1. fuula hangafaa ykn tokkoffaa
  2. tarreewwan
  3. fiqhiifii beekkomsa hundee isaa

hadiisa “Dubartiin takka abbaan manaa isii ykn mahramiin/firri dhihoo isii wajjiin yoo jiraate malee fageenya guyyaa lamaa hin imaltu

عَنْ أَبِي سَعِيدٍ الخُدْرِيَّ رَضِيَ اللَّهُ عَنْهُ -وَكَانَ غَزَا مَعَ النَّبِيِّ صَلَّى اللهُ عَلَيْهِ وَسَلَّمَ ثِنْتَيْ عَشْرَةَ غَزْوَةً- قَالَ: سَمِعْتُ أَرْبَعًا مِنَ النَّبِيِّ صَلَّى اللهُ عَلَيْهِ وَسَلَّمَ، فَأَعْجَبْنَنِي، قَالَ:
«لاَ تُسَافِرِ المَرْأَةُ مَسِيرَةَ يَوْمَيْنِ إِلَّا وَمَعَهَا زَوْجُهَا أَوْ ذُو مَحْرَمٍ، وَلاَ صَوْمَ فِي يَوْمَيْنِ: الفِطْرِ وَالأَضْحَى، وَلاَ صَلاَةَ بَعْدَ الصُّبْحِ حَتَّى تَطْلُعَ الشَّمْسُ، وَلاَ بَعْدَ العَصْرِ حَتَّى تَغْرُبَ، وَلاَ تُشَدُّ الرِّحَالُ إِلَّا إِلَى ثَلاَثَةِ مَسَاجِدَ: مَسْجِدِ الحَرَامِ، وَمَسْجِدِ الأَقْصَى، وَمَسْجِدِي هَذَا».

Abuu Sa’iid Al-Khudrii irraa oddeffame Rabbiin irraa haa jaalatu - Nabiyyii -nagaa fi rahmanni irra haa jiraatuu- waliin lola kudha lama lolee ture, - akkana jedhe: Nabiyyii irraa -nagaa fi rahmanni isaan irratti haa jiraatu- waa afur dhaga’eera, nattis tole, isaanis akkas jedhan: ​
“Dubartiin takka abbaan manaa isii ykn mahramiin/firri dhihoo isii wajjiin yoo jiraate malee fageenya guyyaa lamaa hin imaltu, Guyyaa lama soomuun hin hayyamamu, isaanis: Ayyaana Al-Fixrii fi Al-Adhaati, Salaata fajrii booda hanga aduun baatutti salaanni hin jiruu fi salaata asrii boodas hanga aduun dhiitutti salaanni hin jiru, Gara masjiida sadii: Masjiidal haraam, Masjiidal Aqsaa Fi masjiida koo kana malee ibaadaaf imala deemuun hin ta'u”.

sirrii Bukharif muslim irratti waliigalan Sahiiha bukhaarii - 1995

Ibsaa

Nabiyyiin nagaa fi rahmanni irra haa jiraatuu, wantoota afur irraa dhoogani:
Inni tokkoffaa: dubartii takka fageenya guyyaa lamaa imaluu irraa dhoorguudha, abbaan manaa ishee ykn fira dhihoo ishee keessaa namni tokko isheen wajjiin yoo jiraate malee. fira dhihoo jechuun nama abaditti ishee fuudhuu hin dandeenyeedha, sunis akka ilma ishee, abbaa ishee, ilma obboleessaa, ilma obboleettii, abbeeraa, eessumaa fi kan kana fakkaatani.
Lammaffaan: Sooma qodhaa haa ta'uu, ykn sooma sunnaa, ykn sooma kaffaaraa haa ta'uu sooma kamuu Guyyaa Iid al-Fixrii fi guyyaa Iid al-Adhaa dhoorguudha.
Sadaffaan: Salaata asrii booda hanga aduun lixxutti, salaata fajrii booda hanga aduun baatutti salaata sunnaa salaatuu irraa dhorguudha.
Afraffaan: Gara bakka kamittuu imaluu fi bakki sun sadarkaa qabaa fi kheyriin achitti hojjatamu dachaadha ta'a jedhanii yaaduu irraa dhoorguudha, yoo masjiidota sadan kana ta'e malee, masjiidota sadan kana malee bakka biraatti salaatuuf jecha imaluun hin danda'amu, mindaanis kan dachaa ta'u masjiidota sadan kana keessatti qofa, Masjiidal haraam, Masjiida Nabiyyii fi Masjiidal Aqsaati.

bu.aa hadiisa irraa

  1. Dubartiin mahrama/fira dhihoo wajjiin malee imaluu hin dandeessuudha.
  2. Dubartiin yeroo imala deeman dubartii biraatif mahrama tahuu hin dandeessu; Sababni isaas: hadiisa keessatti: “Abbaa manaa ishee ykn mahrama” waan jedheef jecha.
  3. Dubartiin abbaa manaa ykn mahrama malee waan imala jedhamu hunda irraa ni dhoorgamti, hadiisni kun akka haala nama gaafataa fi bakka jireenyaa isaatin ilaalama.
  4. Mahrama dubartii jechuun abbaa manaa isheeti ykn nama sababa firummaa akka abbaa ishee, ilma ishee, abbeeraa fi eessumaa, ykn sababa harma hoosisuu akka abbaa fi abbeeraa hoosisaa irraa ta'ee, ykn sababa soddummaa akka abbaa abbaa manaa ta'uu irraa kan ka'een abaditti ishee fuudhuun irratti haraama ta'eedha, Innis Muslima ga’eessa, beekaa, amanamaa ta'uudha qaba, Kaayyoon mahramaa dubartii tiksuu, kunuunsuu fi dhimma isiitin dhaabbachuu waan ta'eefi dha.
  5. Amantiin Islaamaa dubartootaaf ni yaada, ishees ni eega, akkasumas ishee ni tiksaadha.
  6. Salaata Fajrii fi Asrii booda salaata sunnaa salaatun fayyaa ta'uu hin danda'uudha. Salaata waajibaa kan darbe raawwachuun, salaatowwan sababa qaban kan akka tahiyyaa masjiidaa fi kan kana fakkaatan salaatuu sana jala hin galu.
  7. Aduun akkuma baateen salaata salaatuun haraama ta'a, inumaayyuu hanga isheen tilmaama eeboo ol fuudhamtuu eeguun dirqama, sun tilmaamaan daqiiqaa kudhanii hanga kudha shanii ni ta'a.
  8. Yeroon asri hanga aduun lixxutti dheerata. ​
  9. Gara masjiidota sadanitti imaluun ni hayyamamaadha.
  10. Sadarkaa fi kabajaa masjiidonni sadan waan biraa irra qabaniidha.
  11. Qabrii ziyaaruuf jecha imaluun hin hayyamamu, qabrii Nabiyyii osoo ta'ellee, nagaa fi rahamnni irra haa jiraatu, nama Madiinaa keessa jiruuf, ykn karaa shari'aan islaamaa seera qabeessa godheen nama madiinaa dhufeef qabricha ziyaaruun ni danda'ama.

Garsisuu hiikowani

57 afaan
EN English Ingiliffaa
UR اردو Orduu
ES Español ispeeniffaa
ID Indonesia Indoneziyaffaa
UG ئۇيغۇرچە igooriffaa
BN বাংলা bangaaliffaa
TR Türkçe turkiffaa
RU Русский hiikaa raashiyaa
BS Bosanski boosniyaffaa
SI සිංහල hiikaa sanhaaliffaa
HI हिन्दी afaan Hindii
ZH 中文 chaayiniffaa
FA فارسی faarisiffaa
VI Tiếng Việt vetenaamiffaa
TL Tagalog tagaaloogiffaa
KU Kurdî kurdiffaa
HA Hausa hoosaa
PT Português portuugaaliffaa
ML മലയാളം malayalaamiffaa
TE తెలుగు tilgoo
SW Kiswahili sawaahiilii
MY မြန်မာ buurmaaffaa
TH ไทย taaylaandiffaa
DE Deutsch jarmaniffaa
PS پښتو bishtuu
AS অসমীয়া asaamiiffaa
SQ Shqip albaaniyaffaa
SV Svenska suweydiffaa
AM አማርኛ Amaariffaa
NL Nederlands holaandiyaa
GU ગુજરાતી goojaaraatiffaa
KY Кыргызча qargiiziffaa
NE नेपाली neebaaliffaa
YO Yorùbá yoorbaffaa
LT Lietuvių Hiikaa alleytowaaniya
PRS دری daryaffaa
SR Српски sarbiyaffaa
SO Soomaali HSomaaliffaa
TG тоҷикӣ xaajiikiyyaa
RW Kinyarwanda keniyaa ruwaandiya
RO Română roomaniyaffaa
HU Magyar majriffaa
CS Čeština cheekiffaa
MOS Moore الموري
MG Malagasy maalaagaashiyaffaa
IT Italiano xaaliyaaniffaa
KN ಕನ್ನಡ kanadiffaa
WO Wolof الولوف
AZ Azərbaycan azriffaa
UZ O‘zbek uzbeekiffaa
UK Українська okraaniffaa
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
KMR Kurmancî الكرمنجية