1. سه‌ره‌كی
  2. پولینكرن
  3. Da‘wah and Hisbah

فه‌رمووده‌ ((هه‌ر كه‌سێ ژ بن گوهدارییا (سه‌ركرده‌ی) ده‌ركه‌ڤیت، و ژ كۆمه‌لا (موسلمانان) جودا ببیت و پاشی بمریت، ئه‌و ب مرنا سه‌رده‌مێ جاهلییه‌تێ مرییه‌

عن أبي هريرة رضي الله عنه عن النبي صلى الله عليه وسلم أنه قال:
«مَنْ ‌خَرَجَ ‌مِنَ ‌الطَّاعَةِ، وَفَارَقَ الْجَمَاعَةَ فَمَاتَ، مَاتَ مِيتَةً جَاهِلِيَّةً، وَمَنْ قَاتَلَ تَحْتَ رَايَةٍ عِمِّيَّةٍ، يَغْضَبُ لِعَصَبَةٍ، أَوْ يَدْعُو إِلَى عَصَبَةٍ، أَوْ يَنْصُرُ عَصَبَةً، فَقُتِلَ، فَقِتْلَةٌ جَاهِلِيَّةٌ، وَمَنْ خَرَجَ عَلَى أُمَّتِي، يَضْرِبُ بَرَّهَا وَفَاجِرَهَا، وَلَا يَتَحَاشَى مِنْ مُؤْمِنِهَا، وَلَا يَفِي لِذِي عَهْدٍ عَهْدَهُ، فَلَيْسَ مِنِّي وَلَسْتُ مِنْهُ».

ئه‌بو هوره‌یره‌ (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((هه‌ر كه‌سێ ژ بن گوهدارییا (سه‌ركرده‌ی) ده‌ركه‌ڤیت، و ژ كۆمه‌لا (موسلمانان) جودا ببیت و پاشی بمریت، ئه‌و ب مرنا سه‌رده‌مێ جاهلییه‌تێ مرییه‌، و هه‌ر كه‌سێ ل بن ئالایه‌كێ نه‌دیار شه‌ڕی بكه‌ت، و ژ به‌ر ده‌مارگیرییا هۆز و عه‌شیره‌تێ و ڕه‌گه‌زێ خۆ توڕه‌ ببیت، یان گازی بۆ هندێ بكه‌ت، یان هاریكارییا كه‌سۆكارێن خۆ بكه‌ت (ل سه‌ر نه‌حه‌قییێ) و پاشی بهێته‌ كوشتن، ئه‌و كوشتنه‌كا جاهلییه‌تێیه‌، و هه‌ر كه‌سێ ل دژی ئوممه‌تا من ده‌ركه‌ڤیت و ل باش و خرابێن وێ بده‌ت، و ده‌ستان ژ كوشتنا ئیمانداران نه‌كێشیت و وه‌فادار نه‌بیت بۆ وی كه‌سێ په‌یمان د گه‌ل هه‌ی، ئه‌و نه‌ ژ منه‌ و ئه‌ز ژی نه‌ ژ وی مه‌))

