1. سه‌ره‌كی
  2. پولینكرن
  3. Da‘wah and Hisbah

فه‌رمووده‌ ((دێ هنده‌ك سه‌رۆك و ڕێبه‌ر (ئه‌میر) د ناڤ هه‌وه‌دا په‌یدا بن، هوین دێ هنده‌ك كارێن وان ب باش و دروست زانن و هنده‌كان ژی ب خراب دانن، ڤێجا هه‌ر كه‌سێ (كارێن وان یێن خراب ب خراب) بزانیت؛ ئه‌ڤه‌ ئه‌و بێگونه‌ھ بوو (به‌رائه‌تا خۆ كر)، و هه‌ر كه‌سێ (كارێن وان یێن خراب) ڕه‌دكرن؛ ئه‌ڤه‌ ئه‌و هاته‌ پاراستن (و ڕزگاربوو)، به‌لێ (گونه‌هكار ئه‌وه‌) یێ (ب كارێن وان یێن خراب) ڕازی بیت و دویڤچوونا وان بكه‌ت

عَنْ أُمِّ سَلَمَةَ أُمِّ المُؤمنين رضي الله عنها: أَنَّ رَسُولَ اللهِ صلى الله عليه وسلم قَالَ:
«سَتَكُونُ أُمَرَاءُ فَتَعْرِفُونَ وَتُنْكِرُونَ، فَمَنْ عَرَفَ بَرِئَ، وَمَنْ أَنْكَرَ سَلِمَ، وَلَكِنْ مَنْ رَضِيَ وَتَابَعَ» قَالُوا: أَفَلَا نُقَاتِلُهُمْ؟ قَالَ: «لَا، مَا صَلَّوْا».

ئۆم سه‌له‌مه‌یا دایكا باوه‌رداران (خودێ ژێ ڕازی بیت) دبێژیت: پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت:
((دێ هنده‌ك سه‌رۆك و ڕێبه‌ر (ئه‌میر) د ناڤ هه‌وه‌دا په‌یدا بن، هوین دێ هنده‌ك كارێن وان ب باش و دروست زانن و هنده‌كان ژی ب خراب دانن، ڤێجا هه‌ر كه‌سێ (كارێن وان یێن خراب ب خراب) بزانیت؛ ئه‌ڤه‌ ئه‌و بێگونه‌ھ بوو (به‌رائه‌تا خۆ كر)، و هه‌ر كه‌سێ (كارێن وان یێن خراب) ڕه‌دكرن؛ ئه‌ڤه‌ ئه‌و هاته‌ پاراستن (و ڕزگاربوو)، به‌لێ (گونه‌هكار ئه‌وه‌) یێ (ب كارێن وان یێن خراب) ڕازی بیت و دویڤچوونا وان بكه‌ت))، گۆتن: ئه‌رێ ما ئه‌م شه‌ڕێ وان نه‌كه‌ین؟ گۆت: ((نه‌خێر، هندی ئه‌و نڤێژان بكه‌ن)).

صحيح رواه مسلم صحيح مسلم - 1854

شرۆڤه‌كرن

پێغه‌مبه‌ر (صه‌لات و سه‌لامێن خودێ ل سه‌ر بن) مه‌ ئاگه‌هدار دكه‌ت كو دێ هنده‌ك كه‌س بنه‌ ده‌ستهه‌لاتدار و كاربده‌ست ل سه‌ر مه‌، ئه‌م دێ هنده‌ك كریارێن وان ب باش زانین، چونكی د گه‌ل شه‌ریعه‌تێ خودێ دگونجن‌، و دێ هنده‌كێن دی ژی ب خراب و نه‌باش ل قه‌له‌م ده‌ین، چونكی دژی شه‌ریعه‌تینه‌، ڤێجا هه‌ر كه‌سێ ب دلێ خۆ ژ وێ كریارا خراب توڕه‌ بیت و نه‌شێت گوهاڕتنێ تێدا بكه‌ت؛ ئه‌ڤه‌ ئه‌و ژ گونه‌هـ و دووڕویاتییێ (نیفاقێ) هاته‌ پاراستن و بێگونه‌هـ بوو، و هه‌ر كه‌سێ بشێت ب ده‌ستی یان ب ئه‌زمانی وێ خرابییێ ڕه‌د بكه‌ت و ئه‌و خرابی ل سه‌ر وان ڕه‌دكر و پێ ڕازی نه‌بوو؛ ئه‌ڤه‌ ئه‌و ژ گونه‌هێ و پشكداربوونا تێدا ڕزگار بوو، به‌لێ ئه‌و كه‌سێ ب كریارا وان ڕازی بیت و دویڤچوونا وان بكه‌ت؛ هنگی ئه‌و دێ ژ ناڤ چیت هه‌روه‌كی چاوا ئه‌و ژ ناڤ چووین .
پاشی (صه‌حابییان) پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: ئه‌رێ ئه‌م شه‌ڕێ وان ده‌ستهه‌لاتداران نه‌كه‌ین یێن ئه‌ڤه‌ سالۆخه‌تێن وانن؟ ئینا پێغه‌مبه‌ری (صه‌لات و سه‌لامێن خودێ ل سه‌ر بن) ئه‌و ژ ڤێ چه‌ندێ پاشڤه‌برن و گۆت: نه‌خێر، هندی ئه‌و نڤێژێ د ناڤ هه‌وه‌دا بكه‌ن.

ژ مفایێن فه‌رمووده‌یێ

  1. ئێك ژ نیشانێن پێغه‌مبه‌رینییا پێغه‌مبه‌ری (صه‌لات و سه‌لامێن خودێ ل سه‌ر بن) ئه‌وه‌ كو به‌حسێ هنده‌ك تشتێن ڤه‌شارتی (غه‌یبی) دكه‌ت یێن كو دێ ل پاشه‌ڕۆژێ ڕویده‌ن، ئه‌و تشت ژی هه‌می ب وی ڕه‌نگی ڕویدان و په‌یدا بوون وه‌كی وی گۆتی.
  2. دروست نینه‌ مرۆڤ ب كریارێن خراب ڕازی بیت یان پشكدارییێ تێدا بكه‌ت، و یا فه‌ره‌ ئه‌و كریاره‌ بهێته‌ ڕه‌دكرن.
  3. ئه‌گه‌ر ده‌ستهه‌لاتداران تشتێن دژی شه‌ریعه‌تی ئه‌نجام دان و ئینانه‌ ده‌ر؛ هنگی دروست نینه‌ گوهدارییا وان ل سه‌ر وێ چه‌ندێ بهێته‌ كرن.
  4. دروست نینه‌ مرۆڤ ل دژی ده‌ستهه‌لاتدارێن موسلمان ڕاببیت (و خروجێ ل سه‌ر بكه‌ت)؛ ئه‌ڤه‌ ژی ژ به‌ر وان ئه‌نجامێن خراب یێن ژ ڤی كاری په‌یدا دبن، وه‌كی ڕێتنا خوینێ و نه‌مانا ئارامی و ته‌ناهییێ، له‌وا هه‌داركێشان ل سه‌ر خرابییا ده‌ستهه‌لاتدارێن گونه‌هكار و بێهنفره‌هی ل سه‌ر نه‌خۆشییا وان؛ سڤكتر و باشتره‌‌ ژ ڤێ چه‌ندێ.
  5. قه‌در و بهایێ نڤێژێ گه‌له‌كێ مه‌زنه‌ و ئه‌و جوداكه‌ره‌ د ناڤبه‌را كوفرێ و ئیسلامێدا.

نیشاندانا وه‌رگێڕانان

59 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية