1. سه‌ره‌كی
  2. پولینكرن
  3. The Creed

فه‌رمووده‌ پێغەمبەرێ خودێ (صەلات و سەلامێن خودێ ل سەر بن) - و ئەو ڕاستگۆیێ باوەرپێکرییە - بۆ مە گۆت كو: ((مسوگه‌ر ئێك ژ هه‌وه‌ دروستبوونا وی د زکێ دایکا ویدا چل ڕۆژ و چل شەڤان دهێتە كۆمكرن

عَنْ عَبْدِ اللَّهِ بْنِ مَسْعُودٍ رَضِيَ اللَّهُ عَنْهُ:
حَدَّثَنَا رَسُولُ اللَّهِ صَلَّى اللهُ عَلَيْهِ وَسَلَّمَ وَهُوَ الصَّادِقُ المَصْدُوقُ: «أَنَّ خَلْقَ أَحَدِكُمْ يُجْمَعُ فِي بَطْنِ أُمِّهِ أَرْبَعِينَ يَوْمًا وَأَرْبَعِينَ لَيْلَةً، ثُمَّ يَكُونُ عَلَقَةً مِثْلَهُ، ثُمَّ يَكُونُ مُضْغَةً مِثْلَهُ، ثُمَّ يُبْعَثُ إِلَيْهِ المَلَكُ، فَيُؤْذَنُ بِأَرْبَعِ كَلِمَاتٍ، فَيَكْتُبُ: رِزْقَهُ وَأَجَلَهُ وَعَمَلَهُ وَشَقِيٌّ أَمْ سَعِيدٌ، ثُمَّ يَنْفُخُ فِيهِ الرُّوحَ، فَإِنَّ أَحَدَكُمْ لَيَعْمَلُ بِعَمَلِ أَهْلِ الجَنَّةِ حَتَّى لاَ يَكُونُ بَيْنَهَا وَبَيْنَهُ إِلَّا ذِرَاعٌ، فَيَسْبِقُ عَلَيْهِ الكِتَابُ، فَيَعْمَلُ بِعَمَلِ أَهْلِ النَّارِ فَيَدْخُلُ النَّارَ، وَإِنَّ أَحَدَكُمْ لَيَعْمَلُ بِعَمَلِ أَهْلِ النَّارِ حَتَّى مَا يَكُونُ بَيْنَهَا وَبَيْنَهُ إِلَّا ذِرَاعٌ، فَيَسْبِقُ عَلَيْهِ الكِتَابُ، فَيَعْمَلُ عَمَلَ أَهْلِ الجَنَّةِ فَيَدْخُلُهَا».

ژ عه‌بدولڵاهێ كوڕێ مه‌سعوودی (خودێ ژێ ڕازی بیت):
پێغەمبەرێ خودێ (صەلات و سەلامێن خودێ ل سەر بن) - و ئەو ڕاستگۆیێ باوەرپێکرییە - بۆ مە گۆت كو: ((مسوگه‌ر ئێك ژ هه‌وه‌ دروستبوونا وی د زکێ دایکا ویدا چل ڕۆژ و چل شەڤان دهێتە كۆمكرن، پاشی دبيتە پارچەیه‌کا خوینێ وەکی وێ (چل ڕۆژێن دی)، پاشی دبيتە پارچەیه‌کا گۆشتی وەکی وێ (چل ڕۆژێن دی). پاشی مه‌لائیكه‌ت بۆ دهێتە هنارتن و ڕۆحێ دكه‌ته به‌ر و فەرمانا چار پەیڤان ل وی مه‌لائیكه‌تی دهێتە کرن: ب نڤیسینا ڕزقێ وی، ژییێ وی، کارێ وی و كا مرۆڤه‌كێ به‌ختڕه‌شه یان به‌خته‌وه‌ره‌، ئه‌ز ب وی كه‌مه‌ یێ ژ وی پێڤه‌تر چ خودایێن ژ هه‌ژی په‌رستنێ نینن؛ مسوگه‌ر ئێك ژ هه‌وە دێ کارێ خەلکێ بەهەشتێ کەت، هەتا کو ب تنێ گه‌زه‌ك د ناڤبەرا وی و به‌هەشتێدا دمینیت، پاشی په‌ڕتووك (ئه‌وا ل سه‌ر وی هاتییه‌ نڤیسین) دێ به‌ری وی ڕاكه‌ت و دێ کارێ خەلکێ جه‌هنه‌مێ کەت و دێ چیتە د ناڤدا، مسوگه‌ر (ل به‌رامبه‌ری ڤێ ژی) ئێك ژ هه‌وە دێ کارێ خەلکێ جه‌هنه‌مێ کەت، هەتا کو ب تنێ گه‌زه‌ك د ناڤبەرا وی و جه‌هنه‌مێدا دمینیت، پاشی په‌ڕتووك (ئه‌وا ل سه‌ر وی هاتییه‌ نڤیسین) دێ به‌ری وی ڕاكه‌ت و دێ کارێ خەلکێ به‌هه‌شتێ کەت و دێ چیتە د ناڤدا)).

صحيح متفق عليه صحيح البخاري - 7454

شرۆڤه‌كرن

ئبن مەسعوودی گۆت: پێغەمبەرێ خودێ (صەلات و سەلامێن خودێ ل سەر بن) بۆ مە گۆت و ئەو یێ ڕاستگۆیە د گۆتنا خۆدا و یێ ب ڕاست هاتییە دانان چونکی خودێ یێ ب ڕاست زانی، گۆت: ب ڕاستی ئێك ژ هەوە ئافراندنا وی دهێتە کۆمکرن، و ئەڤە ئەوە ده‌مێ زەلام هاته‌ دەڤ خێزانا خۆ؛ هنگی تۆڤێ وی دێ د زکێ ژنێدا بەڵاڤ بیت و چل ڕۆژان دێ وەك دلۆپه‌كێ کۆم بیت، پاشی دێ بیتە عەلەقە کو خوینا ستویر و ڕاوه‌ستاییه‌ و ئەڤە د چل ڕۆژێن دووێدایە، پاشی دبیتە (موضغه‌) کو ئه‌و ژی پارچەکا گۆشتییە ب ته‌مه‌ت وێ چه‌ندا مرۆڤ دكه‌ته‌ د ده‌ڤێ خۆدا و دجویت، ئەڤە ژی د چل ڕۆژێن سێیێدایە، پاشی خودێ مه‌لائیكه‌تی بۆ فڕێدكه‌ت و ئه‌و ژی ڕۆحێ تێدا پف دكه‌ت، ئه‌ڤه‌ ژی پشتی ب دویماهیك هاتنا چل ڕۆژێن سێیێ، و فەرمان ل مه‌لائیكه‌تی دهێته‌ كرن کو چار گۆتنان بنڤیسیت، ئەو ژی ئەڤەنە: ڕزقێ وی کو ئه‌و قه‌نجی و نیعمه‌تن یێن ئه‌ڤ مرۆڤه‌ دێ د ژییێ خۆدا گه‌هیتێ و ب ده‌ست خۆڤه‌ ئینیت، و ئه‌جه‌لا وی، کو ده‌مێ مانێیە د دونیایێدا، و کارێ وی، كا چییە؟ و كا دێ كه‌سه‌كێ به‌ختڕه‌ش بیت یان به‌خته‌وه‌ر. پاشی پێغەمبەری (صەلات و سەلامێن خودێ ل سەر بن) سویند خوار کو ئێك دێ کارێ خەلکێ بەهه‌شتێ کەت و کارێ وی دێ یێ چاك بیت، ئانكو ئه‌و كارێ ئه‌و بۆ خه‌لكی دیار دكه‌ت و نیشا وان دده‌ت دێ یێ چاك و باش بیت، و هەر دێ ب وی شێوەی مینیت هەتا کو د ناڤبەرا وی و بەهه‌شتێدا ب تنێ گه‌زه‌ك دمینیت، ئانكو: ئه‌وا د ناڤبه‌را وی و د ناڤبه‌را گه‌هشتنا ب وێدا ب تنێ هند یا مای وه‌كی وی كه‌سێ د ناڤبه‌را وی و جهەکی ژ ئەردی ب تنێ گه‌زه‌ك مای، به‌لێ ل ڤێرێ په‌ڕتووك و ئه‌وا ل سه‌ر وی هاتییه‌ نڤیسین دێ به‌ری وی ڕاكه‌ت، ب ڤێ چه‌ندێ ژی دێ كارێ خەلکێ ئاگرێ جه‌هنه‌مێ کەت و هوسا دێ دویماهیك ب كارێ وی هێت و دێ چیتە ئاگرێ جه‌هنه‌مێ؛ ژ بەر کو مەرجێ قەبویلکرنا کارێ وی ئەوە کو ل سەر وێ بەردەوام بیت و نەگوهۆڕیت، ئێكێ دی ژ خەلکى دێ کارێن خەلکێ ئاگرێ جه‌هنه‌مێ کەت هەتا کو نێزیك دبیت بۆ چوونا ئاگرێ جه‌هنه‌مێ، هه‌روەکی کو د ناڤبەرا وی و ئاگرێ جه‌هنه‌مێدا ب ته‌مه‌ت گه‌زه‌كێ ژ ئەردی مابیت، ل ڤێرێ په‌ڕتووك و ئه‌وا ل سه‌ر وی هاتییه‌ نڤیسین دێ به‌رى وی ڕاكه‌ت، ب ڤێ چه‌ندێ ژی دێ كارێ خەلکێ به‌هه‌شتێ کەت و دێ چیته‌ به‌هه‌شتێ.

ژ مفایێن فه‌رمووده‌یێ

  1. چارەنڤیسێ کاران د دویماهییێدا بۆ وێ چەندێیە یا قەزا و قه‌ده‌ر پێ هاتی و تێدا هاتییه‌ نڤیسین.
  2. هشیاركرن ژ خۆمه‌زنكرن و (مه‌غروربوونا) ب كارێن باش، چونكی یا گرنگ دویماهیكا كارانه‌.

نیشاندانا وه‌رگێڕانان

68 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
EL Ελληνικά اليونانية
UZ O‘zbek الأوزبكية
UK Українська الأوكرانية
KA ქართული الجورجية
LN Lingala اللينجالا
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو