Ad Wẽnd maana faril-rãmb tɩ yaa tɩlae, bɩ y ra yeeb-b ye, la A yãk todse, bɩ y ra zʋʋg-b ye, la A gɩdg yεla, bɩ y ra tʋg n maan-b ye, la A sĩnd n bas yεla, tɩ yaa yolsg ne yãmba, ka yĩmb ye, bɩ y ra bao n pẽes n bãng-b ye
Yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka
B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã
Ned ning sẽn wa n kẽng hagiimdu, n ka maan kẽed-n-taare, n ka maan dĩin-yiib tʋʋma, a yita a zunuubã pʋgẽ, n lebg wala a ma wã sẽn rog-a raar ningã
Lɩslaangã rog-n-mikã yaa nu, yaa bõng kõom, la pend põmbo, la no-kõbd wõrsgo, la nɑ-yẽes wõrsgo, la bãgd võobo
Ned ning sẽn yõga mam koomã yõgb buudu, rẽ poorẽ, n pʋʋs rakaar a yiibu, n ka tags dũni yεl a pʋgẽ, Wẽnd yaafda a zũnuub sẽn reng taoore
Ad Pʋʋsg sẽn yɩɩd toog munaafɩgsã zutu, yaa Sãaf la Fagiri, la b sã n dag n mi sẽn be b yiibã pʋgẽ, b rag n na wa n pʋʋs-ba, baa b na n vũnumame
Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã
Ad rog tõkdɑ pɑ sẽn mɑɑndɑ neere n rondẽ wã ye, lɑ ɑd rog tõkdɑ yɑɑ b sẽn nɑ n wãɑg ɑ soɑb rogem, lɑ a sẽn tõkd-ɑ
Ned ning sẽn loe Ramadaanã, ne liimaoongo (sɩd kũuni) la yel-sõmd tẽebo, b yaafd-a lame, a zunuubã sẽn reng taoorã
Ned ning sẽn yalsa ne Pʋʋsgo Laylat Alkadrã (Pʋlengã) raar yʋngo, tɩ yaa sɩd-kũun la yel-sõmd tẽebo, b yaafda a zunuub sẽn reng taoore
Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga
Nɑmsg kɑ be, nams taab me ka be. La ned ning sẽn wa n bao n na n namse, Wẽnd namsd-a lame, la ned ning sẽn wa n bao n na n kenge, Wẽnd kengd-a lame
Sara ka boogd arzεk ye, la Wẽnd ka paasd yamba ne a sẽn na n maan bas tɩ looge rẽndame tɩ yɩ zɩslem bala la ned ka yɩ n na n gãneg a meng Wẽnd yĩnga rẽndame tɩ Wẽnd zẽk-a
Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã
Sart-rãmb nins sẽn sõmb ne yãmb pidsgã, yaa yãmb sẽn rɩk sart-rãmb nins tɩ tao wã lebg halaal ne yãmba
Ned ning sẽn yõka koom, n maneg a koomã yõkre, a tʋʋm tuuti wã yitame n bas-a a yĩngẽ wã, halɩ n wa tũ a nug-yẽesã tẽngrã n yi
Nɑbiyɑɑmã rɑ yɩɩme (Wẽnd pʋʋsg la A tɩlgr be a yĩnga) n yet Suguud ɑ yiibã sʋkɑ: «Allɑhummɑ ɭgfɩr-lɩɩ, wɑrhɑm-nii, wɑ ʿɑɑfɩ-nii, wɑhdi-nii, wɑrzuƙ-nii
Ned ning sẽn wa n kʋ lɩslaambã sẽn rɩk Alkaool ne a soaba, a kõn n wʋm arzãnã yũug ye, la a yũugã wʋmdɑ yɩta yʋʋm pis-naas kẽnd zĩigẽ
Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a kãaba zãmb soaba la sẽn reegd-a n na n maan zãmbã bʋʋd pʋgẽ
yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã
Ned ning sẽn yĩma Pʋʋsgo, bɩ a pʋʋs-a a sẽn wa n tẽege, a ka tar sẽn na n maan n role, sã n ka woto ye
Tɩ pag la b mik tɩ b kʋ-a lame Nabiyaamã Zabã sãnda pʋgẽ (Wẽnd pʋʋsg la A tɩlgr be a yĩnga), tɩ Nabiyaamã (Wẽnd pʋʋsg la A tɩlgr be a yĩnga) sãbs rẽnda, n tõdg tɩ b ra kʋ pagbã la kom-bãanegã ye
ad maam m wẽen ne Wẽnde, (Wẽnd sakr poorẽ) m ka wẽen wẽenego la m neẽ tɩ zẽng sẽn ka rẽnda sõma n yɩɩde, rẽndame tɩ mam yãk m wẽenegã maan-n-rolgã la m maan bũmb ning sẽn yaa sõmã n yɩɩdã
ad rẽnda yaa bãaga, la bas Pʋʋsgã sẽn zems rasem-rãmb nins fo sẽn rag n yãt Pekrã tεka, rẽ poorẽ bɩ f so la f pʋʋse
Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo
Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã
Yãmb sã n na n maan we-kεεnga, bɩ y ra tees Alkiblã, ra gũd-y-yã-a y zãn-kuidgã ye, tees-y wĩndg sẽn pukdẽ maa a sẽn luɩtẽ
Yãmb ned fãa ra wa tʋg n gãd a taoorã ne a rɩtgã n rʋʋtẽ ye, la a ra wa yẽes a we-kεεng ne a rɩtg ye, la a ra tʋg n vʋʋsd laok pʋgẽ ye
Yãmb yembr fãa ka yεεsd t'a sã n reng limaamã n roog a zugã, tɩ Wẽnd nɑ n maan a zugã tɩ lebg bõang zugu, maa A maan a yĩngã tɩ lebg bõang yĩnga
tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a rag n zẽkda a nus a yiibã n zems a bãgdã, t'a sã n pak Pʋʋsgã,
Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) wilga maam -tɩ mam tallã be a tal a yiibã sʋka- Sahdã wala a sẽn wilgd maam sʋʋrã Alkʋrãanẽ wã
Allahumma ɩnnɩɩ a’ʋʋzʋ bɩka min ʿazaabɩ l-ƙabrɩ, wa min ʿazaabɩ annaarɩ, wa min fɩtnatɩ l-mahyaa wa l-mamaatɩ, wa min fɩtnatɩ l-masɩɩh d-daggεεl
Nabiyaamã (Wẽnd pʋʋsg la A tɩlgr be a yĩngɑ), a sã n kẽng we-kεεnga, a yetame: «Allahumma, inni Aʋʋzʋ bika minal hʋbsi wal habaa'ɩs =M Soab A Wẽnde, m kota gũudem ne Foom n yi sʋɩɩtãan roapa la sʋɩɩtãan pogse
Ned sã n kos Wẽnd n dɑt n ki Wẽnd sorã zug ne sɩda, Wẽnd taasd-a-la Šʋhadaa'-rãmb dargε zĩigẽ, baa t'a sã n maan kaalem a pĩirã zugu
Wẽnd Tẽn-tʋʋma (Wẽnd pʋʋsg la A tɩlgr be a yĩngɑ) ra yɩɩme t'a sã n na n so gεnaabo, a pekda a nus a yiibã, la a yõk koom wala a sẽn na n pʋʋse, rẽ poorẽ t'a so
Mam da yɩɩme n yaa raoa sẽn yãt mazɩ wʋsgo, la mam ra yɩɩme n zoet yãnde, n na n sok Nabiyaamã (Wẽnd pʋʋsg la A tɩlgr be a yĩngɑ) a bi-puglã sẽn yaa mam pagã yĩnga, tɩ mam tʋma a Al-Miƙdaad ɭbn Al-aswade t'a sok-a, t'a yeele: «Ad a pekda a tɑoorã la a yõk koom
Yaa tʋʋm bʋdo n noom Wẽnd n yɩɩda? T'a yeele: «yaa Pʋʋsgo, a wakatẽ wã». T'a yeele: rẽ poorẽ yaa bõe? T'a yeele: «rẽ poorẽ yaa roagd a yiibã manegre». T'a yeele: rẽ poorẽ yaa bõe? T'a yeele: « yaa zab Wẽnd Sorã poorẽ
Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã
tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)
Ned ning sẽn segl teed n kõ zabd Wẽnd sorã zugu, sɩd la hakɩɩka a zabame, la ned ning sẽn ledsa zabd Wẽnd sorã zugu a zakẽ wã, sɩd la hakɩɩka a zabame
ad ra seka foom tɩ fo maan ne f nus a yiibã woto» rẽ poorẽ t'a rɩk a nus a yiibã n wẽ Tẽngã vugri, n saag a goabgã ne rɩtgã la a nus tal a yiibã kudgu la a nengã
Nabiyaam ka be Wẽnd sẽn tʋms-a zama pʋgẽ, sẽn reng mam taoore, rẽndame t'a tall a zamã wã pʋgẽ Hawariyyʋʋmba (pʋgdba), la Ṣahaabs sẽn rɩkda a Sunnah la b pʋgd a sagellã
M balma Wẽnd Tẽn-tʋʋma (Wẽnd pʋʋsg lɑ A tɩlgr be ɑ yĩngɑ) ne m na maan kaset tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsg yalesgo, la Zak kũuni, la m wʋm la m tũ la m maan pʋ-peelem ne lɩslaam fãa
ra bas Pʋʋsg poorẽ fãa n yetẽ: Allahumma A'ʿinny ʿalaa zɩkrɩka wa šʋkrɩka wa hʋsni ʿɩbaadatɩka= m Soabã, sõng maam tɩ m tẽeg-Fo la m pʋʋs Foom barka, la m tũ Foom sõma
Wẽnd yeelame: Adem-biig tʋʋmã fãa yaa yẽ n so, rẽnda a no-loeerã, ad yẽnda yaa Maam n so la Maam n yaood yẽ
allaahumma aʿʋʋḏʋ biriḍaaka min saẖatika, wabimuʿaafaatika min ʿʋƙʋʋbatika, wa aʿʋʋḏʋ bika minka, laa ʿuhsii ṯana’an ʿalayka anta kamaa aṯnayta ʿalaa nafsika= M Soab a Wẽnde! M kota gũudum ne Fo yardã n yi F gẽegã, la F laafɩ wã n yi F namsgã, la m kot F gũudum n yi-Fo, mam ka tõe n tigim pẽgr Fo zug ye, la ad Fo yaa wala F sẽn pẽg F Mengã
Mam soka a Aaɩša n yeele: yaa ne bõe la Nabiyaamã (Wẽnd pʋʋsg la A tɩlgr be a yĩngɑ) ra sɩngd ne t'a sã n wa kẽ a zakẽ wã? La a yeel yã: yaa ne sɩgdre
B togsa Nabiyaamã nengẽ (Wẽnd pʋʋsg la A tɩlgr be a yĩngɑ) ned yelle, sẽn na n gũs yʋngo halɩ n tʋg n vẽeg beoogo, la a yeel yã: «Ad yẽnda yaa ned sʋɩɩtãanã sẽn rʋʋd a tʋb a yiibẽ wã! "Bɩ a yeelame" A tʋbrẽ wã
A sʋɩtãan loeta yãmb ned fãa kãarẽ, a sã n gõe, loees a tãabo, a yembr fãa wẽedɑ yʋn-wok fo zug, n yeele bɩ f gãande
Modg n maan suguud wʋsg Wẽnd yĩnga, ad fo ka maand suguud a yembr Wẽnd yĩnga, rẽndame tɩ Wẽnd zẽk fo dargε ne-a, la A lub fo tʋʋm tuuti ne-a
Nabiyaamã (Wẽnd pʋʋsg la A tɩlgr be a yĩngɑ) rag n yɩɩme n nidgd pãnga, rasem-pi-yaoogã pʋgẽ n yɩɩd zẽng sẽn ka bãmb pʋgẽ
Ned ning sẽn wa n nong n rat tɩ Wẽnd gũ-a n yi dũni yikr raarã keelemã, bɩ a yols keelem soaba, maa a bas samdã tɩ lʋɩ a zugu
Mam noangã, (Wẽnd pʋʋsg la A tɩlgr be a yĩngɑ) sagla maam ne yεl a tãabo: rasem a tãab no-loeer kiuug fãa, la Dʋhaa rakaar a yiibu, la m pʋʋs wɩtrã taoor tɩ m na n ka gũsi
Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a
Bas bũmb ning sẽn maand foom sika la f maan sẽn ka maand foom sika tɩ ad sɩdã a yõgenda sũuri la ad zĩri-beed yaa sika
Ned sã n pʋʋs zama pʋgẽ, a yel-sõmdã yɩɩda ned sẽn na n pʋʋs a zakẽ, la a sẽn na n pʋʋs a raagẽ pisi la saare
B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã
Ned ning sẽn rɩ gεbã maa lay bɩ a ra kolg tõnd ye -maa a yeelame: bɩ a ra kolg d miisrã, la a zĩnd a zakẽ
Yãmb yãame, lak kʋɩlg sã n be yãmb yembr fãa zak noore, t'a sood a pʋgẽ, raar fãa noor a nu, fo yetame tɩ rẽgd na n paa a yĩngẽ wã baa kɩdg bɩɩ?
Sagl-y y koambã tɩ b pʋʋse, tɩ b sã n wa tar yʋʋm a yopoe, la y pãb-ba Pʋʋsgã yĩnga tɩ b sã n wa yaa yʋʋm piig koamba, la y welg-b ne taab sʋka, gãasẽ wã
Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ?
Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo
Ned ning sẽn kẽngda miisrẽ yibeoog maa zaabre, Wẽnd segenda a yĩngã zĩndig zĩiga arzãnã pʋgẽ, wakat fãa a sẽn yi yibeoogo maa zaabre
Yãmb a nebã! Sẽeg-y Sallem, la y rɩlg rɩɩbo, la y tõk rogem, la y pʋʋs yʋngo tɩ nebã gõe, tɩ y nɑ kẽ arzãnã ne laafɩ
Ned ning sẽn tara fur la kẽed-n-taar tõogo, bɩ a furi, tɩ rẽ n yɩɩd ne a ra ges pagba, n leb gũud-a taoor wεεngẽ t'a ra yo ye, la ned ning sẽn pa tõe, bɩ a loe noore, tɩ rẽ yɑɑ Kudb ne yẽ
Gũus-y ne pagbã nengẽ kõom», tɩ raoa sẽn yaa Madiin nebã yeele: Wẽnd Tẽn-tʋʋmã, la sã n yaa sɩdã rog-pẽtba? La a yeele: «Ad yẽnda yaa kũum
Wanzuri tek ne sãnem yaa rɩbaaga, sã n ka (kiig la f kõ-ma m laaga) reeg la f wa ne, Bʋrr ne Bʋrr tek taab me yaa rɩbaaga, sã n ka reeg la f wa ne, saʿɩɩr ne saʿɩɩr tek taab me yaa rɩbaaga, sã n ka reeg le f wa ne, tamarʋ ne tamarʋ tek taab me yaa rɩbaaga, sã n ka reeg la f wane
Rɩk f nugã n rogl zĩig ning sẽn zabd fo yĩngẽ wã, n yeele: "bismillaah" noor a tãabo, la f yeel noor a yopoe: "Aʿʋʋzu bɩ Llaahɩ wa ƙʋdratɩhɩɩ min šarri maa agidu wa ʋhaazɩru = m kot gũudum ne Wẽnd la A tõogã n yi zabdem ning mam sẽn wʋmd la m gũusdẽ wã wẽnga
Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), ra yɩɩme n yɩɩd nebã ne kũuni, la a kũunã sẽn tʋg n yɩɩda, yaa Ramadaan pʋgẽ, a sẽn wat n yeka a Gibriila
Lɩslaam ka be sẽn na n wa faril Pʋʋsgo, n maneg a koomã yõgbo, la a maan yĩn-yõgnego a Rukuu wã, rẽndame tɩ Pʋʋsgã yɩ n yaa zũnuub yaafgo, zũnuub-rãmb nins sẽn reng Pʋʋsgã taoorã, t'a sã n ka tʋm zũnuub bedre, la rẽnda yaa a vɩɩmã gill pʋgẽ
Zɩkr-rãmb n be, tɩ b yεt ka bõn ye -b maanda- faril fãa poorẽ, yaa Sʋbhaanallaah pis-tã la a tã, la Al-hamdu lillaah pis-tã la a tã, la Allaahʋ Akbarʋ pis-tã la a tã
Ned ning sẽn yeele, a sẽn wat n wʋm laandãanã: Aš-hadu an laa ɩlaaha ɩlla Allaah, wahdahʋʋ laa šarɩɩka lahʋʋ Wa anna Mʋhammadan ʿAbdʋhuu warasʋʋlʋhuu, Radiitu billaah rabban, Wa bi Mʋhammadɩ Rasʋʋlan, Wa bil ɩslaami diinan, b yaafda a zũnuubã
Ka tar sẽn yaa sãnem bɩ wanzur soaba, sẽn ka kõta Zaka, rẽndame tɩ dũni yikr raarã b rɩkd-a lame n maan piisds sẽn yaa Bugum sɑ-tʋʋlse
Yãmb ned fãa sã n yik a gõeemẽ wã, bɩ a fẽes a yõorã noor a tãabo, ad a sʋɩɩtãanã a gãandeda a yõorẽ wã
Tɩ ned n yõk koom n bas nu-yẽeg zĩiga a na-kãdmẽ wã, tɩ Nabiyaamã (Wẽnd pʋʋsg la A tɩlgr be a yĩnga) yeel-a: «lebg n tɩ maneg f koomã yõgbo» t'a lebg n tɩ manege, rẽ poorẽ t'a pʋʋse
Nabiyaamã (Wẽnd pʋʋsg la A tɩlgr be a yĩnga) rag n yɩɩme n pekdẽ, maa n soodẽ, ne saawalle n tʋg n tãag mud a nu, la a yõgd koom ne mudri
Lɩslaam ka be, sẽn na n yõg koom, n maneg a koomã yõbgo, rẽ poorẽ t'a yik n pʋʋs Rakaar a yiibu, n ning a toaag ne rakaar yiibã, rẽndame tɩ arzãnã yɩ waagib ne-a
Yãmb ned fãa sã n yõg koom n ning a na-wʋʋdo bɩ a pʋʋs ne-ba la a saag b yiibã n pʋʋse, la rẽ poorẽ a rɑ yãk b yiibã t'a sã n tʋlla, sã n ka gεnaab sababo
Yãmb a pagb zama, maan-y doose, tɩ ad b wilga maam yãmba, tɩ yãmb sõor n yɩɩd Bugum koambẽ wã». La b yeel yã: la yaa bõe yĩnga Wẽnd Tẽn-tʋʋmã? La a yeele: «yãmb wʋsgda kãabgo la y maan sõm-zɩɩlem ne sɩdr vɩɩm-n-taare, mam ka yã neb yam la b dĩin sẽn booge, n tõe n menemes rao yam sẽn yaa sẽb sʋk soaba n leb n yɩɩd yãmb a pagb ye
Wakat a tãab n be be, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) gɩdga tõndo tɩ d ra pʋʋs b pʋgẽ ye, la d ra mum d kũ-rãmbã b pʋgẽ,
Ned ning sẽn yeela a sẽn wʋmd lanndaana boollã: Alllahuma Rabba haḏihi ad-daʿawat at-taammati, waṣ-ṣalaat al-ƙaa'imati, aatɩ Mʋhammadan al-wasɩɩlata walfaḍɩɩlata, wabʿaṯhu maƙaaman mahmuudan allaḏɩɩ waʿadtahʋʋ= m Soaba Wẽnde sẽn yaa dʋaag-kãnga sẽn pidã Naabã la Pʋʋsgã sẽn duumdã, kõ a Mʋhammad Radgã la yɩɩdlmã, la F kõ-a pẽgr zĩig-ninga Fo sẽn pʋlm-a wã. Mam Sugsgã paamd-a lame, dũni wã yikr raare
Yaa bõe tɩ neb zẽkd b nin n teesd saasã b Pʋʋsgã pʋgẽ?!» La a koεεgã kenga yel-kãngã pʋgẽ, halɩ n wa yeele:«Lak b na bas rẽndã, sã n pa rẽ Wẽnd na võ b ninã
Mam lagema Nabiyaamã n pʋʋse, (Wẽnd pʋʋsg la A tɩlgr be a yĩngɑ), la a ra ningda sallemã a rɩtg wεεngẽ: «"Assalaamu ʿalaykum wa rahmatʋllaah wa barakaatʋhʋʋ", Tɩlgr be ne yãmba la Wẽnd yolsgã la A barkã» la a goabg wεεngẽ «"Assalaamu ʿalaykum wa rahmatʋllaah", Tɩlgr be ne yãmba la Wẽnd yolsgã
Ned ning sẽn yɩlga Wẽnd yʋʋrã, n maan "sʋbhaanallaah" Pʋʋsg fãa poorẽ, pis-tã la a tãabo, la "Alhamdu lillaah" pis-tã la a tãabo, la "Allaahʋ Akbarʋ" pis-tã la a tãabo, rẽnda yaa pis-wae la a wae, la a pisd koabgã n yeele: "laa ɩlaaha ɩllaa Allaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr ", b yaafda a zũnuubã, baa t'a sã n yɩ n yaa wala mogr puudu
Yãmb yembr fãa sã n maan sik a Pʋʋsgẽ, n ka mi yẽ sẽn pʋʋsã yaa wãnɑ, tãab bɩ naase, bɩ a yãk sikã tεk n lobe, la a rogl yẽ sẽn tar bas-m-yamã zugu, rẽ poorẽ bɩ a maan suguud a yiibu taoor t'a na n ka ning sallem
Tɩ Nabiyaamã (Wẽnd pʋʋsg la A tɩlgr be a yĩngɑ), a yɩɩme n ka basd rakaar a naase, taoor t'a na n ka pʋʋs Zafare, la rakaar a yiibu, taoor t'a na n ka pʋʋs fagiri
Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum
Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a karema fagirã rakaar a yiibã pʋgẽ: {Al-Kaafɩrʋʋn (Kɩfr-rãmbã sʋʋra), Yeele: "yaa yãmb ɑ sõm-zɩtba!} La {Al-Iẖlaaṣ (Pʋ-peelmã sʋʋra), Yeele: "Yẽnda la Wẽnde, A yaa A Yembre}
Zãma Pʋʋsg yɩɩda yãmb yembr fãa sẽn na n pʋʋs a yembre, ne yel-sõm pisi la a nu, la yʋng malεgsã la wĩndg malεgsã lagemda taaba Fagir Pʋʋsgẽ
Roapã soaf-rãmbã sẽn yɩɩd sõmblem yaa b rẽenemẽ wã, la pagbã soaf-rãmb sẽn yɩɩd sõmblem yaa b baasgẽ wã
Tɩ ad Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) a yãa ned sẽn pʋʋs a yembre, safã (rulgã) poorẽ, t'a sagl-a t'a lebg n yɩlm a Pʋʋsgã
ad Pʋʋs bãmb b yiibã n yɩɩd zɩsg ne munaafɩgsã, la b sã n rag n miẽ bũmb ning sẽn be b yiibã pʋgẽ wã, b rag n na n wa-b lame baa tɩ na n yɩ ne vũnungu b rũmã zutu
Pag fãa sẽn furi, tɩ ka tũ ne a soaadbã yarda, a furã yaa zaalem -noor a tãabo- la b sã n kẽ ne-a, a tara a furã ligdi ne a sẽn paam-a wã, la biigã ba-rãmb sã n maan tak-n-taare, rẽnd lɩslaambã tẽngã naaba yẽnda la ned ning sẽn ka tara lalldã lallda
M yeelame: Wẽnd Tẽn-tʋʋma, tõnd yembr fãa pag hakε sẽn zao-a yaa bõe? T'a yeele: «Yaa f rɩlg-a tɩ f sã n rɩ, la f yeelg-a tɩ f sã n yeelge, la f ra pãb nengẽ ye, la f ra yet t'a yaa rao-wẽng ye, la f ra wãag n bas-a rẽnda gãagẽ wã bala
Nɑbiyɑɑmã (Wẽnd pʋʋsg lɑ A tɩlgr be ɑ yĩngɑ) a kãaba zoob toamda, la sẽn tomdã wã, la wi kɩɩdã, la b sẽn kɩɩd a soabã
Ned ning sẽn wa n tar pagb a yiibu, t'a kɩll n kẽng a yembrẽ wã, a wata dũni yikr raarã t'a bogrã yaa sẽn kɩlle
B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zãmsdo, la gãeenga hɑlɩ t'a wa tʋg paam yam
Sẽn suud fãa yaa rãam, la sẽn suud fãa me yaa haraam, la ned ning sẽn yũ a rãam dũni pʋgẽ, n maan kaalem tɩ yẽnda yaa sẽn yũud rãam, n ka tuubi, a ka yũud-a laahr raar ye
Tʋʋmã yaa yoobe, la nebã b yaa naase, yaa yel-yɩts a yiibu, tɩ yaa tɩlae tɩ yɩ, la bũmb ne a to bilgri, la yel-sõmde ne a buud piig taab rolbo, la yel-sõmd a yembre ne kobs-yopoe rolbo
ad Wẽnd nongame n rat tɩ nebã maan yolsg nins A sẽn kõ-ba, wala A sẽn nong tɩ b maan bũmb ninga A sẽn keng b zugã
Yãmb yembr kãm fãa sã n wʋm bũmb rãɑmd a pʋgẽ wã, t'a pa miẽ, bũmb n yi bɩ pa yi, bɩ a ra yi miisrẽ wã, halɩ t'a wa wʋm bʋrgo maa yũugu
Yaa hakε n zao lɩslaam fãa gilli t'a so rasem a yopoe pʋgẽ fãa raar a yembre, n pek a zugã la a yĩngã
Mam waa Nabiyaamã nengẽ (Wẽnd pʋʋsg la A tɩlgr be a yĩnga), n rat n na n tuubi, t'a kɩt tɩ mam so ne koom la mugnuga
Pʋʋsgo mam miis-kãngã pʋgẽ, a yel-sõmdã yɩɩda Pʋʋs-rãmb tusri zẽng sẽn ka miis-kãngã pʋgẽ, sã n ka Lohorem miisrã bala
Yãmb yembr fãa sã n na n kẽ miisrẽ bɩ a yeele: Allahʋmma ɭftahlɩɩ abwaaba Rahmatɩka, (M Soab A Wẽnde, pak F Yolsgã ragnoy n kõ-ma). la a sã n na n yi, bɩ a yeele: Allahumma Innii As'alʋka min faḍlɩka, (M Soaba A Wẽnde, m kot-F la F yɩɩdlemã)
Yãmb sã n na n pʋʋse, bɩ y tẽeg y saf-rãmbã tɩrga, rẽ poorẽ bɩ y yãk y ned tɩ yɩ limaam, a sã n yeele: "Allaahʋ Akbarʋ
m wẽen ne mam yõorã sẽn be A Soab Nugẽ wã, ad maam pʋʋsgã n yɩɩd wõneg ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Pʋʋsgã, ne yãmbɑ, lɑ ad a Pʋʋsg rag n dɑ yaa woto bala, halɩ t'a wa bas dũni
Nebã sẽn yɩɩd wẽng ne wagdem yaa ned ning sẽn zuuda a Pʋʋsgã pʋgẽ».. Tɩ b yeele: a na n zu a Pʋʋsgã wãn-wãnã? T'ɑ yeele: «a ka pidsda a rukuu wã, ka a suguudã
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme t'a sã n roog a poorã n yi rukuẽ wã Pʋʋsgã pʋgẽ, a yetame: «(Samiʿ Allaah lɩman hamɩdahʋʋ
Tɩ Nabiyaamã (Wẽnd pʋʋsg la A tɩlgr be a yĩnga) ra yɩɩme n yet suguud-rãmb a yiibã sʋka: «Rabbɩ ɩgfɩr lɩɩ, Rabbɩ ɩgfɩr lɩɩ= (M soɑbɑ! Yaaf-ma. M Soɑbɑ! Yaaf-ma)
Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo
Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a
Wẽnd Tẽn-tʋʋmã, ad a Saʿad ma wã maana kaalem, la yaa bõe doaag n yɩɩd sõmblem? Tɩ Tẽn-tʋʋmã yeele: «Yaa koom», a yeele: t'a tu bulga, la a yeele: woto yaa a Saʿad ma n so
B yãka wakat n kõ tõnd no-kõbd wõrsgo la nu-yẽes wõrsgo la bãgd tõsbo la pend põngre, tɩ d ra bas-b tɩ b yɩɩg yʋnd pis-naas ye
Wẽnd Tẽn-tʋʋma, tõnd neeme tɩ Gɩhaadɩ sõblem n yɩɩd tʋʋmã fãa, rẽ yĩnga, d ka na n maan gɩhaadɩ? Tɩ Nabiyaamã yeele: «ayo ad Gɩhaadi somblem sẽn tʋg n yɩɩd yaa hagiimd sẽn manege
Wẽnd sã n tigim rẽenem rãmbã la yaoolem rãmbã dũni yikr raare, b na n zẽka zãmb soab fãa tãp-kaoore, n yetẽ: ad yãwã yɑɑ a zagl biiga a zagl zãmbã
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sagla tõnd ne yεl a yopoe, la a gɩdg tõnd tɩ d bas yεl a yopoe
Nabiyaamã (Wẽnd pʋʋsg la A tɩlgr be a yĩnga) a kodga pe-raad a yiibu, sẽn yaa pεεl sẽn tẽgs sabla n tar yɩɩla, a kodg-b lame ne a nugã, la a yeel "bismillaah" la "Allaahu akbarʋ" la a rɩk a naoorã n ning b yiibã yubliẽ wã
Ned ning sẽn wẽena wẽenego, tɩ yẽnda yaa wẽngda a wẽenegã pʋgẽ, n rat n na n pasg lɩslaam arzεka, a segda Wẽnd t'A yaa sẽn gẽ ne-a
Mam rag n bee ne Nabiyaamã (Wẽnd pʋʋsg lɑ A tɩlgr be ɑ yĩngɑ), t'a wa tʋg n ta neb tãmpʋʋrẽ, n rʋʋde, t'a yaa sẽn yãse
Yãg-y ne kũum, sã n mikame t'a yaa sõma rẽnd yaa sõma zĩigẽ la yãmb rabd ne-a, la a sã n pa rẽ, rẽnd yaa wẽng la yãmb sẽn basd y yubliẽ wã
Ad arzãnã pʋgẽ, ragnoor n be tɩ b boond tɩ Ar-Rayyaan (yũ-n-tɩge), tɩ no-loεtbã tũud beenẽ n kẽed dũni yikr raarã, ning-zẽng ka kẽed beenẽ, rẽnda bãmbã
Lɩslaam ka tar hakε, n tar bũmb n rat n bas waṣiya (noor gomde), n gãand rasem a tãabo, rẽndame t'a sagellã gʋlsg n be a nengẽ
Tɩ Nabiyaamã (Wẽnd pʋʋsg la A tɩlgr be a yĩnga) a sã n rag n yi we-kεεnga, a yetame: «Gʋfraanak (M kot-F-la yaafa)
Laandãan-rãmb a yiib sʋk fãa Pʋʋsg n be , laandãan-rãmb a yiib sʋk fãa Pʋʋsg n be». Rẽ poorẽ t'a yeele: «Ne ned ning sẽn tʋlla
Pʋgl-y Hagiimd ne ʿƲmar, ad b yiibã ridga talemd la zũnuuba, wala kut zugd sẽn tusd kut zẽgdã la sãnem la wanzur zẽgdã, la Hagiimd sẽn maneg ka tar keoor a to rẽnda arzãnã
Neb na yals b sẽn bas arzũm-rãmbã Pʋʋsgã, maa Wẽnd na pag b sũyã, rẽ poorẽ b na yɩ yam yaal-yaal rãmb ne Wẽnd yʋʋrã tẽegre
Ad zãmaan yaoolem, neb n na n wa tɩ b yʋʋmã paoodẽ, b yaa yalemba, b yeta bõn-naandsã sẽn yɩɩd sõmã wã koεεga, b yita lɩslaamgã pʋgẽ wala peemd sẽn yit bõn-tãoodgẽ wã
Hadd (Maan-n-role) sã n paam neda, tɩ b yãg n sɩbg-a dũni kaanẽ, rẽnd Wẽnd tẽeg-tɩrg n yɩɩd ne A na leb n sɩbg A yambã noor a yiib laahr raare
Pʋɩ-y faadã n kõ b rãm nins Wẽnd sẽn yãk b pʋɩyã, la sã n kelle, yaa rog-pẽt sẽn yɩɩd pẽnegre, sẽn yaa raoa n sõmb ne-ɑ
B ka pãbd ned n yɩɩg sãbsg piiga, sã n ka mikame tɩ yaa toadg maan-n-rolga (Hade) sẽn be Wẽnd Todsã pʋgẽ
Ned ning sẽn wa n tʋg n rik baaga, sã n ka gʋg baaga, maa rũms baaga, a tʋʋmã yel-sõmã boogda raar fãa ƙɩɩraat a yiibu
ad mam miime tɩ fo yaa kugri, f ka tõe n namse, la f ka tõe n nafe, la sã n ka mam sẽn yã Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag n kõn n mõk-f ye
Lɩslaam sã n yõk koom - Maa sɩd-kõta- n pεk a nengã; zũnuub buud fãa, a sẽn gese ne a nengã, yitame n lagem ne koomã - maa n lagem ko-tosdmã baasdgã
Wẽnd Tẽn-tʋʋmã (Wẽnd yard be b yiibã yĩnga) ra yɩɩme n wilgd tõnd ɭstɩhaara (sõmã tũus-n-yãk baoob Pʋʋsgo), yεlã fãa pʋgẽ, wala a sẽn wilgd tõnd Alkʋrãanã sʋʋra
Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a
Ned ning sẽn loe noor rɑɑr ɑ ye tɩ yẽ be Wẽnd sorã sõngr pʋgẽ, Wẽnd na n zãaga a nengã ne Bugmã bõn-bɩʋʋng pis-yopoe
Tõnd rag n yiisda Zakaat al-fɩtrã, Wẽnd Tẽn-tʋʋm (Wẽnd pʋʋsg la A tɩlgr be a yĩnga) sẽn wa n be tõnd pʋgẽ, bi-bilf la kãsem fãa zugu, burkĩn maa yamb fãa zugu, saawall sẽn yaa rɩɩbo, maa saawall sẽn yaa bĩis-koεεnga, maa saawall sẽn yaa Sa'ɩɩre (ki), maa saawall sẽn yaa Tamarʋ, maa saawall sẽn yaa sib-koeemse
Tõnd rɩɩ sugrã rɩɩb ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yik n kẽng Pʋʋsgã, tɩ mam yeele: wakatã sẽn da be laandãanã ne sugrã rɩɩb sʋkã yaa wãnã? T'a yeele: yɑɑ Aayae pis-nu kɑreng alkadre
Tɩ Nabiyaamã (Wẽnd pʋʋsg la A tɩlgr be a yĩnga) a rag n yɩɩme n maan ɭɩtɩkaaf Ramadãanã rasem pi-yaoogã, halɩ tɩ Wẽnd wa reeg a yõorã, rẽ poorẽ a pagbã maana ɭɩtɩkaafo a loogrã poorẽ
Ra yãg-y n lʋɩɩs Ramadaanã n loe raar a yembre, maa rasem a yiib ye, sã n ka ned ning sẽn da maanda no-loeere, bɩ a loe
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) maana Zakaat Al-fitrã tɩ yaa tɩlae, tamarʋ saawalle, maa saʿɩɩr saawalle, yamb zug fãa, maa burkĩn zug fãa, la rao zug fãa, maa pag zug fãa, bi-bilf zug fãa, maa kãsem zug fãa, sẽn yi lɩslaambẽ, la a sagl tɩ b kɩs-a taoor tɩ nebã na n ka yi n kẽng Pʋʋsgẽ wã
Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)
Ned ning sẽn yĩma n rɩ, maa a yũ, tɩ yẽ yaa sẽn loe noore, bɩ a pids a no-loeerã, tɩ ad yaa Wẽnd n rɩlg-a la a yũnug-a
M maana tigrã n lagem ne d zu-soab a Ʋmar ɭbn Al-hattaabe, (Wẽnd yard be a yĩnga) t'a yeele: bãmbã b yiibã yaa rasem Wẽn Tẽn-tʋʋmã (Wẽnd pʋʋsg la A tɩlgr be a yĩnga) sẽn gɩdg tɩ d ra loe-b noor b pʋgẽ, yãmb no-lokr raare, la raar a to wã, yaa kibs tɩ y rɩt y rũn-kootsã
Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Labbayka maanego, yaa: «Labbayka allaahumma labbayka, labbayka laa sarɩɩka laka Labayka, innal hamda wanne'mata laka wal mulka, laa sariika laka
M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã
La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara
Ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a zãaga a meng n yi kaas poaka la põnd poaka la pãrs poaka
Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) tɩ rasem-pi-yaoogã sã n kẽ, a vɩɩmsda yʋngã ne tũudum la a nek a zakã rãmbã la a nidg pãnga n sẽbg a sʋka
Nabiyaamã (Wẽnd pʋʋsg la A tɩlgr be a yĩnga) ka pʋʋs Pʋʋsgo, Wẽnd koεεg sẽn sig poorẽ: {Wẽnd sõngrã ne A pakrã sã n wa} [An-naşr (Sõngrã sʋʋra)], rẽndame t'a yeel a Pʋʋsgã pʋgẽ: «Sʋbhaanaka Rabbanaa wa bihamdika, Allahumma ɩgfɩrlɩɩ= F Naam yɩlg yã d Soabã, d pẽgd-Fo, d Soabã A Wẽnde, yaaf-ma
Ned ning sẽn wa n tʋg n reeg lɩslaam hakε ne wẽenego, rẽnd Wẽnd maaname tɩ Bugum yaa tɩlae ne a soabã, la A gɩdga arzãnã a zugu» tɩ rao yeel-a: baa yaa bũmb bilfu Wẽnd Tẽn-tʋʋmã? La a yeel yã: «Baa yaa bilf wala ra-wãbdga
Azhib al-ba'sa, rabbi an-naasi, wa ašfɩ, anta aš-šaafɩɩ, laa šɩfaa'a illaa šɩfaa'aka, šɩifaa'an laa yʋgaadirʋ saƙaman= Loog ne bãagã, Fo sẽn yaa nebã Soabã, la F sigsi, tɩ ad Foom la Tɩpda, tɩpg ka be rẽnda fo tɩpgã, bɩ F tɩp-a tɩpg sẽn ka loogd n bas bãaga
Wakɩr fo sẽn rɩk n naf Wẽnd sõrã pʋgẽ, la wakɩr fo sẽn rɩk n ra yamb n bas burkĩndi, la wakɩr fo sẽn rɩk n maan sara ne miskɩɩna, la wakɩr fo sẽn rɩk n rɩlg f zakã rãmba, b sẽn yɩɩd ne keoor yaa fo sẽn rɩk n rɩlg f zakã rãmbã
Ned ning sẽn kaaga bãada, t'a kũumã ka ta, n yeel a nengẽ noor a yopoe: "As'alʋ Allaah Al-ʿazɩɩm, Rabbi Al-arš Al-ʿazɩɩm, an yʋšfɩyaka= m kota Wẽnd sẽn yaa Zɩsgã, sẽn yaa Al-arš-Zɩsgã Naabã, t'A maag f bãagã" Rẽndame tɩ Wẽnd sik-a n yi bã-kãngã
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) kãaba rao sẽn na n yeelg pag yerem, la pag sẽn na n yeelg rap yerem
Ned ning sẽn wa n tara rũng n na n kogd kibsã, tɩ Zʋl Higga wã sã n puki, bɩ a ra leb n yãk a kõbdã, a ra yãk a na-yẽesã baa fʋɩ, halɩ t'a wa tʋg n kodge
La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke
Ned ning sẽn wa n tʋg n bas a meng n yi tãng zug n lʋɩ, n kʋ a mengã, a bee Gεhannam Bugmã pʋgẽ, n lʋɩt a pʋgẽ, n yaa duumda n yaa paad a pʋgẽ lae-lae
Yãmb ned fãa ra wa tees a ma-biig ne zab teed ye, bala yẽ ka mi, tõe t'a sʋɩɩtãan reeg bũmbã a nugẽ wã, tɩ yẽ tʋg n lʋɩ Bugum bokẽ
M wẽen ne Wẽnd tɩ ka kõt sɩda, m wẽen ne Wẽnd tɩ ka kõt sɩda, m wẽen ne Wẽnd tɩ ka kõt sɩda». La b yeel yã, la yaa ãna Wẽnd Tẽn-tʋʋma? La a yeel yã: «Ned ning yak sẽn ka tar bas-m-yam ne a wẽnga
Sãnem ne sãnem, la wanzur ne wanzuri, la Bʋrr ne Bʋrri la saʿɩɩr ne saʿɩɩr la tamarʋ ne tamarʋ, la yamsem ne yamsem, (tekdame) yembr fãa ne a to, tɩ zems taaba, kõ la reege, nug ne nugu, la kõb-kãensã sã n yõsa taaba, tɩ y na n koos ne taaba, bɩ y koos wala y sẽn tʋll to-to ninga, tɩ sã n yaa nug ne nugu, (kõ la reege)
