1. Zu-raoogã
  2. Sagsã
  3. Loeegã

Hadiisɑ Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga

عَنْ أَبِي هُرَيْرَةَ رضي الله عنه عَنِ النَّبِيِّ صلى الله عليه وسلم قَالَ:
«دَعُونِي مَا تَرَكْتُكُمْ، إِنَّمَا هَلَكَ مَنْ كَانَ قَبْلَكُمْ بِسُؤَالِهِمْ وَاخْتِلَافِهِمْ عَلَى أَنْبِيَائِهِمْ، فَإِذَا نَهَيْتُكُمْ عَنْ شَيْءٍ فَاجْتَنِبُوهُ، وَإِذَا أَمَرْتُكُمْ بِأَمْرٍ فَأْتُوا مِنْهُ مَا اسْتَطَعْتُمْ».

Yii a Abɩɩ Hʋrayrat nengẽ, (Wẽnd yard be a yĩnga), tɩ yii Nɑbiyɑɑmã nengẽ, (Wẽnd pʋʋsg la A tɩlgr be a yĩnga) a yeelame:
«Bas-y maam tɩ mam sã n bas yãmba, ad sẽn reng-b yãmb taoorã halkame, b sogsgã la b sẽn yõsd ne b nabiyaam-rãmbã yĩnga, rẽnd mam sã n gɩdg yãmb n yi yelle, bɩ zãag-a la m sã n sagl yãmb ne yelle, bɩ y maan-a y pãng tõog tεka».

Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a) Ṣahɩɩh Al-Bʋẖaary - 7288

welsgã

Nabiyaamã (Wẽnd pʋʋsg lɑ A tɩlgr be ɑ yĩngɑ) togsame sãri wã Bʋʋd-rãmbã yaa bugs a tãabo: b sẽn gɩdg a soab yelle, la yεla b sẽn gɩdge, la saglse.
Sã n yaa rẽenemã: yẽ soabã la sãri wã sẽn sĩnd a yellã, bala a ka tar bʋʋdo, bala bʋʋd sẽn be yεlẽ wã yaa tɩ ka tɩlae ye; La sã n yaa Nabiyaamã (Wẽnd pʋʋsg lɑ A tɩlgr be ɑ yĩngɑ) wakatã, yaa tɩlae tɩ b bas sogs toog ne yεl nins sẽn ka yɩ wã, tɩ yaa yεεsg tɩ Bʋʋd rɑ wa sig n yeel t'a yaa tɩlae maa a yaa haraam ye, bala Wẽnd bas a Bʋʋdã, tɩ yaa yolsg ne yembsã. La sã n yaa Nabiyaamã (Wẽnd pʋʋsg lɑ A tɩlgr be ɑ yĩngɑ) kũumã poorẽ, sã n mikame tɩ sokrã yaa sẽn na n bãng a Bʋʋdo, maa sẽn na n kareme, t'a tar tʋlsem ne dĩinã, yẽ sakdame, b pʋs n sagla rẽnda, la sã n mikame tɩ yaa kɩɩsgo maa sogs yaalse, yaa yẽ soabã la b sẽn rat tɩ b basã, bala a talldame n kẽng ne bũmb ning ɭsraεεl koambã sẽn maanã, b sẽn wa n sagl bãmb tɩ b kodg naafã, b sã n da kodgame sẽn yaa naaf ning fãa, rag n na zemsame, la ad bãmb kengame tɩ Wẽnd kẽng b zugu.
Yiib soaba: yaa gɩdg-rãmbã, bãmb la ned sẽn paamd yel-somde t'a sã n bas-a, la b sɩbgd ned ning sẽn maan-a, rẽnd yaa tɩlae tɩ b bas-a fãa gilli.
Tãab soaba: yaa saglsã, ned ning sẽn tʋm-ba a paamda yel-sõmde, la a sã n bas-ba, b namsd-a lame, rẽnd yaa tɩlae tɩ d maan-a d pãng tõog tεka.

Sẽn be Hɑdiisã yõod-rãmbẽ

  1. Sõmbame tɩ b maan soagl ne yεl nins sẽn pak n yɩɩd tɩ b tar tʋlsem ne-a wã, la b bas bũmb ning tʋlsem sẽn pɑ be ne-a masa, la b ra maan soagl ne yεl sẽn na ka yɩ yel sokr ye.
  2. Gɩdgame tɩ b sok sogsg nins sẽn tõe wa taas ned tɩ masaal-rãmbã gĩdi, la a leb n pak yel-gẽts rãgnoor sẽn yɩt sabab n kẽngd yõs taab wʋsgã.
  3. Yaa sẽn sagl tɩ b bas yεl nins fãa sẽn gɩdgã, bala a basgã musɑk ka a pʋgẽ ye, rẽ n kɩt t'a gɩdg-a gɩdgr sẽn gũbgi.
  4. B saglame tɩ b maan yεl nins b sẽn saglã pãng tõog tεka, bala musak maa kongr n tõe n zĩd a pʋgẽ, rẽnd n kɩt tɩ sagellã beenẽ wã yaa fo me pãng tõog tεka.
  5. B gɩdga sogsgã wʋsgã, lɑ bãngdbã pʋɩɩ sogsgã bugs a yiibu: b yiibã yembre: yaa sokr ning sẽn yaa karengo b sẽn tar tʋlsem ne-ɑ dĩinã wεεngẽ, yẽndã b saglame, la sahaabsã sokrã yɩɩ yãwã buudã. Sokr buk a yiibu: yaa kɩɩsg la sok yaalse, yẽ la b sẽn gɩdg n yi wã.
  6. B bugsa zãma-kãngã tɩ b ra wa yõsg b Nabiyaamã ye, wala zãma-rãmb a taabã sẽn reng bãmb taoor sẽn da yɩ wã.
  7. Sogsgã wʋsgã b sẽn ka tar tʋlsem ne-ba la nabiyaam-rãmbã yõsgrã, yaa sabab n halkd ninsaala, sẽn tʋg n yɩɩda yεl nins ned sẽn ka tõe n ta-ba, wala yel-soaandɩ wã masaal-rãmbã, yel-soaandɩ nins ned sẽn ka mi rẽnda Wẽndã, la dũni yikr yεlã.
  8. B gɩdgame tɩ b ra wa sok masaal kegemsã,ɑ Awza'iy yeelame: Wẽnd sã n rat n na n mongd A yamb bãngrã albarka A lobdɑ ɑ zɩlemdẽ wã gõdem-gõdem goam sẽn nɑ gome n lub nebã, lɑ ad mam yã-b lame tɩ bãmb n paood nebã pʋgẽ ne bãngre. T'a ɭbn Wahb yeele: m wʋma a Maalik t'a yetẽ: no-koεεma wẽeb bãngrã pʋgẽ wã a loogda ne bãngrã nuura ned sũurẽ.

Wilg Goɑmã lebg-rãmbã

61 Buudɑ gomdã
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
KMR Kurmancî الكرمنجية
MS Bahasa Melayu الملايو