1. سه‌ره‌كی
  2. پولینكرن
  3. The Hadith and Hadith Sciences

فه‌رمووده‌ ((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بۆ مه‌زنێ هه‌وه‌. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جۆداهییێ بینیت. ڤێجا هه‌وه‌ ئه‌مانه‌ت سوننەتا من و سوننەتا خەلیفەیێن من یێن سه‌رڕاست

عَنْ أَبِي نَجِيحٍ العِرْبَاضِ بْنِ سَارِيَةَ رضي الله عنه قَالَ: وَعَظَنَا رَسُولُ اللَّهِ صَلَّى اللَّهُ عَلَيْهِ وَسَلَّمَ مَوْعِظَةً وَجِلَتْ مِنْهَا القُلُوبُ، وَذَرَفَتْ مِنْهَا العُيُونُ، فَقُلْنَا: يَا رَسُولَ اللهِ! كَأَنَّهَا مَوْعِظَةُ مُوَدِّعٍ؛ فَأَوْصِنَا، قَالَ:
«أُوصِيكُمْ بِتَقْوَى اللَّهِ، وَالسَّمْعِ وَالطَّاعَةِ، وَإِنْ تَأَمَّرَ عَلَيْكُمْ عَبْدٌ، فَإِنَّهُ مَنْ يَعِشْ مِنْكُمْ بَعْدِي فَسَيَرَى اخْتِلَافًا كَثِيرًا، فَعَلَيْكُمْ بِسُنَّتِي وَسُنَّةِ الخُلَفَاءِ الرَّاشِدِينَ المَهْدِيينَ، عَضُّوا عَلَيْهَا بِالنَّوَاجِذِ، وَإِيَّاكُمْ وَمُحْدَثَاتِ الأُمُورِ؛ فَإِنَّ كُلَّ بِدْعَةٍ ضَلَالَةٌ».

ژ ئه‌بو نەجیح، عیربازێ کوڕێ ساریەی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) وه‌عزه‌ك ل مه‌ كر كو دل ژ به‌ر ترسیان و چاڤ ژ به‌ر گریان. ڤێجا مە گۆت: ئه‌ی پێغەمبەرێ خودێ؛ هه‌ر وه‌كی دێ بێژی ئه‌ڤه‌ شیره‌تا وی كه‌سییه‌ یێ خاترا خۆ دخوازیت، ڤێجا شیره‌تێ ل مە بکە. گۆت:
((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بۆ مه‌زنێ هه‌وه‌. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جۆداهییێ بینیت. ڤێجا هه‌وه‌ ئه‌مانه‌ت سوننەتا من و سوننەتا خەلیفەیێن من یێن سه‌رڕاست، وێ ب ددانێن خۆ یێن پشتێ بگرن و پدییێن خۆ ل سه‌ر بشدینن و هشیاری كارێن داهێنایی (بیدعه‌یان) بن د دینیدا، چونكی ب ڕاستی هەر بیدعەیەکا هه‌بیت سه‌رداچوون و به‌رزه‌بوونه‌)).

صحيح رواه أبو داود والترمذي الأربعون النووية - 28

شرۆڤه‌كرن

پێغەمبەرێ خودێ (صەلات و سەلامێن خودێ ل سەر بن) شیره‌ته‌كا كارتێكه‌ر و مه‌زن ل صه‌حابییێن خۆ كر کو دل ژ به‌ر ترسیان و چاڤ ژ به‌ر گریان، ئینا وان گۆت: ئەی پێغەمبەرێ خودێ؛ ئه‌ڤه‌ وه‌كی شیره‌تا كه‌سه‌كییه‌ كو بڤێت خاترا خۆ بخوازیت، ژ بەر وێ چەندێ یا کو د شیره‌ت کرنا ویدا دیتی ژ كارتێكرنێ، ژ به‌ر هندێ ژی وان داخواز ژ پێغه‌مبه‌ری (صەلات و سەلامێن خودێ ل سەر بن) كر ئه‌و شیره‌ته‌كێ ل وان بكه‌ت كو پشتی وی ده‌ست پێڤه‌ بگرن و به‌رنه‌ده‌ن، وی گۆت: ئه‌ز شیره‌تێ ل هه‌وە دکەم ب ته‌قوا خودێ، ئەڤە ب ئه‌نجامدانا كارێن واجب و هێلانا كارێن حه‌رام، هه‌روه‌سا ئه‌ز شیره‌تێ ل هه‌وه‌ دكه‌م ب گوهدان و جێبه‌جێكرنا فه‌رمانێ، ئانکو: بۆ مه‌زن و كاربده‌ستان، خۆ ئەگەر عەبدەك بوو مه‌زن و كاربده‌ستێ هه‌وه‌ یان خۆ ئه‌گه‌ر ب زۆڕی ده‌ستهه‌لات ل هه‌وه‌ كر، ئانكو خۆ ئه‌گه‌ر كێمترین مرۆڤ ده‌ستهه‌لاتێ ل هه‌وه‌ بكه‌ت؛ هه‌وه‌ ئه‌مانه‌ت گوهدارییا وی بكه‌ن و ده‌ستان ژ ڤێ شیره‌تێ به‌رنه‌ده‌ن، ئه‌ڤه‌ ژی بۆ هندێیه‌ دا فتنه‌ و خرابی په‌یدا نه‌بیت، چونكی هه‌ر كه‌سێ ژ هه‌وە بژیت؛ دێ ڤێكنه‌كرن و جودابوونه‌كا مه‌زن بینیت، پاشی ڕێكا ڕزگاربوون و دەرکەڤتنێ ژ ڤێ ڤێكنه‌كرن و جودابوونێ بۆ وان دیار کر، ئەڤە ژی ب ده‌ستگرتن و پێگیربوونا ب سوننه‌تا وی و سوننەتا خه‌لیفه‌یێن سه‌ر ڕاست و شه‌هره‌زا پشتی وی، كو ئه‌و ژی ئه‌ڤه‌نه‌: ئه‌بۆ بەکرێ ڕاستگۆ، عومه‌رێ كوڕێ خه‌طابی، عوسمانێ كوڕێ عه‌فانی و عه‌لییێ كوڕێ ئه‌بو طالبی (خودێ ژ هه‌مییان ڕازی بیت)، مه‌ره‌م ب گرتنا سوننه‌تا وان ب ددانێن كێلبا و یێن پشتێ ژی ئه‌ڤه‌یه‌: ئانكو گه‌له‌ك ب ڕژدی و دژواری ده‌ست ب سوننه‌تێڤه‌ بگرن و پێگیرییێ پێ بكه‌ن. دیسان وی ئه‌و هشیاركرن ژ تشتێن نوی ده‌ركه‌ڤتی و بیدعەیان د دینیدا، چونكی هەمی بیدعە سه‌رداچوونن.

ژ مفایێن فه‌رمووده‌یێ

  1. گرنگییا ده‌ستگرتن و پێگیربوونا ب سوننەتێ و دویڤچوونا وێ.
  2. گرنگیدان ب شیره‌تان و گرنگیدان ب وان تشتێن دلی نه‌رم دكه‌ن.
  3. فەرمانكرن ب دویڤچوونا خه‌لیفه‌یێن ڕاشد پشتی وی كو چار بوون، ئه‌و ژی ئه‌بو به‌كر و عومه‌ر و عوسمان و عه‌لینه‌ (خودێ ژ هه‌مییان ڕازی بیت).
  4. پاشڤه‌برن ژ داهێنان و بیدعه‌یان د دینیدا و کو هەمی بیدعە سه‌رداچوونن.
  5. گوهدان و جێبه‌جێكرنا فه‌رمانا وی كه‌سێ كارێ باوەرداران گرتییە ده‌ست، ئه‌گه‌ر ئه‌ڤ گوهدانه‌ د سه‌رپێچیكرن و گونه‌هێدا نه‌بیت.
  6. گرنگییا ته‌قوا خودێ د هەمی دەم و ڕەوشاندا.
  7. ڤێكنه‌كرن و جودابوون دێ هه‌ر د ناڤ ڤێ ئوممه‌تێدا په‌یدا بیت، و ده‌مێ ئه‌ڤ چه‌نده‌ په‌یدا دبیت؛ پێدڤییه‌ مرۆڤێ موسلمان بزڤڕیته‌ سوننەتا پێغەمبەرێ خودێ (صەلات و سەلامێن خودێ ل سەر بن) و سوننه‌تا خه‌لیفه‌یێن ڕاشد.

نیشاندانا وه‌رگێڕانان

58 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو