Hɑdiis-rãmbã sõdgre
723
Ned ning sẽn wa yãmb nengẽ tɩ yãmb zemsa taab ne naab a yembre, n rat n na n welg yãmb zamã wã, bɩ y kʋ-a
Kẽng a nengẽ n tʋg n yeel-a; ad fo ka Bugum ned ye, la ad fo yaa arzãn neda
{Rẽ poorẽ b na sok yãmba, raaren-kãngã, neema wã yelle.}
Ad neb n na n zĩndi, zamaan yaoolem mam poorẽ dãmbẽ wã, n yẽsd yãmb ne kibay nins yãmb sẽn ka wʋme, y yaab-rãmb ka wʋme, bɩ y gũus y mens ne-ba
Gʋlse, tɩ m wẽen ne Naab Ning mam yõorã sẽn be a soab nugẽ wã, ad bũmb ka yit a pʋgẽ tɩ sã n ka sɩd ye
Mam waa Nabiyaamã nengẽ (Wẽnd pʋʋsg la A tɩlgr be a yĩnga), n rat n na n tuubi, t'a kɩt tɩ mam so ne koom la mugnuga
yãmb ɑ nebã, ad mam maana woto, sẽn na yɩlẽ tɩ y tũnug , la y zãms mam Pʋʋsgã
Yãmb sã n wʋm boollã, bɩ y yeel wala laandãanã sẽn yet to-to wã
Ad sẽn be wẽeng rãmbã pʋgẽ, yaa neb nins dũni yikrã sẽn na n paam-b tɩ b ket n vɩ, la neb nins sẽn rɩk yaadã tɩ yaa miisa
, Wẽnd kẽed-a-la arzãna a sẽn tʋg n tʋm tɩ yaa a soab fãa gilli
Ad Wẽnd, (A Naam yɩ wagell n zẽke), A gɩdgda yãmb y yaab-rãmbã wẽenego
Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome
Dũni wã ka yikd halɩ tɩ zãmaanã
Ned ning sẽn yaga maam ne pʋ-toogo, bɩ a bao a gãag zĩig Bugumẽ wã
tɩ tõnd yeele: foom la tõnd zu-soaba, tɩ Nabiyaamã yeele: «ad zu-soabã yaa Wẽnde», tɩ tõnd leb n yeele: foom n leb n yɩɩd tõnd ne yɩɩdlem n leb n yɩɩd tõnd ne kũuni, 'ta yeele: «yeel-y wala yãmb sẽn da yeta bala, maa yeel-y rẽ sãnda, la y ra bas t'a sʋɩɩtãan tak yãmb n kẽng wẽngẽ ye
m saam-bila, yeele: Laɑ ɭlɑɑhɑ ɩllɑl-Lɑɑh (soɑb sẽn tũud n tɩlg kɑe rẽndɑ Wẽnde), yaa gom-bil m sẽn tõe n tall-a n gom n sõng foom Wẽnd nengẽ
Yii Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) t'a yeela Ansaar-rãmbẽ wã: «ned ka yɩt b nonglem rẽnda sɩd-kõta, ned ka gẽed-b me rẽnda munaafɩka, ned ning sẽn yɩ b nonglem Wẽnd yɩta a nonglem, la ned ning sẽn gẽ-ba, Wẽnd gẽed-a lame
t'a maan Nabiyaamã (Wẽnd pʋʋsg la A tɩlgr be a yĩnga
mam ra soodame, maam la Nabiyaamã (Wẽnd pʋʋsg la A tɩlgr be a yĩnga) laok a yembr pʋgẽ, tɩ tõnd d yiibã fãa tar Gεnaabo, la a ra yɩɩme n sagend maam, tɩ mam sẽgne n sẽbe, t'a saagd maam tɩ mam tar Pekre
M balma Wẽnd Tẽn-tʋʋma (Wẽnd pʋʋsg lɑ A tɩlgr be ɑ yĩngɑ) ne m na maan kaset tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsg yalesgo, la Zak kũuni, la m wʋm la m tũ la m maan pʋ-peelem ne lɩslaam fãa
Zoe-y Wẽnde yãmb Soabã, la y pʋʋs y wakat a nu wã, la y loe y Kiuugã la y kõ y arzεgsã Zakã , la y tũ yellã taoor-rãmbã, tɩ y kẽeda y Soabã arzãna
wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore
bõe la d na n tik n balam foom? T'a yeele: «Yaa y tũ Wẽnde, la y ra maan lagem-n-taar ne Wẽnd baa fʋɩ ye, la y pʋʋs wakat a nu wã la y tũ, -la a solga gom-bila- la y ra bõos nebã baa fʋɩ ye
Ned sã n pʋʋs zama pʋgẽ, a yel-sõmdã yɩɩda ned sẽn na n pʋʋs a zakẽ, la a sẽn na n pʋʋs a raagẽ pisi la saare
Bũmb ka be t'a zɩslem yɩɩd muumin peesgã laok pʋgẽ dũni wã yikr raare, n yɩɩd zʋg sõng ye, ad Wẽnd kisa zʋg wẽng soab sẽn yaa gom-be-neda
Ad Nabiyaamã (Wẽnd pʋʋsg lɑ A tɩlgr be ɑ yĩngɑ) a yii tõnd nengẽ raar a yembre, tɩ tõnd yeele: Wẽnd Tẽn-tʋʋmã, ad tõnd bãnga d sẽn ningd foom sallem to-to ninga, la d na n pʋʋs-f-la wãn-wãnɑ?
la m wẽen ne mam yõorã sẽn be Naab ning nugẽ wã yãmb na n zomba sẽn reng-b yãmb tɑorã sore
Tɩ raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n gom ne-a yεl sãnda pʋgẽ, t'a yeele: "Wẽnd sã n sake tɩ fo sake", tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeel-a: «fo rɩka maam ne Wẽnd n maan tɩ yaa yembre? Yeele: Wẽnd A Yembr sã n sɑke
yeele: Laa ɩlaaha ɩllallaahʋ, wahdahʋʋ, laa šarɩɩka lahʋʋ, Allaahʋ Akbarʋ kaṯɩɩran; wal hamdʋ lillaah kaṯɩɩran, sʋbhaanallaahɩ Rabbi Al-ʿAalamiina, laahawla walaa ƙuwwata illaa billaahɩ Al-ʿAzɩɩzɩ Al-hakɩɩmɩ
Muumin ning sẽn karemda Alkʋrãanã bilgri, yaa wala Ʋtrʋga tɩ-bila, a yũugã noomame la a rɩɩbã me noomame, la muumin ning sẽn ka karemda Alkʋrãanã bilgri yaa wala tamarʋ bila, a ka tar yũug ye la a rɩɩbã noomame
Zɩkr-rãmb n be, tɩ b yεt ka bõn ye -b maanda- faril fãa poorẽ, yaa Sʋbhaanallaah pis-tã la a tã, la Al-hamdu lillaah pis-tã la a tã, la Allaahʋ Akbarʋ pis-tã la a tã
Adam-biig yagsa maam, la ka sõmb ne-a t'a rag n yags Maam ye, a tʋʋ Maam, la rẽ rag n ka sõmb ne-a ye
Kõbg a yiib sẽn yi Bugum koambẽ wã, mam ka yã b buud lae, yaa nebã b tara sãbse, tɩ yaa wala yʋgmã zʋya tɩ b pãbd nebã ne-ba, la pagba sẽn yeelge n yaool n yaa bεεla, n toeemd rao yam, n kẽnd n kɩlledẽ
Tõnd rag n ka geend bendã maa rõodã, d sẽn yɩlg Pekr poorẽ tɩ yaa baa fʋɩ ye
Zĩndi, fo Pekrã sẽn rag gɩd foomã tεka, rẽ poorẽ, rasem-kãensã sã n loog bɩ f so
Koom soob arzũn raarã yaa tɩlae ne baalik fãa, la a wãb sɩgdre la a ning yũ-noogo t'a sã n paame
no-loeerã sã n wa bɩ f maan ʿƲmra, bala ʿƲmrã wã no-loeerã pʋgẽ, a zema hagiimdu
Wẽnd Tẽn-tʋʋma, tõnd neeme tɩ Gɩhaadɩ sõblem n yɩɩd tʋʋmã fãa, rẽ yĩnga, d ka na n maan gɩhaadɩ? Tɩ Nabiyaamã yeele: «ayo ad Gɩhaadi somblem sẽn tʋg n yɩɩd yaa hagiimd sẽn manege
Ned ning sẽn zabda n rat tɩ Wẽnd yʋʋrã zẽk n yɩɩdã, yẽ soab bee Wẽnd sorã zugu
ad mam ka kɩt tɩ y wẽene, tɩ m rõt-y lame yĩng ye, la a d Gibriil waa mam nengẽ, n togs maam, tɩ Wẽnde, (A Naam yɩ wagell n zẽke) A pugda malεgsã ne yãmba
zems-y soaf-rãmbã ne taaba, ad Soaf-rãmbã tẽesgã bee Pʋʋsgã pidsg pʋgẽ
Muumin rao ka sõmb n kisg muumin poak ye, a sã n kisg zʋgd a nengẽ, a na n yara zʋdg a to
Mam rag n bee ne Nabiyaamã (Wẽnd pʋʋsg lɑ A tɩlgr be ɑ yĩngɑ), t'a wa tʋg n ta neb tãmpʋʋrẽ, n rʋʋde, t'a yaa sẽn yãse
Rẽ yĩnga, m ka na n togs yãmbã, yẽsg sẽn kẽed ne a Dagεεl yelle, Nabiyaam baa a yembr ka tol n yẽs a nebã ne-a? La ad a yaa nin-feoogo, la ad a na n waame n tar wala arzãn la Bugum buudu
Tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) a rag n yɩɩme t'a sã n pʋʋse, a welgda a nusã ne taab sʋka, halɩ t'a pɩgs a yiibã peelem wa vẽnege
Wakɩr sẽn tʋg n yɩɩd ned sẽn yãkd-a n kõtẽ, yaa wakɩr fo sẽn na n rɩk-a n rɩlg f zak rãmba, la wakɩr fo sẽn na n rɩk n rɩlg f bõn-zoɑmdg sẽn na n tall n zab Wẽnd sorã pʋga, la wakɩr fo sẽn na n rɩk-a n rɩlg f tũud-n-taas Wẽnd sorã pʋga
Gεnaab koom soob sɩfa
Yãmb na n pʋga neb nins sẽn reng yãmb taoorã na-kẽndre, nug-yakemd la nug-yakemde, la kãntɩɩg la kãntɩɩga
Longr ka be, liu-n-bogr ka be, kolonkoog kelem beed ka be ye, ki toog ka be, la f zoe n zãag wõod soaba, wala f sẽn zot n zãagd bõnyẽega
Ad nebã sã n yã wẽgda, n ka gɩdg-a, keta bilf tɩ Wẽnd gũbg b fãa gilli, ne sɩbgr sẽn yi A nengẽ
A põsame t'a sã n sɩdge
Yõor tẽg yã, yõor tẽg yã, rẽ poorẽ yõor tẽg yã», tɩ b yeele, yaa ãnda Wẽnd Tẽn-tʋʋmã? T'a yeele: «ned sẽn na n mik a rogdb a yiibã, b kãseng sasa, b yiibã yembr, maa b yiibã fãa, n ka kẽ arzãn ye
Ad welgdbã põsame
Lɩslaamã b sã n sok-a yaoogẽ wã, la a sẽn maan kaset tɩ soab sẽn na n tũ n tɩlg ka be rẽnda Wẽnde, la a Mʋhammad yaa Wẽnd Tẽn-tʋʋma
Tɩ pag la b mik tɩ b kʋ-a lame Nabiyaamã Zabã sãnda pʋgẽ (Wẽnd pʋʋsg la A tɩlgr be a yĩnga), tɩ Nabiyaamã (Wẽnd pʋʋsg la A tɩlgr be a yĩnga) sãbs rẽnda, n tõdg tɩ b ra kʋ pagbã la kom-bãanegã ye
a gɩdga pʋlenga, la a yeele: «Ad a ka wat ne sẽn yaa sõmã ye, la ad b yiisda pʋlengã beed soab nengẽ
Ned ning sẽn yelga Harɩɩr fuug dũni kaanẽ, a ka na n yeelg-a yaoolem raarã ye
Ad sẽn be Gɩhaadɩ bεdã pʋga, yaa sɩd-gomd naab sẽn yaa wẽgd taoore
Tɩ raoa n sok Nabiyaamã (Wẽnd pʋʋsg la A tɩlgr be a yĩnga) dũni wã yikr yelle, n yeele: dũni yikr yaa rabʋre? T'a yeele: «La yaa bõe la fo seglg dũni yikr yĩngã?
Laa ɩlaaha ɩlla Allaah= soab sẽn na n tũ sɩd-sɩd ka be, sã n pa Wẽnd ye, wɩɩbd be ne laarab-rãmb ne yel-wẽng sẽn kolge, b paka a Yaaguug la a Maaguug gɩdrã rũndã wala wãndɩ
Nabiyaamã, (Wẽnd pʋʋsg la A tɩlgr be a yĩnga) a yɩɩme, t'a yãn-zoεεgã yɩɩd pa-kuil sẽn be a solgr pʋgẽ, la a sã n yã bũmb a sẽn kisi, tõnd bãngda rẽnda a nengẽ wã
Ned sã n kos Wẽnd n dɑt n ki Wẽnd sorã zug ne sɩda, Wẽnd taasd-a-la Šʋhadaa'-rãmb dargε zĩigẽ, baa t'a sã n maan kaalem a pĩirã zugu
B na n waa ne raoa dũni yikr raarã, n lob-a Bugmẽ wã, t'a yãadã yi a pʋgẽ wã, t'a gilgd ne-a wala boang sẽn gilgd neerã
Yãwã yaa kugr b sẽn lob Bugmã pʋga hal yʋʋm tus-pis-yopoe, masa la a lʋɩt Bugmã pʋgẽ, n tãag a tεkẽ wã
Ned ning sẽn segl teed n kõ zabd Wẽnd sorã zugu, sɩd la hakɩɩka a zabame, la ned ning sẽn ledsa zabd Wẽnd sorã zugu a zakẽ wã, sɩd la hakɩɩka a zabame
Ned ning b sẽn mong yol-yole, b mong-a-la yel-sõmde
Ned ning sẽn yõka koom, n maneg a koomã yõgbo, rẽ poorẽ t'a wa arzũmã Pʋʋsgo, n kelge la a sĩndi, b yaafd-a lame bũmb ning sẽn be yẽ la arzũmã sʋka la b paas rasem a tãabo
M pa na n wilg-y sẽn yaa sõma ne yãmba n yɩɩd sõgna? Yãmb sã n kẽng y gãagẽ wã, maa y kẽng n na n kɩlle, bɩ y sabbɩh noor a pis-tã la a tãabo, la y pẽg Wẽnde, noor pis-tã la a tãabo, la y maan takbɩɩre noor pis-tã la a naase, ad wãnde la sõma ne yãmb n yɩɩd sõgna
Wẽnd Tẽn-tʋʋmã, (Wẽnd pʋʋsg la A tɩlgr be a yĩnga), ra yɩɩme n yɩɩd nebã ne kũuni, la a kũunã sẽn tʋg n yɩɩda, yaa Ramadaan pʋgẽ, a sẽn wat n yeka a Gibriila
Ned ning sẽn wẽen n yeel a wẽenegẽ wã: ne a Laat la a ʿƲzzaa, bɩ a yeele: "Laa ɩlaaha ɩlla Allaah= soab sẽn na n tũ sɩd-sɩd ka be, sã n pa yɩ ne Wẽnde", la ned ning sẽn yeel a tũud-n-taag: wa tɩ m maan tεntεεg ne-fo, bɩ a maan doaaga
Yãmb mii talg bɩɩ?
Yãmb ned baa a yembr ka be rẽndame tɩ Wẽnd gom ne-a, no-rεεs ka na n zĩnd b sʋk ye
Ned ning sẽn yẽsɑ tɩ mɑɑm n yeele, n neẽ t'a yaa zĩri, rẽnd nin-kãng naaga zĩri-be-nebã
rag n yɩɩme t'a sã n kẽ miisrã, a yetame: «Aʿʋʋzʋ Billaahɩ Al-ʿAẓɩɩm, Wabɩ waghɩhɩɩ Alkarɩɩm, wa sʋlṭaanɩhɩɩ Alƙadɩɩm, Min Aš-šayṭaan Arragɩɩm= m kota gũudum ne Wẽnd sẽn Zɩsã, la ne A Nengã sẽn yaa Wagellã, la A Naamã sẽn yaa kʋdrã, n yi a sʋɩtãan b sẽn lobã
Wẽnde (A Naam zẽk yã) A na n yeela Bugum koɑmbã nang sẽn yɩɩdɑ valeng dũni yikr raarã: rẽ yĩnga fo sã n rag n tarẽ bũmb ning sẽn be Tẽngã gilli, f rag n na n yaoome n põs bɩɩ? T'a yeele: n-yee
Ad Wẽnde (A Naam yɩ wagell n zẽke) na n yeela arzãn koambã: arzãn koamba? D sak yã, m sɑk F yĩngɑ, tɩ Wẽnd yeele: rẽ yĩnga yãmb maana yardo? Tɩ b yeele: bõe n tar tõnd tɩ d ka na n yare, tɩ sɩd la hakɩɩka F yaool n kõo tõndo F sẽn ka kõ ned Fo bõn-naandsẽ wã?
Lɩslaam ka be, sẽn na n yõg koom, n maneg a koomã yõbgo, rẽ poorẽ t'a yik n pʋʋs Rakaar a yiibu, n ning a toaag ne rakaar yiibã, rẽndame tɩ arzãnã yɩ waagib ne-a
Ra wẽen-y ne rʋbsã ye, la ra wẽen-y ne saam-rãmbã me ye
Roapã soaf-rãmbã sẽn yɩɩd sõmblem yaa b rẽenemẽ wã, la pagbã soaf-rãmb sẽn yɩɩd sõmblem yaa b baasgẽ wã
ad Pʋʋs bãmb b yiibã n yɩɩd zɩsg ne munaafɩgsã, la b sã n rag n miẽ bũmb ning sẽn be b yiibã pʋgẽ wã, b rag n na n wa-b lame baa tɩ na n yɩ ne vũnungu b rũmã zutu
Wẽnd Tẽn-tʋʋmã, ad a Saʿad ma wã maana kaalem, la yaa bõe doaag n yɩɩd sõmblem? Tɩ Tẽn-tʋʋmã yeele: «Yaa koom», a yeele: t'a tu bulga, la a yeele: woto yaa a Saʿad ma n so
ʿAbbaase, Wẽnd Tẽn-tʋʋmã saambɩba, kos Wẽnd laafɩ dũni la laagre
Ad bãmbã b yiibã yaa haraam ne mam zãmã wã rapa, n yaa halaal ne b pagbã
A gɩdga we-rũng sẽn tar yẽna fãa, la sẽn tar na-yẽese soɑb fãa liuuliẽ wã
Ad Wẽnd ka sakd tʋʋmde, rẽndame tɩ yaa sẽn yɩ Yẽ yĩng bala, n baood A Nengã
Nabiyaam ka be Wẽnd sẽn tʋms-a zama pʋgẽ, sẽn reng mam taoore, rẽndame t'a tall a zamã wã pʋgẽ Hawariyyʋʋmba (pʋgdba), la Ṣahaabs sẽn rɩkda a Sunnah la b pʋgd a sagellã
B kõo maam yεl a nu, b pa reng n kõ-b ned mam taoor ye
Yãmb yembr sã n seg a ma-biig sẽn yaa lɩslaam bɩ a ning-a sallem, la tɩɩga maa lalga maa kugr sã n lill b yiibã sʋka, rẽ poorẽ t'a yek-a bɩ a ning-a sallem yεsa
A sʋɩtãan loeta yãmb ned fãa kãarẽ, a sã n gõe, loees a tãabo, a yembr fãa wẽedɑ yʋn-wok fo zug, n yeele bɩ f gãande
Mam sega a ɭbraahɩɩm yʋng ning b sẽn kẽnes maamã, t'a yeele: Mʋhammad, taas f zãmã wã mam sallem, la kõ-b kibar tɩ ad arzãnã tomã yaa sõma, a koomã yaa noogo
Y sã n yã kiuugã bɩ y loe noorã, la y sã n leb n yã-a bɩ y lok noore, la sawat sã n lud yãmbã bɩ y sõd-a
Ra kʋ-a ye, ad fo sã n kʋ-a, a be fo zĩigẽ wã taoor tɩ fo na n ka kʋ-a wã, la fo me na n zĩnda a zĩigẽ wã a sẽn wɑ n na ka yeel a gomd ningã a sẽn yeel-a
Mam na n kõo tap-kao-kãngã raoa, sẽn nong Wẽend la A Tẽn-tʋʋmã, Wẽnd na n paka sẽn tũ ne a nugu
Kelg-y la y tũ, ad roga bãmb zugu b sẽn dogl-ba, la roga yãmb me zugu b sẽn rogl yãmbã
Lɩslaam tʋʋr yaa dĩin yiibu la a zab ne-a yaa kɩfẽndo
Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã
Ka be tõnd pʋgẽ ned ning sẽn pãba yεgdse la a pars a fut la a kot Zɩɩlem rãmb kosgã
Yãmb ned ning sẽn na n wa arzũm (Pʋʋsg) bɩ a so koom
Beed soaba, yaa b sẽn tẽeg mam yʋʋr a soab nengẽ, t'a pa pʋʋs maam ye
Ned ning sẽn kẽngda miisrẽ yibeoog maa zaabre, Wẽnd segenda a yĩngã zĩndig zĩiga arzãnã pʋgẽ, wakat fãa a sẽn yi yibeoogo maa zaabre
M Soab A Wẽnde, yaaf-ma m sẽn tudgi la m sẽn zɩ la m maan-n-zʋʋkã m yellã fãa pʋgẽ, la Fo sẽn mi bũmb ninga n yɩɩd maam. M Soab A Wẽnde, yaaf-ma m sẽn tudgi la m pʋ-toogo, la m zɩɩlem la m reem, la woto fãa gill yii mam nengẽ. M Soab A Wẽnde, yaaf-ma m sẽn tʋm tɩ reng taoore, lɑ m sẽn yɑoolge, lɑ m sẽn solge la m sẽn vẽnege, Foom A Wẽnd la Lʋɩɩs taoor Naaba, la Foom la Yaoolgda, la Foom la bũmbã fãa gill Tõogda
M Soab A Wẽnde, m kot-F-la gũudum n yi Fo neemã wã wa gõbg n bas-ma la Fo laafɩ wã wa wẽnems m bas-ma, la Fo sɩbgrã lingri, la Fo gẽegã fãa
M Soab A Wẽnde, m kot-F-la gũudum n yi samd wilbu, la bε wilbu, la bεεb laada
Yeele: m Soab A Wẽnde, kãndg maam, la F rems-ma. La f tẽeg kãndgrã n yeel "Fo sẽn peegd n tʋgd so-tɩrgã, la remsmg wala kãnd remsgã
Rɩk f nugã n rogl zĩig ning sẽn zabd fo yĩngẽ wã, n yeele: "bismillaah" noor a tãabo, la f yeel noor a yopoe: "Aʿʋʋzu bɩ Llaahɩ wa ƙʋdratɩhɩɩ min šarri maa agidu wa ʋhaazɩru = m kot gũudum ne Wẽnd la A tõogã n yi zabdem ning mam sẽn wʋmd la m gũusdẽ wã wẽnga
Ned kõn n kẽ Bugmẽ wã, ned sẽn pʋʋsa taoor tɩ wĩndgã na n ka puki la taoor t'a na n ka lʋɩ
Ned ka be sẽn na n ning maam sallem, rẽndame tɩ Wẽnd lebs mam yõorã, tɩ m lebs a soabã pʋʋsgã
Boaand n boond n yetẽ: arzãn koambã ad yãmb na n talla laafɩ, n ka na n tol n bẽ lae ye, y na n vɩɩmdame n ka tol n ki lae, ad yãmb na n yɩɩ rasãmba, n ka na n kʋʋl lae, y na n yɩɩ neemã rãmba, sũ-sãang kõn n paam-y lae
Arzãn koambã sã n kẽ arzãna, Wẽnd yetame (A Naam zẽk yã): yãmb rata bũmb tɩ M paas-y bɩɩ?
Yãmb ned fãa sã n yõg koom n ning a na-wʋʋdo bɩ a pʋʋs ne-ba la a saag b yiibã n pʋʋse, la rẽ poorẽ a rɑ yãk b yiibã t'a sã n tʋlla, sã n ka gεnaab sababo
Mam ka tol n yã Nabiyaamã (Wẽnd pʋʋsg la A tɩlgr be a yĩnga) t'a wɩsg a meng n laadẽ, halɩ tɩ b yã a ragsendakã ye, la a laadã rag n yaa no-yõgengo
Yãmb ned kɑm fãɑ sã n yã zãmsd tɩ noom-a, bɩ a bãng tɩ yii Wẽnd nengẽ, bɩ a pẽg Wẽnde, la a yẽs zãmsdã, la a sã n yã sẽn ka woto, sẽn ka noom-a bɩ a bãng tɩ yii a sʋɩɩtãan nengẽ, bɩ a kos gũudum n yi zãmsdã wẽngã la a ra togs zãmsdã ned baa a yembr ye, tɩ rẽnda ka namsd-a ye
Ned ning sẽn zãa kom-pugli a yiibu halɩ tɩ b lebg baaligsi, a soab wata dũni yikr raarã maam ne yẽnda» la a mobg a nus-biisã taaba
Raar ka be yembsã sẽn na n vẽeg beoogo, rẽndame tɩ malεgs a yiib sigi, tɩ yembr yetẽ: m Soab A Wẽnde! Kõ sẽn yãkda n nafdẽ ledsgo. T'a yembrã yetẽ: m Soab A Wẽnde! Kõ sẽn gãdã (beed soaba) sãangã
Rẽ yĩnga, m ka na n kõ yãmb arzãn kẽedbã kibare? Ad yaa nin-valenga b sẽn valemds a soaba, a sã n wẽen ne Wẽnd t'a na maneg yelle, a sɩd manegdame. Rẽ yĩnga m ka na n kõ yãmb kibare ne Bugum koambã: yaa koko-kεgeng soaba, sẽn yaa rɩ-toog soaba n yaa waoog-m-meng soaba
Mam mii gomde, t'a sã n yεεl-a, Wẽnd na n sεεsa sẽn be ne-a wã, a sã n yeele: m kot gũudum ne Wẽnde, n yi a sʋɩɩtãana, Wẽnd loogda ne bũmb ninga sẽn be ne-a wã
Zãms sõng yii Wẽnd nengẽ, la zãms zaala a yii a sʋɩɩtãan nengẽ, yãmb ned fãa sã n wa tʋg n zãms zãmsd ning n yεεsd-a bɩ a tʋbs a goabgã wεεngẽ la a kos gũudum n yi a wẽngã, tɩ ad rẽnda a ka namsd-a ye
Mam yeelame, Wẽnd Tẽn-tʋʋma, d maanda a wãn n põse? T'a yeelae: « Yõk f zelemdã, pa f zakẽ wã la f kũm f zũnuubã
Mam bee M yambã tẽ-sõng pʋga, M bee ne-a a sẽn wat n tẽegd Mam yʋʋrã
Mam soka a Aaɩša n yeele: yaa ne bõe la Nabiyaamã (Wẽnd pʋʋsg la A tɩlgr be a yĩngɑ) ra sɩngd ne t'a sã n wa kẽ a zakẽ wã? La a yeel yã: yaa ne sɩgdre
Yamb ka maand yamb sʋtr dũni-kãngã pʋgẽ, rẽndame tɩ Wẽnd maan-a sʋtr dũni yikr raarã
Yãmb ned fãa ra wa maan kaalem rẽndame tɩ yẽnda yaa sẽn manegd a tẽeb ne Wẽnde
Sã n mikame tɩ fo yaa wala fo sẽn yeelã, bɩ f bãng tɩ yaa wala fo fẽeg-b-la tom-pegl-tʋʋlga, la sõngr ka na n bak n be ne foom sẽn yi Wẽnd nengẽ, tɩ fo wil-ba tɩ fo sã n yaa woto bala
Yamb nao a yiibã ka be sẽn na puk Wẽnd sorã yĩngã tɩ Bugum leb n sɩɩs-b ye
Neb ka be sẽn na n zĩnd zĩigẽ, n ka tẽeg Wẽnd yʋʋrã beenẽ, rẽndame tɩ b yik wala bõang gɩfo, zĩnd-kãngã me na n yɩɩ bõn ne-ba
Ned ning sẽn tẽegd a Soabã yʋʋrã yellã, la ned ning sẽn ka tẽegdã, yaa wala vɩt la kiida
Ad maam bũmb ning mam sẽn yεεsd yãmb zugu, ad yaa b sẽn na n wa pak n kõ yãmb dũni tɩ-puugu la a faas teoogã
Ned ning sẽn wa n nong n rat tɩ Wẽnd gũ-a n yi dũni yikr raarã keelemã, bɩ a yols keelem soaba, maa a bas samdã tɩ lʋɩ a zugu
Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole
B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã
Ad a sʋɩɩtãan wãaaga a tẽeb tɩ Pʋʋsdb wa tʋg n tũ-a Laarab-rãmbã zamãanẽ, la a na n kẽesa mo-yõsr b sʋka
Yãmb ned a yembr ra wa tʋg n pʋʋsd fuug a yembr pʋgẽ, tɩ baa fʋɩ ka be a bãg peedẽ wã ye
Fo sã n maan suguudu, bɩ f rɩgl f tal a yiibã la f zẽk f kãntɩɩs a yiibã
Mam lagema Nabiyaamã n pʋʋse, (Wẽnd pʋʋsg la A tɩlgr be a yĩngɑ), la a ra ningda sallemã a rɩtg wεεngẽ: «"Assalaamu ʿalaykum wa rahmatʋllaah wa barakaatʋhʋʋ", Tɩlgr be ne yãmba la Wẽnd yolsgã la A barkã» la a goabg wεεngẽ «"Assalaamu ʿalaykum wa rahmatʋllaah", Tɩlgr be ne yãmba la Wẽnd yolsgã
Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) yeela a Abuu Bakr la a Ʋmar: «bãmbã b yiibã la arzãn kom-pogse, rẽenem rãmbẽ la yaoolem rãmbẽ, sã n ka nabiyaam-rãmbã la tẽn-tʋʋmbã
A Hasan la a Hʋsayn, bãmb b yiibã yaa arzãnã rasãmb zu-raado
Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum
Wẽnd ka get raoa sẽn kẽ ne raoa maa ne paga a we-kεεngẽ wã ye
Ned ning sẽn wa n tar pagb a yiibu, t'a kɩll n kẽng a yembrẽ wã, a wata dũni yikr raarã t'a bogrã yaa sẽn kɩlle
Nebã ka bakd n be sõma pʋgẽ, tɩ b sã n yãg ne no-kaoorã
Tõnd rag n yiisda Zakaat al-fɩtrã, Wẽnd Tẽn-tʋʋm (Wẽnd pʋʋsg la A tɩlgr be a yĩnga) sẽn wa n be tõnd pʋgẽ, bi-bilf la kãsem fãa zugu, burkĩn maa yamb fãa zugu, saawall sẽn yaa rɩɩbo, maa saawall sẽn yaa bĩis-koεεnga, maa saawall sẽn yaa Sa'ɩɩre (ki), maa saawall sẽn yaa Tamarʋ, maa saawall sẽn yaa sib-koeemse
Tõnd rɩɩ sugrã rɩɩb ne Nabiyaamã (Wẽnd pʋʋsg la A tɩlgr be a yĩnga), rẽ poorẽ t'a yik n kẽng Pʋʋsgã, tɩ mam yeele: wakatã sẽn da be laandãanã ne sugrã rɩɩb sʋkã yaa wãnã? T'a yeele: yɑɑ Aayae pis-nu kɑreng alkadre
Ra yãg-y n lʋɩɩs Ramadaanã n loe raar a yembre, maa rasem a yiib ye, sã n ka ned ning sẽn da maanda no-loeere, bɩ a loe
Ka sõmb ne paga sẽn yaa lɩslaama, t'a tog sore, yʋng kẽnde, rẽndame tɩ rao n be ne-a, sẽn yaa a zʋʋ mahram (a sẽn ka tõe n fur a soaba)
Gẽes-y Laylat al-ƙadrã rasem-pi-yaoogã ra-lugmã pʋgẽ, Ramadaanã kiuug pʋgẽ
M yãame tɩ yãmb zãmsdã zemsa taab rasem yopoe baasdgẽ wã, rẽnd ned ning sẽn na n bao-a bɩ a bao-a rasem a yopoe baasdgẽ wã
Yãmb a neba! Tuub-y n tʋg Wẽnd nengẽ, tɩ ad mam lebgdame n tʋgd Wẽnd nengẽ raar pʋgẽ noor koabga
Ad Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a zãaga a meng n yi kaas poaka la põnd poaka la pãrs poaka
Ad ɭsraεl koambã, yaa nabiyaam-rãmb n rag n yaa b taoor rãmba, nabiyaam sã n halk fãa, nabiyaam n ledsd-a, la ad nabiyaam ka be mam poorẽ ye, la ad lεdsdb n na n zĩnd mam poorẽ, b na n wʋsgame
Ad tũudum tẽn-kũum sasa yaa wala ned sẽn na n maan higra n tʋg mam nengẽ
Tɩ Wẽnd Nabiyaamã (Wẽnd pʋʋsg la A tɩlgr be a yĩnga) a rag yeta keelem sasa: «Laa'ɩlaaha ɭllallaah Al-ʿazɩɩm Al-halɩɩm, Laa'ɩlaaha ɭllallaah Rabbʋ Al-ʿarš Al-ʿazɩɩm, Laa'ɩlaaha ɭllallaah Rabbʋ As-Samaawaat wa Rabbʋ Al-arḍ wa Rabbʋ Al-ʿArš Al-karɩɩm= Soab sẽn na n tũ n tɩlg ka be rẽnda Wẽnde, sẽn yaa na-zɩsgo, sẽn yaa sugr Soaba, soab sẽn na n tũ n tɩlg ka be rẽnda Wẽnde, sẽn yaa Al-arš zɩsgã Soabã, soab sẽn na n tũ n tɩlg ka be rẽnda Wẽnde, sẽn yaa saasã la Al-arš wagellã Soabã
Nabiyaamã (Wẽnd pʋʋsg la A tɩlgr be a yĩnga) ka pʋʋs Pʋʋsgo, Wẽnd koεεg sẽn sig poorẽ: {Wẽnd sõngrã ne A pakrã sã n wa} [An-naşr (Sõngrã sʋʋra)], rẽndame t'a yeel a Pʋʋsgã pʋgẽ: «Sʋbhaanaka Rabbanaa wa bihamdika, Allahumma ɩgfɩrlɩɩ= F Naam yɩlg yã d Soabã, d pẽgd-Fo, d Soabã A Wẽnde, yaaf-ma
Yãmb yembr fãa sã n yaamse, bɩ a mobg a noorã ne a nugã, bala a sʋɩɩtãan kẽeda beenẽ
Lɩslaam hakε sẽn zao a lɩslaam taag yaa a yoobe» Tɩ b yεεl-a: bãmb la bʋse Wẽnd Tẽn-tʋʋmã? La a yeele: «F sã n seg-a bɩ f ning-a sallem, la a sã n bool-f bɩ f sak-a, la a sã n kos-f sagls bɩ f maan-a pʋ-peelem, la a sã n tĩsi n pẽg Wẽnd bɩ f yeel-a: Yarhamuka Allaah= Wẽnd na yols-fo, la a sã n bẽ bɩ f kaag-a, la a sã n maan kaalem bɩ f yãag-a
Wẽnd ka get ned ning sẽn vuug a fuug waoog-m-meng yĩng ye
Ned ning sẽn wa n tʋg n reeg lɩslaam hakε ne wẽenego, rẽnd Wẽnd maaname tɩ Bugum yaa tɩlae ne a soabã, la A gɩdga arzãnã a zugu» tɩ rao yeel-a: baa yaa bũmb bilfu Wẽnd Tẽn-tʋʋmã? La a yeel yã: «Baa yaa bilf wala ra-wãbdga
Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ra yɩɩme n yet a suguudẽ wã «Allaahumma agfɩrlɩɩ Zanbɩɩ kulluhuu, dɩƙƙahuu wa gillahuu, wa Awwalahuu, wa Aaẖɩrahuu, wa ʿAlaaniyatahuu wa sirrahuu=m Soab A Wẽnde! Yaaf-ma n yi m zũnuubã, a fãa gilli, a kɩdgã la a bedrã, la a wʋsgã, la rẽenemã, la a yaoolemã, la sẽn vẽnegã la sẽn solgã
Ad kãab-toogã rãmbã b ka yɩt dũni yikr raarã seetba, b ka yɩt sugsdba
Ad yãmb Soabã yaa yãn-Zoεta n yaa Kõta, A zoeta yãnd ne A yamba t'a sã n zẽk a nus a yiibã n tʋg A nengẽ t'A lebs b yiibã zaalem
Neb ka zĩndid zĩigẽ, n ka tẽeg Wẽnd yʋʋrã a pʋgẽ, la b ka pʋʋs Nabiyaamã, rẽndame t'a yɩ bõn ne-ba, Wẽnd sã n tʋlla t'A sɩbg-ba, la A sã n tʋlla, A yaafdame n bas-ba
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a ra yɩɩme n nong doos nins sẽn tigimã la a basd zẽng sẽn ka rẽ
Ra tʋ-y segbã, yãmb sã n yã bũmb ning y sẽn kisa, bɩ y yeele: d Soab A Wẽnde, ad tõnd kota Foom sẽn be seb-kãngã sõmã wã la sõmã ning sẽn be a pʋgẽ, la b sẽn sagl-a ne bũmb ningã sõma, la d kota gũudum n yi seb-kãngã wẽngã la wẽng ning sẽn be a pʋgẽ wã la wẽng ning b sẽn sagl ne-a wã
Yãmb ned fãa ra wa yeele: m Soab A Wẽnde, yaaf-ma tɩ F sã n rata, yols maam tɩ F sã n rata, rɩlg maam tɩ F sã n rata. La a sã n na n kos bɩ a kos vẽenega, tɩ ad Wẽnd maanda A sẽn rate, modgd ka be ne-A ye
Ad ned paam yõ-tẽgre, b sẽn tẽeg maam a nengẽ t'a ka pʋʋs maam ye, ad paam yõ-tẽgre, Ramadaan sẽn kẽ-a soaba n tʋg n sε tɩ b ka yaaf-a ye, paam yõ-tẽgre ned ning kʋʋlem sẽn ta a roagdb a yiibu, tɩ b ka yɩ sabab n kẽes-a arãnã
Ned ning sẽn loe raar fãa, a ka loe ye, rasem a tãab no-loeerã, yaa zãmaanã fãa no-loeere
Yaa bõe n tar neb tɩ b yet tɩ woto la woto? La ad mam pʋʋsdame la m gãandedẽ, la m loet noore la m kaoodẽ, la m loet pagb furi, rẽnd ned ning sẽn basa mam Sũnnah, a ka be mam sagellã tũudum pʋgẽ ye
Lɩslaamb a yiib ka be n yek taab n yõk taab nusi, rẽndame tɩ b yaafa b yiibã zũnuuba, taoor tɩ b na n ka welg taaba
Ned ning sẽn kaaga bãada, t'a kũumã ka ta, n yeel a nengẽ noor a yopoe: "As'alʋ Allaah Al-ʿazɩɩm, Rabbi Al-arš Al-ʿazɩɩm, an yʋšfɩyaka= m kota Wẽnd sẽn yaa Zɩsgã, sẽn yaa Al-arš-Zɩsgã Naabã, t'A maag f bãagã" Rẽndame tɩ Wẽnd sik-a n yi bã-kãngã
Tɩ Adam-biisã sũyã fãa bee A nus a yiib sʋka sẽn yi Arrahmaan Naab nus-biisẽ wã, tɩ yaa wala sũur a yembre t'A leebd-a, A sẽn rate
B ka kɩt tɩ Tẽn-tʋʋmã (Wẽnd pʋʋsg la A tɩlgr be a yĩnga) yãk yεl a yiib sʋka, rẽndame t'a yãk sẽn yɩɩda naanã wã soabã, tɩ zũnuub sã n ka be a pʋgẽ, la zũnuub sã n be a pʋgẽ, a rag n yɩɩme n yɩɩd nebã ne a zãagre
Wẽnd tigimada rẽenem rãmbã la yaoolem rãmbã zĩ-peell a yembr pʋga, tɩ boaandã wʋmsd-b fãa gilli, tɩ nin ne-b lame, tɩ wĩndgã pẽnege, tɩ nebã wa tʋg n ta keelemã la yɩɩgrã b sẽn ka tõe
Ad sɩd-kõt tara arzãnã pʋgẽ zãnd sẽn yaa sãnem sẽn yaa gõko, sẽn tar pʋga, a woglemã yaa Miil pis-yoobe (kilo kobg la zaka), sɩd-kõt tara zak rãmb beenẽ, tɩ b gilgd a nengẽ, tɩ b ka ne taab ye
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) kãaba rao sẽn na n yeelg pag yerem, la pag sẽn na n yeelg rap yerem
Ned ning sẽn wa n tara rũng n na n kogd kibsã, tɩ Zʋl Higga wã sã n puki, bɩ a ra leb n yãk a kõbdã, a ra yãk a na-yẽesã baa fʋɩ, halɩ t'a wa tʋg n kodge
Sãnem ne sãnem, la wanzur ne wanzuri, la Bʋrr ne Bʋrri la saʿɩɩr ne saʿɩɩr la tamarʋ ne tamarʋ, la yamsem ne yamsem, (tekdame) yembr fãa ne a to, tɩ zems taaba, kõ la reege, nug ne nugu, la kõb-kãensã sã n yõsa taaba, tɩ y na n koos ne taaba, bɩ y koos wala y sẽn tʋll to-to ninga, tɩ sã n yaa nug ne nugu, (kõ la reege)
Ned ning fãa sẽn yeel a ma-biig a to: kɩfrã, ad b yiibã yembr n sɩd tall gomdã, sã n mikame tɩ nedã yaa wala a sẽn yeelã, sã n ka woto, a na n lebg n waa yẽ zugu
Sẽn be na-kugã tẽngrã, sẽn yaa fusẽka, yaa Bugum pʋgẽ
B kʋʋgda nugu, Diinaar sẽn pʋi naas n yãk yembr poorẽ, la sẽn tar n rʋʋda
Ad sẽn reng-b yãmb taoore, raoa n da zĩnd n tall sãmpogre, t'a ka tõog n maan sugr ye, la a rɩk sʋʋg n pãrg a nugã, la zɩɩmã ka yalse halɩ t'a wa tʋg n ki, Wẽnd yeelame, (A Naam zẽk yã) Mam yambã yãgame n na n wa Mam nengẽ a toore, tɩ Mam maan arzãnã t'a yaa haraam ne-a
B ka pãbd ned n yɩɩg sãbsg piiga, sã n ka mikame tɩ yaa toadg maan-n-rolga (Hade) sẽn be Wẽnd Todsã pʋgẽ
Ned ning sẽn wa n tʋg n rik baaga, sã n ka gʋg baaga, maa rũms baaga, a tʋʋmã yel-sõmã boogda raar fãa ƙɩɩraat a yiibu
ad mam miime tɩ fo yaa kugri, f ka tõe n namse, la f ka tõe n nafe, la sã n ka mam sẽn yã Nabiyaamã (Wẽnd pʋʋsg lɑ A tɩlgr be ɑ yĩngɑ) t'a mokd foomã, m rag n kõn n mõk-f ye
Allaahumma laka aslamtu, wabika aamantu, wa ʿalayka tawakkaltu, wa ilayka anabtu, wabika ẖaasamtu, Allaahumma innii aʿʋʋzu bi ʿizzatika; laa ilaaha illaa anta an tuḍillanii, anta al-hayyʋ allazɩɩ laa yamuutu, wal-ǧinnu wal insu yamuutuuna =M soab a Wẽnde! M lebsa m meng Fo nengẽ, m zaba Fo yĩnga. M Soab A Wẽnd! M kot-F-la gũudum ne F zɩslemã, soab sẽn na n tũ n tɩlg ka be rẽnda Foom, tɩ F ra menes-m ye, Foom la Vɩt ning sẽn ka kiidã, la zĩn-rãmb la ninsaalbã kiidame
Lɩslaam sã n yõk koom - Maa sɩd-kõta- n pεk a nengã; zũnuub buud fãa, a sẽn gese ne a nengã, yitame n lagem ne koomã - maa n lagem ko-tosdmã baasdgã
Wẽnd Tẽn-tʋʋmã (Wẽnd yard be b yiibã yĩnga) ra yɩɩme n wilgd tõnd ɭstɩhaara (sõmã tũus-n-yãk baoob Pʋʋsgo), yεlã fãa pʋgẽ, wala a sẽn wilgd tõnd Alkʋrãanã sʋʋra
B sã n wa rɩglg kũum tɩ rapã rɩk-a b bãgdẽ wã, sã n mik tɩ yaa nin-sõngo, a yetame: yãg-y ne maam
Raoa n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n yeele: "Assalaamu ʿalaykum ", (tɩlgr be ne yãmbɑ), tɩ Nabiyaamã lebsa a pʋʋsgã, rẽ poorẽ t'a zĩndi, tɩ Nabiyaamã (Wẽnd pʋʋsg lɑ A tɩlgr be ɑ yĩngɑ) yeele: «piiga
Ad fo yeela gomde, b sã n rɩk-a n gẽdg ne mogrã koom, a na gẽdg-a
Abaa Saʿɩɩde! Ned ning sẽn yara Wẽnde tɩ yaa Soaba, la lɩslaangã tɩ yaa dĩini, la a Mohammad tɩ yaa Nabiyaamã, arzãn yaa tɩlae ne-a
Ned ning sẽn yeela tɩ "Sʋbhɑɑnɑ Allɑɑh Al-ʿazɩɩm wɑ bi hɑmdihii= yɩlgemd be ne Wẽnde, sẽn yaa Zɩsgo n lagem ne A pẽgre" b senda tamar tɩɩg n kõ-a arzãnã pʋgẽ
B pẽnegda wĩntoogã dũni yikr raarã bõn-naandsã zutu, halɩ t'a wa lebg wala Miil alkadre,
Ges-y neb nins sẽn be yãmb tẽngrã, la y ra ges neb nins sẽn be yãmb yĩngrã ye, rẽnda n pẽ n yɩɩd tɩ yãmb ra wa paoog Wẽnd neemã wã sẽn be yãmb zugã
Ad mam yeela mam sẽn bas foomã poorẽ, gom-biis a naase, noor a tãabo, b sã n rɩk-b n na n mak ne fo sẽn yeel raarã, a na zɩsg n yɩɩd-ba
Azhib al-ba'sa, rabbi an-naasi, wa ašfɩ, anta aš-šaafɩɩ, laa šɩfaa'a illaa šɩfaa'aka, šɩifaa'an laa yʋgaadirʋ saƙaman= Loog ne bãagã, Fo sẽn yaa nebã Soabã, la F sigsi, tɩ ad Foom la Tɩpda, tɩpg ka be rẽnda fo tɩpgã, bɩ F tɩp-a tɩpg sẽn ka loogd n bas bãaga
Ad sẽn tʋg n be yãmb pʋgẽ, sẽn tʋg n noom maam n yɩɩda, n leb n yɩɩd pẽnegr ne maam zĩndug zĩigẽ dũni wã Yikr raare, yaa yãmb sẽn yɩɩda ne zʋg-sõma
Wakɩr fo sẽn rɩk n naf Wẽnd sõrã pʋgẽ, la wakɩr fo sẽn rɩk n ra yamb n bas burkĩndi, la wakɩr fo sẽn rɩk n maan sara ne miskɩɩna, la wakɩr fo sẽn rɩk n rɩlg f zakã rãmba, b sẽn yɩɩd ne keoor yaa fo sẽn rɩk n rɩlg f zakã rãmbã
Sɩd la hakɩɩka ned ning põs yã, sẽn saka n tũ lɩslaango, la Wẽnd lok-a rɩtl sẽn zemse, la A leb n kõ-a sek-m-meng ne A sẽn kõ-a bũmb ningã
Ned ning sẽn vẽega beoogo n tar laafɩ a yĩnsẽ, la bas-m-yam a mengẽ, n tar a raarã rɩɩbo, yaa wala b koola dũni wã fãa n kõ yẽnda
Bɩ f ra maan maam kaset tɩ mam ka maan kaset ne wẽgd ye
Yãmb ka tar bas-m-yam ne maam, tɩ sẽn be-A saasẽ wã yaool n tar bas-m-yam ne maam, saagã kibar wata mam nengẽ yibeoog la zaabre
No hadiths match your search.
