1. سه‌ره‌كی
  2. پولینكرن
  3. The Creed

فه‌رمووده‌ ئه‌ز ب وی كه‌مه‌ یێ نه‌فسا من د ده‌ستیدا؛ هوین دێ ل دویڤ ڕێك و نه‌ریتێن ملله‌تێن به‌ری خۆ كه‌ڤن))

عَنْ أَبِي وَاقِدٍ اللَّيْثِيِّ رضي الله عنه:
أَنَّ رَسُولَ اللهِ صَلَّى اللَّهُ عَلَيْهِ وَسَلَّمَ لَمَّا خَرَجَ إِلَى حُنَيْنٍ مَرَّ بِشَجَرَةٍ لِلْمُشْرِكِينَ يُقَالُ لَهَا: ذَاتُ أَنْوَاطٍ يُعَلِّقُونَ عَلَيْهَا أَسْلِحَتَهُمْ، فَقَالُوا: يَا رَسُولَ اللهِ، اجْعَلْ لَنَا ذَاتَ أَنْوَاطٍ كَمَا لَهُمْ ذَاتُ أَنْوَاطٍ، فَقَالَ النَّبِيُّ صَلَّى اللَّهُ عَلَيْهِ وَسَلَّمَ: «سُبْحَانَ اللهِ! هَذَا كَمَا قَالَ قَوْمُ مُوسَى {اجْعَلْ لَنَا إِلَهًا كَمَا لَهُمْ آلِهَةٌ} [الأعراف: 138] وَالَّذِي نَفْسِي بِيَدِهِ لَتَرْكَبُنَّ سُنَّةَ مَنْ كَانَ قَبْلَكُمْ».

ئه‌بو واقدێ له‌یسی (خودێ ژێ ڕازی بیت) دبێژیت:
ده‌مێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌ره‌ڤ حونه‌ینێ ده‌ركه‌ڤتی، د به‌ر داره‌كا موشركانڕا ده‌ربازبوو كو دگۆتێ: (ذات أنواط)، موشركان (بۆ به‌ره‌كه‌تێ) چه‌كێن خۆ پێڤه‌ د هه‌لاویستن، ڤێجا هنده‌ك ژ وان صه‌حابییێن ژ نوی هاتینه‌ د ناڤ ئیسلامێدا گۆتن: ئه‌ی پێغه‌مبه‌رێ خودێ؛ داره‌كا ب ڤی ڕه‌نگی بۆ مه‌ ژی ده‌ستنیشان بكه‌ وه‌كی كا چاوا وان هه‌ی. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((پاقژی ژ هه‌می كێماسییان هه‌ر بۆ خودێ بیت! ئه‌ڤه‌ هه‌روه‌كی وێ گۆتنێیه‌ یا ملله‌تێ مووسای گۆتییه‌ وی: {اجْعَلْ لَنَا إِلَهًا كَمَا لَهُمْ آلِهَةٌ} [الأعراف: 138]، ئانكو: ((بۆ مه‌ ژی خودایه‌كی ده‌ستنیشان بكه هه‌روه‌كی كا چاوا وان خوداوه‌ندێن خۆ هه‌نه‌))، ئه‌ز ب وی كه‌مه‌ یێ نه‌فسا من د ده‌ستیدا؛ هوین دێ ل دویڤ ڕێك و نه‌ریتێن ملله‌تێن به‌ری خۆ كه‌ڤن)).

صحيح رواه الترمذي وأحمد سنن الترمذي - 2180

شرۆڤه‌كرن

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌ره‌ڤ حونه‌ینێ ده‌ركه‌ڤت: حونه‌ین ژی نهاله‌كه‌ د ناڤبه‌را تائیف و مه‌كه‌هێدا، و هنده‌ك صه‌حابی د گه‌ل بوون كو تازه‌ موسلمان بووبوون. ڤێجا د به‌ر داره‌كێڕا چوون كو دگۆتێ "ذات أنواط"، ئانكو: ئه‌و دارا تشت پێڤه‌ دهێنه‌ هه‌لاویستن. موشركان ئه‌و داره ب چاڤه‌كێ‌ مه‌زن و پیرۆز ددیت و چه‌كێن خۆ و تشتێن دی پێڤه‌ دكرن دا كو به‌ره‌كه‌ت ب گه‌هیته‌ وان، ڤێجا وان صه‌حابییان داخواز ژ پێغه‌مبه‌ری (صەلات و سەلامێن خودێ ل سەر بن) كر كو داره‌كا وه‌سا بۆ وان ژی ده‌ستنیشان بكه‌ت دا چه‌كێن خۆ پێڤه‌ بكه‌ن بۆ به‌ره‌كه‌تێ، وان وه‌سا هزر كر ئه‌ڤه‌ كاره‌كێ دروسته. ئینا پێغه‌مبه‌ری (صه‌لات و سه‌لامێن خودێ ل سه‌ر بن) ته‌سبیحا خودێ كر وه‌ك نه‌ڕازیبوونه‌ك ل سه‌ر وێ ئاخڤتنێ و مەزنڕاگرتنەك بۆ خودێ، و دیار كر كو ئه‌ڤ ئاخڤتنه‌ وه‌كی ئاخڤتنا ملله‌تێ مووسایه‌ ده‌مێ گۆتینه‌ وی: {اجْعَلْ لَنَا إِلَهًا كَمَا لَهُمْ آلِهَةٌ} [الأعراف: 138]، ئانكو: ((بۆ مه‌ ژی خودایه‌كی ده‌ستنیشان بكه هه‌روه‌كی كا چاوا وان خوداوه‌ندێن خۆ هه‌نه‌)). ده‌مێ دویكه‌ڤتییێن مووسای هنده‌ك مرۆڤ دیتین یێ بت و صه‌نه‌مان دپه‌رێسن، وان ژی داخوازا بت و صه‌نه‌مان كر كا چاوا موشركان بت و صه‌نه‌م هه‌نه‌ و ئه‌ڤه‌ دویكه‌ڤتنا ڕێكا وانه‌. پاشی پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو ئه‌ڤ ئوممه‌ته‌ دێ ل دویڤ ڕێكا جوهی و فه‌له‌یان چیت و دێ كریارێن وان ئه‌نجام ده‌ت، و هشیاركرن ژ ڤێ چه‌ندێ دا.

ژ مفایێن فه‌رمووده‌یێ

  1. دبیت مرۆڤ تشته‌كی ب باش بزانیت و وه‌سا هزر بكه‌ت كو ئه‌و تشت وی نێزیكی خودێ دكه‌ت، به‌لێ د ڕاستیدا ئه‌و تشت وی ژ خودێ دویر دكه‌ت.
  2. پێدڤییه‌ موسلمان ته‌سبیح و ته‌كبیران بكه‌ت ده‌مێ تشته‌كێ نه‌دروست د ئایینیدا گوهلێ دبیت، یان ده‌مێ تووشی مه‌نده‌هۆشییێ دبیت.
  3. به‌ره‌كه‌ت وه‌رگرتن (ته‌به‌ڕوك) ب دار و به‌ر و تشتێن وه‌سا شركه‌ و به‌ره‌كه‌ت ب تنێ ژ خودێ دهێته‌ خواستن.
  4. ئه‌گه‌رێ په‌رستنا بت و صه‌نه‌مان مه‌زنكرنا وان و مانه‌ڤه‌یا ل ده‌ڤ وان و به‌ره‌كه‌ت وه‌رگرتنا ژ وان بوویه‌.
  5. فه‌ربوونا گرتنا وان هه‌می ده‌رگه‌هـ و ڕێكێن مرۆڤی به‌ره‌ڤ شركێ دبه‌ن.
  6. ئه‌و تشتێن ل دۆر خراب به‌حسكرنا جوهی و فه‌له‌یان د ده‌قێن شه‌رعیدا هاتین، هشیاركرنن بۆ مه‌.
  7. پاشڤه‌برن ژ هندێ مرۆڤ خۆ وه‌كی كه‌سێن نه‌زان و جوهی و فه‌له‌یان بكه‌ت، ژ بلی وان تشتێن به‌ڵگه‌ ل سه‌ر هه‌ی كو ئه‌و ژ ئایینێ مه‌نه‌.

نیشاندانا وه‌رگێڕانان

58 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية