1. ပင်မစာမျက်နှာ
  2. အမျိုးအစားများ
  3. ဖိကဟ်နှင့် ၎င်း၏စည်းမျဥ်းများ။

ဟဒီးဆ် ကျွန်ုပ်တို့သည် အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) နှင့်အတူ ဆဲဟ်ရီစားခဲ့ကြသည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် (ဖဂျရ်) ဆွလာသ်ဝတ်ပြုရန်အတွက် မတ်တတ်ရပ်တော်မူခဲ့သည်။ ကျွန်ုပ်က (အနတ်စ် (ရဿွိယလ္လာဟုအန်ဟု) က ဇိုက်ဒ် ဗင်န် စာဗိသ် (ရဿွိယလ္လာဟုအန်ဟု) အား "အဇာန်နှင့် ဆဲဟ်ရီကြားတွင် အချိန်မည်မျှကြာမြင့်ခဲ့သနည်း" ဟု မေးမြန်းခဲ့ရာ၊ ၎င်းက "အာယသ်တော် (၅၀) ခန့် ဖတ်ရွတ်နိုင်သည့်အချိန် အတိုင်းအ တာခန့် ကြာမြင့်သည်" ဟု ဖြေကြားခဲ့သည်။

عَنْ زَيْدِ بْنِ ثَابِتٍ رَضِيَ اللَّهُ عَنْهُ قَالَ:
تَسَحَّرْنَا مَعَ النَّبِيِّ صَلَّى اللهُ عَلَيْهِ وَسَلَّمَ، ثُمَّ قَامَ إِلَى الصَّلاةِ، قُلْتُ: كَمْ كَانَ بَيْنَ الأَذَانِ وَالسَّحُورِ؟ قَالَ: قَدْرُ خَمْسِينَ آيَةً.

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

ဇိုက်ဒ် ဗင်န် စာဗိသ် (ရဿွိယလ္လာဟုအန်ဟု) မှ ဆင့်ပြန်လာရှိသည်။ ၎င်းက ပြောပြသည်
"ကျွန်ုပ်တို့သည် အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) နှင့်အတူ ဆဲဟ်ရီစားခဲ့ကြသည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် (ဖဂျရ်) ဆွလာသ်ဝတ်ပြုရန်အတွက် မတ်တတ်ရပ်တော်မူခဲ့သည်။ ကျွန်ုပ်က (အနတ်စ် (ရဿွိယလ္လာဟုအန်ဟု) က ဇိုက်ဒ် ဗင်န် စာဗိသ် (ရဿွိယလ္လာဟုအန်ဟု) အား "အဇာန်နှင့် ဆဲဟ်ရီကြားတွင် အချိန်မည်မျှကြာမြင့်ခဲ့သနည်း" ဟု မေးမြန်းခဲ့ရာ၊ ၎င်းက "အာယသ်တော် (၅၀) ခန့် ဖတ်ရွတ်နိုင်သည့်အချိန် အတိုင်းအ တာခန့် ကြာမြင့်သည်" ဟု ဖြေကြားခဲ့သည်။

صحيح متفق عليه صحيح البخاري - 1921

ရှင်းလင်းချက်

အချို့သောဆွဟာဗဟ်တို့သည် တမန်တော်မြတ်(ဆွလ္လလ္လာဟုအလိုင်ဟိဝစလ္လမ်)နှင့်အတူ ဆဲဟ်ရီစားခဲ့ကြသည်။ ထို့နောက် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ဖဂျရ်ဆွလာသ်ဝတ်ပြုရန်အတွက် မတ်တတ်ရပ်တော်မူခဲ့သည်။ အနတ်စ်(ရဿွိယလ္လာဟုအန်ဟု) သည် ဇိုက်ဒ် ဗင်န်စာဗိသ် (ရဿွိယလ္လာဟုအန်ဟု) အား "အဇာန်နှင့် ဆဲဟ်ရီစားပြီးချိန် ကြားတွင် အချိန်မည်မျှကြာမြင့်ခဲ့သနည်း" ဟု မေးမြန်းခဲ့သည်။ ဇိုက်ဒ် ဗင်န် စာဗိသ် (ရဿွိယလ္လာဟုအန်ဟု) က "အာယသ်တော် (၅၀) ခန့် ဖတ်ရွတ်နိုင်သည့်အချိန် အတိုင်း အတာခန့် ကြာမြင့်သည်" ဟု ဖြေကြားခဲ့သည်။ ထိုအာယသ်တော်များမှာ အလယ်အလတ်ရှိပြီး၊ ရှည်လွန်းခြင်း၊ တိုလွန်းခြင်းမရှိသလို၊ ဖတ်ရွတ်သည့်ပုံစံမှာ မြန်လွန်ခြင်း၊ နှေးလွန်းခြင်းမရှိဘဲ ( ပုံမှန်အတိုင်းဖတ်ရွတ်သည့်ပုံစံ ခန့်မျှကြာချိန်) ဟု ဖြေကြားခဲ့သည်။

ဟဒီးဆ်မှ သိမှတ်ဖွယ်ရာများ

  1. ၁။ ဖဂျရ်အချိန်မတိုင်မီ အနည်းငယ်အချိန်အထိ ဆဲဟ်ရီကို နောက်ဆိုင်း၍ စားသုံးခြင်းသည် ပို၍ကောင်းမွန်သည်။ အဘယ် ကြောင့်ဆိုသော် ဆဲဟ်ရီကို နောက်ဆိုင်း၍ စားသုံးခြင်းသည် ခန္ဓာကိုယ်အတွက် အကျိုးကျေးဇူးပိုမိုရရှိပြီး တစ်နေ့တာလုံးအတွက် အကျိုးကျေးဇူးကို ပိုမိုခံစားရနိုင်သောကြောင့်ဖြစ်သည်။
  2. ၂။ ဆွဟာဗဟ်သာဝကကြီးများသည် တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ထံမှ ပညာသင်ယူဆည်းပူးနိုင်ရန်အတွက် ကိုယ်‌တော့်ထံပါးတွင် စုဝေးနေထိုင်ရန် ဆန္ဒရှိခဲ့ကြသည်။
  3. ၃။ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) ၏ ဆွဟာဗဟ်တို့အား ကောင်းမွန်သောဆက်ဆံမှုပုံစံတစ်ခုမှာ ၎င်းတို့နှင့်အတူ ထိုင်ကာ စားသောက်ခြင်းပင်ဖြစ်သည်။
  4. ၄။ ဆဲဟ်ရီစားသုံးခြင်းမှ ရပ်တန့်ရမည့်အချိန်သည် ဖဂျရ်အာရုဏ်တက်ချိန်မှ စတင်သည်။
  5. ၅။ "အဇာန်နှင့် ဆဲဟ်ရီစားချိန်ကြား မည်မျှကြာမြင့်ခဲ့သနည်း" ဟူသော စကား၏အလိုသလောမှာ ဆဲဟ်ရီနှင့် အိကာမသ်ဆိုချိန်ကြားက အချိန်ဖြစ်သည်။ အဘယ်ကြောင့်ဆိုသော် အခြားဟဒီးဆ်တစ်ခုတွင် "သူတို့နှစ်ဦး၏ ဆဲဟ်ရီစားပြီးချိန်မှ ဆွလာသ်အတွင်းသို့ ဝင်ရောက်ချိန်အထိ မည်မျှကြာမြင့်ခဲ့သနည်း" ဟူ၍ ပါရှိပြီး ဟဒီးဆ်တစ်ခုသည် အခြားဟဒီးဆ်တစ်ခုကို ရှင်းလင်းဖွင့်ဆိုပေးသည်။
  6. ၆။ မုဟလ္လဗ်က ဆိုသည်မှာ- ဤဟဒီးဆ်တွင် ကိုယ်လက်လှုပ်ရှားမှုများဖြင့် အချိန်ကို သတ်မှတ်တိုင်းတာချက် ပါရှိသည်။ အာရပ်လူမျိုးများသည် အချိန်ကို လုပ်ရပ်များဖြင့် သတ်မှတ်တိုင်းတာ‌လေ့ ရှိခဲ့ကြသည်။ ဥပမာအားဖြင့် သူတို့က "ဆိတ်နို့ညှစ်ချိန်ခန့်"၊ "ကုလားအုတ် နဟရ်လုပ်ချိန်ခန့်" စသည်ဖြင့် ပြောဆိုလေ့ရှိသည်။ ဇိုက်ဒ် ဗင်န် စာဗိသ် (ရဿွိယလ္လာဟုအန်ဟု) က ဤဟဒီးဆ်တွင် အချိန်ကို အထက်ဖော်ပြပါဥပမာများအစား ကုရ်အာန်ဖတ်ရွတ်မှုဖြင့် သတ်မှတ်တိုင်းတာခဲ့ခြင်းမှာ ထိုအချိန်သည် ကုရ်အာန်ဖတ်ရွတ်မှုဖြင့် အေဗာဒသ်ပြုလုပ်သည့် အချိန်ဖြစ်ကြောင်း ညွှန်ပြရန် ဖြစ်သည်။ အကယ်၍ ၎င်းတို့သည် အခြားအရာတစ်ခုခုဖြင့်သာ အချိန်ကိုသတ်မှတ်တိုင်းတာခဲ့ပါက "တစ်ဒီဂရီခန့်" သို့မဟုတ် "မိနစ်နှစ်ဆယ်ခန့် သို့မဟုတ် ဆယ်မိနစ်ခန့်" စသည်ဖြင့် ဖြေကြားခဲ့ကြလိမ့်မည် ဖြစ်သည်။
  7. ၇။ အစ်ဗ်နု အဗီဂျမ်ရဟ် ပြောကြားသည်မှာ- တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် မိမိ၏အွမ္မသ်သားများအတွက် မည်သည့်အရာသည် အလွယ်ကူဆုံးဖြစ်သည်ကို ကြည့်ရှုတော်မူပြီး ထိုအရာကိုပင် ပြုလုပ်တော်မူသည်။ အဘယ်ကြောင့်ဆိုသော် အကယ်၍ တမန်တော်မြတ် (ဆွလ္လလ္လာဟုအလိုင်ဟိဝစလ္လမ်) သည် ဆဲဟ်ရီ စားသုံးခြင်းမရှိခဲ့ပါက တမန်တော်၏ နောက်လိုက်သည့်အ‌နေဖြင့် (လူတို့သည်လည်း ဆဲဟ်ရီ စားသုံးကြမည်မဟုတ်ပေ။) ထိုသို့ဆိုပါက အချို့သောလူများအပေါ် ခက်ခဲမှုဖြစ်သွားနိုင်သည်။ အလားတူပင် အကယ်၍ တမန်တော် မြတ်(ဆွလ္လလ္လာဟုအလိုင်ဟိဝစလ္လမ်) သည် ညအလယ်တွင် ဆဲဟ်ရီ စားသုံးခဲ့ပါက အိပ်ချင်စိတ်ပြင်းပြသူများအပေါ် ခက်ခဲမှုဖြစ်သွားနိုင်သည်။ အကြောင်းမှာ ထိုသို့ပြုလုပ်ပါက ဖဂျရ်ဆွလာသ်လွှတ်သွားနိုင်သောကြောင့် သို့မဟုတ် ညဉ့်နက်သည်အထိ မအိပ်ဘဲနေရသည့် ခက်ခဲမှုကို ရင်ဆိုင်ရနိုင်သောကြောင့် ဖြစ်သည်။

ဘာသာပြန်များကို ကြည့်ရှုရန်

47 ဘာသာစကား
EN English အင်္ဂလိပ်
UR اردو အုရ်ဒူ
ES Español စပိန်
ID Indonesia အင်ဒိုနီးရှား
BN বাংলা ဘင်္ဂလီ
TR Türkçe တူရကီ
RU Русский ရုရှား
BS Bosanski ဘော့စနီးယား
SI සිංහල ဆင်ဟာလီ
HI हिन्दी ဟင်ဒီ
ZH 中文 တရုတ်
FA فارسی ဖါရစီ(ပါရှန်း)
VI Tiếng Việt ဗီယက်နမ်
TL Tagalog တဂ္ဂလော့
KU Kurdî ကာ့ဒ်
HA Hausa ဟောက်ဆာ
PT Português ပေါ်တူဂီ
ML മലയാളം မလေးရာလမ်
TE తెలుగు တေလဂူ
SW Kiswahili ဆွာဟီလီ
TA தமிழ் တမီးလ်
TH ไทย ထိုင်း
DE Deutsch ဂျာမန်
PS پښتو ပါရှ်တို
AS অসমীয়া အာသံ
SQ Shqip အယ်လ်ဘေးနီးယန်
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
TG тоҷикӣ الطاجيكية
RO Română الرومانية
HU Magyar المجرية
MOS Moore الموري
MG Malagasy মালাগাসি
OM Oromoo অরমো
KN ಕನ್ನಡ কন্নড়
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية