1. Ballina
  2. Kategoritë
  3. Vlerat dhe rregullat

Hadithi “Asnjë popull nuk ulet në ndonjë tubim ku nuk e përmendin Allahun dhe nuk dërgojnë salavate për Profetin e tyre, përveçse ai tubim do të jetë shkak pendimi për ta. Nëse do, Allahu i ndëshkon, e nëse do, i fal.”

عَنْ أَبِي هُرَيْرَةَ رضي الله عنه، عَنِ النَّبِيِّ صَلَّى اللَّهُ عَلَيْهِ وَسَلَّمَ قَالَ:
«مَا جَلَسَ قَوْمٌ مَجْلِسًا لَمْ يَذْكُرُوا اللَّهَ فِيهِ وَلَمْ يُصَلُّوا عَلَى نَبِيِّهِمْ إِلاَّ كَانَ عَلَيْهِمْ تِرَةً، فَإِنْ شَاءَ عَذَّبَهُمْ وَإِنْ شَاءَ غَفَرَ لَهُمْ».

Ebu Hurejra (Allahu qoftë i kënaqur me të!) transmeton se Profeti ﷺ ka thënë:
“Asnjë popull nuk ulet në ndonjë tubim ku nuk e përmendin Allahun dhe nuk dërgojnë salavate për Profetin e tyre, përveçse ai tubim do të jetë shkak pendimi për ta. Nëse do, Allahu i ndëshkon, e nëse do, i fal.”

Sahih رواه أبو داود والترمذي والنسائي في الكبرى Suneni i Tirmidhiut - 3380

Shpjegimi

Profeti ﷺ në këtë hadith paralajmëroi kundër shkujdesjes ndaj përmendjes së Allahut (dhikrit), duke thënë se asnjë grup njerëzish nuk ulet në ndonjë tubim ku nuk e përmendin Allahun e Lartësuar dhe nuk dërgojnë salavate për Profetin e Tij ﷺ, përveçse ai tubim do të jetë për ta burim pendimi, keqardhjeje, humbjeje dhe mangësie në Ditën e Gjykimit. Nëse Allahu do, i ndëshkon për mëkatet e tyre të shkuara dhe mangësitë e ardhshme, e nëse do, i fal ata nga mirësia dhe mëshira e Tij.

Mësime nga hadithi

  1. Inkurajimi për dhikrin (përmendjen e Allahut) dhe theksimi i vlerës së tij.
  2. Vlera e tubimeve në të cilat përmendet Allahu i Lartësuar dhe përmendet i Dërguari i Tij ﷺ dhe se tubimet në të cilat mungojnë këto, janë ogur i keq për pjesëmarrësit e tyre në Ditën e Gjykimit.
  3. Paralajmërimi kundër neglizhencës ndaj përmendjes së Allahut nuk kufizohet vetëm në tubime, por përfshin edhe gjëra të tjera. Neveviu ka thënë: “Është e papëlqyeshme që dikush të ulet në ndonjë vend dhe të largohet prej tij pa e përmendur Allahun e Lartësuar aty.”
  4. Pendimi që do ta përjetojnë në Ditën e Gjykimit është ose për shkak të humbjes së shpërblimit dhe të mirësive për mosshfrytëzimin e kohës në bindje ndaj Allahut, ose për shkak të përfitimit të mëkatit dhe të ndëshkimit për harxhimin e kohës në kundërshtim ndaj Tij.
  5. Nëse ky paralajmërim është për pakujdesinë që vjen nga gjëra të lejueshme, atëherë çfarë të thuhet për tubimet e ndaluara, që përfshijnë përgojim, bartje fjalësh dhe ndalesa të tjera?!

Shfaq përkthimet

45 Gjuha
EN English Anglisht
UR اردو Urdu
ES Español Spanjisht
ID Indonesia Indonezisht
BN বাংলা Bangalisht
TR Türkçe Turqisht
RU Русский Rusisht
BS Bosanski Boshnjakisht
SI සිංහල Sinhalisht
HI हिन्दी Indisht
ZH 中文 Kinezisht
FA فارسی Persisht
VI Tiếng Việt Vietnamisht
TL Tagalog Tagalogisht
KU Kurdî Kurdisht
HA Hausa Hausaisht
PT Português Portugalisht
ML മലയാളം Melejalemisht
TE తెలుగు Gjuha telugu
SW Kiswahili Sevahilisht
TA தமிழ் Tamilisht
MY မြန်မာ Burmisht
TH ไทย Tajlandisht
DE Deutsch Gjermanisht
PS پښتو Gjuha Pashto
AS অসমীয়া Asamisht
SV Svenska Suedisht
AM አማርኛ Emherisht
NL Nederlands Hollandisht
GU ગુજરાતી Guxhratisht
NE नेपाली Nepalisht
PRS دری Darisht
SR Српски Serbisht
RO Română Rumanisht
HU Magyar Hungarisht
MOS Moore الموري
MG Malagasy Malagasisht
KN ಕನ್ನಡ Kannadisht
WO Wolof الولوف
UK Українська Ukrainisht
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية