عَنْ أَبِي رُقَيَّةَ تَمِيمِ بْنِ أَوْسٍ الدَّارِيِّ رَضِيَ اللَّهُ عَنْهُ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ:
«الدِّينُ النَّصِيحَةُ» قُلْنَا: لِمَنْ؟ قَالَ: «لِلهِ وَلِكِتَابِهِ وَلِرَسُولِهِ وَلِأَئِمَّةِ الْمُسْلِمِينَ وَعَامَّتِهِمْ».

ژ ئه‌بو ڕوقەییەی، تەمیمێ کوڕێ ئەوسێ داری (خودێ ژێ ڕازی بیت) کو پێغەمبەرێ خودێ (صەلات و سەلامێن خودێ ل سەر بن) گۆت:
((دین شیره‌ته‌)) من گۆت: بۆ كێ؟ گۆت: ((بۆ خودێ، بۆ په‌ڕتووكا وی، بۆ پێغه‌مبه‌رێ وی، بۆ مه‌زنێن موسلمانان و بۆ هه‌می موسلمانان)).

صحيح رواه مسلم الأربعون النووية - 7

شرۆڤه‌كرن

پێغەمبەرێ خودێ (صەلات و سەلامێن خودێ ل سەر بن) گۆت کو ئایین یێ ل سەر دلسۆزی (ئیخلاص) و ڕاستگۆییێ ڕاوەستیاییە، هەتا کو وەکو خودێ واجب کری بهێتە ئەنجامدان، ب ته‌مامەتی و بێی کێماسی یان غش و فێلبازی. ڤێجا بۆ پێغەمبەرێ خودێ (صەلات و سەلامێن خودێ ل سەر بن) هاتە گۆتن: شیره‌ت بۆ کێیە؟ ئینا گۆت: ئێك: شیره‌ت بۆ خودایێ مه‌زن: ب دلسۆزیكرنا کاری بۆ وی ب تنێ و دروستنه‌كرنا چ شریك و هه‌ڤالان بۆ وی، و کو ئەم باوەرییێ ب ڕبوبییەت و ئولوهییەت و ناڤ و سالۆخه‌تێن وی بینین، دیسان شیره‌ت بۆ خودێ ب مەزنکرنا فەرمانا وی و گازیكرنێیه‌ بۆ باوەریئینانێ ب وی. دوو: شیره‌ت بۆ په‌ڕتووكا وی کو قورئانا پیرۆزە: ب وێ ئێكێ کو باوەرییێ بینین ئەو ئاخڤتنا خودێیه‌ و دویماهیك په‌ڕتووكا وییە و کو ئەو ناسخ و نه‌هێله‌ره‌ بۆ هەمی شەریعه‌تێن بەری خۆ، دیسان ئەم وێ مەزن بکەین و ب دروستی وه‌كی ئه‌و یا ژ هه‌ژی بخوینین و كار ب ئایه‌تێن وێ یێن موحكه‌م (ئه‌وێن بتنێ ئێك ڕامان ژێ دچيت) بكه‌ین و خۆڕاده‌ستی وان ئایه‌تێن موته‌شابیھ (ئه‌وێن ئه‌گه‌رێ پتر ژ ڕامانه‌كێ بۆ هه‌ى) بكه‌ین، بەڕەڤانییێ ژ وێ بكه‌ین ل هه‌مبه‌ری تەئویلکرنا وێ ب ڕێكا كه‌سێن وێ ته‌ئویل دكه‌ن و ژ ڕامانا وێ یا دروست لادده‌ن، هه‌روه‌سا پەند و وانه‌یان بۆ خۆ ژ شیره‌تێن وێ وه‌ربگرین و زانستێن وێ بەلاڤ بکەین و خه‌لكی بۆ وێ گازی بکەین. سێ: شیره‌ت بۆ پێغەمبەرێ وی موحه‌ممه‌دی (صەلات و سەلامێن خودێ ل سەر بن): ب وێ چه‌ندێ کو باوەرییێ بینین کو ئەو دویماهیك پێغەمبەرە و باوەرییێ پێ بینین د وێ ئێكێدا یا ئەو پێ هاتی و وی ڕاست ده‌ربێخین و فەرمانا وی جێبەجێ بکەین و خۆ ژ تشتێ وی پاشڤه‌برن ژێ كری بده‌ینه‌ پاش، دیسان ب تنێ ب وی شێوه‌ی عیباده‌تێ خودێ بكه‌ین یێ ئه‌و پێ هاتی و مافێ وی مەزن بکەین و ڕێزێ لێ بگرین و گازی و شەریعه‌تێ وی بەلاڤ بکەین و گۆمانان ل سەر وی ڕاكه‌ین و نه‌هێلین . چار: شیره‌ت بۆ مه‌زن و ده‌ستهه‌لاتدارێن موسلمانان: ب هاریکاریکرنا وانه‌ ل سەر حه‌قییێ و هه‌ڤڕكینه‌كرنه‌ د گه‌ل وان د ده‌ستهه‌لاتێدا و گوهداریکرن و بجهئینانا فەرمانێن وانه‌ د گوهداریکرنا خودێدا. پێنج: شیره‌ت بۆ موسلمانان: ب باشیكرن و گازیكرنا د گەل وانه‌، دیسان ب دروستنه‌كرنا نه‌خۆشی و ئه‌زیه‌تێیه‌ بۆ وان و حه‌زژێكرنا خێر و باشییێ بۆ وان و هاریکاریکرنا د گەل وان ل سەر باشی و ته‌قوایێ.

ژ مفایێن فه‌رمووده‌یێ

  1. فەرمان ب شیره‌تكرنێ بۆ هەمییان.
  2. مەزناهییا پله‌یا شیره‌تكرنێ د دینیدا.
  3. پێكهاتنا دینی ژ بیروباوەر و گۆتن و کریاران.
  4. پاقژکرنا نەفسێ ژ فێلبازییێ ژ شیره‌تكرنێیه‌ بۆ وی یێ شیره‌ت لێ دهێتە کرن و ڤیانا خێرێ بۆ وی.
  5. باشییا فێرکرنا پێغەمبەری (صەلات و سەلامێن خودێ ل سەر بن)، چونكی تشتی ب ڕه‌نگه‌كێ گشتی به‌حس دكه‌ت؛ پاشی ب هویری و به‌رفره‌هی دیار دكه‌ت.
  6. دەستپێکرن ب گرنگترین و پاشی گرنگتر، ژ به‌ر کو پێغەمبەری (صەلات و سەلامێن خودێ ل سەر بن) ب شیره‌تكرنێ بۆ خودێ دەستپێکر، پاشی بۆ پەڕتووکا وی، پاشی بۆ پێغەمبەرێ وی (صەلات و سەلامێن خودێ ل سەر بن) پاشی بۆ پێشەوایێن موسلمانان، پاشی بۆ هەمی موسلمانان.

نیشاندانا وه‌رگێڕانان

61 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
FF Fulfulde الفولانية
IT Italiano الإيطالية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو