عَنِ ابنِ مَسعُودٍ رَضِيَ اللَّهُ عَنْهُ قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«لَا يَحِلُّ دَمُ امْرِئٍ مُسْلِمٍ إِلَّا بِإِحْدَى ثَلَاثٍ: الثَّيِّبُ الزَّانِي، وَالنَّفْسُ بِالنَّفْسِ، وَالتَّارِكُ لِدِينِهِ المُفَارِقُ لِلْجَمَاعَةِ».

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

အိဗ်နုမတ်စ်အူဒ်(ရဿွိယလ္လာဟုအန်ဟု)က ဆင့်ပြန်ခဲ့သည်။ တမန်တော်မြတ်(ဆွလ္လလ္လာဟုအလိုင်းဟိဝစလ္လမ်)မိန့်ကြားတော်မူသည်။
မုစ်လင်မ်တစ်ဦးအား အချက်သုံးချက်အနက် တစ်ချက်ချ က်မရှိဘဲ သတ်ခွင့်မရှိပေ။ ယင်းအချက်သုံးချက်မှာ - ဇိနာကျူးလွန်သည့် အိမ်ထောင်သည်၊ လူတစ်ဦးကို သတ်တယ့်အစား ပြန်သတ်ခြင်း၊ မိမိ၏ သာသနာကို စွန့်လွှတ်ပြီး မုစ်လင်တို့၏ ဂျမာအသ်အစုအဖွဲ့ကို စွန့်ခွါသူ တို့ဖြစ်သည်။

صحيح متفق عليه صحيح مسلم - 1676

ရှင်းလင်းချက်

တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)သည် မုစ်လင်မ်တစ်ဦး၏ သွေး (အသက်အားမတော်မတရား သတ်ဖြတ်ခြင်း ) သည် ဟရာမ် ဖြစ်ကြောင်း ရှင်းလင်းမိန့်ကြားတော်မူခဲ့သည်။ သို့ရာတွင် အောက်ပါအမှုသုံးရပ်အနက်မှ တစ်ခုခုကို ကျူးလွန်သူအား သတ်ဖြတ်ခြင်းသည် ခွင့်ပြုထားသည်- ပထမအမှု - တရားဝင်လက်ထပ်ထိမ်းမြားပြီး သူတစ်ဦးသည် ဇိနာအမှုကို ကျူးလွန်ပါက၊ ထိုသူကို (ရဂျမ်) ကျောက်ခဲနှင့်ပစ်၍ သတ်ရမည်။ ဒုတိယအမှု - တရားတော်အရ အပြစ်ကင်းသောသူကို ရည်ရွယ်ချက်ရှိရှိ မတရားသတ်ဖြတ်သူသည် (သေဒဏ်ချမှတ်ခံရရန်သတ်မှတ်ထားသော)စည်းမျဉ်းစည်းကမ်းများနှင့်အညီ အသတ်ခံရမည်ဖြစ်သည်။ (သေဒဏ်ပေးခြင်းခံရမည်။ ) တတိယအမှု - မုစ်လင်မ်တို့၏ဂျမာအသ် ( အစုအဖွဲ့ ) မှ ခွဲထွက်သူဖြစ်သည်။ ယင်းသည်- · အစ္စလာမ်သာသနာကို လုံးဝစွန့်လွှတ်၍ မုရ်သဒ်အဖြစ် ခွဲထွက်သူ (သို့မဟုတ်) မုရ်သဒ်မဖြစ်သော်လည်း အစ္စလာမ်သာသနာ၏ အချို့သောသွန်သင်ချက်များကို ဆန့်ကျင်၍ မုစ်လင်မ်အသိုက်အဝန်းမှ ခွဲထွက်သူ၊ ဥပမာ- ပုန်ကန်ထကြွသူများ၊ လုယက်သူများ၊ မုစ်လင်မ်များနှင့် စစ်မက်ပြုသူ ခါရီဂျီ ( ခွဲထွက်‌ရေးသမား )များ အပါအဝင်အခြားသော အုပ်စုများမှ ခွဲထွက်သူများ ဖြစ်ကြသည်။

ဟဒီးဆ်မှ သိမှတ်ဖွယ်ရာများ

  1. ဤအမှုကိစ္စ သုံးခုကို ပြုလုပ်ခြင်းသည် ဟရာမ် ဖြစ်သည်။ ထိုအထဲမှ တစ်ခုခုကို ပြုလုပ်သူသည် သေဒဏ်ချမှတ်ခြင်းခံရထိုက်သူ ဖြစ်လာသည်။ သေဒဏ်ချမှတ်ခြင်းခံရထိုက်သူသည်- · ကုဖ်ရ် (သွေဖည်ငြင်းပယ်ခြင်း) ကြောင့် ဖြစ်ရသည်။ ၎င်း‌မှာ မုစ်လင်မ်အဖြစ်မှ ကျောခိုင်းထွက်သွားသူဖြစ်သည်။ · သို့မဟုတ် ဟဒ် (အစ္စလာမ့်ဥပဒေအရပြစ်ဒဏ်အဖြစ်သတ်မှတ်ထားခြင်း) ကြောင့် ဖြစ်ရသည်။ ဟဒ်အရ သေဒဏ်ချမှတ်ခြင်းခံရထိုက်သူ နှစ်ဦးမှာ- · အိမ်ထောင်ရှိပြီး ဇိနာပြုလုပ်သူနှင့် · တမင်ရည်ရွယ်၍ လူသတ်မှုကျူးလွန်သူတို့ ဖြစ်ကြသည်။
  2. မုစ်လင်မ်တို့၏ ဂုဏ်သိက္ခာကို ကာကွယ်ခြင်းနှင့် (မဟုတ်မမှန် စွတ်စွဲပြောဆိုမှုတို့မှ) ကင်းရှင်းစင်ကြယ်ခြင်းသည် ဝါဂျိဗ်ဖြစ်သည်။
  3. မုစ်လင်မ်တစ်ဦးအား ရိုသေလေးစားခြင်းသည် ဝါဂျိဗ် ဖြစ်သည်။ ထိုမုစ်လင်မ်၏ သွေး (အသက်) သည် ထိန်းသိမ်းကာကွယ်ခြင်းခံရပြီး (အခြားမုစ်လင်မ်တစ်ဦး၏ သတ်ဖြတ်ခြင်းကို မခံရထိုက်သူ) ဖြစ်သည်။
  4. မုစ်လင်မ်တို့၏ ဂျမာအသ် ( အစုအဖွဲ့ ) နှင့်ပူးပေါင်းဆောင်ရွက်ရန်နှင့် ဂျမာအသ်အစုအဖွဲ့မှ ခွဲထွက်ခြင်းမပြုရန် တိုက်တွန်းနှိုး‌ဆော်ထားခြင်း။
  5. တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ ကောင်းမွန်သော သင်ကြားမှုပုံစံမှာ တစ်ခါတစ်ရံ အကြောင်းအရာများကို အမျိုးအစားခွဲခြားပြသခြင်းဖြစ်သည်။ အဘယ်ကြောင့်ဆိုသော် ထိုသို့ခွဲခြားပြသခြင်းသည် ကိစ္စရပ်များကို စုစည်းခြင်း၊ အကျဉ်းချုပ်ခြင်းနှင့် အလျင်အ မြန်မှတ်မိစေနိုင်သောကြောင့်ဖြစ်သည်။
  6. အလ္လာဟ်အရှင်မြတ်သည် ပြစ်မှုကျူးလွန်သူများကို ထိန်းချုပ်ရန်နှင့် လူ့အဖွဲ့အစည်းအား ရာဇဝတ်မှုများမှ ကာကွယ်ရန်အလို့ငှာ ပြစ်ဒဏ်များကို ချမှတ်ပြဌာန်းထားတော်မူသည်။
  7. ထိုဟူဒူးဒ်ပြစ်ဒဏ်များကို အကောင် အထည်ဖော်ရန်မှာ အာဏာပိုင်အဖွဲ့(သို့)ခေါင်းဆောင်နှင့်သာ သက်ဆိုင်သည်။ (လူတိုင်းလုပ်ခွင့်မရှိပေ)
  8. သေဒဏ်ချမှတ်နိုင်သော အကြောင်း ရင်းများသည် သုံးချက်ထက် ပိုများသော်လည်း ၎င်းတို့သည် အထက်ပါသုံးချက်မှ ခွဲခြား၍မရနိုင်ပေ။ အီဗ်နုလ်အရဗီ အလ်မာလီကီက "အခြေအနေမှန်သမျှတွင် ဤသုံးချက်မှ ခွဲခြား၍မရနိုင်ပါ။ အဘယ်ကြောင့်ဆိုသော် မှော်အတတ်ပြုလုပ်သူ (သို့) တမန်တော်မြတ် (ဆွလ္လလ္လာဟုအလိုင်ဟိဝစလ္လမ်)အား ဆဲဆိုမ ကောင်းပြောသူသည် ကာဖိရ်ဖြစ်သွားပြီး၊ မိမိ၏ ဒီးန်သာသနာကို စွန့်လွှတ်သူ၏ အမျိုးအစားထဲတွင် ပါဝင်သွားသောကြောင့်ပင် ဖြစ်သည်" ဟု ဆိုသည်။

ဘာသာပြန်များကို ကြည့်ရှုရန်

50 ဘာသာစကား
EN English အင်္ဂလိပ်
UR اردو အုရ်ဒူ
ES Español စပိန်
ID Indonesia အင်ဒိုနီးရှား
UG ئۇيغۇرچە ဝီဂါ
BN বাংলা ဘင်္ဂလီ
FR Français ပြင်သစ်
TR Türkçe တူရကီ
RU Русский ရုရှား
BS Bosanski ဘော့စနီးယား
SI සිංහල ဆင်ဟာလီ
HI हिन्दी ဟင်ဒီ
ZH 中文 တရုတ်
FA فارسی ဖါရစီ(ပါရှန်း)
VI Tiếng Việt ဗီယက်နမ်
TL Tagalog တဂ္ဂလော့
KU Kurdî ကာ့ဒ်
HA Hausa ဟောက်ဆာ
PT Português ပေါ်တူဂီ
ML മലയാളം မလေးရာလမ်
TE తెలుగు တေလဂူ
SW Kiswahili ဆွာဟီလီ
TA தமிழ் တမီးလ်
TH ไทย ထိုင်း
DE Deutsch ဂျာမန်
PS پښتو ပါရှ်တို
SQ Shqip အယ်လ်ဘေးနီးယန်
NL Nederlands الهولندية
GU ગુજરાતી الغوجاراتية
NE नेपाली النيبالية
YO Yorùbá ইউরুবা
PRS دری الدرية
SR Српски الصربية
TG тоҷикӣ الطاجيكية
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy মালাগাসি
FF Fulfulde الفولانية
KN ಕನ್ನಡ কন্নড়
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
DA Dansk الدنماركية
KMR Kurmancî الكرمنجية