1. মুখ্য পৃষ্ঠা
  2. শ্ৰেণীবিন্যাসসমূহ
  3. ফিকহ আৰু উচুলে ফিক্হ

হাদীছ বান্দাসকলে প্ৰভাতত উপনীত হোৱা প্ৰতিটো দিনতে পুৱাৰ ভাগত দুজন ফিৰিস্তা অৱতীৰ্ণ হয়। তাৰে এজনে কয়ঃ হে আল্লাহ! দানকাৰীক ইয়াৰ উত্তম প্ৰতিদান দিয়া, দ্বিতীয়জনে কয়ঃ হে আল্লাহ! কৃপণৰ সম্পদ ধ্বংস কৰি দিয়া।

عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«مَا مِنْ يَوْمٍ يُصْبِحُ العِبَادُ فِيهِ إِلَّا مَلَكَانِ يَنْزِلاَنِ، فَيَقُولُ أَحَدُهُمَا: اللَّهُمَّ أَعْطِ مُنْفِقًا خَلَفًا، وَيَقُولُ الآخَرُ: اللَّهُمَّ أَعْطِ مُمْسِكًا تَلَفًا».

আবু হুৰাইৰাহ ৰাদ্বিয়াল্লাহু আনহুৰ পৰা বৰ্ণিত, নবী চাল্লাল্লাহু আলাইহি অছাল্লামে কৈছেঃ
"বান্দাসকলে প্ৰভাতত উপনীত হোৱা প্ৰতিটো দিনতে পুৱাৰ ভাগত দুজন ফিৰিস্তা অৱতীৰ্ণ হয়। তাৰে এজনে কয়ঃ হে আল্লাহ! দানকাৰীক ইয়াৰ উত্তম প্ৰতিদান দিয়া, দ্বিতীয়জনে কয়ঃ হে আল্লাহ! কৃপণৰ সম্পদ ধ্বংস কৰি দিয়া।"

ছহীহ (মুত্তাফাক আলাইহ {বুখাৰী মুছলিম}) ছহীহ বুখাৰী - 1442

ব্যাখ্যা

নবী চাল্লাল্লাহু আলাইহি অছাল্লামে হাদীছটোত জনাইছে যে, দৈনিক পুৱাৰ ভাগত দুজন ফিৰিস্তা অৱতৰণ কৰে, আৰু তেওঁলোকে এই বুলি দুআ কৰে। এজনে কয়ঃ
হে আল্লাহ! যিয়ে সৎপথত ব্যয় কৰে, পৰিয়ালবৰ্গ আৰু অতিথি আপ্যায়নত ব্যয় কৰে, লগতে দান খয়ৰাত কৰে, তাক তুমি উত্তম প্ৰতিদান দিয়া আৰু তাৰ সম্পদত বৰকত দিয়া।
দ্বিতীয়জনে কয়ঃ হে আল্লাহ! যিয়ে কৃপণালি কৰি সম্পদ ধৰি ৰাখে, তথা হিতাধিকাৰীক নিদিয়ে, তাৰ সম্পদ ধ্বংস কৰি দিয়া।

হাদীছৰ পৰা সংগৃহীত উপকাৰিতাসমূহ

  1. দানকাৰীক এই দুআ দিয়া বৈধ যে, আল্লাহে তাৰ এই দানৰ বিনিময়ত আৰু অধিক প্ৰদান কৰক তথা উত্তম প্ৰতিদান দিয়ক। পক্ষান্তৰে কৃপণ ব্যক্তিৰ বাবে এই দুআ কৰা বৈধ যে, আল্লাহে তাৰ সেই সম্পদ ধ্বংস কৰি দিয়ক যিটোক সি কৃপণতাবশতঃ সঞ্চয় কৰি ৰাখিছে, যিটোক আল্লাহে দান কৰিবলৈ অনিবাৰ্য্য কৰিছিল।
  2. পুণ্যৱান দানকাৰী মুমিনসকলৰ বাবে ফিৰিস্তাসকলে দুআ কৰে, আৰু তেওঁলোকৰ দুআ কবূল কৰা হয়।
  3. ওৱাজিব আৰু নফল দান খয়ৰাত কৰিবলৈ উৎসাহিত কৰা হৈছে। উদাহৰণস্বৰূপে পৰিয়ালৰ প্ৰতি ব্যয় কৰা, আত্মীয়-স্বজনৰ প্ৰতি ব্যয় কৰা, আৰু অন্যান্য কল্যাণকৰ শিতানত ব্যয় কৰা।
  4. কল্যাণকৰ শিতানত ব্যয় কৰা ব্যক্তিৰ ফজীলত বৰ্ণিত হৈছে। ইয়াৰ বিনিময়ত আল্লাহে তাক উত্তম প্ৰতিদান দিয়ে। মহান আল্লাহে পৱিত্ৰ কোৰআনত কৈছেঃ "তোমালোকে (আল্লাহৰ পথত) যি ব্যয় কৰা, তাৰ বিনিময় তেৱেঁই প্ৰদান কৰিব আৰু তেৱেঁই শ্ৰেষ্ঠ জীৱিকাদাতা’।" (ছুৰা ছাবাঃ ৩৯)
  5. কৃপণ ব্যক্তিৰ প্ৰতি এই বদ্দুআ কেৱল ওৱাজিব দান খয়ৰাতৰ ক্ষেত্ৰতহে কৰা হয়। নফল তথা মুস্তাহাব দান খয়ৰাত ইয়াৰ অন্তৰ্ভুক্ত নহয়। কাৰণ নফল দান খয়ৰাতৰ পৰা বিৰত থকা ব্যক্তি এনেকুৱা দুআৰ উপযুক্ত নহয়।
  6. কটকিনালি, কৃপণালি আদি হৈছে হাৰাম।

অনুবাদ চাওক

51 ভাষা
EN English ইংৰাজী
UR اردو উৰ্দু
ES Español স্পেনিছ
ID Indonesia ইন্দোনেচিয়ান
UG ئۇيغۇرچە উইঘোৰ
BN বাংলা বাংলা
TR Türkçe তুৰ্কী
RU Русский ৰুচিয়ান
BS Bosanski বোছনিয়ান
SI සිංහල ছিনহালী
HI हिन्दी হিন্দী
ZH 中文 চাইনিজ
FA فارسی ফাৰ্চি
VI Tiếng Việt ভিয়েতনামীজ
TL Tagalog তাগালোগ
KU Kurdî কুৰ্দিশ
HA Hausa হাওছা
PT Português পৰ্তুগীজ
ML മലയാളം মালয়ালম
TE తెలుగు তেলেগু
SW Kiswahili শ্বাহিলী
TA தமிழ் তামিল
MY မြန်မာ বাৰ্মিজ
TH ไทย থাই
DE Deutsch জাৰ্মান
PS پښتو পুস্তু
SQ Shqip আলবেনীয়ান
SV Svenska ছুইডিছ
AM አማርኛ আমহাৰিক
NL Nederlands ডাচ
GU ગુજરાતી গুজৰাটী
NE नेपाली নেপালী
YO Yorùbá ইউৰোবা
LT Lietuvių লিথুৱেনিয়ান
PRS دری দাৰী
SR Српски ছাৰ্বিয়ান
TG тоҷикӣ তাজিক
RW Kinyarwanda কিনিয়াৰাৱাণ্ডা
RO Română ৰোমানিয়ান
HU Magyar হাংগেৰী
MOS Moore الموري
MG Malagasy মালাগাছী
OM Oromoo ওৰোমো
KN ಕನ್ನಡ কান্নাড়া
WO Wolof الولوف
UK Українська ইউক্ৰেইনীয়ান
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية