1. سه‌ره‌كی
  2. پولینكرن
  3. Virtues and Manners

فه‌رمووده‌ ((ئه‌رێ ما ئه‌ز بۆ هه‌وه‌ نه‌بێژم كا مه‌زنترین گونه‌ھ كیژكن؟

عن أبي بكرة رضي الله عنه قال: قال النبي صلى الله عليه وسلم:
«‌أَلَا ‌أُنَبِّئُكُمْ بِأَكْبَرِ الْكَبَائِرِ؟» ثَلَاثًا، قَالُوا: بَلَى يَا رَسُولَ اللهِ، قَالَ: «الْإِشْرَاكُ بِاللهِ، وَعُقُوقُ الْوَالِدَيْنِ» وَجَلَسَ وَكَانَ مُتَّكِئًا، فَقَالَ: «أَلَا وَقَوْلُ الزُّورِ»، قَالَ: فَمَا زَالَ يُكَرِّرُهَا حَتَّى قُلْنَا: لَيْتَهُ سَكَتَ.

ئه‌بو به‌كره‌ (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((ئه‌رێ ما ئه‌ز بۆ هه‌وه‌ نه‌بێژم كا مه‌زنترین گونه‌ھ كیژكن؟)) سێ جاران ئه‌ڤه‌ گۆت، وان گۆت: به‌لێ ئه‌ی پێغه‌مبه‌رێ خودێ، گۆت: ((دروستكرنا شركێ بۆ خودێ، خرابییا د گه‌ل دایك و بابان)) و ڕوینشت و به‌ری هنگی یێ پالڤه‌دایی بوو و گۆت: ((هشیاری گۆتن (و شاهده‌دانا) ژ دره‌و بن))، گۆت: ڤێجا ئه‌ڤ گۆتنه‌ هه‌ر دووباره‌ دكر، هه‌تا مه‌ گۆت: خۆزی بێده‌نگ ببا.

صحيح متفق عليه صحيح البخاري - 2654

شرۆڤه‌كرن

پێغه‌مبه‌ر (صه‌لات و سه‌لامێن خودێ ل سه‌ر بن) بۆ صه‌حابییێن خۆ به‌حسێ مه‌زنترین گونه‌هێن مه‌زن دكه‌ت، ڤێجا ئه‌ڤ سێ گونه‌هه‌ به‌حسكرن:
1. دروستكرنا شركێ بۆ خودێ: كو ئه‌ڤه‌یه‌ مرۆڤ هه‌ر جۆره‌ عیباده‌ته‌كێ هه‌بیت بۆ ئێكێ دی ژ بلی خودێ بكه‌ت، و تشته‌كێ دی بینیته‌ ڕاستا خودێ و د گه‌ل وی یه‌كسان بكه‌ت د ئولوهییه‌ت و ڕبوبییه‌ت و باشناڤ و سالۆخه‌تێن ویدا.
2. خرابییا د گه‌ل دایك و بابان: ئه‌ڤه‌ ژی هه‌ر تشته‌كێ نه‌خۆشییێ بۆ دایك و بابان دروست بكه‌ت ب خۆڤه‌ دگریت، چ گۆتن بیت یان كریار و هێلانا باشیكرنێیه‌ د گه‌ل وان.
3. گۆتنا ژ دره‌و و شاهده‌دانا ژ دره‌و كو ئه‌و ژی هه‌ر دچیته‌ دبنڤه‌: كو هه‌ر گۆتنه‌كا نه‌دروست و ژ دره‌و دچیته‌ دبنڤه‌ كو مه‌ره‌م پێ زیان گه‌هاندنه‌ ب وی كه‌سێ ئه‌و گۆتن دژی وی هاتییه‌ كرن، ئه‌ڤه‌ ژی بۆ برنا مالێ وی یان ده‌ستدرێژیكرنا سه‌ر كه‌سایه‌تی و كه‌رامه‌تا وی یان هه‌ر تشته‌كێ ب وی ڕه‌نگی.
پێغه‌مبه‌ری (صه‌لات و سه‌لامێن خودێ ل سه‌ر بن) به‌رده‌وام هشیاركرن ژ گۆتن و شاهده‌دانا ژ دره‌و كر و هه‌ر دووباره‌ كر، ئه‌ڤه‌ ژی وه‌ك هشیاركرنه‌ك ل سه‌ر كرێتییا وێ و شینوارێن وێ یێن خراب ل سه‌ر جڤاكی، هه‌تا صه‌حابییان گۆت: خۆزی بێده‌نگ ببا، ئه‌ڤه‌ ژی وه‌ك دلپێڤه‌بوونه‌ك ب وی و نه‌ڤیانه‌ك بۆ وی تشتێ نه‌خۆشییێ بۆ وی دروست دكه‌ت و وی بێزار دكه‌ت.

ژ مفایێن فه‌رمووده‌یێ

  1. مه‌زنترین گونه‌ھ دروستكرنا شركێیه‌ بۆ خودێ، چونكی ئه‌و دانا سه‌رێ لیستا گونه‌هێن مه‌زن و ژ ناڤ گونه‌هێن مه‌زن ژی ب گونه‌ها ژ هه‌مییان مه‌زنتر دانا، تشتێ ڤێ چه‌ندێ پشتڕاستتر لێ دكه‌ت ژی؛ گۆتنا خودایێ مه‌زنه‌ ده‌مێ دبێژیت: {إِنَّ اللَّهَ لا يَغفِرُ أَن يُشرَكَ بِهِ وَيَغفِرُ ما دونَ ذلِكَ لِمَن يَشاءُ وَمَن يُشرِك بِاللَّهِ فَقَدِ افتَرى إِثمًا عَظيمًا}، ئانكو: ((هندى خودێیه‌ ل وى نابووریت و گونه‌هێ بۆ ژێنابه‌ت يێ كه‌سه‌كى ژ چێكرییێن وى بۆ وى بكه‌ته‌ هه‌ڤپشك، يان ب هه‌ر ڕه‌نگه‌كێ كوفرێ كافر ببیت، هه‌ر گونه‌هه‌كا دى يا ژ شركێ كێمتر بیت ئه‌و بۆ وى ژێدبه‌ت يێ وى بڤێت)).
  2. مه‌زناهییا مافێ دایك و بابان، ژ به‌ر كو مافێ وان هاته‌ گرێدان ب مافێ خودایێ مه‌زنڤه‌.
  3. گونه‌ھ دابه‌ش دبنه‌ سه‌ر گونه‌هێن مه‌زن و گونه‌هێن بچویك، گونه‌ها مه‌زن: ئه‌و گونه‌هه‌ یا سزایه‌كێ دونیایێ ل سه‌ر هاتبیته‌ دانان، وه‌كی سزایێن شه‌رعی و نه‌فره‌تلێكرنێ، یان گه‌فكرنه‌كا ئاخره‌تێ ل سه‌ر هاتبیت، وه‌كی گه‌فكرنێ ب چوونا ئاگرێ جه‌هنه‌مێ، پله‌یا گونه‌هێن مه‌زن ژی ژ لایێ حه‌رامبوونێڤه‌ ژ ئێك جۆدانه‌ و هنده‌ك ژ هنده‌كان مه‌زنترن، ژ بلی گونه‌هێن مه‌زن ژی یێن دی هه‌می گونه‌هێن بچویكن.

نیشاندانا وه‌رگێڕانان

63 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
BG Български البلغارية
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
YAO Yao الياو