1. سه‌ره‌كی
  2. پولینكرن
  3. Virtues and Manners

فه‌رمووده‌ بێژه‌: (لَا إِلَهَ إِلَّا اللهُ وَحْدَهُ لَا شَرِيكَ لَهُ، اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، سُبْحَانَ اللهِ رَبِّ الْعَالَمِينَ، لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ)، ئانكو: ((ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، خودێ مه‌زنترینه‌ و مه‌زناهییا ته‌مام بۆ وییه‌، حه‌مد و سوپاسییێن زێده‌ بۆ خودێنه‌، پاقژی و دویربوون ژ هه‌می كێماسییان هه‌ر بۆ خودایێ هه‌می جیهانانه‌، چ هێز و شیان نینن ژ بلی وێ هێزا خودایێ مه‌زن و دانا دده‌ت

عَنْ سَعْدٍ رضي الله عنها قَالَ:
جَاءَ أَعْرَابِيٌّ إِلَى رَسُولِ اللهِ صَلَّى اللهُ عَلَيْهِ وَسَلَّمَ، فَقَالَ: عَلِّمْنِي كَلَامًا أَقُولُهُ، قَالَ: «قُلْ: لَا إِلَهَ إِلَّا اللهُ وَحْدَهُ لَا شَرِيكَ لَهُ، اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، سُبْحَانَ اللهِ رَبِّ الْعَالَمِينَ، لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ» قَالَ: فَهَؤُلَاءِ لِرَبِّي، فَمَا لِي؟ قَالَ: «قُلْ: اللهُمَّ اغْفِرْ لِي وَارْحَمْنِي وَاهْدِنِي وَارْزُقْنِي».

سه‌عد (خودێ ژێ ڕازی بیت) دبێژیت:
عه‌ره‌به‌كێ ده‌شتێ هاته‌ ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) و گۆت: ئاخڤتنه‌كێ (زكره‌كی) نیشا من بده‌ دا بێژم، گۆت: ((بێژه‌: (لَا إِلَهَ إِلَّا اللهُ وَحْدَهُ لَا شَرِيكَ لَهُ، اللهُ أَكْبَرُ كَبِيرًا، وَالْحَمْدُ لِلَّهِ كَثِيرًا، سُبْحَانَ اللهِ رَبِّ الْعَالَمِينَ، لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ)، ئانكو: ((ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌و ئێكێ ب تنێیه‌ و وی چ شریك و هه‌ڤال نینن، خودێ مه‌زنترینه‌ و مه‌زناهییا ته‌مام بۆ وییه‌، حه‌مد و سوپاسییێن زێده‌ بۆ خودێنه‌، پاقژی و دویربوون ژ هه‌می كێماسییان هه‌ر بۆ خودایێ هه‌می جیهانانه‌، چ هێز و شیان نینن ژ بلی وێ هێزا خودایێ مه‌زن و دانا دده‌ت)). (ئه‌وی زه‌لامی) گۆت: ئه‌ڤه‌ هه‌می بۆ خودایێ من بوون، كا بۆ من‌؟ گۆت: ((بێژه‌: (اللهُمَّ اغْفِرْ لِي وَارْحَمْنِي وَاهْدِنِي وَارْزُقْنِي)، ئانكو: (خودایێ من؛ گونه‌هێن من ژێببه‌ و دلۆڤانییێ ب من ببه‌ و من ڕاسته‌ڕێ بكه‌ و ڕزقێ من بده‌)).

صحيح رواه مسلم صحيح مسلم - 2696

شرۆڤه‌كرن

زه‌لامه‌كێ ئاكنجییێ ده‌شتێ پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر كو زكره‌كی نیشا بده‌ت دا بۆ خۆ بكه‌ت. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆته‌ وی، بێژه‌: " لَا إِلَهَ إِلَّا اللهُ وَحْدَهُ لَا شَرِيكَ لَهُ" به‌ری هه‌ر تشته‌كی ب په‌یڤا ته‌وحیدێ و شاهده‌دانێ ده‌ستپێكر كو ڕامانا وێ ژی ئه‌ڤه‌یه‌: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن. " اللهُ أَكْبَرُ كَبِيرًا" ئانكو: خودێ ژ هه‌ر تشته‌كی مه‌زنتره‌. " وَالْحَمْدُ لِلَّهِ كَثِيرًا" ئانكو: حه‌مد و سوپاسییێن مه‌زن و گه‌له‌ك هه‌ر بۆ خودێنه‌، ژ به‌ر سالۆخه‌ت و كریار و نیعمه‌تێن وی یێن ناهێنه‌ هژمارتن. " سُبْحَانَ اللهِ رَبِّ الْعَالَمِينَ" ئانكو: خودێ یێ دویر و پاقژه‌ ژ هه‌ر كێماسییه‌كێ. "لَا حَوْلَ وَلَا قُوَّةَ إِلَّا بِاللهِ الْعَزِيزِ الْحَكِيمِ‌" ئانكو: ڕه‌وشا مرۆڤی ژ ڕه‌وشه‌كێ بۆ ئێكا دی ناهێته‌ گوهارتن ئه‌گه‌ر ب هاریكاری و ته‌وفیقا خودێ نه‌بیت. ئینا وی زه‌لامی گۆت: ئه‌ڤ په‌یڤه‌ هه‌می بۆ بیرئینان و په‌سن و مه‌زناهییا خودێ بوون، باشه‌ چ دوعا هه‌نه‌ ئه‌ز بۆ خۆ بكه‌م؟ پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ، بێژه‌: " اللهُمَّ اغْفِرْ لِي" ئانكو: خودایێ من گونه‌هێن من ژێببه، ب پاقژكرنا من ژ گونه‌هان و په‌چنتنا وان، " وَارْحَمْنِي" ئانكو: دلۆڤانییێ ب من ببه‌، ب گه‌هاندنا خێر و به‌رژه‌وه‌ندییێن دونیا و ئاخره‌تێ بۆ من. " وَاهْدِنِي‌" ئانكو: من ڕاسته‌ڕێ بكه‌ بۆ باشترین ڕه‌وش و بۆ سه‌ر ڕێكا ڕاست. " وَارْزُقْنِي" ئانكو: ڕزقێ من بده، و مالێ حه‌لال و ساخله‌می و هه‌ر خێره‌كێ بده‌ من.

ژ مفایێن فه‌رمووده‌یێ

  1. هاندان ل سه‌ر زكرێ خودێ ب لێدانا تەهلیل (لا إله إلا الله)، تەكبیر (الله أكبر)، تەحمید (الحمدلله) و تەسبیحان (سبحان الله).
  2. سوننه‌تبوونا زكرێ خودێ و په‌سنكرنا خودێ به‌ری مرۆڤ دوعا بۆ خۆ بكه‌ت.
  3. سوننه‌تبوونا دوعاكرنێ ب جوانترین و ڤه‌گرترین دوعایێن خێرا دونیا و ئاخره‌تێ تێدا هه‌ی و ئەو دشێت هەر تشتەکێ وی دڤێت بخوازیت و دوعا بۆ بکەت.
  4. پێدڤییه‌ عه‌بد یێ ڕژد بیت ل سه‌ر فێربوونا وان تشتێن د دونیا و ئاخره‌تێدا مفای ل وی دكه‌ن.
  5. هاندان ل سه‌ر داخوازكرنا لێبوورین و دلۆڤانی و ڕزقی، چونكی ئه‌و سه‌رێ هه‌می خێر و باشییانن.
  6. دلۆڤانییا پێغه‌مبه‌ری (صه‌لات و سه‌لامێن خودێ ل سه‌ر بن) د فێركرنا ئوممه‌تا خۆدا بۆ وی تشتێ مفایێ وان تێدا هه‌ی.
  7. دلۆڤانی پشتی ژێبرنا گونه‌هان و لێبوورینێ هاته‌ به‌حسكرن؛ ئه‌گه‌ر ژی ئه‌ڤه‌یه‌‌ دا كو پاقژبوونه‌كا ته‌مام په‌یدا ببیت، چونكی لێبوورین ڤه‌شارتن و ژێبرنا گونه‌هانه‌ و دویركه‌ڤتنا ژ ئاگرییه‌ و دلۆڤانی گه‌هشتنا خێران و چوونا به‌حه‌شتێیه‌ و ئه‌ڤه‌ سه‌رفرازییا مه‌زنه‌.

نیشاندانا وه‌رگێڕانان

58 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية