Buudɑ gomdã
  1. Zu-raoogã
  2. Sagsã
  3. Yelsõmã lɑ zʋgd-rãmbã

Hadiisɑ Yeele: m Soab A Wẽnde, kãndg maam, la F rems-ma. La f tẽeg kãndgrã n yeel "Fo sẽn peegd n tʋgd so-tɩrgã, la remsmg wala kãnd remsgã

Yelsõmã lɑ zʋgd-rãmbã Doosã la Wẽnd yʋʋrã tẽegr fasẽngo Doos-rãmb nins reng taoor rãmbã sẽn da kot ne wã

عَنْ عَلِيٍّ رضي الله عنه قَالَ: قَالَ لِي رَسُولُ اللهِ صَلَّى اللهُ عَلَيْهِ وَسَلَّمَ:
«قُلِ اللهُمَّ اهْدِنِي وَسَدِّدْنِي، وَاذْكُرْ بِالْهُدَى هِدَايَتَكَ الطَّرِيقَ، وَالسَّدَادِ سَدَادَ السَّهْمِ».

Yii a ʿAli nengẽ (Wẽnd yard be a yĩnga) a yeelame: Wẽnd Tẽn-tʋʋmã yeela maam (Wẽnd pʋʋsg la A tɩlgr be a yĩnga):
«Yeele: m Soab A Wẽnde, kãndg maam, la F rems-ma. La f tẽeg kãndgrã n yeel "Fo sẽn peegd n tʋgd so-tɩrgã, la remsmg wala kãnd remsgã"».

Naṣʋn Ṣahɩɩhʋn (Gom-sikdem sẽn manege) A Muslim n togs-a Ṣahɩɩh Muslim - 2725

welsgã

Nabiyaamã (Wẽnd pʋʋsg la A tɩlgr be a yĩngɑ) a sagla a ʿAli ɭbn Abɩɩ Taalib (Wẽnd yard be a yĩnga) t'a kos Wẽnde, la a bõos-A n yeele: (m Soab A Wẽnde, kãndg maam) la F peeg-ma la F toglg-ma (la F rems-ma) la F maan-m segl sõngo la F maan maam tɩ m tẽeg tɩrga, yεlã fãa pʋgẽ.
Rẽnd kãndgrã: yaa sɩd bãngre, sẽn welg la sẽn tigme, la paam segl sõngo n pʋg-A sẽn vẽneg la sẽn solge.
La remsgã: Yaa Wẽnd sẽn na n maan-f zu-noogo la tẽeg tɩrga yεlã fãa pʋgẽ, bũmb ning sẽn zemsd ne sɩdã, yẽ me la sor sẽn tẽeg tɩrga gomdẽ la tʋʋmdẽ la loεεgẽ.
La sẽn mik tɩ yell ning sẽn ka tõe n paam vẽenegã, b bilgd-a lame ne bũmb ning sẽn tar vẽnegrã; bɩ f tẽeg fo sẽn wɑt n kot do-kãngã tɩ ɑd: (kãndgrã: yaa Fo peeg n tʋg sorã) bɩ f ning f sũurẽ wã fo sẽn wɑt n kot kãndgr wala ned ning sẽn tʋgd sorã peegrã, bala yẽnda a ka wẽnegd sorã goabga, a ka wẽnegd sorã rɩtgo, sẽn na yɩlẽ n da menem ye, a sã n maan woto a paamda tɩlgre, la a ta a sẽn rat zĩigẽ ningã tɑo-tɑo.
(La remsgẽ wã yaa A rems-f wala kãnd remsgo), bala fo getame fo sã n wa tão peemdã wakato, fo yãta a sẽn tat tʋʋlle, la a sẽn yõkd bũmbã, rẽnd loabd sã n lobg bũmbu, la a sẽn maneg n rems peemdã n tees a sẽn rat bũmb ningã, yaa woto bal la fo kot Wẽnde (A Naam zẽk yã) tɩ fo sẽn rat bũmb ninga, sẽn yaa remsgã, yaa wala peemdã, rẽnd wakat-kãngã mikdame tɩ fo kosgã pʋgẽ, fo kota kãndgr sẽn ta raab la remsg sẽn ta tεka.
Bɩ f ning maanã-kãngã fo sũurẽ wã, bala kos Wẽnd remsgo, bʋɩl yĩng tɩ fo sẽn maan Anniy wã ne bũmb ningã kell n yɩ wala fo sẽn remsd to-to wã tɩ f sã n na n tão.

Sẽn be Hɑdiisã yõod-rãmbẽ

  1. Boaanda n tʋg Wẽnd sorã sõmbame t'a maan yã-beed ne a tʋʋmdã remsgo, la a tẽeg tɩrga ne yẽ sẽn na n tablg Sunnah la a yɩlg a Anniy wã.
  2. B bʋʋ nonglem tɩ b maan doaag ne gom-bi-kãensã sẽn tigim ne segl sõngã la remsgã.
  3. Sõmba ne yamba t'a kos sõngr ne Wẽnde (A Naam zẽk yã) a yεlã fãa pʋgẽ.
  4. Masaal-rãmb rɩkr wilgrã zĩigẽ.
  5. Yaa sẽn tigim kãndgrã baoobo la halhaal-rãmbã manegre la ruumd a zugu, la ra kedg n bas-a baa nif-kamsg ye, la f kos baas neere, rẽnd a sẽn yeel tɩ "kãndg-maamã" rat n na n yeel t'a kell n kẽng kãndgrã zugu, la a sẽn yet tɩ "la F rems maamã" yaa sẽn na yɩl tɩ zemse la a ra kedg n yi kãndgr ning zug yẽ sẽn beẽ wã ye.
  6. Boaandã, sõmba ne-a t'a nidg pãng ne doaagã la a ning kosgã maanã a sũurẽ wã, tɩ woto n pẽ ne a na paam reegre.

Wilg Goɑmã lebg-rãmbã

50 Buudɑ gomdã
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
Sagsã
Pɑɑgã