صحيح رواه مسلم صحيح مسلم - 1848

شرۆڤه‌كرن

پێغه‌مبه‌رى (صه‌لات و سه‌لامێن خودێ ل سه‌ر بن) دیار كر كو هه‌ر كه‌سێ ژ بن گوهدارییا سه‌ركرده‌یێن موسلمانان ده‌ركه‌ڤیت، و ژ كۆم و جه‌ماعه‌تا ئیسلامێ جودا ببیت ئه‌وا ل سه‌ر به‌یعه‌تا ئیمامی ڕێككه‌ڤتین و ل سه‌ر وێ ڕه‌وشێ بمریت كو یێ جودا بووی ژ كوما موسلمانان و گوهدارییێ ناكه‌ت ؛ وی ده‌می ئه‌و وه‌كی مرنا خه‌لكێ جاهلییه‌تێ مرییه‌، ئه‌وێن كو گوهدارییا چ ئه‌میر و سه‌ركرده‌یان نه‌دكر و نه‌دبوونه‌ ئێك كۆم و جه‌ماعه‌ت، به‌لكی كۆم كۆمه‌‌ بوون و شه‌ڕێ ئێكودوو دكر.
هه‌روه‌سا پێغه‌مبه‌ری (صه‌لات و سه‌لامێن خودێ ل سه‌ر بن) به‌حسێ هندێ ژی كر كو هه‌ر كه‌سێ ل بن ئالایه‌كی شه‌ڕی بكه‌ت كو حه‌قی و نه‌حه‌قی تێدا یێ دیار نه‌بیت و ب تنێ ژ به‌ر ده‌مارگیرییا قه‌وم و عه‌شیره‌تا خۆ توڕه‌ ببیت، نه‌كو بۆ بسه‌رئێخستنا ئایین و حه‌قییێ، ڤێجا ب بێی دیتن و بێی زانین شه‌ڕی بكه‌ت؛ هنگی ئه‌گه‌ر ل سه‌ر وێ ڕه‌وشێ هاته‌ كوشتن، كوشتنا وی وه‌كی یا سه‌رده‌مێ جاهلییه‌تێیه‌.
و هه‌ر كه‌سێ ل دژی ئوممه‌تا وی (صه‌لات و سه‌لامێن خودێ ل سه‌ر بن) ده‌ركه‌ڤیت و ل مروڤێ چاك و خراب بده‌ت، و خه‌مێ نه‌خۆت كا چ دكه‌ت و ژ سزایێ كوشتنا باوه‌رداران نه‌ترسیت و وه‌فادار نه‌بیت بۆ په‌یمانێن كافران یان یێن سه‌ركرده‌یان، به‌لكی وان په‌یمانان بشكێنيت، ئه‌ڤه‌ ژ گونه‌هێن مه‌زنه‌ و هه‌ر كه‌سێ ڤێ بكه‌ت؛ ئه‌ڤه‌ ئه‌و ژ هه‌ژی ڤێ گه‌فا دژوار بوو‌.

ژ مفایێن فه‌رمووده‌یێ

  1. گوهداریكرنا سه‌ركرده‌یان واجبه،‌ ب مه‌رجه‌كی كو سه‌رپێچییا خودایێ مه‌زن تێدا نه‌بیت.
  2. د ڤێ فه‌رمووده‌یێدا هشیاركرنه‌كا دژوار هه‌یه‌ بۆ وی كه‌سێ ژ بن گوهدارییا ئیمام و سه‌ركرده‌یێ خۆ ده‌ربكه‌ڤیت و ژ كۆم و جه‌ماعه‌تا موسلمانان جودا ببیت، چونكی ئه‌گه‌ر ل سه‌ر وێ ڕه‌وشێ بمریت؛ هنگی ئه‌و ل سه‌ر ڕێكا خه‌لكێ جاهلییه‌تێ مرییه‌.
  3. د فه‌رمووده‌یێدا پاشڤه‌برن ژ شه‌ڕێ ژ به‌ر ده‌مارگیری و ڕه‌گه‌زپه‌رستییێ هاتییه‌ كرن.
  4. فه‌ربوونا وه‌فادارییێ د گه‌ل په‌یمانان.
  5. خێر و باشییه‌كا مه‌زن یا د گوهداری و پێگیریكرنا ب كۆم و جه‌ماعه‌تا موسلمانان هه‌ی، زێده‌باری ته‌ناهی و ئارامی و باشبوونا ڕه‌وشا خه‌لكی ژی تێدایه‌.
  6. پاشڤه‌برن ژ خۆ وه‌كلێكرنا ب ڕه‌وش و ڕه‌فتارێن خه‌لكێ جاهلییه‌تێ.
  7. فه‌رمانكرن ب پێگیریكرن ب كۆم و جه‌ماعه‌تا موسلمانان.

نیشاندانا وه‌رگێڕانان

60 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
SO Soomaali الصومالية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية