1. سه‌ره‌كی
  2. پولینكرن
  3. Jurisprudence and Juristic Principles

فه‌رمووده‌ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) پشتی هه‌می نڤێژان ئه‌ڤ ته‌هلیله‌ (زكره‌) دكر))

عَنْ ‌أَبِي الزُّبَيْرِ قَالَ:
كَانَ ‌ابْنُ الزُّبَيْرِ يَقُولُ فِي دُبُرِ كُلِّ صَلَاةٍ حِينَ يُسَلِّمُ: «لَا إِلَهَ إِلَّا اللهُ وَحْدَهُ لَا شَرِيكَ لَهُ، لَهُ الْمُلْكُ وَلَهُ الْحَمْدُ وَهُوَ عَلَى كُلِّ شَيْءٍ قَدِيرٌ، لَا حَوْلَ وَلَا قُوَّةَ إِلَّا بِاللهِ، لَا إِلَهَ إِلَّا اللهُ، ‌وَلَا ‌نَعْبُدُ ‌إِلَّا إِيَّاهُ، لَهُ النِّعْمَةُ وَلَهُ الْفَضْلُ وَلَهُ الثَّنَاءُ الْحَسَنُ، لَا إِلَهَ إِلَّا اللهُ مُخْلِصِينَ لَهُ الدِّينَ وَلَوْ كَرِهَ الْكَافِرُونَ» وَقَالَ: «كَانَ رَسُولُ اللهِ صَلَّى اللهُ عَلَيْهِ وَسَلَّمَ يُهَلِّلُ بِهِنَّ دُبُرَ كُلِّ صَلَاةٍ».

ئه‌بو زوبه‌یر دبێژیت:
ئبن زوبه‌یری پشتی هه‌می نڤێژان ده‌مێ سلاڤا ملان ڤه‌ددا دگۆت: ((ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئەو یێ ب تنێیە و وی چ شریك و هه‌ڤال نینن، مولك و دەستهەلات و سوپاسی هەر بۆ وینە و ئەو ل سەر هەمی تشتان یێ خودان شیانە، چ هێز و چ شیان بێی خودێ نابن، ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌م ژ وی پێڤه‌تر عیباده‌تێ چ تشتێن دی ناكه‌ین، قه‌نجی و نیعمه‌ت هه‌می یێن وینه‌، باشی هه‌می ژ ده‌ڤ وینه‌، ئه‌و خودانێ په‌سنێن جوان و تازه‌یه‌، ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن، ئه‌م ب دلسۆزی دێ دیندارییێ بۆ وی كه‌ین، خۆ ئه‌گه‌ر كافران ب دلی ژی نه‌بیت))، و گۆت: ((پێغه‌مبه‌رێ خودێ (صه‌لات و سه‌لامێن خودێ ل سه‌ر بن) پشتی هه‌می نڤێژان ئه‌ڤ ته‌هلیله‌ (زكره‌) دكر)).

صحيح رواه مسلم صحيح مسلم - 594

شرۆڤه‌كرن

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) پشتی سلاڤدانا وی بۆ هه‌می نڤێژێن فه‌ڕز؛ ته‌هلیل ب كرنا ڤی زكرێ مه‌زن لێددان، ڕامانا ڤی زكری ژی ئه‌ڤه‌یه‌:
(لَا إِلَهَ إِلَّا اللهُ): ئانكو: ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن.
(وَحْدَهُ لَا شَرِيكَ لَهُ) ئانكو: وی چ شریك و هه‌ڤال د ئولوهییه‌ت و ڕبوبییه‌ت و باشناڤ و سالۆخه‌تێن خۆدا نینن.
(لَهُ الْمُلْكُ) ئانكو: مولك و ده‌ستهه‌لاتا ڕه‌ها و گشتی و به‌رفره‌ھ یا وییە، مولك و ده‌ستهه‌لاتا ئه‌سمانان و ئه‌ردی و هه‌ر تشته‌كێ د ناڤبه‌را واندا.
(وَلَهُ الْحَمْدُ) ئانكو: خودێ ئه‌وه‌ یێ ب كه‌مال و ته‌مامه‌تییا ڕه‌ها دهێته‌ سالۆخه‌تكرن، ئه‌وه‌ یێ سوپاسیكری و په‌سنكری ب ته‌مامه‌تییێ ژ لایێ ڤیان و مه‌زنڕاگرتنێ، مه‌زنڕاگرتنه‌ك د هه‌می ڕه‌وشاندا، د به‌رفره‌هی و به‌ڕته‌نگییێدا.
(وَهُوَ عَلَى كُلِّ شَيْءٍ قَدِيرٌ) ئانكو: هێز و شیانێن وی ژ هه‌می لایانڤه‌ د ته‌مامن، خۆ تشته‌ك ل به‌ر وی ئاسێ نابیت و چ تشت نابنه‌ ڕێگر ل هه‌مبه‌ری وی بۆ كرنا چ كاران.
(لَا حَوْلَ وَلَا قُوَّةَ إِلَّا بِاللهِ) ئانكو: چ ڤه‌گوهاستن ژ ڕه‌وشه‌كێ بۆ ڕه‌وشه‌كا دی نینن و چ گونه‌ھ و سه‌رپێچیكرنا خودێ بۆ گوهدان و عیباده‌تێ وی، دیسان چ هێز و شیان نینن ئه‌گه‌ر نه‌ ب ڕێكا خودێ بن، چونكی هه‌ر ئه‌و هاریكاره‌ و پشتبه‌ستن هه‌ر ل سه‌ر وی دهێته‌ كرن.
(لَا إِلَهَ إِلَّا اللهُ، ‌وَلَا ‌نَعْبُدُ ‌إِلَّا إِيَّاهُ): ئه‌ڤه‌ ژی پشتڕاستكرنه‌ بۆ ڕامانا ئولوهییه‌تێ و ڕه‌دكرنا شركێ و كو ژ وی پێڤه‌تر چ تشتێن دی ژ هه‌ژی په‌رستن و عیباده‌تی نینن.
(لَهُ النِّعْمَةُ وَلَهُ الْفَضْلُ): هه‌ر ئه‌وه‌ قه‌نجی و نیعمه‌تان د ئافرینیت و هه‌می مولكێ وینه‌ و ژ باشی و دلۆڤانییا خۆ دده‌ته‌ وی عه‌بدێ خۆ یێ وی بڤێت.
(وَلَهُ الثَّنَاءُ الْحَسَنُ): ئه‌و خودانێ په‌سنێن جوان و تازه‌یه‌، د (زاتێ) خۆدا و د سالۆخه‌ت و كریار و نیعمه‌تێن خۆدا و د هه‌می ڕه‌وشاندا.
(لَا إِلَهَ إِلَّا اللهُ مُخْلِصِينَ لَهُ الدِّينَ) ئانكو: ئه‌م دئێكتاپه‌رستین و مه‌ چ ڕویمه‌تی و حه‌زا خۆده‌رئێخستن و ناڤداربوونێ د گوهدانا خودێدا نینه‌.
(وَلَوْ كَرِهَ الْكَافِرُونَ) ئانكو: ئه‌م د بنه‌جھ و خۆڕاگرین ل سه‌ر ته‌وحیدا خودێ و عیباده‌تێ وی، خۆ ئه‌گه‌ر كافران ب دلی ژی نه‌بیت.

ژ مفایێن فه‌رمووده‌یێ

  1. سوننه‌ته‌ پشتی هه‌می نڤێژێن فه‌ڕز؛ پاراستن ل سه‌ر كرنا ڤی زكری بهێته‌ كرن.
  2. موسلمان شانازییێ ب دینێ خۆ دكه‌ت و درویشمێن وێ به‌رچاڤ دكه‌ت، خۆ ئه‌گه‌ر كافران ب دلی ژی نه‌بیت.
  3. ئه‌گه‌ر په‌یڤا (دُبر الصلاة - ئانكو: پشتی نڤێژێ) د فه‌رمووده‌یێدا هات، هنگی ئه‌گه‌ر ئه‌و تشتێ د فه‌رمووده‌یێدا هاتی زكره‌ك بیت؛ بنیات و بناخە و یا بنه‌جھ ئه‌ڤه‌یه‌ كو ئه‌ڤ زكره‌ دێ پشتی نڤێژێ و پشتی سلاڤا ملان هێته‌ كرن، به‌لێ ئه‌گه‌ر دوعایه‌ك بیت؛ هنگی دێ د ناڤ نڤێژێدا و به‌ری سلاڤا ملان هێته‌ كرن.

نیشاندانا وه‌رگێڕانان

64 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
YAO Yao الياو