1. Ballina
  2. Kategoritë
  3. Fikhu dhe bazat e fikhut

Hadithi “Kur të vijë Ramazani, hapen portat e Xhenetit, mbyllen dyert e Xhehenemit dhe prangosen shejtanët.”

عَنْ أَبِي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ، قَالَ:
«إِذَا جَاءَ رَمَضَانُ فُتِّحَتْ أَبْوَابُ الْجَنَّةِ، وَغُلِّقَتْ أَبْوَابُ النَّارِ، وَصُفِّدَتِ الشَّيَاطِينُ».

Ebu Hurejra (Allahu qoftë i kënaqur me të!) transmeton se i Dërguari i Allahut ﷺ ka thënë:
“Kur të vijë Ramazani, hapen portat e Xhenetit, mbyllen dyert e Xhehenemit dhe prangosen shejtanët.”

Sahih Muttefek alejhi Sahihu i Muslimit - 1079

Shpjegimi

Profeti ﷺ ka njoftuar se, kur vjen muaji i Ramazanit, ndodhin tri gjëra: E para: Hapen dyert e Xhenetit dhe asnjëra prej tyre nuk mbyllet. E dyta: Mbyllen dyert e Xhehenemit dhe asnjëra prej tyre nuk hapet. E treta: Shejtanët dhe xhindët kryeneçë lidhen, kështu që nuk arrijnë të bëjnë atë që zakonisht bëjnë jashtë Ramazanit. E gjithë kjo bëhet për ta nderuar këtë muaj dhe për t’i motivuar njerëzit t'i shtojnë adhurimet ndaj Allahut, si: namazi, lëmosha, përmendja e Allahut, leximi i Kuranit dhe veprat e tjera të mira, si dhe për t’u larguar nga gjynahet dhe veprat e këqija.

Mësime nga hadithi

  1. Vlera e muajit Ramazan.
  2. Përgëzimi për ata që agjërojnë në të, se ky muaj i bekuar është një sezon adhurimi dhe mirësie.
  3. Lidhja e shejtanëve gjatë Ramazanit, është tregues se i hiqen justifikimet njeriut që është i obliguar me detyrime fetare, sikur t’i thuhet: "Shejtanët janë ndaluar prej teje, prandaj mos i përdor ata si justifikim për braktisjen e adhurimeve apo për kryerjen e gjynaheve."
  4. Kurtubiu ka thënë: "Nëse shtrohet pyetja se si i shohim të këqijat dhe gjynahet të ndodhin shpesh në Ramazan, kur shejtanët janë të lidhur, përgjigjja është se ata ndalohen vetëm nga ata që e respektojnë agjërimin me kushtet e tij dhe i përmbahen edukatës së tij. Ose janë të lidhur vetëm shejtanët kryeneçë, e jo të gjithë, siç përmendet në disa transmetime. Ose qëllimi është se të këqijat pakësohen gjatë këtij muaji, gjë që është e dukshme, sepse ndodhja e tyre në Ramazan është më e vogël se në muajt e tjerë. Kjo sepse lidhja e të gjithë shejtanëve, nuk nënkupton domosdoshmërisht që të mos ndodhë asnjë e keqe apo gjynah, pasi ka edhe shkaqe të tjera për to, si shpirtrat e prishur, zakonet e këqija dhe shejtanët prej njerëzve."

Shfaq përkthimet

43 Gjuha
EN English Anglisht
UR اردو Urdu
ES Español Spanjisht
ID Indonesia Indonezisht
BN বাংলা Bangalisht
TR Türkçe Turqisht
RU Русский Rusisht
BS Bosanski Boshnjakisht
SI සිංහල Sinhalisht
HI हिन्दी Indisht
ZH 中文 Kinezisht
FA فارسی Persisht
VI Tiếng Việt Vietnamisht
TL Tagalog Tagalogisht
KU Kurdî Kurdisht
HA Hausa Hausaisht
PT Português Portugalisht
ML മലയാളം Melejalemisht
TE తెలుగు Gjuha telugu
SW Kiswahili Sevahilisht
TA தமிழ் Tamilisht
MY မြန်မာ Burmisht
TH ไทย Tajlandisht
PS پښتو Gjuha Pashto
AS অসমীয়া Asamisht
SV Svenska Suedisht
AM አማርኛ Emherisht
NL Nederlands Hollandisht
GU ગુજરાતી Guxhratisht
PRS دری Darisht
SR Српски Serbisht
RO Română Rumanisht
HU Magyar Hungarisht
MOS Moore الموري
MG Malagasy Malagasisht
KN ಕನ್ನಡ Kannadisht
WO Wolof الولوف
UK Українська Ukrainisht
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية