1. മെയിൻ പേജ്
  2. വിഭാഗങ്ങൾ
  3. കർമ്മശാസ്ത്രവും, കർമ്മശാസ്ത്ര അടിസ്ഥാനങ്ങളും

ഹദീസ് ജനങ്ങൾ ഏതൊരു ദിവസം പ്രഭാതത്തിലേക്ക് പ്രവേശിക്കുമ്പോഴും രണ്ട് മലക്കുകൾ ഇറങ്ങി വരികയും അവരിൽ ഒരാൾ ഇപ്രകാരം പ്രാർത്ഥിക്കുകയും ചെയ്യും: അല്ലാഹുവേ! ചെലവഴിക്കുന്നവന് നീ പകരം നൽകേണമേ! രണ്ടാമത്തെയാൾ പ്രാർത്ഥിക്കും: അല്ലാഹുവേ! പിടിച്ചു വെക്കുന്നവന് നീ നഷ്ടം നൽകേണമേ!

عَنْ أَبِي هُرَيْرَةَ رَضِيَ اللَّهُ عَنْهُ أَنَّ النَّبِيَّ صَلَّى اللهُ عَلَيْهِ وَسَلَّمَ قَالَ:
«مَا مِنْ يَوْمٍ يُصْبِحُ العِبَادُ فِيهِ إِلَّا مَلَكَانِ يَنْزِلاَنِ، فَيَقُولُ أَحَدُهُمَا: اللَّهُمَّ أَعْطِ مُنْفِقًا خَلَفًا، وَيَقُولُ الآخَرُ: اللَّهُمَّ أَعْطِ مُمْسِكًا تَلَفًا».

അബൂ ഹുറൈറ -رَضِيَ اللَّهُ عَنْهُ- നിവേദനം: നബി -ﷺ- പറഞ്ഞു:
"ജനങ്ങൾ ഏതൊരു ദിവസം പ്രഭാതത്തിലേക്ക് പ്രവേശിക്കുമ്പോഴും രണ്ട് മലക്കുകൾ ഇറങ്ങി വരികയും അവരിൽ ഒരാൾ ഇപ്രകാരം പ്രാർത്ഥിക്കുകയും ചെയ്യും: അല്ലാഹുവേ! ചെലവഴിക്കുന്നവന് നീ പകരം നൽകേണമേ! രണ്ടാമത്തെയാൾ പ്രാർത്ഥിക്കും: അല്ലാഹുവേ! പിടിച്ചു വെക്കുന്നവന് നീ നഷ്ടം നൽകേണമേ!"

صحيح متفق عليه صحيح البخاري - 1442

വിശദീകരണം

സൂര്യൻ ഉദിച്ചുയരുന്ന എല്ലാ ദിവസവും രണ്ട് മലക്കുകൾ ആകാശത്ത് നിന്ന് ഇറങ്ങി വരികയും, ഇപ്രകാരം വിളിച്ചു പറയുകയും ചെയ്യുന്നതാണെന്ന് നബി -ﷺ- അറിയിക്കുന്നു. മലക്കുകളിൽ ഒരാൾ പറയും:
അല്ലാഹുവേ! നന്മകൾക്കും തൻ്റെ കീഴിലുള്ള കുടുംബത്തിനും അതിഥികൾക്കും, ദാനധർമ്മങ്ങൾക്കും വേണ്ടി തൻ്റെ സമ്പത്ത് ചെലവഴിക്കുന്നവന് പകരം നൽകുകയും, അവൻ നൽകിയതിനേക്കാൾ ഉത്തമമായത് അവന് നൽകുകയും, അതിൽ അവന് ബറകത്ത് ചൊരിയുകയും ചെയ്യേണമേ!
രണ്ടാമത്തെയാൾ പറയും: അല്ലാഹുവേ! ഈ നന്മകളിൽ ചെലവഴിക്കാതെ പിടിച്ചു വെക്കുന്നവന് നീ നഷ്ടം നൽകുകയും, അർഹതപ്പെട്ടവരിൽ നിന്ന് അവൻ തടഞ്ഞു വെച്ചിട്ടുള്ള അവൻ്റെ സമ്പത്ത് നീ നശിപ്പിക്കുകയും ചെയ്യേണമേ!

ഹദീഥിൻ്റെ പാഠങ്ങളിൽ നിന്ന്

  1. ഉദാരത പുലർത്തുന്നവർക്ക് അവൻ ദാനം നൽകിയതിന് പകരമായി അല്ലാഹു നൽകാൻ വേണ്ടി പ്രാർത്ഥിക്കുന്നത് അനുവദനീയമാണ്. ഇതു പോലെ, തൻ്റെ സമ്പത്ത് അല്ലാഹു നിർബന്ധമാക്കിയ കാര്യങ്ങളിൽ ചെലവഴിക്കാതെ പിടിച്ചു വെക്കുന്ന പിശുക്കർക്ക് എതിരെ നഷ്ടം വരുത്താനായി പ്രാർത്ഥിക്കുന്നതും അനുവദനീയമാണ്.
  2. ദാനം നൽകുന്നവർക്ക് നന്മയും ബറകതും (അനുഗ്രഹം) ലഭിക്കുന്നതിനായി മലക്കുകൾ പ്രാർത്ഥിക്കുന്നതാണ്. അവരുടെ പ്രാർത്ഥന അല്ലാഹുവിങ്കൽ സ്വീകരിക്കപ്പെടുന്നതാണ്.
  3. നിർബന്ധമായ ദാനങ്ങളും ഐഛികമായ ദാനങ്ങളും നൽകാനുള്ള പ്രോത്സാഹനം; തൻ്റെ കീഴിലുള്ളവർക്കും, കുടുംബബന്ധത്തിൽ പെട്ടവർക്കും, മറ്റു നന്മയുടെ വഴികളിലും ചെലവഴിക്കുന്നത് ഈ പറഞ്ഞതിൽ ഉൾപ്പെടും.
  4. നന്മകളുടെ മാർഗങ്ങളിൽ ചെലവഴിക്കുന്നവർക്കുള്ള ശ്രേഷ്ഠതയും, അല്ലാഹുവിൽ നിന്നുള്ള ഔദാര്യമായിരിക്കും അവന് ലഭിക്കുന്നത് എന്നുമുള്ള ഓർമ്മപ്പെടുത്തൽ. അല്ലാഹു പറഞ്ഞതു പോലെ: "നിങ്ങൾ എന്തൊന്ന് ചെലവഴിച്ചാലും അല്ലാഹു അതിന് പകരം നൽകുന്നതാണ്. അവൻ ഉപജീവനം നൽകുന്നവരിൽ ഏറ്റവും നല്ലവനത്രെ." (സബഅ്: 39)
  5. നിർബന്ധ ദാനങ്ങൾ തടഞ്ഞു വെക്കുന്നവർക്കെതിരെയാണ് മലക്കുകളുടെ പ്രാർത്ഥന; ഐഛിക ദാനങ്ങൾ നൽകാതിരിക്കുന്നവർക്ക് അത് ബാധകമല്ല. കാരണം അവർ തിന്മ പ്രവർത്തിച്ചിട്ടില്ല എന്നതിനാൽ ഇപ്രകാരം എതിരെ പ്രാർത്ഥിക്കപ്പെടാൻ അർഹതയുള്ളവരല്ല.
  6. പിശുക്കും ഇഹലോകത്തോടുള്ള ആർത്തിയും ഹറാമാണ്.

വിവർത്തനം പ്രദർശിപ്പിക്കുക

51 ഭാഷ
EN English ഇംഗ്ലീഷ്
UR اردو ഉർദു
ES Español സ്‌പെയിൻ
ID Indonesia ഇന്തോനേഷ്യ
UG ئۇيغۇرچە ഉയ്ഗൂർ
BN বাংলা ബംഗാളി
TR Türkçe തുർക്കി
RU Русский റഷ്യ
BS Bosanski ബോസ്‌നിയ
SI සිංහල സിംഹള
HI हिन्दी ഇന്ത്യൻ
ZH 中文 ചൈനീസ്
FA فارسی പേർഷ്യൻ
VI Tiếng Việt വിയറ്റ്നാമീസ്
TL Tagalog തഗാലോഗ്
KU Kurdî കുർദിഷ്
HA Hausa ഹൗസാ
PT Português പോർച്ചുഗീസ്
TE తెలుగు തെലുങ്ക്‌
SW Kiswahili സ്വാഹിലി
TA தமிழ் തമിൾ
MY မြန်မာ ബോർമീസ്
TH ไทย തായ്ലാൻഡിയൻ
DE Deutsch ജെർമൻ
PS پښتو പഷ്‌'തു
AS অসমীয়া ആസാമീസ്
SQ Shqip അൽബാനിയൻ
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
YO Yorùbá Yorianina
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda Keniaroandia
RO Română الرومانية
HU Magyar المجرية
MOS Moore الموري
MG Malagasy Malagasy
OM Oromoo Oromianina
KN ಕನ್ನಡ Kanadianina
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية