1. سه‌ره‌كی
  2. پولینكرن
  3. The Creed

فه‌رمووده‌ ((ئه‌گه‌ر هه‌وه‌ گوهـ ل بانگهلدێری بوو؛ هنگی هوین ژی هه‌مان گۆتنێن وی بێژن، پاشی صه‌له‌واتان بده‌نه‌ سه‌ر من

عَنْ ‌عَبْدِ اللهِ بْنِ عَمْرِو بْنِ الْعَاصِ رضي الله عنها أَنَّهُ سَمِعَ النَّبِيَّ صَلَّى اللهُ عَلَيْهِ وَسَلَّمَ يَقُولُ:
«إِذَا سَمِعْتُمُ الْمُؤَذِّنَ فَقُولُوا مِثْلَ مَا يَقُولُ، ثُمَّ صَلُّوا عَلَيَّ، فَإِنَّهُ مَنْ صَلَّى عَلَيَّ صَلَاةً صَلَّى اللهُ عَلَيْهِ بِهَا عَشْرًا، ثُمَّ سَلُوا اللهَ لِيَ الْوَسِيلَةَ، فَإِنَّهَا مَنْزِلَةٌ فِي الْجَنَّةِ، لَا تَنْبَغِي إِلَّا لِعَبْدٍ مِنْ عِبَادِ اللهِ، وَأَرْجُو أَنْ أَكُونَ أَنَا هُوَ، فَمَنْ سَأَلَ لِيَ الْوَسِيلَةَ حَلَّتْ لَهُ الشَّفَاعَةُ».

عه‌بدولڵاهێ كوڕێ عه‌مرێ كوڕێ عاص (خودێ ژ هه‌ردووکان ڕازی بیت) دبێژیت: من گوھ ل پێغه‌مبه‌ری (صه‌لات و سه‌لامێن خودێ ل سه‌ر بن) بوو دگۆت:
((ئه‌گه‌ر هه‌وه‌ گوهـ ل بانگهلدێری بوو؛ هنگی هوین ژی هه‌مان گۆتنێن وی بێژن، پاشی صه‌له‌واتان بده‌نه‌ سه‌ر من، چونكی هه‌ر كه‌سێ صه‌له‌واته‌كێ بده‌ته‌ سه‌ر من؛ خودێ دێ ده‌هـ صه‌له‌واتان ده‌ته‌ سه‌ر وی. پاشی داخوازا (وه‌سیلێ) بۆ من ژ خودێ بكه‌ن، چونكی ئه‌و پله‌یه‌كه‌ د به‌حه‌شتێدا و ب تنێ دێ بۆ عه‌بده‌كی ژ عه‌بدێن خودێ ‌بیت و ئه‌ز هيڤیدارم ئه‌و كه‌سه‌ ئه‌ز بم، ڤێجا هه‌ر كه‌سێ داخوازا (وه‌سیلێ) بۆ من بكه‌ت؛ شه‌فاعه‌تا من بۆ وی حه‌لال بوو)).

صحيح رواه مسلم صحيح مسلم - 384

شرۆڤه‌كرن

پێغه‌مبه‌ری (صه‌لات و سه‌لامێن خودێ ل سه‌ر بن) ڕێك نیشا وی كه‌سی دا یێ گوهـ ل بانگی دبیت، كو هه‌مان په‌یڤێن بانگهلدێری بێژیت، ژ بلی هه‌ردوو حه‌یعه‌له‌یان (حي على الصلاة و حي على الفلاح)، و پشتی ب دویماهیك هاتنا بانگی صه‌له‌واتان بده‌ته‌ سه‌ر پێغه‌مبه‌ری، چونكی هه‌ر كه‌سێ صه‌له‌واته‌كێ بده‌ته‌ سه‌ر پێغه‌مبه‌ری (صه‌لات و سه‌لامێن خودێ ل سه‌ر بن)؛ خودێ دێ ده‌هـ صه‌له‌واتان ده‌ته‌ سه‌ر وی، و مه‌ره‌م ب صه‌له‌واتدانا خودێ ل سه‌ر عه‌بدی: مه‌دح و په‌سنكرنا وی عه‌بدییه‌ ل ده‌ڤ مه‌لائیكه‌تان.
پاشی فه‌رمان كر كو دوعا و داخوازا (وه‌سیلێ) بۆ وی ژ خودێ بكه‌ین، كو ئه‌و ژی بلندترین پله‌یه‌ د به‌حه‌شتێدا، و ئه‌و پله‌یه‌ ب تنێ دێ بۆ عه‌بده‌كی بیت ژ ناڤ هه‌می عه‌بدێن خودایێ مه‌زن، و ئه‌ز هیڤیدارم ئه‌ز ئه‌و كه‌سه‌ بم. پێغه‌مبه‌ری (صه‌لات و سه‌لامێن خودێ ل سه‌ر بن) ئه‌ڤ چه‌نده‌ ژ خۆبكێمزانین (و ته‌وازعا) خۆ گۆتییه‌؛ چونكی ئه‌گه‌ر ئه‌و پله‌یا بلند ب تنێ بۆ ئێك كه‌س بیت، هنگی مسوگه‌ر ئه‌و كه‌سه‌ هه‌ر ئه‌وه‌ (صه‌لات و سه‌لامێن خودێ ل سه‌ر بن)، چونكی ئه‌و چێترینێ هه‌می دروستكرییانه‌.
پاشی پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو هه‌ر كه‌سێ دوعایا (وه‌سیلێ) بۆ پێغه‌مبه‌ری (صه‌لات و سه‌لامێن خودێ ل سه‌ر بن) بكه‌ت، شه‌فاعه‌تا وی دێ بۆ وی بجھ هێت و حه‌لال بیت.

ژ مفایێن فه‌رمووده‌یێ

  1. پالدانا مروڤی بۆ به‌رسڤدانا بانگهلدێری.
  2. قه‌در و بهایێ صه‌له‌واتدانێ ل سه‌ر پێغه‌مبه‌ری (صه‌لات و سه‌لامێن خودێ ل سه‌ر بن) پشتی به‌رسڤدانا بانگی.
  3. هاندان ل سەر داخوازكرنا (وه‌سیلێ) بۆ پێغه‌مبه‌ری (صه‌لات و سه‌لامێن خودێ ل سه‌ر بن) پشتی صه‌له‌واتدانێ.
  4. دیاركرنا ڕامانا (وه‌سیلێ) كا چ تشته‌ و بلندییا پله‌یا وێ، ژ به‌ر كو ئه‌و ب تنێ بۆ ئێك كه‌سه‌.
  5. دیاركرنا قه‌در و بهایێ پێغه‌مبه‌ری (صه‌لات و سه‌لامێن خودێ ل سه‌ر بن) كو ئه‌و پله‌یا بلند تەنێ بۆ وییه‌.
  6. هه‌ر كه‌سێ داخوازا (وه‌سیلێ) بۆ پێغه‌مبه‌ری (صه‌لات و سه‌لامێن خودێ ل سه‌ر بن) بكه‌ت، شه‌فاعه‌ت بۆ وی مسوگه‌ر دبیت.
  7. دیاركرنا خۆبكێمزانین (و ته‌وازعا) پێغه‌مبه‌ری (صه‌لات و سه‌لامێن خودێ ل سه‌ر بن)، چونكی داخواز ژ ئوممه‌تا خۆ كرییه‌ دوعایێ بۆ وی بكه‌ن كو بگه‌هیته‌ وێ پله‌یێ، هه‌ر چه‌نده‌ ئه‌و پله‌ دێ بۆ وی بیت.
  8. به‌رفره‌هییا قه‌نجی و دلۆڤانییا خودێ، چونكی خێر ل ده‌ڤ وی ب ده‌هـ خێرانه‌.

نیشاندانا وه‌رگێڕانان

60 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية