1. മെയിൻ പേജ്
  2. വിഭാഗങ്ങൾ
  3. കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും

ഹദീസ് സ്വർഗത്തിൽ റയ്യാൻ എന്ന് വിളിക്കപ്പെടുന്ന ഒരു കവാടമുണ്ട്; ഖിയാമത്ത് നാളിൽ നോമ്പുകാരാണ് അതിലൂടെ പ്രവേശിക്കുക. അവരല്ലാതെ മറ്റാരും അതിലൂടെ പ്രവേശിക്കുകയില്ല

عَنْ ‌سَهْلٍ رَضِيَ اللهُ عَنْهُ عَنِ النَّبِيِّ صَلَّى اللهُ عَلَيْهِ وَسَلَّمَ قَالَ:
«إِنَّ فِي الْجَنَّةِ بَابًا يُقَالُ لَهُ الرَّيَّانُ، يَدْخُلُ مِنْهُ الصَّائِمُونَ يَوْمَ الْقِيَامَةِ، لَا يَدْخُلُ مِنْهُ أَحَدٌ غَيْرُهُمْ، يُقَالُ: أَيْنَ الصَّائِمُونَ، فَيَقُومُونَ لَا يَدْخُلُ مِنْهُ أَحَدٌ غَيْرُهُمْ، فَإِذَا دَخَلُوا أُغْلِقَ، فَلَمْ يَدْخُلْ مِنْهُ أَحَدٌ».

സഹ്ൽ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു:
"സ്വർഗത്തിൽ റയ്യാൻ എന്ന് വിളിക്കപ്പെടുന്ന ഒരു കവാടമുണ്ട്; ഖിയാമത്ത് നാളിൽ നോമ്പുകാരാണ് അതിലൂടെ പ്രവേശിക്കുക. അവരല്ലാതെ മറ്റാരും അതിലൂടെ പ്രവേശിക്കുകയില്ല. നോമ്പുകാരെവിടെ എന്ന് വിളിച്ചു ചോദിക്കപ്പെടുകയും, അപ്പോൾ അവർ എഴുന്നേറ്റു വരുകയും ചെയ്യും. അവരല്ലാതെ മറ്റാരും അതിലൂടെ പ്രവേശിക്കുകയില്ല. അവർ പ്രവേശിച്ചു കഴിഞ്ഞാൽ അത് അടക്കപ്പെടും; പിന്നീട് അതിലൂടെ ആരും പ്രവേശിക്കുകയില്ല."

صحيح متفق عليه صحيح البخاري - 1896

വിശദീകരണം

സ്വർഗത്തിലെ വാതിലുകളിലൊന്നിൻ്റെ പേര് റയ്യാൻ ആണെന്ന് നബി (ﷺ) അറിയിക്കുന്നു. അന്ത്യനാളിൽ നോമ്പുകാർ മാത്രമാണ് അതിലൂടെ പ്രവേശിക്കുക; അവരല്ലാത്ത മറ്റാരും അതിലൂടെ പ്രവേശിക്കുകയില്ല. നോമ്പുകാർ എവിടെ എന്ന് വിളിച്ചു ചോദിക്കപ്പെടുകയും, അവർ എഴുന്നേറ്റു നിൽക്കുകയും അതിലൂടെ പ്രവേശിക്കുകയും ചെയ്യുന്നതാണ്. അവരല്ലാത്ത മറ്റാരും അതിലൂടെ പ്രവേശിക്കുകയില്ല. അവരിൽ അവസാനത്തെ ആളും അതിലൂടെ പ്രവേശിച്ചു കഴിഞ്ഞാൽ അത് അടക്കപ്പെടും. പിന്നീട് അതിലൂടെ ആരും പ്രവേശിക്കുകയില്ല.

ഹദീഥിൻ്റെ പാഠങ്ങളിൽ നിന്ന്

  1. നവവി (رحمه الله) പറഞ്ഞു: "നോമ്പിൻ്റെ ശ്രേഷ്ഠതയും നോമ്പുകാർക്കുള്ള ആദരവും ഈ ഹദീഥിൽ വിവരിക്കപ്പെട്ടിരിക്കുന്നു."
  2. സ്വർഗത്തിലെ എട്ട് വാതിലുകളിലൊന്ന് അല്ലാഹു നോമ്പുകാർക്ക് മാത്രമായി മാറ്റിവെച്ചിരിക്കുന്നു; അവർ അതിലൂടെ പ്രവേശിച്ചു കഴിഞ്ഞാൽ അത് അടക്കപ്പെടുന്നതാണ്.
  3. സ്വർഗത്തിന് വാതിലുകളുണ്ട് എന്ന പാഠം.
  4. സിൻദി (رحمه الله) പറഞ്ഞു: "നോമ്പുകാർ എവിടെ എന്ന ചോദ്യം കൊണ്ട് ഉദ്ദേശിക്കുന്നത് നോമ്പ് അധികരിപ്പിച്ചവരെയാണ്. നീതിമാൻ എന്നും അതിക്രമി എന്നും വിളിക്കാറുള്ളത് ഈ സ്വഭാവങ്ങൾ ശീലമാക്കിയവരെയാണ് എന്നതു പോലെ. എപ്പോഴെങ്കിലുമൊരിക്കൽ നീതിയോ അതിക്രമമോ പ്രവർത്തിച്ചവരെ അപ്രകാരം വിളിക്കുകയില്ലല്ലോ?!"
  5. 'റയ്യാൻ' എന്ന പദത്തിൻ്റെ അർത്ഥം ദാഹം ശമിപ്പിക്കുന്നത് എന്നാണ്. കാരണം നോമ്പുകാർ ദാഹം സഹിച്ചവരാണ്; പ്രത്യേകിച്ചും നീണ്ട പകലുകളുള്ള വേനലിൻ്റെ ചൂടിൽ. അതു കൊണ്ടാണ് അവരുടെ പ്രവർത്തനത്തിന് യോജിച്ച വിധത്തിലുള്ള പേര് അവർ പ്രവേശിക്കുന്ന വാതിലിന് നൽകപ്പെട്ടത്. ദാഹം എന്നതിൻ്റെ നേർവിപരീതമായ 'സമ്പൂർണമായ ദാഹശമനം' എന്ന അർത്ഥമാണ് 'റയ്യാൻ' എന്ന പദത്തിന് എന്നും അഭിപ്രായമുണ്ട്; നോമ്പുകാരുടെ ദാഹത്തിനും വിശപ്പിനുമുള്ള പ്രതിഫലം എന്ന ഉദ്ദേശ്യമാണ് ഈ നാമകരണത്തിന് പിന്നിലുള്ളത്.

വിവർത്തനം പ്രദർശിപ്പിക്കുക

40 ഭാഷ
EN English ഇംഗ്ലീഷ്
UR اردو ഉർദു
ES Español സ്‌പെയിൻ
ID Indonesia ഇന്തോനേഷ്യ
UG ئۇيغۇرچە ഉയ്ഗൂർ
BN বাংলা ബംഗാളി
TR Türkçe തുർക്കി
RU Русский റഷ്യ
BS Bosanski ബോസ്‌നിയ
SI සිංහල സിംഹള
HI हिन्दी ഇന്ത്യൻ
ZH 中文 ചൈനീസ്
FA فارسی പേർഷ്യൻ
VI Tiếng Việt വിയറ്റ്നാമീസ്
TL Tagalog തഗാലോഗ്
KU Kurdî കുർദിഷ്
HA Hausa ഹൗസാ
PT Português പോർച്ചുഗീസ്
TE తెలుగు തെലുങ്ക്‌
SW Kiswahili സ്വാഹിലി
MY မြန်မာ ബോർമീസ്
TH ไทย തായ്ലാൻഡിയൻ
PS پښتو പഷ്‌'തു
AS অসমীয়া ആസാമീസ്
SQ Shqip അൽബാനിയൻ
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
KN ಕನ್ನಡ Kanadianina
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية