1. Ballina
  2. Kategoritë
  3. Fikhu dhe bazat e fikhut

Hadithi “Një muslimani, që ka diç për të lënë testament, s'duhet t'i kalojnë tri net pa e pasur testamentin të shkruar pranë vetes.”

عَنْ ابْنِ عُمَرَ رَضيَ اللهُ عنهُما أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ قَالَ:
«مَا حَقُّ امْرِئٍ مُسْلِمٍ لَهُ شَيْءٌ يُوصِي فِيهِ، يَبِيتُ ثَلَاثَ لَيَالٍ، إِلَّا وَوَصِيَّتُهُ عِنْدَهُ مَكْتُوبَةٌ»، قَالَ عَبْدُ اللهِ بْنُ عُمَرَ رضي الله عنهما: «مَا مَرَّتْ عَلَيَّ لَيْلَةٌ مُنْذُ سَمِعْتُ رَسُولَ اللهِ صَلَّى اللهُ عَلَيْهِ وَسَلَّمَ قَالَ ذَلِكَ إِلَّا وَعِنْدِي وَصِيَّتِي».

Ibn Omeri (Allahu qoftë i kënaqur me të dy!) tregon se e ka dëgjuar të Dërguarin e Allahut ﷺ duke thënë:
“Një muslimani, që ka diç për të lënë testament, s'duhet t'i kalojnë tri net pa e pasur testamentin të shkruar pranë vetes.” Abdullah ibn Omeri (Allahu qoftë i kënaqur me të!) thoshte: “Qëkurse e kam dëgjuar të Dërguarin e Allahut ﷺ duke e përmendur këtë, nuk më ka kaluar asnjë natë, përveçse testamentin e kisha pranë vetes.”

Sahih Muttefek alejhi Sahihu i Muslimit - 1627

Shpjegimi

Profeti ﷺ tregoi se muslimani që ka ndonjë të drejtë ose pasuri për të lënë me testament, qoftë edhe të vogël, nuk duhet të kalojë tri net pa e shkruar testamentin e tij dhe pa e mbajtur atë gati pranë vetes. Abdullah ibn Omeri (Allahu qoftë i kënaqur me të dy!) ka thënë: "Që nga dita kur e dëgjova Profetin ﷺ ta thoshte këtë, nuk kam kaluar asnjë natë pa e pasur testamentin tim gati pranë meje."

Mësime nga hadithi

  1. Legjitimiteti i hartimit të testamentit dhe nxitja për ta bërë atë sa më shpejt, me qëllim që të sqarohen çështjet, të zbatohet urdhri i Ligjvënësit, të përgatitet njeriu për vdekjen dhe të mendojë për hollësitë e tij dhe përfituesit e tij para se ta pengojë ndonjë rrethanë.
  2. Vasijeti (testamenti): është një porosi, me të cilën njeriu ia beson dikujt administrimin e një pjese të pasurisë së tij pas vdekjes, cakton dikë që të kujdeset për fëmijët e tij të mitur ose ia lë në amanet dikujt ndonjë çështje apo pronë, që i përket atij pas vdekjes.
  3. Testamenti ndahet në tri kategori: 1. I pëlqyer: Testamenti me të cilin një pjesë e pasurisë lihet për bamirësi ose vepra të mira, në mënyrë që shpërblimi i tyre të vazhdojë t'i arrijë edhe pas vdekjes. 2. I detyrueshëm: Testamenti që përfshin të drejtat e papërmbushura, qofshin ato të drejta ndaj Allahut të Lartësuar, si zekati i papaguar, shlyerja e ndonjë shpagimi ose detyrime të tjera fetare, apo të drejta ndaj njerëzve, si borxhet ose amanetet. 3. I ndaluar: Testamenti që tejkalon një të tretën e pasurisë ose që përfshin lënien e pasurisë për një trashëgimtar.
  4. Ky hadith tregon vlerën e Ibn Omerit (Allahu qoftë i kënaqur me të dy!), nxitimin e tij në vepra të mira dhe zbatimin e urdhrave të Ligjvënësit të Urtë.
  5. Ibn Dekik Idi ka thënë: "Lejimi i dy ose tri netëve është për të lehtësuar vështirësinë dhe mundimin."
  6. Çështjet e rëndësishme duhet të dokumentohen me shkrim, sepse kjo siguron saktësi më të madhe dhe ruan më mirë të drejtat.

Shfaq përkthimet

40 Gjuha
EN English Anglisht
UR اردو Urdu
ES Español Spanjisht
ID Indonesia Indonezisht
UG ئۇيغۇرچە Ujgurisht
BN বাংলা Bangalisht
TR Türkçe Turqisht
RU Русский Rusisht
BS Bosanski Boshnjakisht
SI සිංහල Sinhalisht
HI हिन्दी Indisht
ZH 中文 Kinezisht
FA فارسی Persisht
VI Tiếng Việt Vietnamisht
TL Tagalog Tagalogisht
KU Kurdî Kurdisht
HA Hausa Hausaisht
PT Português Portugalisht
ML മലയാളം Melejalemisht
TE తెలుగు Gjuha telugu
SW Kiswahili Sevahilisht
MY မြန်မာ Burmisht
TH ไทย Tajlandisht
PS پښتو Gjuha Pashto
AS অসমীয়া Asamisht
AM አማርኛ Emherisht
NL Nederlands Hollandisht
GU ગુજરાતી Guxhratisht
PRS دری Darisht
SR Српски Serbisht
RO Română Rumanisht
HU Magyar Hungarisht
MOS Moore الموري
KN ಕನ್ನಡ Kannadisht
UK Українська Ukrainisht
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية