1. سه‌ره‌كی
  2. پولینكرن
  3. Virtues and Manners

فه‌رمووده‌ ((باشی ڕه‌وشتێ جوانه‌، خرابی ژی ئه‌و تشته‌ یێ د سینگێ ته‌دا بهێت و بچیت و ته‌ پێ نه‌خۆش بیت خه‌لك پێ ئاگه‌هدار بن

عَنِ النَّوَّاسِ بْنِ سِمْعَانَ الْأَنْصَارِيِّ رضي الله عنه قَالَ:
سَأَلْتُ رَسُولَ اللهِ صَلَّى اللهُ عَلَيْهِ وَسَلَّمَ عَنِ الْبِرِّ وَالْإِثْمِ، فَقَالَ: «الْبِرُّ حُسْنُ الْخُلُقِ، وَالْإِثْمُ مَا حَاكَ فِي صَدْرِكَ، وَكَرِهْتَ أَنْ يَطَّلِعَ عَلَيْهِ النَّاسُ».

ژ نه‌وواسێ كوڕێ سه‌معانێ ئه‌نصاڕی (خودێ ژێ ڕازی بیت) گۆت:
من ده‌رباره‌ی باشی و خرابییێ پرسیار ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) كر، ئینا گۆت: ((باشی ڕه‌وشتێ جوانه‌، خرابی ژی ئه‌و تشته‌ یێ د سینگێ ته‌دا بهێت و بچیت و ته‌ پێ نه‌خۆش بیت خه‌لك پێ ئاگه‌هدار بن)).

صحيح رواه مسلم صحيح مسلم - 2553

شرۆڤه‌كرن

ده‌رباره‌ی باشی و گونه‌هێ پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) هاته‌ كرن، وی گۆت:
مه‌زنترین خه‌سله‌تێن باشییێ ڕه‌وشتێ جوانه‌ د گه‌ل خودێ ب ته‌قوا و ترسا ژ وی و د گه‌ل خه‌لكی ب خۆلبه‌رگرتن و هه‌داركێشانا ل سه‌ر نه‌خۆشییا ژ وان دهێت و كێم تووڕه‌بوونێ و ڤه‌كرنا ناڤچاڤان و گڕنژین و ئاخڤتنا جوان و گه‌هاندنا په‌یوه‌ندییێن مرۆڤاینییێ و گوهدان و باشی و چاكی و ژیانكرن ب ڕه‌نگه‌كێ جوان د گه‌ل كه‌سوكاران.
به‌لێ گونه‌ھ ئه‌وه‌ یا ناخێ مرۆڤی یێ پێ ڕحه‌ت و ته‌نا نه‌بیت ژ تشتێن جهێ گومانێ و سینگێ مرۆڤی پێ به‌رفره‌ھ نه‌بیت، گومان و دوودلییه‌ك ژی ژ به‌ر وی تشتی د دلیدا په‌یدا ببیت، و ترسه‌ك ل ده‌ڤ مرۆڤی هه‌بیت كو ئه‌و تشت گونه‌هه‌ و نه‌یێ دروسته‌، و مرۆڤی نه‌ڤێت وی تشتی ل ده‌ڤ خه‌لكێ باش و ته‌مام و نموونه‌ بكه‌ت و بۆ وان ئاشكه‌را بكه‌ت، ژ به‌ر كو تشته‌كێ كرێته‌، ئه‌ڤه‌ ژی چونكی نه‌فس ب ته‌بیعه‌تێ خۆ حه‌ز دكه‌ت خه‌لك تشتێن باش ل ده‌ڤ مرۆڤی ببینیت، له‌وا ئه‌گه‌ر نه‌ڤیا و حه‌ز نه‌كر خه‌لك هنده‌ك كارێن مرۆڤی ببینن و بزانن؛ هنگی ئه‌ڤ كاره‌ گونه‌هه‌ و چ خێر تێدا نینه‌.

ژ مفایێن فه‌رمووده‌یێ

  1. هاندان ل سه‌ر ڕه‌وشتێن جوان و تازه‌، چونكی ڕه‌وشتێ جوان ژ مه‌زنترین خه‌سله‌تێن باشییێیه‌.
  2. حه‌قی و نه‌حه‌قی ل ده‌ڤ مرۆڤێ باوه‌ردار لێك ئالۆز نابن، به‌لكی مرۆڤێ باوه‌ردار ب وێ ڕوناهییا د دلێ ویدا هه‌ی حه‌قییێ دنیاسیت و دزانیت حه‌قییه‌ و ژ نه‌حه‌قییێ دڕه‌ڤیت و كه‌ربێن وی ژێ ڤه‌دبن.
  3. ژ نیشانێن گونه‌هێ؛ دوودلی و تێكچوونا دلییه‌ و نه‌ڤیانه‌ كو خه‌لك بزانن و ب سه‌ر هه‌لبن.
  4. سندی دبێژیت: ئه‌ڤه‌ ده‌رباره‌ی وان تشتانه‌ یێن جهێ گومانێ كو خه‌لك نزانیت یا دروست تێدا كیژكه‌، ئه‌گه‌ر نه‌؛ تشتێ شه‌ریعه‌تی فه‌رمان ب كرنا وی كری، ئه‌گه‌ر چ به‌لگه‌ نه‌بن كو دژی ڤێ چه‌ندێ بن؛ ژ تشتێن باشه‌، و تشتێ شه‌ریعه‌تی پاشڤه‌برن ژێ كری ژ گونه‌هێیه‌ و پێدڤی ناكه‌ت بۆ ڤێ چه‌ندێ مرۆڤ پرسیارا دلێ خۆ بكه‌ت و خۆ ژێ پشتڕاست و ته‌نا بكه‌ت.
  5. ئه‌و كه‌سێن د فه‌رمووده‌یێدا ئاخڤتن بۆ هاتییه‌ ئارسته‌كرن ژی خودانێن خورستییا (فیتره‌تا) ساخله‌من، نه‌ خودانێن دلێن به‌روڤاژی یێن كو چ خێر و باشییان ب باشی نابینن و چ خرابییان ژی ب خرابی نابینن، ئه‌و نه‌بیت یا د گه‌ل حه‌زێن وان دگونجیت.
  6. طه‌ییبی دبێژیت: هاتییه‌ گۆتن كو په‌یڤا (البر) د فه‌رمووده‌یێدا ب چه‌ندین ڕامانان هاتییه‌ ڕاڤه‌كرن، ڤێجا ل جهه‌كی ب وێ ڕامانێ هاتییه‌ ڕاڤه‌كرن كو ئه‌و تشته‌ یێ نه‌فس پێ ڕحه‌ت دبیت و دل پێ ئارام دبیت، ل جهه‌كێ دی ب باوه‌رییێ هاتییه‌ ڕاڤه‌كرن، ل جهه‌كی ژی ب وی تشتێ ته‌ نێزیكی خودێ دكه‌ت، ل ڤێرێ ژی ب ڕه‌وشتێ جوان هاتییه‌ ڕاڤه‌كرن، ڕه‌وشتێ جوان و تازه‌ ژی هاتییه‌ ڕاڤه‌كرن بـ: خۆلبه‌رگرتن و هه‌داركێشانا ل سه‌ر نه‌خۆشییێ و كێم تووڕه‌بوونێ و ڤه‌كرنا ناڤچاڤان و گڕنژینێ و ئاخڤتنا خۆش و جوان، هه‌می ژی د ڕامانێدا نێزیكی ئێكن.

نیشاندانا وه‌رگێڕانان

60 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو