1. Gida
  2. kashe kashe
  3. FIƘHU DA USULU

Sabuntawa Sallar jam'i ta fi sallar ɗayanku shi kaɗai, da yanki ashirin da biyar, kuma mala'ikun dare da mala'ikun rana suna taruwa a sallar Asuba

عَن أَبي هُرَيْرَةَ رضي الله عنه قَالَ: سَمِعْتُ رَسُولَ اللَّهِ صَلَّى اللهُ عَلَيْهِ وَسَلَّمَ يَقُولُ:
«تَفْضُلُ صَلاَةُ الجَمِيعِ صَلاَةَ أَحَدِكُمْ وَحْدَهُ، بِخَمْسٍ وَعِشْرِينَ جُزْءًا، وَتَجْتَمِعُ مَلاَئِكَةُ اللَّيْلِ وَمَلاَئِكَةُ النَّهَارِ فِي صَلاَةِ الفَجْرِ» ثُمَّ يَقُولُ أَبُو هُرَيْرَةَ: فَاقْرَءُوا إِنْ شِئْتُمْ: {إِنَّ قُرْآنَ الفَجْرِ كَانَ مَشْهُودًا} [الإسراء: 78].

Daga Abu Huraira - Allah Ya yarda da shi - ya ce: Na ji Manzon Allah - tsira da amincin Allah su tabbata agare shi - yana cewa:
"Sallar jam'i ta fi sallar ɗayanku shi kaɗai, da yanki ashirin da biyar, kuma mala'ikun dare da mala'ikun rana suna taruwa a sallar Asuba" Sannan Abu Huraira ya ce: Idan kun so ku karanta: {Lallai karatun alfijir (sallar Asuba) ya kasance abin halartowar (mala'iku) ne} [al-Isra'i: 78].

Ingantacce ne Bukhari da Muslim ne suka rawaito shi Sahih Al-Bukhari - 648

Bayani

Annabi - tsira da amincin Allah su tabbata agare shi - ya bayyana cewa lada da sakamakon sallar mutum a cikin jama'a tare da liman ya fi sallah ashirin da biyar da mutum zai sallace su shi kaɗai a cikin gidansa ko kasuwarsa, sannan (annabi) tsira da amincin Allah su tabbata agare shi - ya ambaci cewa mala'ikun dare da rana suna taruwa a sallar Asuba, sannan Abu Huraira - Allah Ya yarda da shi - ya ce yana mai kafa hujja akan hakan:
Idan kun so ku karanta: {Lallai karatun alfijir (sallar Asuba) ya kasance abin halartar (mala'iku) ne} [al-Isra'a: 78]. Wato: Lallai sallar Asuba mala'ikun dare da mala'ikun rana suna halartarta.

Daga Cikin Fa idodin Hadisin

  1. Ibnu Hajar ya ce: Lallai sallah a cikin masallaci a jam'i tana ƙaruwa akan sallah a cikin gida da cikin kasuwa a jam'i da ɗaiɗaiku, Ibnu Daƙiƙul Eid ma ya faɗi hakan.
  2. A cikinsa akwai falalar sallar Asuba; dan keɓantuwar mala'iku da ita.
  3. Ibnu Baaz ya ce: Yana kamata ga mumini ya yi kwaɗayin kiyaye sallah a cikin jama'a koda gidansa ya yi nisa dan ya samu wannan alherin mai girma.
  4. Nawawi ya faɗa a akan haɗa wadannan ruwayoyin cewa sallar jama'a ta fi sallar mutum ɗaya da daraja ashirin da biyar, ɗaya riwayar kuma da ashirin da bakwai: Haɗawa tsakaninsu ta fuskoki uku ne: Ta farkonsu: Cewa babu korewa (tsakaninsu), ambatan kaɗan ba ya kore mai yawa, kuma mafhumul adadi ɓatacce ne a wurin malaman Usulul Fiƙhi. Na biyu: Ta zama tun farko ya labarta kaɗan ɗin, sannan Allah - Maɗaukakin sarki - Ya sanar da shi ƙarin falala, sai ya bayar da bayaninta. Na uku: Cewa shi ya banbanta a tsakanin yanayin masallata da kuma sallar, sai ta zama ashirin da biyar ga wasunsu, ga wasunsu kuma ashirin da bakwai gwargwadan cikar sallar da kuma kiyayewarsa akan siffarta da kushu'inta da yawan jama'arta da falalarsu da kuma darajar wurin (sallar) da makamancin hakan. Allah ne Mafi sani.

Manufofin Fassarorin

39 Yare
EN English Turanci
UR اردو urdu
ES Español Sifaniyanci
ID Indonesia Indonisiyanci
BN বাংলা Fassarar Bangaliyanci
TR Türkçe Turkiyanci
RU Русский Rashanci
BS Bosanski Bosniyanci
SI සිංහල Sinhalese
HI हिन्दी Kwafar laakwalwar zuwa bugere fassara
ZH 中文 Fassara da Yaren Chanise
FA فارسی Farisanci
VI Tiếng Việt Vietnam
TL Tagalog Tagalog
KU Kurdî Kurdawa
PT Português Portuguese
ML മലയാളം Malayalam
TE తెలుగు Telgonci
SW Kiswahili Swahili
MY မြန်မာ Yaran Barma
TH ไทย Yaran Tailand
PS پښتو bushtu
AS অসমীয়া Asami
SQ Shqip Albaniyanci
AM አማርኛ الأمهرية
NL Nederlands الهولندية
GU ગુજરાતી الغوجاراتية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
KN ಕನ್ನಡ Kanadische Übersetzung
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية