Yãmb a nebã, ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã
Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã
Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!
wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga
Yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã sʋka
Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame
Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi
Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye
Ned sẽn yãs ne pʋg-kõor rɩlgre la nimbãan nedã, a yaa wala ned sẽn zabd gɩhaadɩ Wẽnd sorã pʋgẽ, maa a yaa wala ned sẽn yãs yʋngo ne Pʋʋsgo n loet noor wĩntoogo
Mɑm sekɑ M mengɑ n yi lɑgm-n-tɑɑrɑ rãmb lɑgm-n-tɑɑrã, ned ning sẽn tʋmɑ tʋʋmde n lɑgm bũmb zẽng ne mɑɑm ɑ tʋʋmdã pʋgẽ, m bɑsd-ɑ lɑme ne ɑ lɑgm-n-tɑɑrã
Rɑ mɑɑn-y y rotã tɩ yɑɑ yɑɑd ye, lɑ y rɑ rɩk mɑm yɑoogã tɩ yɑɑ tigr bob n kẽng ye, lɑ y pʋʋs-mɑ; tɩ yãmb pʋʋsgã tɑtɑ mɑɑm y sẽn beẽ fãɑ
ned ning sẽn sεga Wẽnde, n ka maan lagem-n-taar ne-A, a kẽeda arzãna, la ned ning sẽn seg-A,t'a yaa sẽn maan lagem-n-taar ne-A, a kẽeda Bugmã
ned ning sẽn kõ a maam bas-m-yam ne bũmb ning sẽn be a ye-peed a yiibã sʋka la a nao a yiibã sʋka, m kõt-a-la bas-m-yam ne arzẽnã
Wẽnd yʋʋrã tẽegr sẽn yɩɩdɑ, yɑɑ: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), lɑ kosg sẽn yɩɩdɑ, yɑɑ: Alhɑmdʋ lɩll-Lɑɑh, (Pẽgr be ne Wẽnde)
Wɑkɑt ɑ nu wã, lɑ arzũm n tɩ tãɑg arzũma, lɑ Rɑmɑdɑɑn n tɩ tãɑg Rɑmɑdɑɑne, b yɑɑfdɑ sẽn be b sʋkã tɩ ned sã n zãɑg zũub bεdã
Bũmb ka paamd lɩslaamã sẽn yaa yaamse, la bãase, la yɩɩgre, la sũ-sãanga, la nango, la pakre, halɩ n tʋg n tãag gõaag sẽn kõsd-a, rẽndame tɩ Wẽnd yaaf a tʋʋm tuuti wã ne rẽ sabɑbo
Lɩslɑɑm hɑkε ɑ lɩslɑɑm tɑɑg zugu, yɑɑ nu: yɑɑ Sɑllem leokre, lɑ bãɑd kɑɑgre, lɑ kũ-rãmb yãɑgre, lɑ bool sɑkre; lɑ tĩsd leokre
Wẽnd nɑ yols nedɑ, sẽn yɑɑ bɑs-tɩ-loog t'ɑ sã n nɑ n koose, lɑ ɑ sã n nɑ n dɑ, lɑ ɑ sã n nɑ n sok ɑ sɑmde
Ned n dɑ be n pengd nebã, lɑ ɑ rɑ yetɑ ɑ tʋʋm biigã: fo sã n kẽng keelem soɑb nengẽ bɩ f bɑs-ɑ, tɩ tõe tɩ Wẽnd yɑɑf n bɑs-do
Zoe Wẽnd fo sẽn be zĩig ning fãa, la f pʋglg wẽnga ne sẽn sõmbe, t'a yẽesd-a lame, la f vɩɩm ne nebã ne zʋg-sõngo
Yãmb sã n dag n bobend-y mensã boblg tεkẽ, A rag na rɩlg yãmb wala A sẽn rɩlgd liuuli wã, b yikda tõd beoogo tɩ b pʋsã yaa tabla n ta zaabr tɩ b pʋsã pidi
Ad tẽeg tɩrga rãmbã b bee zaoos zutu tɩ yaa nuura, tɩ be Arrahmaan Naabã rɩtg wεεngẽ, la A Nus a yiibã fãa rag n yaa rɩtgo
Yãmb mii wɩdg sẽn yaa a sab bɩɩ?" Tɩ b yeele: Wẽnd la A Tẽn-tʋʋmã n yɩɩd minim, t'a yeele: " yaa fo sẽn na n tẽeg f saam-biig yelle, bũmb ninga a sẽn kisi
Ad neb n be beenẽ n fãood Wẽnd arzεkã pʋgẽ, tɩ ka tũ ne hakε ye, ad b rãmb tara Bugum dũni yikr raare
Ka sõmb ne neda t'a wãag a ma-bi taaga, tɩ yɩɩd rasem a tãab ye, tɩ b yekd taaba, tɩ yãwã kɩlled kaanẽ, tɩ yãwã kɩlled kaanẽ, la b yiibã sõma sẽn yɩɩda, yaa sẽn sɩnga a to wã pʋʋsgã
Goamã sẽn tʋg n noom Wẽnd n yɩɩd yaa naase: Sʋbhaanallaah, wa Alhamdu lillaah, wa laa'ɩlaaha ɩllallaah, la Allaahʋ Akbarʋ, fo sẽn reng a soab n sɩng fãa, a ka sãam ye
B soka Wẽnd Tẽn-tʋʋm, (Wẽnd pʋʋsg la A tɩlgr be a yĩnga) bũmb ning sẽn waoog n kẽesd nebã arzãn n yɩɩda, t'a yeele: "Yaa Wẽnd zoεεga la zʋg sõngo
Gom-biis a yiibu n be, n yaa faasg ne zelemdã, n yaool n yaa zɩsgo, tʋʋm peesg laok zugu, tɩ b yiibã noom Arrahmaan Naaba
Ned ning sẽn yeela: (Sʋbhaana-llaah wa bihamdihii, yɩlgr be ne Wẽnd, la pẽgr be ne-A) raar pʋgẽ, noor koabga, b lubda a zũnuubã baa t'a sã n yaa wala mogr puudu
Ned ning sẽn wa n yeele: Laa ɩlaaha ɩllallaahʋ, wahdahʋʋ, laa šarɩɩka lahʋʋ, lahʋlmʋlkʋ wa lahʋlhamdʋ, wa hʋwa ʿalaa kʋllɩ šay-ɩn ƙadɩɩr = soab sẽn na n tũ n tɩlg ka be, rẽnda Wẽnde, A yaa Yembre, lagem-n-taag ka be ne-A ye, Yẽ n so Naamã la A sõ Pẽgbã, ad Yẽnda yaa Tõogd ne bũmbã fãa gilli, noor piiga
Sɩd-kõtbã sẽn yɩɩd lɩɩmaoong pidbu, yaa sẽn yɩɩd ne zʋg-sõngo, la yãmb sõmblem sẽn yɩɩda, yaa ned ning sõmblem sẽn yɩɩda a pagbẽ wã
Ned ning sẽn wa n tʋg siga sigb zĩigẽ, rẽ poorẽ t'a yeele: m kota gũudum ne Wẽnd goamã sẽn pidã, n yi A sẽn naan fãa wẽnga, bũmb ka namsd-a halɩ t'a wa tʋg n yik zĩ-kãngã
Yãmb yembr fãa ka kõt sɩda, halɩ tɩ mam wa tʋg n yɩ a noanga n yɩɩd a roagdã, la a koambã, la nebã fãa gilli
Mam sẽn na n yeel (Sʋbhaana-llaah) la (Al-hamdu lillaah) la (Laa ɩlaaha ɩllallaah) la (Allaahʋ akbarʋ) yẽ n noom maam n yɩɩd bũmb fãa wĩndgã sẽn puk n miki
Ned ning sẽn karema Aaya a yiib nins sẽn be Naafã sʋʋrã baasgẽ wã, yʋng pʋgẽ, b na sek-a n yi wẽng buud fãa
Ned ning sẽn karema gʋls-biig a yembr Wẽnd Gafẽ wã, ad a tara yel-sõmd ne-a, la yel-sõmdã me fãoogda piig bilgri
Yolsdbã, Arrahmaan Naab na n yols-b lame, yols-y sẽn be b tẽngã, tɩ sẽn be a saasẽ wã na n yolsa yãmba
Ned ka be, n maan kaset tɩ (laa ɩlaaha ɩllal-Allaah, wa ɑnna Mʋhammadan rasʋʋllaah) = (M maanda kaset tɩ soab hakɩɩk pa be rẽnda Wẽnde, la m maand kaset t'a Mʋhammad yaa Wẽnd Tẽn-tʋʋma) n kõ sɩda a sũurẽ wã, rẽndame tɩ Wẽnd harm-a ne Bugmã
Yãmb ned fãa sã n na n rɩ, bɩ a rɩ ne a rɩtgo, a sã n na n yũ, bɩ a yũ ne a rɩtgo, bɑlɑ a sʋɩtãan rɩta ne a gobre, la a yũud ne a gobre
yɩlgrã a yaa lɩɩmaang pʋsʋka, la Alhamdʋ lillah, a pita tʋʋmã geelg laoko, la sʋbhaanallaah la Alhamdʋ lillaah, b yiibã pitame, maa a pita bũmb ning sẽn be saasã la tẽngã
, yaa b tũ Wẽnde la b ra maan lagem-n-taar ne-A ye, la yembsã hakε sẽn zao Wẽnde, yaa A ra wa tʋg n nams ned sẽn ka maan lagem-n-taar ne-A baa fʋɩ ye
yaa ned ning sẽn maan kaalem n ka maan lagem-n-taar ne Wẽnd baa fʋɩ, yaa tɩlae t’a kẽ arzãnã, la ned ninga sẽn maan kaalem t’a yaa sẽn maan lagem-n-taar ne Wẽnde, ne bũmbu, a kẽeda Bugumã
wilgd maam gomde, lɩslaangã pʋga, m sẽn kõn n le sok-a ned baa a yembr sã n ka foom, t'a yeele: «yeele: m kõo sɩd ne Wẽnde, rẽ poorẽ, tẽeg tɩrga
M kengd-y-la ne Wẽnd zoεεga la sak-n-tũ, la yãmb na n yãa mam poorẽ, yõs taab wʋsgo, bɩ y gãd mam Sunnah la lεdsdb nins sẽn yaa tẽeg tɩrg-rãmbã, sẽn yaa kãndgdbã Sunnah
Wẽnd yeelame, (A Naam zẽkame); Mam pʋɩɩ Pʋʋsgã Maam la M yambã sʋka, boɑg a yiibu, la Mam yambã, a sẽn kos bũmb ningã fãa, M na kõ-a
Ra yelg-y harɩɩr fut ye, la ra yelg-y Diibaag( Hariirã fu-tak) ye, la ra yũ-y sãnem la wanzur ko-teesẽ ye, la ra rɩ-y a laasẽ me ye, ad bãmbã yaa kɩfr-rãmb n so-ba dũni kaanẽ, n yaa tõnd rẽnda laahr raare
ad mam ka kɩt tɩ y wẽene, tɩ m rõt-y lame yĩng ye, la a d Gibriil waa mam nengẽ, n togs maam, tɩ Wẽnde, (A Naam yɩ wagell n zẽke) A pugda malεgsã ne yãmba
Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka
Yãmb yembr fãa sã n na n yõk koom, bɩ a ning koomã a yõorẽ wã, rẽ poorẽ bɩ a vẽes n yiisi, la ned ning sẽn na n yẽes a sεεg bɩ a maan noor a tãabo
Ned sã n kẽ a zakẽ, n tẽeg Wẽnd yʋʋre, a sẽn wat n kẽedẽ wã la a sẽn wat n rɩtẽ wã, a sʋɩɩtãan yetame: mam gãag zĩig ka be ne yãmb rũndã, mam ka tar rɩɩb me yãmb nengẽ
Ad dũni wã yaa noogo n yaa bʋgsgo, la ad Wẽnd na n ledsa yãmb a pʋgẽ arzεgsẽ wã n ges bũmb ning yãmb sẽn na n tʋme, bɩ y zoe dũni la pagbã
Yãmb ned fãa ra wa tʋg n gãd a taoorã ne a rɩtgã n rʋʋtẽ ye, la a ra wa yẽes a we-kεεng ne a rɩtg ye, la a ra tʋg n vʋʋsd laok pʋgẽ ye
Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?
Wẽnd Tẽn-tʋʋmã rag n yɩɩme (Wẽnd pʋʋsg la A tɩlgr be a yĩnga) n wʋsgd n yetẽ: «Yaa muƙallib al-ƙuluub ṯabbit ƙalbiy ʿalaa diinik= Foom a sũyã Toεεmda tablg mam sũurã Fo dĩinã zugu
Ned sã n kos Wẽnd n dɑt n ki Wẽnd sorã zug ne sɩda, Wẽnd taasd-a-la Šʋhadaa'-rãmb dargε zĩigẽ, baa t'a sã n maan kaalem a pĩirã zugu
Baolleg (yεla) ka bak n be ne sɩd-kõta la sɩd-kõt paga, a mengẽ la a biigẽ, la a arzεkẽ, hal t'a wa tʋg n sεg Wẽnde, n ka tar zũnuub ye
Wakɩr sẽn tʋg n yɩɩd ned sẽn yãkd-a n kõtẽ, yaa wakɩr fo sẽn na n rɩk-a n rɩlg f zak rãmba, la wakɩr fo sẽn na n rɩk n rɩlg f bõn-zoɑmdg sẽn na n tall n zab Wẽnd sorã pʋga, la wakɩr fo sẽn na n rɩk-a n rɩlg f tũud-n-taas Wẽnd sorã pʋga
Yãmb ned kɑm fãɑ sã n yã zãmsd tɩ noom-a, bɩ a bãng tɩ yii Wẽnd nengẽ, bɩ a pẽg Wẽnde, la a yẽs zãmsdã, la a sã n yã sẽn ka woto, sẽn ka noom-a bɩ a bãng tɩ yii a sʋɩɩtãan nengẽ, bɩ a kos gũudum n yi zãmsdã wẽngã la a ra togs zãmsdã ned baa a yembr ye, tɩ rẽnda ka namsd-a ye
Yel-soalem be ne sɩd-kõt yellã, ad a yellã fãa gill yaa sõma, la yẽ me ned ka tõe n paam-a tɩ sã n ka sɩd-kõt ye
Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda-
B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã, t'a gilgd ne-a wala boang sẽn gilgd neerã
Ned ning sẽn zãa kom-pugli a yiibu halɩ tɩ b lebg baaligsi, a soab wata dũni yikr raarã maam ne yẽnda» la a mobg a nus-biisã taaba
Y ka kẽed arzãnã halɩ tɩ y wa kõ sɩda, la y ka na n kõ sɩda halɩ tɩ y wa noang taaba, rẽ yĩnga, m ka na n wilg yãmb bũmbu, tɩ y sã n maan-a, y bʋʋda taab nonglem?: Sẽeg-y pʋʋsgã y ne taab zugu
Yaa tʋʋm bʋdo n noom Wẽnd n yɩɩda? T'a yeele: «yaa Pʋʋsgo, a wakatẽ wã». T'a yeele: rẽ poorẽ yaa bõe? T'a yeele: «rẽ poorẽ yaa roagd a yiibã manegre». T'a yeele: rẽ poorẽ yaa bõe? T'a yeele: « yaa zab Wẽnd Sorã poorẽ
Yãwã yaa kugr b sẽn lob Bugmã pʋga hal yʋʋm tus-pis-yopoe, masa la a lʋɩt Bugmã pʋgẽ, n tãag a tεkẽ wã
Tɩ ned n rɩ Wẽnd Tẽn-tʋʋmã nengẽ (Wẽnd pʋʋsg lɑ A tɩlgr be ɑ yĩngɑ) ne a goabgã, tɩ Nabiyaamã yeel-a: «rɩ ne f rɩtgã», t'a yeele: m ka tõe ye, t'a yeele: «f kõn n tol n leb n tõog ye
Liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, liu-n-bʋgrã (zu-beed saagrã) ad a yaa lagem-n-taare, -noor a tãabo», la ned ka be tõnd pʋgẽ wã, rẽndame t'a saag-a, la Wẽnde, (A Naam yɩ wagell n zẽke), A loogɑ ne-a ne bobl-m-meng ne Wẽndã
Longr ka be, liu-n-bogr ka be, kolonkoog kelem beed ka be ye, ki toog ka be, la f zoe n zãag wõod soaba, wala f sẽn zot n zãagd bõnyẽega
tɩ m wẽen ne Wẽnde, ad Wẽnd sã n kãndg rao a yembr fo yĩnga, rẽ sõmblem ne foom n yɩɩd ne dũni yʋgem miidu (neemã yɩlma)
Zoe-y Wẽnde yãmb Soabã, la y pʋʋs y wakat a nu wã, la y loe y Kiuugã la y kõ y arzεgsã Zakã , la y tũ yellã taoor-rãmbã, tɩ y kẽeda y Soabã arzãna
Yãmb yembr sã n seg a ma-biig sẽn yaa lɩslaam bɩ a ning-a sallem, la tɩɩga maa lalga maa kugr sã n lill b yiibã sʋka, rẽ poorẽ t'a yek-a bɩ a ning-a sallem yεsa
Rẽ yĩnga, m ka na n kõ yãmb kibare, ne bũmb ning Wẽnd sẽn yẽesd zũnuub-rãmb ne-a, la A zẽkd dargε-rãmb ne-a?
Rẽ yĩnga m ka na n kõ-y kibare y tʋʋmã sẽn yɩɩd sõmblem, la a leb n yɩɩd yɩlgemde y Naabã nengẽ, la a leb n yɩɩd zẽkr ne yãmb dargε-rãmba
Mam mii gomde, t'a sã n yεεl-a, Wẽnd na n sεεsa sẽn be ne-a wã, a sã n yeele: m kot gũudum ne Wẽnde, n yi a sʋɩɩtãana, Wẽnd loogda ne bũmb ninga sẽn be ne-a wã
Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye
Mam yeelame, Wẽnd Tẽn-tʋʋma, d maanda a wãn n põse? T'a yeelae: « Yõk f zelemdã, pa f zakẽ wã la f kũm f zũnuubã
wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore
Yõor tẽg yã, yõor tẽg yã, rẽ poorẽ yõor tẽg yã», tɩ b yeele, yaa ãnda Wẽnd Tẽn-tʋʋmã? T'a yeele: «ned sẽn na n mik a rogdb a yiibã, b kãseng sasa, b yiibã yembr, maa b yiibã fãa, n ka kẽ arzãn ye
A sʋɩtãan loeta yãmb ned fãa kãarẽ, a sã n gõe, loees a tãabo, a yembr fãa wẽedɑ yʋn-wok fo zug, n yeele bɩ f gãande
Mam sega a ɭbraahɩɩm yʋng ning b sẽn kẽnes maamã, t'a yeele: Mʋhammad, taas f zãmã wã mam sallem, la kõ-b kibar tɩ ad arzãnã tomã yaa sõma, a koomã yaa noogo
Sã n mikame tɩ fo yaa wala fo sẽn yeelã, bɩ f bãng tɩ yaa wala fo fẽeg-b-la tom-pegl-tʋʋlga, la sõngr ka na n bak n be ne foom sẽn yi Wẽnd nengẽ, tɩ fo wil-ba tɩ fo sã n yaa woto bala
Neb ka be sẽn na n zĩnd zĩigẽ, n ka tẽeg Wẽnd yʋʋrã beenẽ, rẽndame tɩ b yik wala bõang gɩfo, zĩnd-kãngã me na n yɩɩ bõn ne-ba
Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teoogã
Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole
Manegrã yaa zʋg-sõngo, la zũnuubã yaa bũmb ning sẽn rãmbd fo sũurẽ wã, tɩ fo ka nong n rat tɩ nebã yã-a ye
Yãmb a nebã, ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã
Ad Wẽne, (A Naam yɩ wagell n zẽke) A tẽegda A nugã yʋngo, sẽn na yɩl tɩ wĩndg wẽngd tuubi, la A tẽegd A nugã wĩndgã sẽn na yɩl tɩ yʋng wẽngd tuubi, halɩ tɩ wĩndgã wa tʋg n puk a sẽn lʋɩtẽ wã
Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!
Yãmb yembr fãa ka kõt sɩda (ne Wẽnde) hal t'a wa tʋg n nong ne a ma-biiga bũmb ning a sẽn nong ne a mengã
Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã
Bũmb ka be t'a zɩslem yɩɩd muumin peesgã laok pʋgẽ dũni wã yikr raare, n yɩɩd zʋg sõng ye, ad Wẽnd kisa zʋg wẽng soab sẽn yaa gom-be-neda
Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ?
Ned ning sẽn rɩ rɩɩbo, n yeele: Alhamdu lillaahi Allaḏii aṭ-ʿamanii haaḏaa, wa razaƙaniihi min ġayri hawlin minnii walaa ƙuwwatin= (Pẽgr be ne Naab ning sẽn rɩlga maam wãndã, la A lok-a maam, tɩ ka tũ ne sɩlem, la pãnga sẽn yi mam nengẽ), b yaafda a zũnuub sẽn reng taoore
Adem-biiga, ad fo sẽn kos Maam la f tẽ Maam, M yaafda foom baa fo sẽn maan bũmb ninga, tɩ M toog ka be ye
M Soab A Wẽnde, yaaf-ma m sẽn tudgi la m sẽn zɩ la m maan-n-zʋʋkã m yellã fãa pʋgẽ, la Fo sẽn mi bũmb ninga n yɩɩd maam. M Soab A Wẽnde, yaaf-ma m sẽn tudgi la m pʋ-toogo, la m zɩɩlem la m reem, la woto fãa gill yii mam nengẽ. M Soab A Wẽnde, yaaf-ma m sẽn tʋm tɩ reng taoore, lɑ m sẽn yɑoolge, lɑ m sẽn solge la m sẽn vẽnege, Foom A Wẽnd la Lʋɩɩs taoor Naaba, la Foom la Yaoolgda, la Foom la bũmbã fãa gill Tõogda
M Soab A Wẽnde, m kot-F-la sõmã wã gilli, dũni kaanẽ la laahre, m sẽn bãng la m sẽn ka bãnge, la m kot-F-la gũudum n yi wẽngã gilli, a dũni la laahre, mam sẽn bãng la m sẽn ka bãnge
M Soab A Wẽnde, m kot-F-la gũudum n yi Fo neemã wã wa gõbg n bas-ma la Fo laafɩ wã wa wẽnems m bas-ma, la Fo sɩbgrã lingri, la Fo gẽegã fãa
M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ
Muumin sẽn tar pãnga, yẽnda sõmblem, n leb n nong Wẽnd n yɩɩd muumin sẽn yaa valenga, la b fãa yaa sõma,
Nabiyaamã (Wẽnd pʋʋsg lɑ A tɩlgr be ɑ yĩngɑ) a doaag sẽn da yɩɩd rag n yaa! "Allahumma rabbanaa aatɩnaa fɩddʋnyaa hasanatan wa fɩl Aahiratɩ hasanatan wakɩnaa ʿazaabannaar, = d Soɑbɑ Wẽnde! Kõ-d Dũni pʋgẽ sẽn be neere lɑ Yɑolem-rɑɑrã sẽn be neere, lɑ F gũ tõnd ne Bugmã nɑmesgo
Yãmb a nebã! Sẽeg-y Sallem, la y rɩlg rɩɩbo, la y tõk rogem, la y pʋʋs yʋngo tɩ nebã gõe, tɩ y nɑ kẽ arzãnã ne laafɩ
Zoe-y wẽgdo, tɩ ad wẽgd yaa ligs dũni yikr raarã, la y zoe beedo, tɩ ad beed n halk sẽn reng-b yãmb taoore,
Tɩ raoa n sok Nabiyaamã (Wẽnd pʋʋsg lɑ A tɩlgr be ɑ yĩngɑ) lɩslaangã yell bʋdo sõmblem n yɩɩde? T'a yeele: «rɩlg rɩɩbo la f ning sallem fo sẽn bãng a soab la fo sẽn ka bãng a soaba
Yeele: m Soab A Wẽnde, kãndg maam, la F rems-ma. La f tẽeg kãndgrã n yeel "Fo sẽn peegd n tʋgd so-tɩrgã, la remsmg wala kãnd remsgã
M pa na n wilg-y sẽn yaa sõma ne yãmba n yɩɩd sõgna? Yãmb sã n kẽng y gãagẽ wã, maa y kẽng n na n kɩlle, bɩ y sabbɩh noor a pis-tã la a tãabo, la y pẽg Wẽnde, noor pis-tã la a tãabo, la y maan takbɩɩre noor pis-tã la a naase, ad wãnde la sõma ne yãmb n yɩɩd sõgna
{Yeele: "Yẽnda lc",è:a Wẽnde, A yaa A Yembre} (kʋlhuwa Allah) la Ma'ʋʋzatayne (kʋl aʋʋz-rãmb a yiibã): fo sẽn wat n ta zaabr la fo sẽn wat n vẽeg beoogo, noor a tãabo, tɩ b sekda foom n yi bũmb fãa gill wẽnga
Ned ning sẽn yeela "bismillaahɩ allazɩɩ lɑɑ yɑḍʋrrʋ, mɑ'ʿɑ ɩsmihii, šay'ʋn fɩll'arḍi, wɑ lɑɑ fɩs-sɑmɑɑɩ, wɑ huwɑ As-sɑmii'ʿu Al-ʿAlɩɩm.= Ne Wẽnd yʋʋrã, Naab ninga tɩ b sã n tẽeg A yʋʋrã, bũmb ka namsd-f ye, pɑ Tẽngã pʋga, pa saagã zugu, la Yẽnda yaa Wʋmda n yaa Mita" noor a tãabo, baolleg lindg ka paamd yẽnda halɩ t'a wa tʋg n vẽeg beoogo
yeele: Laa ɩlaaha ɩllallaahʋ, wahdahʋʋ, laa šarɩɩka lahʋʋ, Allaahʋ Akbarʋ kaṯɩɩran; wal hamdʋ lillaah kaṯɩɩran, sʋbhaanallaahɩ Rabbi Al-ʿAalamiina, laahawla walaa ƙuwwata illaa billaahɩ Al-ʿAzɩɩzɩ Al-hakɩɩmɩ
Zɩkr-rãmb n be, tɩ b yεt ka bõn ye -b maanda- faril fãa poorẽ, yaa Sʋbhaanallaah pis-tã la a tã, la Al-hamdu lillaah pis-tã la a tã, la Allaahʋ Akbarʋ pis-tã la a tã
Ned ning sẽn wẽen n yeel a wẽenegẽ wã: ne a Laat la a ʿƲzzaa, bɩ a yeele: "Laa ɩlaaha ɩlla Allaah= soab sẽn na n tũ sɩd-sɩd ka be, sã n pa yɩ ne Wẽnde", la ned ning sẽn yeel a tũud-n-taag: wa tɩ m maan tεntεεg ne-fo, bɩ a maan doaaga
rag n yɩɩme t'a sã n kẽ miisrã, a yetame: «Aʿʋʋzʋ Billaahɩ Al-ʿAẓɩɩm, Wabɩ waghɩhɩɩ Alkarɩɩm, wa sʋlṭaanɩhɩɩ Alƙadɩɩm, Min Aš-šayṭaan Arragɩɩm= m kota gũudum ne Wẽnd sẽn Zɩsã, la ne A Nengã sẽn yaa Wagellã, la A Naamã sẽn yaa kʋdrã, n yi a sʋɩtãan b sẽn lobã
Boaand n boond n yetẽ: arzãn koambã ad yãmb na n talla laafɩ, n ka na n tol n bẽ lae ye, y na n vɩɩmdame n ka tol n ki lae, ad yãmb na n yɩɩ rasãmba, n ka na n kʋʋl lae, y na n yɩɩ neemã rãmba, sũ-sãang kõn n paam-y lae
Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã?
Ad a sʋɩɩtãan wãaaga a tẽeb tɩ Pʋʋsdb wa tʋg n tũ-a Laarab-rãmbã zamãanẽ, la a na n kẽesa mo-yõsr b sʋka
Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ
Yãmb a pagb zama, maan-y doose, tɩ ad b wilga maam yãmba, tɩ yãmb sõor n yɩɩd Bugum koambẽ wã». La b yeel yã: la yaa bõe yĩnga Wẽnd Tẽn-tʋʋmã? La a yeele: «yãmb wʋsgda kãabgo la y maan sõm-zɩɩlem ne sɩdr vɩɩm-n-taare, mam ka yã neb yam la b dĩin sẽn booge, n tõe n menemes rao yam sẽn yaa sẽb sʋk soaba n leb n yɩɩd yãmb a pagb ye
Lɩslaama yaa ned ning lɩslaambã sẽn tɩlg n yi a zelemde la a nugu, la muhaagɩrʋ (ned ning sẽn yik ne a dĩin n zoetẽ), yẽ la ned ning sẽn bas bũmb ning Wẽnd sẽn gɩdgã
Ned sẽn mi Alkʋrãanã sõma, a bee ne mɑlεg-kãndbã sẽn yaa waglã, sẽn yaa manegdbã, la ned ning sẽn karemda Alkʋrãanã n maan bɩt-bɩt a pʋgẽ, tɩ yaa toog ne-a wã, a tara keoor a yiibu
Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) yeela a Abuu Bakr la a Ʋmar: «bãmbã b yiibã la arzãn kom-pogse, rẽenem rãmbẽ la yaoolem rãmbẽ, sã n ka nabiyaam-rãmbã la tẽn-tʋʋmbã
, mam ka bas bũmb sẽn yaa wẽnga rẽndame tɩ mam maan-a, tɩ Tẽn-tʋʋm yeel-a : « fo ka maand kaset tɩ soab sẽn na n tũ n tɩlgl ka be rẽnda Wẽnde, la a Mohammad yaa Wẽnd Tẽn-tʋʋm la
Sʋɩɩtãanã wata yãmb yembr fãa nengẽ, n yεεl-a « ãnda n naan wãnde ? Ãnda n naan wãnde ? » Halɩ n wa yeele: « la ãnd n naan fo Soaba ? » Rẽnd a sã n wa ta woto, bɩ a kos gũudum n yi a sʋɩɩtãana la a base
Tʋʋmã yaa yoobe, la nebã b yaa naase, yaa yel-yɩts a yiibu, tɩ yaa tɩlae tɩ yɩ, la bũmb ne a to bilgri, la yel-sõmde ne a buud piig taab rolbo, la yel-sõmd a yembre ne kobs-yopoe rolbo
Ad sẽn be dũni wã yikr tagmas-rãmbẽ, b na n wa zẽka (yẽesa) bãngre, tɩ zɩɩlem wʋsge, tɩ yoobã wʋsge, tɩ rãamã yũub wʋsge, tɩ raopã sõor lebg kɩdga, tɩ pagbã wʋsge, halɩ tɩ pagb pis-nu na n wa yaa raoa a yembr n yãs ne b yelle
Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome
Rẽ yĩnga yãmb yembr fãa nongame, t’a sã n wa kẽng a zakẽ, bɩ a tʋg n mik yʋgem pʋs a tãabo, sẽn nobe, tɩ be a zakẽ wã tɩ yaa yẽnd n so ?
B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ
Ned ning sẽn vẽnegda Alkʋrãanã kɑrengo yaa wala ned ning sẽn vẽnegda sãra, la ned ning sẽn solgda Alkʋrãanã karengo, a yaa wala ned ning sẽn solgda sãra maanego
tɩ bãmb rag n yɩɩme n reegd Wẽnd Tẽn-tʋʋma (Wẽnd pʋʋsg la A tɩlgr be a yĩng) nengẽ Aayae-rãmb piiga, rẽnd bãmb ka rag n leb n reegd Aayae-rãmb piiga a taaba, halɩ tɩ bãmb wa tʋg n bãng piig ning bãmb sẽn reegã, bũmb ning sẽn be a pʋgẽ, sẽn yaa bãngre la b leb n tʋm ne-ba
a Abʋʋ Munziri, rẽ yĩnga fo mii Aayar sẽn be Wẽnd Gafã pʋgẽ, fo sẽn karemã, zɩslem sẽn tʋg n yɩɩda bɩɩ ? » a yeele: tɩ mam yeele {Wẽnde, soɑb sẽn tũud n tɩlg kɑ be tɩ sã n pɑ Yẽ ye, A yɑa Vɩta vʋɩɩm sẽn pid Soɑbɑ, n yɑɑ a Mɑɑn-m-toor Soɑbɑ} [Albaƙara : 255]. T’a yeele : tɩ Nabiyaamã wẽ mam sũurã n yeel-ma : « m wẽen ne Wẽnde, ad bãngr na pʋʋs-f zu-noogo, a Abaa Munziri
Tɩ Nabiyaamã, (Wẽnd pʋʋsg la A tɩlgr be a yĩnga) yɩɩme t’a sã n kɩll a gãagẽ wã, n na n gãand yʋng fãa, a tigimda a nus a yiibã, rẽ poorẽ t’a fʋʋs b yiibã pʋgẽ, n karem b yiibã pʋgẽ {Ƙul huwallaah Ahadʋn} la {Ƙʋl A’ʋʋzʋ birabbil Falaƙɩ} la {Ƙʋl A’ʋʋzʋ biraabinnaas}
rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba
Ned ka be sẽn na n tʋm zũnuuba, rẽ poorẽ n yik n yɩlge, rẽ poorẽ n pʋʋse, rẽ poorẽ t'a kos Wẽnd yaafa, rẽndame tɩ Wẽnd yaaf-a
yeel tɩ soab sẽn na n tũ n tɩlg ka be rẽnda Wẽnde, tɩ m na maan kaset n fãag-fo gom-kãngã sabab yĩnga, dũni yikr raarã
Yãmb yembr fãa sã n na n kẽ miisrẽ bɩ a yeele: Allahʋmma ɭftahlɩɩ abwaaba Rahmatɩka, (M Soab A Wẽnde, pak F Yolsgã ragnoy n kõ-ma). la a sã n na n yi, bɩ a yeele: Allahumma Innii As'alʋka min faḍlɩka, (M Soaba A Wẽnde, m kot-F la F yɩɩdlemã)
Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo
Yεl a naase n be beenẽ, b sẽn wa n be ned ning nengẽ a yɩtame n yaa munaafɩk vẽenega, la ned ning b yembr sẽn wɑ n be ɑ nengẽ , yẽ soab tara sɩf ɑ yembr sẽn yaa munaafɩglem, halɩ t'a wa tʋg n bas-a: -bãmb lɑ woto-: b sã n maan-a bas-m-yam a zãmbdame, a sã n yẽsdẽ a yagdame, a sã n rɩk alkaoole a zãmbdame, a sã n zabe a wẽngdame
Ninsaal sã n ki, a tʋʋmã wãagdame rẽnda a tãabo: rẽnda do-paadga, maa bãngr b sẽn nafd ne-a, maa bi-sõng sẽn kot Wẽnd n kõt-a
Wẽnd sã n tigim rẽenem rãmbã la yaoolem rãmbã dũni yikr raare, b na n zẽka zãmb soab fãa tãp-kaoore, n yetẽ: ad yãwã yɑɑ a zagl biiga a zagl zãmbã
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) sagla tõnd ne yεl a yopoe, la a gɩdg tõnd tɩ d bas yεl a yopoe
Yãmb yembr fãa sã n tʋg n ta zĩigẽ, bɩ a ning sallem, la a sã n rat n na n zĩndi, bɩ a ning sallem, bala rẽenem sallemã, yẽ ka hakε n yɩɩd yaoolem soaba ye
Sõor waoog zug sẽn bɩr n puki, b sẽn tusd a soab n yit ragnoyẽ, a sã n wẽen tɩ Wẽnd yell zugu, A sɩd manegd-a lame
Yaa sɩda ad dũni yaa b sẽn kãab a soaba, n kãab sẽn be dũni pʋgẽ, sã n ka Wẽnd yʋʋr tẽegre, la sẽn wõnd rẽ, la bãngdã maa bãng boaadã
Yĩgs dũni wã tɩ Wẽnd na yɩ f nonglem, la f yĩgs bũmb ning sẽn be nebã nengẽ wã, tɩ nebã na yɩ f nonglem
Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga
B balla arzãnã la Bugmã n wilg maam, tɩ mam ka yã bũmb sõmblem sẽn yɩɩd mam sẽn yã rũndã wã ye, la mam ka yã wẽng me n yɩɩd mam sẽn yã rũndã wã ye, la yãmb sã n rag n yã bũmb ning mam sẽn yã wã, la y bãng bũmb ning mam sẽn bãngã, y laadã rag n na yɩ bilfu, tɩ kũnkumã wʋsge
Alkʋrãan soab bilgri, yaa wala yʋgmã sẽn zã soab bilgri, a sã n get-ba, a yõkd-b lame, la a sã n zaag-b n base, b loogdame
M Soab a Wẽnde, sek-ma ne F halaalã n yi F haraamã, la F sek maam ne F yɩɩdlemã n yi zẽng sẽn pa foom
Ned sẽn kẽnd sor zugu, n yã gõaag will sẽn be sorã zugu, t'a zẽk-a n bas sorã, tɩ Wẽnd pʋʋs-a barka n yaaf a zũnuubã
Tɩɩg n be arzãnã pʋgẽ, zombda sẽn yaa wed-zoεtg soaba, sẽn tʋʋle, kẽnd a pʋgẽ yʋʋm koabga, n ka tõog n pasg-a ye
M soka Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ges lingdg yelle, t'a sagl maam tɩ m wẽneg m nifrã
Zãag-y yel-kãensã Wẽnd sẽn gɩdgã, rẽnd ned ning sẽn wa n tʋg n kẽ yellã pʋgẽ, bɩ a bao sʋtr Wẽnd nengẽ, la a tuub n tʋg Wẽnd nengẽ, tɩ ad ned ning sẽn wa n vẽneg a tʋʋmã seb-nengɑ, tõnd na n maana Wẽnd sẽn saglã a zugu (A Naam yɩ wagell n zẽke)
Lɩslaam pa be Masɩɩm sẽn n na n paam-a t'a yeele: {ɩnnaa lɩllaahɩ wa ɩnnaa ɩlayhɩ raagi-ʋʋn= tõnd yɑɑ Wẽnd soolem d lebr zĩig me yɑɑ A nengẽ} [Al-baƙara (Naafã sʋʋra): 156]. M Soab a Wẽnde kõ-m keoore m masɩɩbã pʋgẽ la F leds-ma sõmã sẽn yɩɩda, rẽndame tɩ Wẽnd keo-a a masɩɩbẽ wã, la a lεds-a sõmblem sẽn yɩɩd-a
Maam ne dũni yaa bõe, ad maam dũni wã pʋgẽ ka yɩ rẽnda wala kẽnkẽnd sẽn zĩnd tɩɩg maasemẽ, n le wa loog n bas-a
Ad sẽn reng-b yãmb taoore, raoa n da zĩnd n tall sãmpogre, t'a ka tõog n maan sugr ye, la a rɩk sʋʋg n pãrg a nugã, la zɩɩmã ka yalse halɩ t'a wa tʋg n ki, Wẽnd yeelame, (A Naam zẽk yã) Mam yambã yãgame n na n wa Mam nengẽ a toore, tɩ Mam maan arzãnã t'a yaa haraam ne-a
Allaahumma laka aslamtu, wabika aamantu, wa ʿalayka tawakkaltu, wa ilayka anabtu, wabika ẖaasamtu, Allaahumma innii aʿʋʋzu bi ʿizzatika; laa ilaaha illaa anta an tuḍillanii, anta al-hayyʋ allazɩɩ laa yamuutu, wal-ǧinnu wal insu yamuutuuna =M soab a Wẽnde! M lebsa m meng Fo nengẽ, m zaba Fo yĩnga. M Soab A Wẽnd! M kot-F-la gũudum ne F zɩslemã, soab sẽn na n tũ n tɩlg ka be rẽnda Foom, tɩ F ra menes-m ye, Foom la Vɩt ning sẽn ka kiidã, la zĩn-rãmb la ninsaalbã kiidame
Lɩslaam sã n yõk koom - Maa sɩd-kõta- n pεk a nengã; zũnuub buud fãa, a sẽn gese ne a nengã, yitame n lagem ne koomã - maa n lagem ko-tosdmã baasdgã
Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum ", (tɩlgr be ne yãmbɑ), tɩ Nabiyaamã lebsa a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga
Allaahumma innii as'aluka al-hudaa, wa at-tuƙaa, wa al-ʿafaafa, wa al-ginaa= M Soab a Wẽnde, m kot-F-la kãndagre, la Wẽn-zoεεga, la yõk-f-menga, la sek-m-menga
Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a
Ned ning sẽn yeela tɩ "Sʋbhɑɑnɑ Allɑɑh Al-ʿazɩɩm wɑ bi hɑmdihii= yɩlgemd be ne Wẽnde, sẽn yaa Zɩsgo n lagem ne A pẽgre" b senda tamar tɩɩg n kõ-a arzãnã pʋgẽ
Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)
La Wẽnd ka kõ yãmb bũmb ning y sẽn tõe n maan sara ne laa? Ad sʋbhaanallaah fãa yaa sara, la Allaahʋ akbarʋ fãa yaa sara, la Alhamdʋ lillaah yaa sara, la laa'ɩlaaha ɭllallaah yaa sara, sagl ne manegr yaa sara, gɩdg ned n yi yel-kiti yaa sara, yãmb yembr fãa kẽed-n-taar ne a paga yaa sara
Ra maan-y taab sũ-kiir ye, la belg-y taab tɩ b ra n kẽ ye (belg ned t'ɑ rɑ bũmb wɑlɑ f sẽn nɑ n tɑ n dɑ toogo n nɑ yɩl n bleg sẽn rɑt n rɑ wã t'ɑ rɑ n kẽ), la y ra gẽ taab ye, la y ra maan raba-wẽns ne taab ye, yãmb sãnda ra wa koos taab koosg zug ye ( wɑ ne sẽn bɑrsd tɩ fo tʋg n pɑɑs ligdã n reeg n dɑ), yɩ-y Wẽnd yembse, n yaa ma-biisi
Ned ning sẽn wa n pãrg keelem n bas lɩslaama, Wẽnd pãrgda keelem n bas-a, sẽn yi dũni yikr raar keelemã,
Lɩslaam fu-sẽk (kurgu=fuugu) yaa a kar-koeemsã pʋsʋka, la taal ka be ne bũmb ning sẽn be kar-koεεngã la na-kugã sʋk ye, la bũmb ning sẽn sig na-kugã tẽngrã yẽ yaa Bugmẽ, la ned ning sẽn vuuga a fu-sẽka waoog-m-menga, Wẽnd ka gεt-a ye
Lɩslaam ka be sẽn na n maan kosgo, tɩ zũnuub ka a pʋgẽ, tɩ rogem wãagr ka a pʋgẽ, rẽndame tɩ Wẽnd kõ-a a sẽn bõosdã yεl a tãab yembre, maa t'A yãg n kõ-a a bõosgã dũni kaanẽ, maa t'A bĩng-a n yao-a laahr raare, maa t'A tus wẽng sẽn yaa bedr wala doaagã n yi-a». La Ṣahaabsã yeel yã: rẽnd sã n yaa woto, d na wʋsg kosgã, tɩ Nabiyaamã yeele: «Wẽnd n wʋsgd n yɩɩda
Tɩ Wẽnd Nabiyaamã (Wẽnd pʋʋsg la A tɩlgr be a yĩnga) a rag yeta keelem sasa: «Laa'ɩlaaha ɭllallaah Al-ʿazɩɩm Al-halɩɩm, Laa'ɩlaaha ɭllallaah Rabbʋ Al-ʿarš Al-ʿazɩɩm, Laa'ɩlaaha ɭllallaah Rabbʋ As-Samaawaat wa Rabbʋ Al-arḍ wa Rabbʋ Al-ʿArš Al-karɩɩm= Soab sẽn na n tũ n tɩlg ka be rẽnda Wẽnde, sẽn yaa na-zɩsgo, sẽn yaa sugr Soaba, soab sẽn na n tũ n tɩlg ka be rẽnda Wẽnde, sẽn yaa Al-arš zɩsgã Soabã, soab sẽn na n tũ n tɩlg ka be rẽnda Wẽnde, sẽn yaa saasã la Al-arš wagellã Soabã
Ges-y neb nins sẽn be yãmb tẽngrã, la y ra ges neb nins sẽn be yãmb yĩngrã ye, rẽnda n pẽ n yɩɩd tɩ yãmb ra wa paoog Wẽnd neemã wã sẽn be yãmb zugã
Lɩslaam hakε sẽn zao a lɩslaam taag yaa a yoobe» Tɩ b yεεl-a: bãmb la bʋse Wẽnd Tẽn-tʋʋmã? La a yeele: «F sã n seg-a bɩ f ning-a sallem, la a sã n bool-f bɩ f sak-a, la a sã n kos-f sagls bɩ f maan-a pʋ-peelem, la a sã n tĩsi n pẽg Wẽnd bɩ f yeel-a: Yarhamuka Allaah= Wẽnd na yols-fo, la a sã n bẽ bɩ f kaag-a, la a sã n maan kaalem bɩ f yãag-a
Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme n yet a suguudẽ wã «Allaahumma agfɩrlɩɩ Zanbɩɩ kulluhuu, dɩƙƙahuu wa gillahuu, wa Awwalahuu, wa Aaẖɩrahuu, wa ʿAlaaniyatahuu wa sirrahuu=m Soab A Wẽnde! Yaaf-ma n yi m zũnuubã, a fãa gilli, a kɩdgã la a bedrã, la a wʋsgã, la rẽenemã, la a yaoolemã, la sẽn vẽnegã la sẽn solgã
Ad yãmb Soabã yaa yãn-Zoεta n yaa Kõta, A zoeta yãnd ne A yamba t'a sã n zẽk a nus a yiibã n tʋg A nengẽ t'A lebs b yiibã zaalem
Ad mam yeela mam sẽn bas foomã poorẽ, gom-biis a naase, noor a tãabo, b sã n rɩk-b n na n mak ne fo sẽn yeel raarã, a na zɩsg n yɩɩd-ba
Neb ka zĩndid zĩigẽ, n ka tẽeg Wẽnd yʋʋrã a pʋgẽ, la b ka pʋʋs Nabiyaamã, rẽndame t'a yɩ bõn ne-ba, Wẽnd sã n tʋlla t'A sɩbg-ba, la A sã n tʋlla, A yaafdame n bas-ba
Azhib al-ba'sa, rabbi an-naasi, wa ašfɩ, anta aš-šaafɩɩ, laa šɩfaa'a illaa šɩfaa'aka, šɩifaa'an laa yʋgaadirʋ saƙaman= Loog ne bãagã, Fo sẽn yaa nebã Soabã, la F sigsi, tɩ ad Foom la Tɩpda, tɩpg ka be rẽnda fo tɩpgã, bɩ F tɩp-a tɩpg sẽn ka loogd n bas bãaga
Ad sẽn tʋg n be yãmb pʋgẽ, sẽn tʋg n noom maam n yɩɩda, n leb n yɩɩd pẽnegr ne maam zĩndug zĩigẽ dũni wã Yikr raare, yaa yãmb sẽn yɩɩda ne zʋg-sõma
Sɩd la hakɩɩka ned ning põs yã, sẽn saka n tũ lɩslaango, la Wẽnd lok-a rɩtl sẽn zemse, la A leb n kõ-a sek-m-meng ne A sẽn kõ-a bũmb ningã
Ned ning sẽn vẽega beoogo n tar laafɩ a yĩnsẽ, la bas-m-yam a mengẽ, n tar a raarã rɩɩbo, yaa wala b koola dũni wã fãa n kõ yẽnda
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a ra yɩɩme n nong doos nins sẽn tigimã la a basd zẽng sẽn ka rẽ
Ra tʋ-y segbã, yãmb sã n yã bũmb ning y sẽn kisa, bɩ y yeele: d Soab A Wẽnde, ad tõnd kota Foom sẽn be seb-kãngã sõmã wã la sõmã ning sẽn be a pʋgẽ, la b sẽn sagl-a ne bũmb ningã sõma, la d kota gũudum n yi seb-kãngã wẽngã la wẽng ning sẽn be a pʋgẽ wã la wẽng ning b sẽn sagl ne-a wã
Yãmb ned fãa ra wa yeele: m Soab A Wẽnde, yaaf-ma tɩ F sã n rata, yols maam tɩ F sã n rata, rɩlg maam tɩ F sã n rata. La a sã n na n kos bɩ a kos vẽenega, tɩ ad Wẽnd maanda A sẽn rate, modgd ka be ne-A ye
Ad ned paam yõ-tẽgre, b sẽn tẽeg maam a nengẽ t'a ka pʋʋs maam ye, ad paam yõ-tẽgre, Ramadaan sẽn kẽ-a soaba n tʋg n sε tɩ b ka yaaf-a ye, paam yõ-tẽgre ned ning kʋʋlem sẽn ta a roagdb a yiibu, tɩ b ka yɩ sabab n kẽes-a arãnã
Lɩslaamb a yiib ka be n yek taab n yõk taab nusi, rẽndame tɩ b yaafa b yiibã zũnuuba, taoor tɩ b na n ka welg taaba
Tɩ Adam-biisã sũyã fãa bee A nus a yiib sʋka sẽn yi Arrahmaan Naab nus-biisẽ wã, tɩ yaa wala sũur a yembre t'A leebd-a, A sẽn rate
Wẽnd na põees ned ning neng sẽn wʋm bũmb tõnd nengẽ, n taas-a wala a sẽn wʋm-a wã, bala sõor waoog b sẽn taas ned bũmb tɩ yẽnda sẽn fasema yɩɩda wʋmdã
Ad sɩd-kõt tara arzãnã pʋgẽ zãnd sẽn yaa sãnem sẽn yaa gõko, sẽn tar pʋga, a woglemã yaa Miil pis-yoobe (kilo kobg la zaka), sɩd-kõt tara zak rãmb beenẽ, tɩ b gilgd a nengẽ, tɩ b ka ne taab ye
Wẽnd yeelame (A Naam zẽk yã) Mam seglame M yemb-sõmsã yĩnga, nifr sẽn na n ka yã, tɩ tʋbr ka wʋme la ka lʋɩ ninsaal tagsg pʋgẽ
A ra pa yɩ n yaa wẽng soab ye, pa gom-beed soab me, a pa ye-raoog soaba raas pʋgẽ ye, a pa rond wẽng ne wẽng ye, la ad a yaafdame la a basd tɩ loogdẽ
Ad yaoogo, a yaa rẽenem sigb zĩig sẽn yaa laahr zagsã, tɩ ned sã n põs a pʋgẽ, sẽn watã yol-yol n yɩɩde, la a sã n ka põs a pʋgẽ, sẽn watã keelem n yɩɩde
M yeelame, Wẽnd Tẽn-tʋʋmã: ãnd la m sõmb n maneg n yɩɩde? T'a yeele: «F ma wã, rẽ poorẽ f ma wã, rẽ poorẽ f ma wã, rẽ poorẽ f baabã wã, rẽ poorẽ sẽn pẽ-a n yɩɩda, la sẽn pẽ-a n yɩɩda
Ad rẽenem zãma sẽn kẽed arzãnã, b yalε wã yaa wala kiuug rasem piig la a naase, rẽ poorẽ neb nins sẽn pʋgd bãmbã b peelemã yɩɩda ãd-pɩndga saasẽ wã
La tɩ nebã sã n da miẽ sẽn be laandaanã boolgã la rẽenem safã pʋgẽ, rẽ poorẽ tɩ b pa paam sẽk n na n kẽng beenẽ, rẽnda b maan Poeere, b rag n na maan-a n yãke
Ned ning sẽn yeele: m yɑrɑ Wẽnd tɩ yɑɑ m Soɑbɑ lɑ Lɩslɑɑngã tɩ yɑɑ m dĩin lɑ ɑ Muhɑmmɑd tɩ yaa m Tẽn-tʋʋmã, arzãn yaa tɩlae ne-a
Ned ning sẽn wa n tʋg n bas a meng n yi tãng zug n lʋɩ, n kʋ a mengã, a bee Gεhannam Bugmã pʋgẽ, n lʋɩt a pʋgẽ, n yaa duumda n yaa paad a pʋgẽ lae-lae
Lɩslaangã sɩnga ne sãando, a na n leb n baasame, tɩ yaa wala a sẽn sɩngã, ne sãando, rẽnd arzãn tɩɩg be ne sãambã
Ned ning fãa sẽn yeel a ma-biig a to: kɩfrã, ad b yiibã yembr n sɩd tall gomdã, sã n mikame tɩ nedã yaa wala a sẽn yeelã, sã n ka woto, a na n lebg n waa yẽ zugu
Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga
