه‌‌ مرۆڤ بێژیت: "اللهم أنت ربي لا إله إلا أنت خلقتني وأنا عبدك وأنا على عَهْدِكَ وَوَعْدِكَ ما اسْتَطَعْتُ أعوذ بك من شر ما صنعتُ أَبُوءُ لك بنعمتك عليَّ وأَبُوءُ لك بذنبي فَاغْفرْ لي فإنه لا يغفر الذنوب إلا أنت" ل ڤێره‌ عه‌بد ده‌ستپێكێ دانپێدانێ ب ته‌وحیدێ دكه‌ت و ب هندێ كو خودێ دروستكه‌رێ وییه‌ و هه‌ر وی ب تنێ د په‌رێسیت و چ شریك بۆ نینن، و ئه‌و یێ ل سه‌ر وێ په‌یمانێ ‌یا وی دایه‌ خودێ ژ باوه‌ریئینانا ب وی و گوهداریكرن و عیباده‌تێ وی هندی ئه‌و دشێت، چونكی عه‌بد هندی عیباده‌تان بكه‌ت نه‌شێت هه‌می فه‌رمانێن خودێ ل وی کرین ب ته‌مامی بجھ بینیت یان وه‌كی پێدڤی سوپاسییا نیعمه‌تان بكه‌ت، كا چاوا ئه‌و هه‌وارێن خۆ بۆ خودێ دبه‌ت و پشتا خۆ ب وی گه‌رم دكه‌ت و خۆ دهێلیته‌ ب هیڤییا ویڤه‌، چونكی هه‌ر ئه‌وه‌ یێ مرۆڤ خۆ پێ دپارێزیت ژ خرابییا وی كارێ مرۆڤی كری. هه‌روه‌سا ب حه‌زا خۆ دانپێدانێ ب نیعمه‌تێن خودێ و گونه‌هێن خۆ ژی دكه‌ت، پشتی ڤێ هه‌واربرن و داخوازكرنا ژ خودێ؛ داخوازێ ژ خودایێ خۆ دكه‌ت ل وی ببووریت، ب وێ چەندێ کو گونه‌هێن وی ڤه‌شێریت و ئاشکەرا نەکەت و ب لێبوورین و قەنجی و دلۆڤانیا خۆ وی ژ زیان و خرابییێن وان بپارێزیت، چونكی ب ڕاستی كه‌س گونه‌هان ژێنابه‌ت ژ بلی خودایێ مه‌زن. پاشی پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو ئه‌ڤه‌ ژ زكرێن سپێده‌ و ئێڤارانه‌، هه‌ر كه‌سێ ب باوه‌ری و تێگەهشتن ل دەستپێکا ڕۆژا خۆ ڤی زکری بکەت کو دەمێ وێ ژی د ناڤبەرا دەرکەڤتنا ڕۆژێیە هەتا ڕۆژ ژ نیڤەکا ئەسمانی دەرباز دبیت و ئەڤە دەمێ ڕۆژێیە، پاشی د وێ ڕۆژێدا بمریت؛ دێ چیته‌ به‌حه‌شتێ، و هه‌ر كه‌سێ ڤی زکری ب شه‌ڤ بکەت كو شه‌ڤ د ئیسلامێدا ژ ئاڤابوونا ڕۆژێ ده‌ستپێدكه‌ت هه‌تا ده‌مێ نڤێژا سپێدێ و به‌ری ببیته‌ سپێده‌ بمریت؛ دێ چیته‌ به‌حه‌شتێ.

ژ مفایێن فه‌رمووده‌یێ

  1. شێوازێن ئیستیغفاركرنێ د جودانه‌ و هنده‌ك ژ هنده‌كان باشتر و بخێرترن.
  2. پێدڤییه‌ مرۆڤ یێ ڕژد بیت ل سه‌ر دوعاكرنا ژ خودێ ب ڤێ دوعایێ؛ چونكی ئه‌و سه‌ید و سه‌روه‌را ئیستیغفارانه‌.

نیشاندانا وه‌رگێڕانان

57 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية