1. سه‌ره‌كی
  2. پولینكرن
  3. The Creed

فه‌رمووده‌ ((ل ڕۆژا قیامه‌تێ خودێ دێ زه‌لامه‌كی ژ ئوممه‌تا من ژ ناڤ هه‌می چێكرییان (ژ مرۆڤ و ئه‌جنه‌یان) جودا كه‌ت

عَنْ عَبْدِ اللهِ بْنِ عَمْرِو بْنِ العَاصِ رضي الله عنهما قَالَ: قَالَ رَسُولُ اللهِ صَلَّى اللَّهُ عَلَيْهِ وَسَلَّمَ:
«إِنَّ اللهَ سَيُخَلِّصُ رَجُلًا مِنْ أُمَّتِي عَلَى رُءُوسِ الْخَلَائِقِ يَوْمَ الْقِيَامَةِ، فَيَنْشُرُ عَلَيْهِ تِسْعَةً وَتِسْعِينَ سِجِلًّا، كُلُّ سِجِلٍّ مِثْلُ مَدِّ الْبَصَرِ، ثُمَّ يَقُولُ: أَتُنْكِرُ مِنْ هَذَا شَيْئًا؟ أَظَلَمَكَ كَتَبَتِي الْحَافِظُونَ؟ فَيَقُولُ: لَا يَا رَبِّ، فَيَقُولُ: أَفَلَكَ عُذْرٌ؟ فَيَقُولُ: لَا يَا رَبِّ، فَيَقُولُ: بَلَى إِنَّ لَكَ عِنْدَنَا حَسَنَةً، فَإِنَّهُ لَا ظُلْمَ عَلَيْكَ الْيَوْمَ، فَتُخْرَجُ بِطَاقَةٌ فِيهَا: أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ، فَيَقُولُ: احْضُرْ وَزْنَكَ، فَيَقُولُ: يَا رَبِّ مَا هَذِهِ الْبِطَاقَةُ مَعَ هَذِهِ السِّجِلَّاتِ؟ فَقَالَ: إِنَّكَ لَا تُظْلَمُ، قَالَ: فَتُوضَعُ السِّجِلَّاتُ فِي كِفَّةٍ، وَالْبِطَاقَةُ فِي كِفَّةٍ، فَطَاشَتِ السِّجِلَّاتُ، وَثَقُلَتِ الْبِطَاقَةُ، فَلَا يَثْقُلُ مَعَ اسْمِ اللهِ شَيْءٌ».

ژ عه‌بدولڵاهێ كوڕێ عه‌مرێ كوڕێ عاصی (خودێ ژ هه‌ردووكان ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((ل ڕۆژا قیامه‌تێ خودێ دێ زه‌لامه‌كی ژ ئوممه‌تا من ژ ناڤ هه‌می چێكرییان (ژ مرۆڤ و ئه‌جنه‌یان) جودا كه‌ت، پاشی دێ نۆت و نه‌ھ تۆمارێن وی (كو هه‌می د پڕن ژ گونه‌هان) ڕێزكه‌ت و ڤه‌كه‌ت، درێژييا هه‌ر تۆماره‌كێ ب ته‌مه‌ت دیتنا چاڤییه‌، پاشی خودێ دێ بێژیته‌ وی: ئه‌رێ تو تشته‌ك ژ ڤانه‌ ڕه‌د دكه‌ی؟ ئه‌رێ ئه‌و مه‌لائیكه‌تێن من یێن كریارێن ته‌ تۆمار دكرن و دنڤیسین چ زۆڕداری ل ته‌ كرییه‌؟ ئه‌و ژی دێ بێژیت: نه‌خێر خودایێ من، خودێ دێ بێژیتێ: ئه‌رێ ته‌ چ هێجه‌ت (و عوزر) بۆ وی تشتێ ته‌ كری هه‌نه‌؟ دێ بێژیت: نه‌خێر خودایێ من، خودێ دێ بێژیت: به‌لێ، ته‌ خێره‌ك یا ل ده‌ڤ مه‌ هه‌ی، ب ڕاستی ئه‌ڤرۆكه‌ چ زۆڕداری ل ته‌ ناهێته‌ كرن، پاشی دێ كارته‌ك هێته‌ ده‌رئێخستن و یا تێدا نڤیسییه‌: ئه‌ز شاهده‌ییێ دده‌م كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و ئه‌ز شاهده‌ییێ دده‌م كو موحه‌ممه‌د عه‌بدێ خودێ و پێغه‌مبه‌رێ وییه‌ (أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ)، پاشی خودێ دێ بێژیت: ته‌ڕازییا خۆ بینه‌، ئه‌و ژی دێ بێژیت: خودایێ من؛ ما ئه‌ڤ كارته‌ دێ چ كه‌ت ل به‌رامبه‌ری ڤان هه‌می تۆماران؟ خودێ دێ بێژیت: زۆڕداری ل ته‌ ناهێته‌ كرن، گۆت: ڤێجا دێ تۆمار هه‌می د ڕه‌خه‌كێ ته‌ڕازییێدا هێنه‌ دانان و ئه‌و كارت ژی دێ د ڕه‌خه‌كێ دی یێ ته‌ڕازییێدا هێته‌ دانان، پاشی تۆمار دێ سڤك بن و كارت دێ گران بیت و ژووردا چیت، چ تشت د گه‌ل ناڤێ خودێ گران نابیت)).

صحيح رواه الترمذي وابن ماجه سنن الترمذي - 2639

شرۆڤه‌كرن

پێغه‌مبه‌ر (صه‌لات و سه‌لامێن خودێ ل سه‌ر بن) ده‌نگوباسی ب وێ ئێكێ دكه‌ت كو ل ڕۆژا قیامه‌تێ خودێ دێ زه‌لامه‌كی ژ ئوممه‌تا وی ژ ناڤ هه‌می چێكرییان (ژ مرۆڤ و ئه‌جنه‌یان) هه‌لبژێریت و دێ گازی وی هێته‌ كرن دا لێپرسین د گه‌ل بهێته‌ كرن، پاشی دێ نۆت و نه‌ھ تۆمار بۆ هێنه‌ نیشاندان كو هه‌می تۆمارێن كریارێن وی یێن خرابن و ئه‌و گونه‌هن یێن وی د دونیایێدا كرین، درێژاهییا هه‌ر تۆماره‌كێ ژی هنده‌ هندی چاڤ دبینن، پاشی خودایێ مه‌زن دێ بێژیته‌ ڤی زه‌لامی: ئه‌رێ تو تشته‌كێ د ڤان تۆماراندا هاتییه‌ نڤیسین ڕه‌د دكه‌ی؟ ئه‌رێ مه‌لائیكه‌تێن من یێن كریارێن ته‌ دنڤیسین زۆڕداری ل ته‌ كرییه‌؟ ئه‌و زه‌لام دێ بێژیت نه‌خێر خودایێ من. خودایێ مه‌زن ژی دێ بێژیت: ئه‌رێ ته‌ چ هێجه‌ت هه‌نه‌ بۆ خۆ بگری ژ به‌ر وان كارێن ته‌ د دونیایێدا كرین؟ كو ئه‌ڤ كاره‌ ته‌ ب خه‌له‌تیڤه‌ یان نه‌زانینڤه‌ كربن، ئه‌و زه‌لام دێ بێژیت: نه‌خێر خودایێ من، من چ هێجه‌ت نینن. خودایێ مه‌زن دێ بێژیت: به‌لێ، ته‌ خێره‌ك یا ل ده‌ڤ مه‌ هه‌ی، و ئه‌ڤرۆكه‌ زۆڕداری ل ته‌ ناهێته‌ كرن. گۆت: پاشی دێ كارته‌ك هێته‌ ده‌رئێخستن و یا تێدا نڤیسییه‌: ئه‌ز شاهده‌ییێ دده‌م كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و ئه‌ز شاهده‌ییێ دده‌م كو موحه‌ممه‌د عه‌بدێ خودێ و پێغه‌مبه‌رێ وییه‌ (أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ). پاشی خودێ دێ بێژیته‌ ڤی زه‌لامی: ته‌ڕازییا خۆ بینه و ئاماده‌ بكه‌. ئه‌و زه‌لام ژی ب مه‌نده‌هۆشیڤه‌ دێ بێژیت: خودایێ من؛ ما كێش و گڕانییا ڤێ كارتێ دێ چه‌ند بیت ل به‌رامبه‌ری ڤان هه‌می تۆماران؟! خودێ دێ بێژیتێ: زۆڕداری ل ته‌ ناهێته‌ كرن. گۆت: ڤێجا دێ تۆمار هه‌می د ڕه‌خه‌كێ ته‌ڕازییێدا هێنه‌ دانان و ئه‌و كارت ژی دێ د ڕه‌خه‌كێ دی یێ ته‌ڕازییێدا هێته‌ دانان، پاشی ئه‌و ڕه‌خێ تۆمار تێدا هاتینه‌ دانان دێ سڤك بیت و ئه‌و ڕه‌خێ كارت تێدا هاتییه‌ دانان دێ گران بیت و خودێ دێ گونه‌هێن وی ژێبه‌ت و دێ لێ بووریت.

ژ مفایێن فه‌رمووده‌یێ

  1. مه‌زناهییا په‌یڤا ته‌وحیدێ: كو شاهده‌دانه‌ ژ خودێ پێڤه‌تر چ خودایێن ژ هه‌ژی په‌رستنێ نینن، و گڕانییا وێ د ته‌ڕازییێدا.
  2. گۆتنا: (لَا إِلَهَ إِلَّا اللهُ) ب ئه‌زمانی ب تنێ به‌س نینه‌، به‌لكی دڤێت مرۆڤی زانین ب ڕامانا وێ هه‌بیت و كار ب وی تشتی بكه‌ت یێ ئه‌و په‌یڤ ل سه‌ر مرۆڤی فه‌ر دكه‌ت.
  3. دلسۆزی (ئیخلاص) و هێزا ته‌وحیدێ ئه‌گه‌ره‌كه بۆ ژێچوونا گونه‌هان.
  4. باوه‌ری ل دویڤ وێ دلسۆزییا د دلیدا هه‌ی دهێته‌ گوهۆڕین و ژ كه‌سه‌كی بۆ كه‌سه‌كی یا جودایه‌، له‌وا دبیت هنده‌ك كه‌س هه‌بن ڤێ په‌یڤێ ببێژن، به‌لێ ل دویڤ گونه‌هێن خۆ د ناڤ ئاگرێ جه‌هنه‌مێدا بهێنه‌ عه‌زابدان.

نیشاندانا وه‌رگێڕانان

69 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
EL Ελληνικά اليونانية
UZ O‘zbek الأوزبكية
UK Українська الأوكرانية
KA ქართული الجورجية
LN Lingala اللينجالا
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
YAO Yao الياو
MS Bahasa Melayu الملايو