1. سه‌ره‌كی
  2. پولینكرن
  3. The Creed

فه‌رمووده‌ كوڕێ ئاده‌می؛ مسوگه‌ر هندی تو دوعا ژ من بكه‌ی و داخوازێ ژ من بكه‌ی و ته‌ هیڤی ب دلۆڤانییا من هه‌بن؛ ئه‌ز دێ گونه‌هێن ته‌ ژێبه‌م و ئه‌ز گرنگییێ ب گونه‌هێن ته‌ ناده‌م خۆ چه‌ند د مه‌زن ژی بن

عَنْ أَنَسِ بْنِ مَالِكٍ رضي الله عنه قَالَ:
سَمِعْتُ رَسُولَ اللهِ صَلَّى اللَّهُ عَلَيْهِ وَسَلَّمَ يَقُولُ: «قَالَ اللَّهُ تَبَارَكَ وَتَعَالَى: يَا ابْنَ آدَمَ إِنَّكَ مَا دَعَوْتَنِي وَرَجَوْتَنِي غَفَرْتُ لَكَ عَلَى مَا كَانَ فِيكَ وَلاَ أُبَالِي، يَا ابْنَ آدَمَ لَوْ بَلَغَتْ ذُنُوبُكَ عَنَانَ السَّمَاءِ ثُمَّ اسْتَغْفَرْتَنِي غَفَرْتُ لَكَ، وَلاَ أُبَالِي، يَا ابْنَ آدَمَ إِنَّكَ لَوْ أَتَيْتَنِي بِقُرَابِ الأَرْضِ خَطَايَا ثُمَّ لَقِيتَنِي لاَ تُشْرِكُ بِي شَيْئًا لأَتَيْتُكَ بِقُرَابِهَا مَغْفِرَةً».

ژ ئه‌نه‌سێ کوڕێ مالكی (خودێ ژێ ڕازی بیت) گۆت:
من گوھ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بوو دگۆت: ((خودایێ مه‌زن گۆت: كوڕێ ئاده‌می؛ مسوگه‌ر هندی تو دوعا ژ من بكه‌ی و داخوازێ ژ من بكه‌ی و ته‌ هیڤی ب دلۆڤانییا من هه‌بن؛ ئه‌ز دێ گونه‌هێن ته‌ ژێبه‌م و ئه‌ز گرنگییێ ب گونه‌هێن ته‌ ناده‌م خۆ چه‌ند د مه‌زن ژی بن. كوڕێ ئاده‌می؛ مسوگه‌ر ئه‌گه‌ر گونه‌هێن ته‌ بگه‌هنه‌ عه‌ورێن ئه‌سمانی، پاشی تو داخوازێ ژ من بكه‌ی ئه‌ز گونه‌هێن ته‌ ژێببه‌م؛ ئه‌ز دێ گونه‌هێن ته‌ ژێبه‌م و ئه‌ز گرنگییێ ب گونه‌هێن ته‌ ناده‌م خۆ چه‌ند د مه‌زن ژی بن. كوڕێ ئاده‌می؛ مسوگه‌ر ئه‌گه‌ر تو ب پڕی ئه‌ردی ب گونه‌هڤه‌ بهێیه‌ ده‌ڤ من و پاشی بگه‌هییه‌ من و ته‌ چ شریك و هه‌ڤال بۆ من دروست نه‌كربن؛ ئه‌ز دێ ب پڕی ئه‌ردی لێبوورین و ژێبرن بۆ وان گونه‌هانڤه‌ هێمه‌ ده‌ڤ ته‌)).

حسن رواه الترمذي سنن الترمذي - 3540

شرۆڤه‌كرن

پێغه‌مبه‌ری (صه‌لات و سه‌لامێن خودێ ل سه‌ر بن) گۆتییه‌ كو خودایێ مه‌زن د فه‌رمووده‌یه‌كا قودسیدا گۆتییه‌: كوڕێ ئاده‌می؛ هندی تو دوعا ژ من بكه‌ی و داخوازا دلۆڤانییا من بكه‌ی و تو بێهیڤی نه‌بی؛ ئه‌ز ژی دێ گونه‌هێن ته‌ ڤه‌شێرم و دێ ژێبه‌م و بۆ من نه‌یا گرنگه‌ گونه‌هێن ته‌ چه‌ند د مه‌زن بن، خۆ ئه‌گه‌ر ئه‌ڤ گونه‌هه‌ ژ گونه‌هێن مه‌زن ژی بن. كوڕێ ئاده‌می؛ ئه‌گه‌ر گونه‌هێن ته‌ هند زێده‌ لێ بهێن كو د ناڤبه‌را ئه‌رد و ئه‌سمانیدا تژی بكه‌ن، وه‌سا كو بگه‌هنه‌ به‌رپه‌ڕێن ئه‌سمانان و هه‌می ڕه‌خ و دۆرێن ئه‌رد و ئه‌سمانان بگرن، پاشی تو داخوازێ ژ من بكه‌ی ئه‌ز وان گونه‌هان بۆ ته‌ ژێببه‌م؛ ئه‌ز دێ گونه‌هێن ته‌ هه‌مییان بۆ ته‌ ژێبه‌م و بۆ من نه‌یا گرنگه‌ گونه‌هێن ته‌ چه‌ند گه‌له‌ك ژی بن.
كوڕێ ئاده‌می؛ ئه‌گه‌ر پشتی مرنێ تو هاتییه‌ ده‌ڤ من و ته‌ تژی ئه‌ردی گونه‌ھ كربن، به‌لێ تو ل سه‌ر ته‌وحید و ئێكتاپه‌رستییێ مربی و ته‌ چ شریك و هه‌ڤال بۆ من دروست نه‌كربن؛ ئه‌ز ژی دێ ل به‌رامبه‌ری ڤان هه‌می گونه‌هێن تژی ئه‌ردی هێمه‌ ده‌ڤ ته‌ ب لێبوورین و ژێبرنا گونه‌هان، چونكی ژێبرنا من بۆ گونه‌هان گه‌له‌ك یا به‌رفره‌هه‌ و ئه‌ز هه‌می گونه‌هان ژێدبه‌م، ب تنێ شرك تێنه‌بیت.

ژ مفایێن فه‌رمووده‌یێ

  1. به‌رفره‌هییا دلۆڤانییا خودایێ مه‌زن و به‌رفره‌هییا ژێبرنا وی بۆ گونه‌هان و قه‌نجی و باشییا وی.
  2. قه‌در و بهایێ ته‌وحیدێ، و كو خودێ هه‌می گونه‌هێن مرۆڤێن ئێكتاپه‌رست ژێدبه‌ت.
  3. مه‌ترسی و مه‌زناهییا شركێ، و كو خودێ ل مرۆڤێن موشرك نابووریت و گونه‌ها وان ژێنابه‌ت.
  4. ئبن ڕه‌جه‌ب دبێژیت: ڤێ فه‌رمووده‌یێ ئه‌و هه‌رسێ ئه‌گه‌ر بخۆڤه‌ گرتینه‌ یێن گونه‌ھ ب وان ژێدچن: یێ ئێكێ: دوعاكرن د گه‌ل هه‌بوونا هیڤییان، یێ دووێ: داخوازا ژێبرنا گونه‌هان و ته‌وبه‌كرن. یێ سێیێ: مرن ل سه‌ر ته‌وحیدێ.
  5. ئەڤ فه‌رمووده‌یە ژ وان فه‌رمووده‌یانە یێن کو پێغەمبەرێ خودێ (صەلات و سەلامێن خودێ ل سەر بن) ژ خودایێ خۆ ڤه‌دگێڕیت و ب فه‌رمووده‌یا قودسی یان ئیلاهی دهێتە ناڤکرن، فه‌رمووده‌یا قودسی ژی ئەوە یا کو ئاخڤتن و ڕامانا وێ ژ ده‌ڤ خودێ بیت، ب تنێ ئه‌و نه‌بیت کو ئه‌و تایبەتمەندییێن قورئانێ تێدا نینن یێن کو ب وان ژ یێن دی جودا بوویە، ژ كرنا عیباده‌تی ب خواندنا وێ و هه‌بوونا ده‌ستنڤێژێ بۆ خواندنا وێ و هه‌ڤڕكیكرن و قه‌بخواستن و موعجیزه‌بوون و ژ بلی ڤان.
  6. گونه‌ھ سێ جۆرن: ئێك: شریك دروستكرن بۆ خودێ، و خودێ ڤێ گونه‌هێ ژێنابه‌ت، خودایێ مه‌زن دبێژیت: ﴿إِنَّهُ مَن يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ ﴾ [ سورة المائدة: 72]، ئانكو: ((هه‌ر كه‌سێ شریكه‌كی بۆ خودێ په‌یدا بكه‌ت؛ ئه‌ڤه‌ مسوگه‌ر خودێ به‌هه‌شت ل سه‌ر وی حه‌رامكر )). دوو: زۆڕداریكرنا مرۆڤی ل نه‌فسا خۆ و كرنا گونه‌هه‌كێ كو یا د ناڤبه‌را مرۆڤی و خودایێ مرۆڤیدا، خودێ ڤێ گونه‌هێ ژێدبه‌ت و ئه‌گه‌ر بڤێت ل خودانی دبووریت و لێ ناگریت. سێ: هنده‌ك گونه‌هێن دی یێن هه‌ین؛ خودێ خۆ ئێكێ ناهێلیت و دێ تۆلا هه‌مییان ڤه‌كه‌ت، ئه‌و گونه‌ھ ژی ئه‌ڤه‌نه‌ ده‌مێ مرۆڤان زۆڕداری ل ئێكودوو كربیت؛ ل ڤێرێ دڤێت تۆلا وان ل ئێكودوو بهێته‌ ڤه‌كرن.

نیشاندانا وه‌رگێڕانان

60 زمان
EN English الإنجليزية
UR اردو الأوردية
ES Español الإسبانية
ID Indonesia الإندونيسية
BN বাংলা البنغالية
FR Français الفرنسية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
JA 日本語 اليابانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча القيرقيزية
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
CS Čeština التشيكية
MOS Moore الموري
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
AZ Azərbaycan الأذربيجانية
UZ O‘zbek الأوزبكية
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
BM Bambara البامبارية
PA ਪੰਜਾਬੀ البنجابية
MR मराठी الماراثية
DA Dansk الدنماركية
RN Kirundi الكيروندي
MS Bahasa Melayu الملايو