1. سه‌ره‌كی
  2. پۆلێنکردنەکان
  3. بیروباوەڕ (عەقیدە)

فەرموودە تامی ئیمانی چەشتووە ئەو كەسەی ڕازیە بەوەی الله پەروەدگاری بێت، وئیسلام ئاینی بێت، وموحەمەد پێغەمبەری بێت

عَنِ الْعَبَّاسِ بْنِ عَبْدِ الْمُطَّلِبِ رضي الله عنه أَنَّهُ سَمِعَ رَسُولَ اللهِ صَلَّى اللهُ عَلَيْهِ وَسَلَّمَ، يَقُولُ:
«ذَاقَ طَعْمَ الْإِيمَانِ مَنْ رَضِيَ بِاللهِ رَبًّا، وَبِالْإِسْلَامِ دِينًا، وَبِمُحَمَّدٍ رَسُولًا».

لە عەباسی كوڕی عەبدولموتەڵیبەوە -ڕەزای خوای لێبێت- گوێی لە پێغەمبەری خودا بوو -صلى اللە علیە وسلم- كە دەیفەرموو:
«تامی ئیمانی چەشتووە ئەو كەسەی ڕازیە بەوەی الله پەروەدگاری بێت، وئیسلام ئاینی بێت، وموحەمەد پێغەمبەری بێت».

(سەحیح - ڕاست) (مسلم) ڕیوایەتی كردووە صحيح مسلم - 34

شیکردنەوە

پێغەمبەر -صلى اللە علیە وسلم- پێمان ڕادەگەیەنێت كە ئیمانداری ڕاستگۆ لە ئیمانەكەیدا كە دڵنیایە سەبارەتی ؛ لە دڵیدا هەست بە ئاسوودەیی وفراوانی وخۆشی وتام وچێژی نزیكبوونەوە لە الله دەكات -سبحانه وتعالی- بەمەرجێك بەم سێ شتە ڕازی بێت:
یەكەم: ڕازی بێت بەوەی الله پەروەردگاریەتی، مانای ئەوەیە دڵی فراوان وڕازی بێت سەبارەت بە هەرشتێك لەلایەن پەروەردگاریەوە دێت لە دابەشكردنی ڕزقەكان وحاڵەكان، ولە دڵیدا ناڕازی نەبێت سەبارەت بە شتێك لە حوكمەكانی الله، وهیچ یەكێكی تر بە پەروەردگاری نازانێت جگە لە الله.
دووەم: ڕازی بێت بەوەی ئیسلام ئاینیەتی، مانای ئەوەیە دڵی ئاسوودە وفراوان بێت سەبارەت بە ئەرك و واجبەكان لە ئاینی ئیسلامدا، و لەسەر هیچ ڕێچكە وڕێبازێك نەبێت جگە لە ئیسلام.
سێیەم: ڕازی بێت بەوەی موحەمەد -صلى اللە علیە وسلم- پێغەمبەریەتی، مانای ئەوەیە دڵی فراوان وئاسوودە بێت سەبارەت بە هەموو ئەو شتانەی پێغەمبەر -صلى اللە علیە وسلم- هێناویەتی بەبێ دوودڵی وبەبێ گومان، بۆیە هیچ ڕێبازێك ناگرێت بەر ئەگەر پێچەوانەی سونەتی پێغەمبەر -صلى اللە علیە وسلم- بێت.

لە سوودەکانی فەرموودەکە

  1. ئیمان -باوەڕ- تام وچێژی هەیە بە دڵ هەستی پێدەكرێت، هەروەكو چۆن هەست بە چێژ وخۆشی خواردن وخواردنەوە دەكرێت بە دەم.
  2. لاشە هەست بە چێژ وخۆشی خواردن وخواردنەوە ناكات مەگەر كاتێك ساغ وسەلامەت بێت، بەهەمان شێوە دڵ ئەگەر سەلامەت بێت لە نەخۆشیە گومڕاكەرەكان وشەهوەتە حەرامەكان؛ ئەوا هەست بە چێژی ئیمان دەكات، وهەركاتێك نەخۆش بێت ؛ هەست بە تام وچێژی ئیمان ناكات، بەڵكو لەوەیە دڵی نەخۆش شتێك بەلای خۆیەوە جوان وخۆش بكات لە ئارەزووە حەرامكراوەكان وتاوانەكان كە هۆكارە بۆ تیاچوونی.
  3. مرۆڤ ئەگەر بە شتێك ڕازی بێت وبە چاكی دابنێت ؛ ئەوا جێبەجێكردنی لەسەری ئاسان دەبێت، وهیچ وردەكاریەكی ئەو شتەی لەسەر ناڕەحەت وقورس نابێت، وئاسوودەیە هەركاتێك ئەنجامی بدات وخۆشی ئەو شتە دێتە نێو دڵیەوە، بەهەمان شێوە ئیماندار ئەگەر ئیمان بچێتە نێو دڵیەوە، پەرستنی وگوێڕایەڵیكردنی پەروەرگاری لەسەر ئاسان دەبێت ودەروونی چێژی لێوەردەرگێت، وناڕەحەتیەكانی لەسەر قورس نابێت.
  4. ئیبن قەیم دەڵێـت: ئەم فەرموودەیە ڕازیبوون بە پەروەردگارێتی وئولوهیەتی -پەستراوێتی- الله ی تێدایە، هەروەها ڕازیبوون بە پێغەمبەرەكەی وگوێڕایەڵبوونی، وڕازیبوون بە ئاینەكەی وملكەچبوون بۆی.

پیشاندانی وەرگێڕانەکان

51 زمان
EN English ئینگلیزی
UR اردو ئۆردی
ID Indonesia ئەندەنوسی
BN বাংলা بەنگالی
TR Türkçe تورکی
RU Русский ڕووسی
BS Bosanski بۆسنی
SI සිංහල سینهالی
HI हिन्दी هیندی
ZH 中文 چینی
FA فارسی فارسی
VI Tiếng Việt ڤێتنامی
TL Tagalog تاگالۆگ
HA Hausa هوسا
PT Português پورتوگالی
ML മലയാളം مالایالام
TE తెలుగు تلغۆ
SW Kiswahili سه‌واحیلی
TA தமிழ் تامیلی
MY မြန်မာ بۆرمی
TH ไทย تایلەندی
DE Deutsch ئه‌ڵمانی
PS پښتو پەشتۆ
AS অসমীয়া ئاسامی
SQ Shqip ئه‌لبانی
SV Svenska سویدی
AM አማርኛ ئەمهەری
NL Nederlands هۆڵەندی
GU ગુજરાતી غوجاراتی
KY Кыргызча قیرغیزی
NE नेपाली نیپاڵی
LT Lietuvių لیتوانی
PRS دری داری
SR Српски سڕبی
TG тоҷикӣ تاجیكی
RW Kinyarwanda كينيارواندی
RO Română ڕۆمانی
HU Magyar مەجەری
CS Čeština چیكی
MOS Moore الموري
MG Malagasy مالاگاشی
OM Oromoo ئورومی
KN ಕನ್ನಡ كانادی
WO Wolof الولوف
AZ Azərbaycan ئازەری
UK Українська ئۆكرانی
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية