1. سه‌ره‌كی
  2. پولینكرن
  3. Jurisprudence and Juristic Principles

فه‌رمووده‌ ئەگەر ئێك ژ هەوە د نڤێژا خۆدا ب گومان بكه‌ڤیت و نەزانی کا وی سێ ڕكاعەت کرینە یان چار، بلا وێ گومانێ بهاڤێژیت و بلا نڤێژا خۆ ل سەر وێ ته‌مام بکەت یا کو ئەو ژێ پشتڕاست، پاشى بلا دوو سوجدەیان ببەت بەری سلاڤا ملان ڤه‌دەت

عَنْ أَبِي سَعِيدٍ الْخُدْرِيِّ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«إِذَا شَكَّ أَحَدُكُمْ فِي صَلَاتِهِ، فَلَمْ يَدْرِ كَمْ صَلَّى ثَلَاثًا أَمْ أَرْبَعًا، فَلْيَطْرَحِ الشَّكَّ، وَلْيَبْنِ عَلَى مَا اسْتَيْقَنَ، ثُمَّ يَسْجُدُ سَجْدَتَيْنِ قَبْلَ أَنْ يُسَلِّمَ، فَإِنْ كَانَ صَلَّى خَمْسًا شَفَعْنَ لَهُ صَلَاتَهُ، وَإِنْ كَانَ صَلَّى إِتْمَامًا لِأَرْبَعٍ كَانَتَا تَرْغِيمًا لِلشَّيْطَانِ».

ئه‌بو سه‌عیدێ خودری (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
«ئەگەر ئێك ژ هەوە د نڤێژا خۆدا ب گومان بكه‌ڤیت و نەزانی کا وی سێ ڕكاعەت کرینە یان چار، بلا وێ گومانێ بهاڤێژیت و بلا نڤێژا خۆ ل سەر وێ ته‌مام بکەت یا کو ئەو ژێ پشتڕاست، پاشى بلا دوو سوجدەیان ببەت بەری سلاڤا ملان ڤه‌دەت، ڤێجا ئەگەر پێنج ڕکاعەت کربن ئەڤە دێ بنە جووت بۆ نڤێژا وى، و ئەگەر نڤێژا وى چار ڕکاعەت بن ئەڤە دێ بنە ئەگەرێ سەرشۆڕیێ بۆ شەیتانى».

صحيح رواه مسلم صحيح مسلم - 571

شرۆڤه‌كرن

پێغه‌مبه‌ری (صه‌لات و سه‌لامێن خودێ ل سه‌ر بن) دیار كر كو ئه‌و نڤێژكه‌رێ د نڤێژا خۆدا بمینیتە ب گومان و نه‌زانیت كا سێ ڕ‌كاعه‌ت كرینه‌ یان چار؟ بلا ژمارا زێده‌ یا گومان تێدا هه‌ی بدانیته‌ لایه‌كی و كار پێ نه‌كه‌ت و سێ ڕكاعه‌تان بهه‌ژمێریت، چونكی ئه‌و یا پشتڕاسته‌، ڤێجا بلا ڕ‌كاعه‌تا چوارێ بكه‌ت، پاشی بلا دوو سوجدەیێن سه‌هوێ ببه‌ت به‌ری سلاڤا ملان ڤه‌ده‌ت.
ڤێجا ئه‌گه‌ر ئه‌وا وی كری ب ڕاستی چار بن، دێ بیته‌ پێنج ب زێده‌كرنا وێ ڕكاعه‌تێ و ئه‌و دوو سوجدەیه‌ دێ بنه‌ ل جهێ ڕ‌كاعه‌ته‌كێ و ژمارا ڕ‌كاعه‌تان دێ بنه‌ جووت نه‌كو تاك و ئه‌گه‌ر ب وێ ڕكاعه‌تا زێده‌ نڤێژا وی بوو چار، ئه‌ڤه‌ دێ هێته‌ هژمارتن كو نڤێژا خۆ ب دروستی و بێی زێده‌گاڤی ئه‌نجام دایه‌.
ئه‌و دوو سوجدەیێن سه‌هوێ دبنه‌ ئه‌گه‌رێ زه‌لیلی و سه‌رشۆڕی بۆ شه‌یتانی و نه‌هێلانا مه‌ره‌ما وی، چونكی وی ڤیا نڤێژێ ل به‌ر مرۆڤی تێك بده‌ت، به‌لێ نڤێژا مرۆڤی ته‌مام بوو ب جێبه‌جێكرنا فه‌رمانا خودێ ب سوجدەبرنێ، ئه‌و سوجدەیا كو ئیبلیسی سه‌رپێچی تێدا كری ده‌مێ ڕازی نه‌بووی سوجدەیێ بۆ ئاده‌می ببه‌ت.

ژ مفایێن فه‌رمووده‌یێ

  1. ئه‌گه‌ر نڤێژكه‌ر د نڤێژا خۆدا ب گومان كه‌ڤت و چ لایه‌ك ل ده‌ڤ وی ب هێزتر نه‌بوو، هنگی بلا گومانێ پاڤێژیت و بلا كار ب یا پشتڕاست كو ئه‌و ژی یا كێمتره‌ بكه‌ت، پاشی بلا نڤێژا خۆ ته‌مام بكه‌ت و سوجدەیێن سه‌هوێ به‌ری سلاڤا ملان ببه‌ت و پاشی سلاڤا ملان ڤه‌ده‌ت.
  2. ئه‌ڤ هه‌ردوو سوجدەیه‌ ڕێكه‌كن بۆ قه‌ره‌بووكرنا كێماسییا نڤێژێ و بۆ سه‌رشۆڕكرنا شه‌یتانی و نەهێلانا مەرەما وی.
  3. ئه‌و گومانا د فه‌رمووده‌یێدا به‌حسێ وێ هاتی؛ مه‌ره‌م پێ ئه‌وه‌ مرۆڤ نه‌زانیت كا كیژ لایه‌نێ ڕاسته‌، به‌لێ ئه‌گه‌ر گومانه‌كا ب هێز ل سه‌ر لایه‌كی هه‌بوو بلا كار ب وێ بكه‌ت.
  4. هاندان ل سه‌ر شه‌ڕكرنا وه‌سوەسه‌یان و پالدانا وان، ئه‌ڤه‌ ژی ب ڕێكا پێگیربوونێ ب فه‌رمانێن شه‌ریعه‌تی.

نیشاندانا وه‌رگێڕانان

56 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية