1. سه‌ره‌كی
  2. پولینكرن
  3. The Creed

فه‌رمووده‌ ((چار خه‌سله‌ت و سالۆخه‌ت یێن هه‌ین، هه‌ر كه‌سێ ل ده‌ڤ هه‌بن، ئه‌و منافق و دووڕویه‌كێ خۆڕییه‌، و هه‌ر كه‌سێ سالۆخه‌ته‌ك ژ وان چاران ل ده‌ڤ هه‌بیت، ئه‌ڤه‌ سالۆخه‌ته‌ك ژ سالۆخه‌تێن نیفاق و دووڕویاتییێ یێ ل ده‌ڤ وی هه‌ی هه‌تا دهێلیت: ئه‌گه‌ر ئاخڤت؛ دێ دره‌وێ كه‌ت، ئه‌گه‌ر كه‌سه‌كی باوه‌رییا خۆ پێ ئینا؛ دێ خیانه‌تێ كه‌ت، ئه‌گه‌ر سۆز و په‌یمانه‌ك دا؛ دێ لێڤه‌بیت و ئه‌گه‌ر گه‌نگه‌شه‌ك كر دێ ژ حه‌قییێ دویر كه‌ڤیت و دێ سنووران به‌زینیت))

عَنْ عَبْدِ اللَّهِ بْنِ عَمْرٍو رضي الله عنهما قال: قال رَسولُ اللهِ صَلَّى اللهُ عَلَيْهِ وَسَلَّمَ:
«أَرْبَعٌ مَنْ كُنَّ فِيهِ كَانَ مُنَافِقًا خَالِصًا، وَمَنْ كَانَتْ فِيهِ خَلَّةٌ مِنْهُنَّ كَانَتْ فِيهِ خَلَّةٌ مِنْ نِفَاقٍ حَتَّى يَدَعَهَا: إِذَا حَدَّثَ كَذَبَ، وَإِذَا عَاهَدَ غَدَرَ، وَإِذَا وَعَدَ أَخْلَفَ، وَإِذَا خَاصَمَ فَجَرَ».

ژ عه‌بدولڵاهێ كوڕێ عه‌مری (خودێ ژ هه‌ردووکان ڕازی بیت) گۆت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((چار خه‌سله‌ت و سالۆخه‌ت یێن هه‌ین، هه‌ر كه‌سێ ل ده‌ڤ هه‌بن، ئه‌و منافق و دووڕویه‌كێ خۆڕییه‌، و هه‌ر كه‌سێ سالۆخه‌ته‌ك ژ وان چاران ل ده‌ڤ هه‌بیت، ئه‌ڤه‌ سالۆخه‌ته‌ك ژ سالۆخه‌تێن نیفاق و دووڕویاتییێ یێ ل ده‌ڤ وی هه‌ی هه‌تا دهێلیت: ئه‌گه‌ر ئاخڤت؛ دێ دره‌وێ كه‌ت، ئه‌گه‌ر كه‌سه‌كی باوه‌رییا خۆ پێ ئینا؛ دێ خیانه‌تێ كه‌ت، ئه‌گه‌ر سۆز و په‌یمانه‌ك دا؛ دێ لێڤه‌بیت و ئه‌گه‌ر گه‌نگه‌شه‌ك كر دێ ژ حه‌قییێ دویر كه‌ڤیت و دێ سنووران به‌زینیت)).

صحيح متفق عليه صحيح مسلم - 58

شرۆڤه‌كرن

پێغه‌مبه‌ری (صه‌لات و سه‌لامێن خودێ ل سه‌ر بن) هشیاركرن ژ چار سالۆخه‌تان كر كو ئه‌گه‌ر ئه‌و چار سالۆخه‌ت ل ده‌ڤ موسلمانه‌كی كۆمبوون؛ ئه‌ڤه‌ ئه‌و گه‌له‌ك وه‌كی مرۆڤێ مونافق و دووڕوی لێ دهێت ژ به‌ر ڤان سالۆخه‌تان، ئه‌ڤه‌ ژی سه‌باره‌ت وی كه‌سێ ئه‌ڤ سالۆخه‌ته‌ ب ڕه‌نگه‌كێ به‌رده‌وام و زێده‌ ل ده‌ڤ هه‌بن و ل سه‌ر وی د زال بن، به‌لێ سه‌باره‌ت وی كه‌سێ كێم جاران سالۆخه‌ته‌ك ژ ڤانه‌ ل ده‌ڤ په‌یدا دبیت؛ ئه‌ڤێ هه‌نێ ناچیته‌ د بن فه‌رمووده‌یێڤه‌، ئه‌و چار سالۆخه‌ت ژی ئه‌ڤه‌نه‌:
ئێك: ئه‌گه‌ر ئاخڤت؛ دێ ب مه‌ره‌م دره‌وێ كه‌ت و د ئاخڤتنا خۆدا ڕاستییێ نابێژیت.
دوو: ئه‌گه‌ر په‌یمانه‌ك دا؛ پێگیرییێ پێ ناكه‌ت و دێ خیانه‌تێ ل هه‌ڤالێ خۆ كه‌ت.
سێ: ئه‌گه‌ر سۆزه‌ك دا؛ وه‌فادارییێ پێ ناكه‌ت دێ لێڤه‌بیت.
چار: ئه‌گه‌ر گه‌نگه‌شه‌ و شه‌ڕه‌ده‌ڤ د گه‌ل ئێكی كر؛ دێ گه‌له‌ك د ناڤ ڤێ هه‌ڤڕكییێدا چیت و دێ ژ حه‌قییێ دویركه‌ڤیت و دێ ئاخڤتنێن نه‌دروست و دره‌وان ژی كه‌ت.
مسوگه‌ر نیفاق و دووڕویاتی ئه‌ڤه‌یه‌ مرۆڤ ب سه‌رڤه‌ تشته‌كی دیار كه‌ت و د ناڤدا تشته‌كێ دی بیت، و ئه‌ڤ ڕامانه‌ یا ل ده‌ڤ خودانێ ڤان سالۆخه‌تان هه‌ی و نیفاقا وی دێ د ده‌رحه‌قێ وی كه‌سیدا بیت یێ د گه‌ل دئاخڤیت و په‌یمانه‌كێ پێ دده‌ت و دكه‌ته‌ جهێ باوه‌رییێ و هه‌ڤڕكییێ د گه‌ل دكه‌ت و خه‌لكی سۆز و په‌یمان د گه‌ل گرێداین، نه‌كو ئه‌ڤه‌ ئه‌و مونافق بیت یێ د ناڤ ئیسلامێدا هه‌ی كو ب سه‌رڤه‌ خۆ ب موسلمان ددانیت و د دلێ خۆ ژیدا كافره‌، و هه‌ر كه‌سێ سالۆخه‌ته‌ك ژ ڤان سالۆخه‌تان ل ده‌ڤ هه‌بیت، وی ده‌می ئه‌ڤه‌ وی سالۆخه‌ته‌كێ نیفاقێ یێ ل ده‌ڤ هه‌ی و دێ ل ده‌ڤ مینیت هه‌تا دهێلیت.

ژ مفایێن فه‌رمووده‌یێ

  1. دیاركرنا هنده‌ك نیشانێن مرۆڤێ مونافق، ب مه‌ره‌ما ترساندن و هشیاركرنێ ژ كه‌ڤتنا د ناڤ وێدا.
  2. مه‌ره‌م ژ فه‌رمووده‌یێ ئه‌ڤه‌یه‌ كو: ئه‌ڤه‌ سالۆخه‌تێن نیفاق و دووڕویاتییێنه‌، خودانێ ڤان سالۆخه‌تان ژی د ڤان سالۆخه‌تاندا وه‌كی مرۆڤێ مونافقه‌ و ڕه‌وشتێ وی یێ ل ده‌ڤ خۆ په‌یدا كری، نه‌كو ڕامانا وێ ئه‌و بیت خودانێ ڤان سالۆخه‌تان مونافقه‌ د ناڤ ئیسلامێدا و د دلێ خۆدا كافره‌، و هاتییه‌ گۆتن كو ئه‌ڤه‌ یا ئاڤاكرییه‌ ل سه‌ر وی كه‌سێ ئه‌ڤ سالۆخه‌ته‌ ل سه‌ر وی زال ببن و سستاهی تێدا كربیت و ب كێمڤه‌ وه‌رگرتبن، ل ڤێرێ ئه‌گه‌ر ئه‌و یێ ب ڤی ڕه‌نگی بیت؛ هنگی ب گشتی بیروباوه‌رێن وی ژی د خرابن.
  3. غه‌زالی دبێژیت: بنیاتێ دینی د سێ تشتاندا كۆم دبیت: گۆتن، كریار و ئنیه‌تێ. ڤێجا فه‌رمووده‌یێ ئاماژه‌ ب خراببوونا گۆتنێ كر ب دره‌وكرنێ و ئاماژه‌ ب خراببوونا كریارێ كر ب خیانه‌تكرنێ و ئاماژه‌ ب خراببوونا ئنیه‌تێ كر ب لێڤه‌بوون و بجھ نه‌ئینانا سۆز و په‌یمانان، چونكی بجھ نه‌ئینانا سۆز و په‌یمانان ب تشته‌كێ خراب ناهێته‌ دانان ئه‌و نه‌بیت ئه‌گه‌ر مرۆڤ د دلێ خۆدا ئنیه‌تێ بینیت كو ڤێ سۆزێ بجھ نائینیت، به‌لێ ئه‌گه‌ر یێ ڕژد بیت ل سه‌ر بجھئینانا سۆز و په‌یمانێ، پاشی ڕێگره‌ك هاته‌ د رێكا ویدا یان تشته‌كێ دی بۆ دیار بوو، ئه‌ڤا هه‌نێ ژ وێنه‌ و جۆرێن نیفاقێ نینه‌.
  4. نیفاق دوو جۆره‌: نیفاقا بیروباوه‌ری كو خودان پێ ژ باوه‌ر و ئیسلامێ ده‌ردكه‌ڤیت، ئه‌و ژی ئه‌ڤه‌یه‌ مرۆڤ ب سه‌رڤه‌ خۆ ب موسلمان دیار كه‌ت و د دلێ خۆدا كافر بیت و باوه‌ری نه‌بیت. جۆرێ دووێ ژی نیفاقا كریارییه‌ كو ئه‌و ژی ئه‌ڤه‌یه‌ ده‌مێ مرۆڤ د ڕه‌وشتێ خۆدا وه‌كی مونافقان بیت، ئه‌ڤ جۆره‌ خودان پێ ژ باوه‌ر و ئیسلامێ ده‌رناكه‌ڤیت، به‌لێ ئه‌و ئێكه‌ ژ گونه‌هێن مه‌زن.
  5. ئبن حه‌جه‌ر دبێژیت: زانا ل سه‌ر وێ چه‌ندێ ئێكده‌نگ بووینه‌ كو ئه‌و كه‌سێ ب دلێ خۆ و ئه‌زمانێ خۆ یێ ڕاستگۆ بیت و پاشی ئه‌ڤ سالۆخه‌ته‌ ئه‌نجامدان؛ ب مرۆڤه‌كێ كافر ناهێته‌ دانان و نه‌ ئه‌و مونافقه‌ یێ هه‌تا هه‌تایێ د ناڤ ئاگرێ جه‌هنه‌مێدا دمینیت.
  6. نه‌وه‌وی دبێژیت: هنده‌ك زانایان گۆتییه‌: مه‌ره‌م ب ڤێ فه‌رمووده‌یێ ئه‌و مونافقن یێن ل سه‌رده‌مێ پێغه‌مبه‌ری (صه‌لات و سه‌لامێن خودێ ل سه‌ر بن) هه‌ین، چونكی ئه‌وان گۆت مه‌ باوه‌ری یا هه‌ی و دره‌و كر، و ئه‌مانه‌ت پێ هاته‌ دان ل سه‌ر دینێ وان؛ به‌لێ وان خیانه‌ت ل ڤی ئه‌مانه‌تی كر، سۆز و په‌یمان ژی ده‌رباره‌ی بابه‌تێن دینی و سه‌رئێخستنێ دان؛ به‌لێ لێڤه‌بوون و سۆز و په‌یمانێن خۆ بجھ نه‌ئینان و د هه‌ڤڕكی و گه‌نگه‌شه‌یێن خۆ ژیدا زێده‌گاڤی كرن.

نیشاندانا وه‌رگێڕانان

59 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو