1. سه‌ره‌كی
  2. پولینكرن
  3. The Creed

فه‌رمووده‌ ((ب ڕاستی خودێ گۆت: هه‌ر كه‌سێ دوژمناهییا وه‌لییه‌كێ من بكه‌ت؛ دێ شه‌ڕی ل دژی وی ڕاگه‌هینم، و نینه‌ عه‌بدێ من ب تشته‌كی خۆ نێزیكی من بكه‌ت خۆشتڤیتر بیت ل ده‌ڤ من ژ وی تشتێ من ل سه‌ر وی فه‌ڕزكری

عَنْ أَبِي هُرَيْرَة رَضِيَ اللَّهُ عَنْهُ قَالَ: قَالَ رَسُول اللَّهِ صَلَّى اللهُ عَلَيْهِ وَسَلَّمَ:
«إنَّ اللَّهَ تَعَالَى قَالَ: مَنْ عَادَى لِي وَلِيًّا فَقْد آذَنْتُهُ بِالحَرْبِ، وَمَا تَقَرَّبَ إلَيَّ عَبْدِي بِشَيْءٍ أَحَبَّ إلَيَّ مِمَّا افْتَرَضْتُ عَلَيْهِ، وما يَزَالُ عَبْدِي يَتَقَرَّبُ إلَيَّ بِالنَّوَافِلِ حَتَّى أُحِبَّهُ، فَإِذَا أَحْبَبْتُهُ كُنْتُ سَمْعَهُ الَّذِي يَسْمَعُ بِهِ، وَبَصَرَهُ الَّذِي يُبْصِرُ بِهِ، وَيَدَهُ الَّتِي يَبْطِشُ بِهَا، وَرِجْلَهُ الَّتِي يَمْشِي بِهَا، وَإِنْ سَأَلَنِي لَأُعْطِيَنَّهُ، وَلَئِنْ اسْتَعَاذَنِي لَأُعِيذَنَّهُ».

ژ ئه‌بو هورەیرەی (خودێ ژێ ڕازی بیت) گۆت: پێغەمبەرێ خودێ (صەلات و سەلامێن خودێ ل سەر بن) گۆت:
((ب ڕاستی خودێ گۆت: هه‌ر كه‌سێ دوژمناهییا وه‌لییه‌كێ من بكه‌ت؛ دێ شه‌ڕی ل دژی وی ڕاگه‌هینم، و نینه‌ عه‌بدێ من ب تشته‌كی خۆ نێزیكی من بكه‌ت خۆشتڤیتر بیت ل ده‌ڤ من ژ وی تشتێ من ل سه‌ر وی فه‌ڕزكری و به‌رده‌وام عه‌بدێ من ب ئه‌نجامدانا سوننه‌تان دێ خۆ نێزیكی من كه‌ت هه‌تا ئه‌ز حه‌ز ژێ دكه‌م، گاڤا من حه‌ز ژێ كر: دێ بمه‌ گوهێ وی یێ ئه‌و تشتی پێ گوهلێ دبیت، دێ بمه‌ چاڤێ وی یێ ئه‌و تشتی پێ دبینیت، دێ بمه‌ ده‌ستێ وی يێ ئه‌و تشتی پێ دگریت، دێ بمه‌ پێ وی یێ ئه‌و ل سه‌ر ب ڕێڤه‌ دچیت (ئانكو خودێ دێ ئه‌ندامێن وی مرۆڤی ژ كرنا كارێن خه‌له‌ت پارێزیت)، و ئه‌گه‌ر داخوازا تشته‌كی ژ من كر؛ دێ ده‌مه‌ وی و ئه‌گه‌ر خۆ ب من پاراست ژ تشته‌كی؛ دێ وی پارێزم)).

صحيح رواه البخاري الأربعون النووية - 38

شرۆڤه‌كرن

پێغەمبەرێ خودێ (صەلات و سەلامێن خودێ ل سەر بن) د فەرموودەیا قودسیدا گۆت کو خودایێ مەزن گۆت: هەر کەسێ وەلییەکێ من بئێشینیت و توڕە بکەت و کەربێن خۆ ژێ ڤەکەت، ئەڤە من ئەو ئاگەهدارکر و من دوژمناتی بۆ وی ڕاگەهاند. وه‌لی: باوەردارێ ب ته‌قوایه‌ و كا چەند باوەری و ته‌قوا ل ده‌ڤ عه‌بدی هه‌بیت؛ پشکا وی ژ وه‌لیاتییا بۆ خودێ دێ ب ته‌مه‌ت وان بیت. موسلمانی ژی ب تشته‌كی خۆ نێزیکی خودایێ خۆ نه‌كرییه‌ كو ل دەڤ خودێ خۆشتڤیتر بیت ژ وی تشتێ ل سه‌ر وی فه‌ڕزكری، ژ كرنا عیباده‌تی و گوهدانا وی و هێلانا حه‌رامییان و دویركه‌ڤتنا ژ وان، و به‌رده‌وام موسلمان دێ ب كرنا سوننه‌تان د گه‌ل فه‌ڕزان خۆ نێزیكی خودایێ خۆ كه‌ت؛ هه‌تا ڤیان و حه‌زژێكرنا خودێ ب ده‌ست خۆڤه‌ دئینیت، ڤێجا ئه‌گه‌ر خودێ حه‌ز ژ وی كر؛ خودێ دێ ڤان هه‌ر چار ئه‌ندامێن وی ڕاسته‌ڕێ و دروست كه‌ت: دێ وی ڕاسته‌ڕێكه‌ت د گوهدانا ویدا؛ ڤێجا وی كه‌سی گوھ ل تشته‌كی نابیت ژ بلی وی تشتێ خودێ پێ ڕازی دبیت. دێ وی د دیتنا ویدا ڕاسته‌ڕێكه‌ت؛ ڤێجا ئه‌و كه‌س به‌رێ خۆ ناده‌ته‌ تشته‌كی ژ بلی وی تشتێ خودێ حه‌ز ژێ بكه‌ت و پێ ڕازی دبیت. دێ وی د ده‌ستێ ویدا ڕاسته‌ڕێكه‌ت؛ ڤێجا ب ده‌ستێ خۆ چ كاران ناكه‌ت ژ بلی وی كارێ خودێ پێ ڕازی دبیت. دێ وی د پێیێ ویدا ڕاسته‌ڕێكه‌ت؛ ڤێجا بۆ چ جهان ناچیت ژ بلی وی جهێ خودێ پێ ڕازی دبیت و خێر تێدا هه‌ی. د گه‌ل ڤێ هه‌مییێ ژی؛ ئه‌گه‌ر ڤی مرۆڤی داخوازه‌ك ژ خودێ كر؛ خودێ دێ وی تشتێ وی ژێ خواستی ده‌تێ، ئانكو دێ بیته‌ كه‌سه‌ك دوعایێن وی قه‌بویل دبن و داخوازییێن وی دهێنه‌ وه‌رگرتن، دیسان ئه‌گه‌ر داخوازا پاراستنێ ژ خودێ كر و په‌نا بۆ وی بر؛ خودایێ مه‌زن دێ وی ئێخیته‌ بن پاراستنا خۆ و دێ ژ وی تشتێ ئه‌و ژێ دترسیت پارێزیت.

ژ مفایێن فه‌رمووده‌یێ

  1. ئەڤ فه‌رمووده‌یە ژ وان فه‌رمووده‌یانە یێن کو پێغەمبەرێ خودێ (صەلات و سەلامێن خودێ ل سەر بن) ژ خودایێ خۆ ڤه‌دگێڕیت و ب فه‌رمووده‌یا قودسی یان ئیلاهی دهێتە ناڤکرن، فه‌رمووده‌یا قودسی ژی ئەوە یا کو ئاخڤتن و ڕامانا وێ ژ ده‌ڤ خودێ بیت، ب تنێ ئه‌و نه‌بیت کو ئه‌و تایبەتمەندییێن قورئانێ تێدا نینن یێن کو ب وان ژ یێن دی جودا بوویە، ژ كرنا عیباده‌تی ب خواندنا وێ و هه‌بوونا ده‌ستنڤێژێ بۆ خواندنا وێ و هه‌ڤڕكیكرن و قه‌بخواستن و موعجیزه‌بوون و ژ بلی ڤان.
  2. پاشڤه‌برن ژ ئازاردان و نه‌خۆشی گه‌هاندنێ ب وه‌لییێن خودێ و هاندان ل سه‌ر حه‌زژێكرنا وان و دانپێدان ب قه‌در و باشییا وان.
  3. فه‌رمانکرن ب دوژمناتیکرنا دوژمنێن خودێ و حه‌رامکرنا حه‌زژێكرن و پشته‌ڤانییا وان.
  4. هه‌ر که‌سێ بێی دویڤچوونا شه‌ریعه‌تێ خودێ بێژیت کو ئه‌و وه‌لییێ خودێیه‌، ئه‌و ب ڤێ بانگه‌شه‌ و گۆتنا خۆ كه‌سه‌كێ دره‌وینه‌.
  5. وه‌لیياتييا خودێ ب ئه‌نجامدانا كارێن واجب و هێلانا كارێن حه‌رام ب ده‌ستڤه‌ دهێت.
  6. ژ ئه‌گه‌رێن ڤیان و حه‌زژێكرنا خودێ بۆ عه‌بدی و قه‌بویلکرنا دوعایا وی، ئه‌نجامدانا كارێن سوننه‌تن پشتی ئه‌نجامدانا كارێن واجب و هێلانا كارێن حه‌رام.
  7. نیشان و ئاماژه‌ ل سه‌ر قه‌در و بهایێ وه‌لییێن خودێ و بلندییا پله‌یا وان.

نیشاندانا وه‌رگێڕانان

57 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو