1. سه‌ره‌كی
  2. پولینكرن
  3. Da‘wah and Hisbah

فه‌رمووده‌ ب ڕاستی ئه‌گه‌ر خه‌لكی زۆردار دیت و ڕێگری لێ نه‌كر؛ نێزیكه‌ خودێ سزایه‌كی ژ ده‌ڤ خۆ‌ ب سه‌ر واندا بینیته‌ خوار و هه‌مییان ڤه‌گریت

عَنْ أَبِي بَكْرٍ الصِّدِّيقِ رضي الله عنه أَنَّهُ قَالَ: أَيُّهَا النَّاسُ، إِنَّكُمْ تَقْرَؤُونَ هَذِهِ الآيَةَ: {يَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لاَ يَضُرُّكُمْ مَنْ ضَلَّ إِذَا اهْتَدَيْتُمْ}، وَإِنِّي سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ:
«إِنَّ النَّاسَ إِذَا رَأَوْا الظَّالِمَ فَلَمْ يَأْخُذُوا عَلَى يَدَيْهِ أَوْشَكَ أَنْ يَعُمَّهُمُ اللَّهُ بِعِقَابٍ مِنْهُ».

ئه‌بو به‌كرێ ڕاستگۆ (خودێ ژێ ڕازی بیت) دبێژیت: گه‌لی خه‌لكی؛ هوین ڤێ ئایه‌تێ دخوینن: {یَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لاَ يَضُرُّكُمْ مَنْ ضَلَّ إِذَا اهْتَدَيْتُمْ}، (ئانكو: گه‌لی باوه‌رداران؛ هوین ئاگه‌هداری نه‌فسێن خۆ بن، ئه‌وێ سه‌رداچووی؛ زیانێ ناگه‌هینیته‌ هه‌وه‌ ئه‌گه‌ر هوین ئه‌وبن یێن ب هیدایه‌ت هاتین)، و ب ڕاستی من گوھ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بوو دگۆت:
«ب ڕاستی ئه‌گه‌ر خه‌لكی زۆردار دیت و ڕێگری لێ نه‌كر؛ نێزیكه‌ خودێ سزایه‌كی ژ ده‌ڤ خۆ‌ ب سه‌ر واندا بینیته‌ خوار و هه‌مییان ڤه‌گریت».

صحيح رواه أبو داود والترمذي والنسائي في الكبرى وابن ماجه وأحمد سنن الترمذي - 2168

شرۆڤه‌كرن

ئه‌بو به‌كرێ ڕاستگۆ (خودێ ژێ ڕازی بیت) به‌حس دكه‌ت كو: خه‌لك ڤێ ئایه‌تێ دخوینن:
{یَا أَيُّهَا الَّذِينَ آمَنُوا عَلَيْكُمْ أَنْفُسَكُمْ لاَ يَضُرُّكُمْ مَنْ ضَلَّ إِذَا اهْتَدَيْتُمْ} [المائدة: 105]، ئانكو: (ئانكو: گه‌لی باوه‌رداران؛ هوین ئاگه‌هداری نه‌فسێن خۆ بن، ئه‌وێ سه‌رداچووی؛ زیانێ ناگه‌هینیته‌ هه‌وه‌ ئه‌گه‌ر هوین ئه‌وبن یێن ب هیدایه‌ت هاتین).
و وه‌سا لێ تێدگه‌هن كو ب تنێ دڤێت مرۆڤ بزاڤێ بكه‌ت بۆ باشكرنا نه‌فسا خۆ و سه‌رداچوونا كه‌سێن دی زیانێ ناگه‌هینیته‌ وی و وه‌سا دبینن كو فه‌رمانكرنا ب باشییێ و پاشڤه‌برنا ژ خرابییێ (الأمر بالمعروف والنهي عن المنكر) ل سه‌ر وان‌ فه‌ڕز نینه‌‌!
ئینا ئه‌بو به‌كری نیشا وان دا كو ڕامانا ئایه‌تێ یا وه‌سا نینه‌ و كو وی گوھ ل پێغه‌مبه‌ری (صه‌لات و سه‌لامێن خودێ ل سه‌ر بن) بوو دگۆت: ب ڕاستی ئه‌گه‌ر خه‌لكی دیت زۆردار یێ زۆردارییێ دكه‌ت و ئه‌و ژ ڤێ زۆردارییێ پاشڤه‌ نه‌بر و ڕێگری لێ نه‌كر، د ده‌مه‌كیدا وان هێزا ڕێگریكرنێ یا هه‌ی؛ هنگی نێزیكه‌ خودێ سزایه‌كێ گشتی بۆ هه‌مییان بهنێریت؛ بۆ ئه‌وێ خرابییێ دكه‌ت و بۆ ئه‌وێ ل به‌رامبه‌ری وێ خرابییێ بێده‌نگ بووی.

ژ مفایێن فه‌رمووده‌یێ

  1. ئه‌ركێ موسلمانانه‌ كو شیره‌تان ل ئێكودوو بكه‌ن و فه‌رمانێ ب باشییێ بكه‌ن و پاشڤه‌برنێ ژ خرابییێ بكه‌ن.
  2. سزایێ خودێ یێ ڤه‌گر زۆرداری ڤه‌دگریت‌ ژ به‌ر زۆرداریا وی، بێده‌نگی ژی ڤه‌دگریت،‌ ئه‌وێ ڕێگری لێ نه‌كری، د ده‌مه‌كیدا دشیا ڕێگرییێ لێ بكه‌ت و خۆ نه‌ڕازی بكه‌ت.
  3. فێركرنا خه‌لكی و تێگه‌هاندنا وان بۆ ده‌قێن قورئانێ ب شێوه‌یه‌كێ دروست.
  4. پێدڤییه‌ مرۆڤ گه‌له‌ك گرنگییێ ب‌ تێگه‌هشتنا په‌رتووكا خودێ بده‌ت، دا كو ب ڕه‌نگه‌كێ وه‌سا تێنه‌گه‌هیت كو مه‌ره‌ما خودێ پێ ئه‌و نینه‌.
  5. هیدایه‌تا ته‌مام ب ده‌ستڤه‌ ناهێت ئه‌گه‌ر مرۆڤ ده‌ست ژ فه‌رمانكرنا ب باشییێ و پاشڤه‌برنا ژ خرابییێ به‌رده‌ت.
  6. ته‌فسیر و ڕامانا دروست بۆ ئایه‌تێ ئه‌ڤه‌یه‌: هوین پێگیر بن ب پاراستنا نه‌فسێن خۆ ژ گونه‌هان، ڤێجا ئه‌گه‌ر هه‌وه‌ نه‌فسێن خۆ پاراستن؛ هنگی سه‌رداچوونا كه‌سێن دی یێن كو ژ به‌ر كرنا كارێن خراب و گونه‌هان سه‌رداچووین چ زیانێ ناگه‌هینیته‌ هه‌وه،‌ ئه‌گه‌ر هات و هوین نه‌شیان فه‌رمانێ ب باشییێ و پاشڤه‌برنێ ژ خرابییێ بكه‌ن و هه‌وه‌ خۆ ژ خرابییا وان پاراست.

نیشاندانا وه‌رگێڕانان

57 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية