1. హోమ్
  2. కూర్పులు
  3. సద్గుణాలు మరియు పద్దతులు

హదీస్ “ఈ ప్రపంచము విశ్వాసి కొరకు ఒక జైలు వంటిది; మరియు అవిశ్వాసి కొరకు ఒక స్వర్గము వంటిది.”

عَنْ أَبِي هُرَيْرَةَ رَضيَ اللهُ عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الدُّنْيَا سِجْنُ الْمُؤْمِنِ وَجَنَّةُ الْكَافِرِ».

అబూ హురైరాహ్ రదియల్లాహు అన్హు ఉల్లేఖన: “రసూలుల్లాహ్ సల్లల్లాహు అలైహి వసల్లం ఇలా పలికినారు:
“ఈ ప్రపంచము విశ్వాసి కొరకు ఒక జైలు వంటిది; మరియు అవిశ్వాసి కొరకు ఒక స్వర్గము వంటిది.”

ప్రామాణికమైన హదీథు ముస్లిం నమోదు చేసినారు: సహీహ్ ముస్లిం - 2956

వివరణ

ఈ హదీథులో ప్రవక్త సల్లల్లాహు అలైహి వసల్లం ఇలా తెలిపినారు: విశ్వాసికి ఈ ప్రాపంచిక జీవితం జైలు లాంటిది, ఎందుకంటే అతడు షరియత్’లో ఆదేశించబడిన వాటిని చేయడం మరియు నిషేధించబడిన వాటిని నివారించడం, వాటి నుండి దూరంగా ఉండడం అనే ధార్మికపరమైన బాధ్యతలకు కట్టుబడి ఉంటాడు. అతను మరణించినప్పుడు, దీని నుండి విముక్తి పొంది, సర్వశక్తిమంతుడైన అల్లాహ్ అతని కోసం సిద్ధం చేసిన శాశ్వత ఆనందానికి మరలుతాడు. అవిశ్వాసికి ఈ ప్రపంచం స్వర్గం లాంటిది, ఎందుకంటే అందులో అతను తన మనసు కోరినది చేస్తాడు మరియు తన మనోభావాలు, వాంఛలు, కోరికలు అతనికి ఏమి ఆజ్ఞాపిస్తాయో అది చేస్తాడు. అతను మరణించినప్పుడు, పునరుత్థాన దినమున సర్వశక్తిమంతుడైన అల్లాహ్ అతని కోసం సిద్ధం చేసిన శాశ్వత నరక శిక్షలోనికి విసిరి వేయబడతాడు.

من فوائد الحديث

  1. ఇమాం అన్-నవవి (రహిమహుల్లాహ్) ఇలా అన్నారు: ప్రతి విశ్వాసి ఈ లోకంలో ఖైదు చేయబడ్డాడు, ఎందుకంటే అతను షరియతు నిషేధించిన విషయాల నుండి అసహ్యకరమైన, అశ్లీలమైన కోరికల నుండి, అప్రియమైన ఆచరణల నుండి నిషేధించబడినాడు మరియు కష్టతరమైన విధేయతా చర్యలను ఆచరించే బాధ్యత అతనిపై ఉన్నది. అతను మరణించినప్పుడు, అతను వాటన్నిటి నుండి విముక్తి పొంది, సర్వశక్తిమంతుడైన అల్లాహ్ అతని కోసం సిద్ధం చేసిన దానికి – అంటే శాశ్వత ఆనందానికి మరియు పరిపూర్ణ సౌకర్యానికి - ఎటువంటి కొరత లేకుండా పరివర్తన చెందుతాడు. ఇక, అవిశ్వాసి విషయానికొస్తే, ఈ ప్రపంచంలో అతను అనుభవించిన ఆనందమంతా పరిమితమైనది మరియు అలజడి, గందరగోళాలతో నిండి ఉంటుంది. అతను మరణించినప్పుడు, అతను శాశ్వత శిక్షకు మరియు శాశ్వత దుఃఖానికి చేరుకుంటాడు.
  2. అస్-సిందీ (రహిమహుల్లాహ్) ఇలా అన్నారు: “ఆయన సల్లల్లాహు అలైహి వసల్లం ప్రకటన "ఈ ప్రపంచం విశ్వాసికి జైలు వంటిది" అంటే దాని అర్థము విశ్వాసి ఒకవేళ ఈ ప్రపంచములో సుఖంగా, సౌకర్యవంతంగా జీవిస్తున్నప్పటికీ, స్వర్గం అతనికి ఈ ప్రపంచం కంటే మెరుగైనది అని; మరియు "అవిశ్వాసికి ఈ ప్రపంచం స్వర్గం వంటిది" అంటే అతను ఒకవేళ ఈ ప్రపంచములో కష్టాల్లో ఉండి ఉన్నప్పటికీ, నరకాగ్ని అతనికి ఈ ప్రపంచం కంటే దారుణమైనది అని.
  3. సర్వోన్నతుడైన అల్లాహ్ ముందు ఈ ప్రపంచము అత్యల్పమైనది.
  4. విశ్వాసులైన ప్రజలకు ఈ ప్రపంచం ఒక పరీక్షా స్థలము వంటిది.
  5. అవిశ్వాసి ఇహలోక జీవితంలో తన స్వర్గాన్ని త్వరగా పొందుతాడు, మరియు పరలోక జీవితములో అతనికి స్వర్గం మరియు పరలోక సుఖాలు లేకుండా శిక్షించబడతాడు.

అనువాదాలను వీక్షించండి

37 భాష
EN English ఇంగ్లీషు
UR اردو ఉర్దూ
ES Español స్పానిష్
ID Indonesia ఇండోనేషియన్
BN বাংলা బెంగాలీ
TR Türkçe టర్కిష్
RU Русский రష్యన్
BS Bosanski బోస్నియన్
SI සිංහල సింహళ
HI हिन्दी హిందీ
ZH 中文 చైనీస్
FA فارسی పర్షియన్
VI Tiếng Việt వియత్నమీస్
TL Tagalog టాగలాగ్
KU Kurdî కుర్దిష్
HA Hausa హౌసా
PT Português పోర్చుగీసు
ML മലയാളം మలయాళం
SW Kiswahili స్వాహిలీ
TA தமிழ் తమిళం
MY မြန်မာ బర్మీస్
TH ไทย థాయ్
PS پښتو పష్టో
AS অসমীয়া అస్సామీ
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
KN ಕನ್ನಡ Канада
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية