1. سه‌ره‌كی
  2. پولینكرن
  3. The Creed

فه‌رمووده‌ ((ده‌مێ خودێ به‌حه‌شت و جه‌هنه‌م ئافراندین، جبریل (سلاڤ لێ بن) فڕێكره‌

عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللهُ عَلَيْهِ وَسَلَّمَ قَالَ:
«لَمَّا خَلَقَ اللَّهُ الْجَنَّةَ وَالنَّارَ أَرْسَلَ جِبْرِيلَ عَلَيْهِ السَّلَامُ إِلَى الْجَنَّةِ، فَقَالَ: انْظُرْ إِلَيْهَا وَإِلَى مَا أَعْدَدْتُ لِأَهْلِهَا فِيهَا. فَنَظَرَ إِلَيْهَا فَرَجَعَ، فَقَالَ: وَعِزَّتِكَ لَا يَسْمَعُ بِهَا أَحَدٌ إِلَّا دَخَلَهَا. فَأَمَرَ بِهَا فَحُفَّتْ بِالْمَكَارِهِ، فَقَالَ: اذْهَبْ إِلَيْهَا فَانْظُرْ إِلَيْهَا وَإِلَى مَا أَعْدَدْتُ لِأَهْلِهَا فِيهَا. فَنَظَرَ إِلَيْهَا، فَإِذَا هِيَ قَدْ حُفَّتْ بِالْمَكَارِهِ، فَقَالَ: وَعِزَّتِكَ لَقَدْ خَشِيتُ أَنْ لَا يَدْخُلَهَا أَحَدٌ. قَالَ: اذْهَبْ فَانْظُرْ إِلَى النَّارِ وَإِلَى مَا أَعْدَدْتُ لِأَهْلِهَا فِيهَا. فَنَظَرَ إِلَيْهَا فَإِذَا هِيَ يَرْكَبُ بَعْضُهَا بَعْضًا، فَرَجَعَ فَقَالَ: وَعِزَّتِكَ لَا يَدْخُلُهَا أَحَدٌ. فَأَمَرَ بِهَا فَحُفَّتْ بِالشَّهَوَاتِ، فَقَالَ: ارْجِعْ فَانْظُرْ إِلَيْهَا. فَنَظَرَ إِلَيْهَا فَإِذَا هِيَ قَدْ حُفَّتْ بِالشَّهَوَاتِ، فَرَجَعَ وَقَالَ: وَعِزَّتِكَ لَقَدْ خَشِيتُ أَنْ لَا يَنْجُوَ مِنْهَا أَحَدٌ إِلَّا دَخَلَهَا».

ژ ئه‌بو هورەیرەی (خودێ ژێ ڕازی بیت) ژ پێغەمبەرێ خودێ (صەلات و سەلامێن خودێ ل سەر بن) گۆت:
((ده‌مێ خودێ به‌حه‌شت و جه‌هنه‌م ئافراندین، جبریل (سلاڤ لێ بن) فڕێكره‌ به‌حه‌شتێ و گۆتێ: هه‌ڕه‌ به‌رێ خۆ بده‌ وێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری. ئه‌و ژی چوو به‌رێ خۆ دایێ و پاشی زڤڕی و گۆت: ئه‌ز ب مه‌زناهییا ته‌ كه‌م؛ هه‌ر كه‌سێ گوھ ل سالوخه‌تێن وێ بیت؛ دێ وه‌كه‌ت كو ب چیته‌ تێدا، ئینا خودێ فه‌رمان كر و پاشی به‌حه‌شت ب نه‌خۆشی و ئاسته‌نگان هاته‌ دۆرپێچكرن، پاشی گۆتێ: جاره‌كا دی هه‌ڕه‌ به‌رێ خۆ بده‌ وێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری، ئه‌و ژی چوو به‌رێ خۆ دایێ و دیت ئه‌و یا ب نه‌خۆشی و ئاسته‌نگان هاتییه‌ دۆرپێچكرن، ئینا گۆت: ئه‌ز ب مه‌زناهییا ته‌ كه‌م؛ ئه‌ز ترسیام كه‌س نه‌چیته‌ تێدا. گۆت: هه‌ڕه‌ به‌رێ خۆ بده‌ جه‌هنه‌مێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری. ئه‌و ژی چوو به‌رێ خۆ دایێ و دیت هنده‌ك ژ وێ یا چوویه‌ سه‌ر هنده‌كا دی، ئینا زڤڕی و گۆت: ئه‌ز ب مه‌زناهییا ته‌ كه‌م؛ كه‌س ناچیته‌ تێدا، ئینا خودێ فه‌رمان كر و پاشی جه‌هنه‌م ب خۆشی و حه‌ز و شه‌هوه‌تان هاته‌ دۆرپێچكرن، پاشی گۆتێ: جاره‌كا دی هه‌ڕه‌ به‌رێ خۆ بده‌ وێ، ئه‌و ژی چوو به‌رێ خۆ دایێ و دیت ئه‌و یا ب خۆشی و حه‌ز و شه‌هوه‌تان هاتییه‌ دۆرپێچكرن، ئینا زڤڕی و گۆت: ئه‌ز ب مه‌زناهییا ته‌ كه‌م؛ ئه‌ز ترسیام كه‌س ژێ ڕزگار نه‌بیت و هه‌می بچنه‌ تێدا)).

حسن رواه أبو داود والترمذي والنسائي سنن أبي داود - 4744

شرۆڤه‌كرن

پێغه‌مبه‌ر (صه‌لات وسه‌لامێن خودێ ل سه‌ر بن) ده‌نگوباسی ب وێ ئێكێ دده‌ت كو ده‌مێ خودێ به‌حه‌شت و جه‌هنه‌م ئافراندین، وی گۆته‌ جبریلی (سلاڤ لێ بن): هه‌ڕه‌ به‌حه‌شتێ و به‌رێ خۆ بدێ. ئه‌و ژی چوو به‌رێ خۆ دایێ و پاشی زڤڕی، ڤێجا جبریلی گۆت: خودایێ من؛ ئه‌ز ب مه‌زناهییا ته‌ كه‌م؛ هه‌ر كه‌سێ گوھ ل وێ بیت و كا چ خۆشی و قه‌نجی و ڕێزگرتن و باشی یێن تێدا هه‌ین؛ دێ هه‌ر حه‌زكه‌ت بچیته‌ تێدا و دێ بۆ وێ كاركه‌ت. پاشی خودێ به‌حه‌شت ب نه‌خۆشی و ئاسته‌نگان ژ ئه‌نجامدانا فه‌رمانان و دویركه‌ڤتن و هێلانا پاشڤه‌برنان دۆرپێچكر، ڤێجا هه‌ر كه‌سێ بڤێت بچیته‌ تێدا؛ پێدڤییه‌ ئه‌و ڤان نه‌خۆشی و ئاسته‌نگان ده‌رباز بكه‌ت. پاشی خودایێ مه‌زن گۆت: جبریل؛ جاره‌كا دی هه‌ڕه‌ به‌رێ خۆ بده‌ به‌حه‌شتێ، پشتی كو ب نه‌خۆشی و ئاسته‌نگان دۆرپێچكری، ئه‌و ژی چوو به‌رێ خۆ دایێ، پاشی هات و گۆت: خودایێ من؛ ئه‌ز ب مه‌زناهییا ته‌ كه‌م؛ ئه‌ز دترسم كه‌س نه‌چیته‌ تێدا ژ به‌ر وان زه‌حمه‌تی و نه‌خۆشی و ته‌نگاڤییێن د ڕێكا وێدا هه‌ین. و ده‌مێ خودێ جه‌هنه‌م ئافراندی، گۆت: جبریل؛ هه‌ڕه‌ به‌رێ خۆ بده‌ جه‌هنه‌مێ، ئه‌و ژی چوو به‌رێ خۆ دایێ، پاشی جبریل هات و گۆت: خودایێ من؛ ئه‌ز ب مه‌زناهییا ته‌ كه‌م؛ هه‌ر كه‌سێ گوھلێ بیت كا چ نه‌خۆشی و عه‌زاب و ئێش و ئازار یێن د وێدا هه‌ین؛ حه‌ز ناكه‌ت بچیته‌ تێدا و دێ خۆ ژ وان تشتان دویر ئێخیت یێن دبنه‌ ئه‌گه‌رێ چوونا وێ. پاشی خودێ جه‌هنه‌م په‌رجان كر و دۆر لێ گرت و ڕێكا گه‌هشتنا ب وێ كره‌ ئه‌نجامدانا حه‌ز و شه‌هوه‌ت و خۆشییان، پاشی گۆت: جبریل؛ جاره‌كا دی هه‌ڕه‌ به‌رێ خۆ بده‌ وێ، جبریل ژی چوو به‌رێ خۆ دایێ، پاشی زڤڕی و گۆت: خودایێ من؛ ئه‌ز ب مه‌زناهییا ته‌ كه‌م؛ ئه‌ز ترسیام كه‌س ژێ ڕزگار نه‌بیت و هه‌می بچنه‌ تێدا و دلێ من ما ب خه‌لكیڤه‌، ژ به‌ر وان خۆشی و حه‌ز و شه‌هوه‌تێن ل دۆرێن وێ هه‌ین.

ژ مفایێن فه‌رمووده‌یێ

  1. باوه‌ریئینان كو به‌حه‌شت و جه‌هنه‌م نوكه‌ یێن هه‌ین.
  2. پێدڤییه‌ مرۆڤ باوه‌رییێ ب تشتێ نه‌په‌نی (غه‌یبی) بینیت و ب هه‌ر تشته‌كێ ژ ده‌ڤ خودێ و پێغه‌مبه‌رێ وی (صه‌لات و سه‌لامێن خودێ ل سه‌ر بن) هاتی.
  3. گرنگییا هه‌داركێشانێ ل سه‌ر نه‌خۆشییان، چونكی ئه‌و ڕێكا گه‌هشتنا به‌حه‌شتێیه‌.
  4. گرنگییا دویركه‌ڤتنا ژ تشتێن حه‌رام، چونكی ئه‌و ڕێكا گه‌هشتنا جه‌هنه‌مێیه‌.
  5. خودێ به‌حه‌شت ب نه‌خۆشییان و جه‌هنه‌م ب خۆشی و شه‌هوه‌تان دورپێچكر، چونكی تاقیكرن و جه‌ڕباندنا د ژیانا دونیایێدا ڤێ چه‌ندێ دخوازن.
  6. ڕێكا به‌حه‌شتێ یا نه‌خۆش و ب زه‌حمه‌ته‌ و پێدڤی ب هه‌دارێكشان و نه‌خۆشییێیە د گەل باوه‌رییێ‌، ڕێكا جه‌هنه‌مێ ژی یا پڕه‌ ژ خۆشی و شه‌هوه‌تان د دونیایێدا.

نیشاندانا وه‌رگێڕانان

69 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
EL Ελληνικά اليونانية
UZ O‘zbek الأوزبكية
UK Українська الأوكرانية
KA ქართული الجورجية
LN Lingala اللينجالا
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
YAO Yao الياو
MS Bahasa Melayu الملايو