Buudɑ gomdã
  1. Zu-raoogã
  2. Sagsã
  3. Yelsõmã lɑ zʋgd-rãmbã

Hadiisɑ Ned ning sẽn zãa kom-pugli a yiibu halɩ tɩ b lebg baaligsi, a soab wata dũni yikr raarã maam ne yẽnda» la a mobg a nus-biisã taaba

Yelsõmã lɑ zʋgd-rãmbã Yɩɩdlem-rãmba Tʋʋm-sõmbsã yɩɩdlem-rãmba

عَنْ أَنَسِ بْنِ مَالِكٍ رضي الله عنه قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«مَنْ عَالَ جَارِيَتَيْنِ حَتَّى تَبْلُغَا جَاءَ يَوْمَ الْقِيَامَةِ أَنَا وَهُوَ» وَضَمَّ أَصَابِعَهُ.

Yii a Anas ɭbn Maalik nengẽ, (Wẽnd yard be a yĩnga), a yeelame: Wẽnd Tẽn-tʋʋm, (Wẽnd pʋʋsg la A tɩlgr be a yĩnga) yeelame:
«Ned ning sẽn zãa kom-pugli a yiibu halɩ tɩ b lebg baaligsi, a soab wata dũni yikr raarã maam ne yẽnda» la a mobg a nus-biisã taaba.

Naṣʋn Ṣahɩɩhʋn (Gom-sikdem sẽn manege) A Muslim n togs-a Ṣahɩɩh Muslim - 2631

welsgã

Nabiyaamã (Wẽnd pʋʋsg la A tɩlgr be a yĩnga) kõo kibare, tɩ ned ninga b sẽn wa n lok-a ne kom-pugli a yiibu, maa tão-pogs a yiibu, t'a yik n yals ne b musakã la b wubrã la b kiblgã, n tʋg yel-sõmse, n gɩdg-b n yi yel-wẽnse la sẽn wõnd rẽ, halɩ tɩ b wa bɩ n lebg baaligsi, a wata dũni yikr raarã, tɩ yẽnda la Nabiyaamã (Wẽnd pʋʋsg la A tɩlgr be a yĩnga) tɩ b yaa wala bãmbã b yiibã, la a mobga a nus-biis a yiibã, nus-bi-tεεsdgã la tẽng-n-sʋgrã.

Sẽn be Hɑdiisã yõod-rãmbẽ

  1. Yel-sõmd kẽeng ning sẽn be ne ned ning sẽn yalsa ne kom-pugli wã wubri, halɩ tɩ b furi maa tɩ b lebg baaligsi, woto bala la tão-pogsã.
  2. Wilgda keoor ning sẽn be yik n yals ne kom-pugli wã wubrã a yɩɩda sẽn be kom-ribli wã zãabã, bala b ka togs yel-sõm-kãngã buudu kom-ribli wã wubrẽ ye, la rẽnda yaa tɩ kom-pugli wã musakã la ning f toaag ne b yεlã a yɩɩda kom-ribli wã yεla, bala kom-pugli wã b yaa yãna b ka tõe n yik ne b yεlã fãa gill ye, b leb n ka tõe n maan wala kom-ribli wã sẽn maandã ye, woto bala yaa tɩ ba wã a ka rɩkda a tẽeb n rogl b zugu n rat n na n tik bãmb n paam pãnga a bεεb zug ye, la a leb n paam t'a yʋʋr pa, t'a buud leb n tong wala kom-ribli wã ye la zẽng sẽn ka rẽnda, rẽ n kɩt tɩ b rat sugr la pʋ-peelem ne ned ning sẽn na n yik n yals ne-ba n lagem ne Anniy sõngo, rẽ n kɩt tɩ b wubrã, a keoorã yaa zɩsgo, t'a na n yɩ Nabiyaamã (Wẽnd pʋʋsg la A tɩlgr be a yĩnga) tũud-n-taaga dũni yikr raarã.
  3. Pagã baaligimdã taab tagmas-rãmbã: yaa a sẽn na n pid yʋʋm piig la a nu, maa a yãa Pekre baa tɩ yʋʋm piig la a nu wã sã n ka ta, maa pendã kõbd bulbu, maa a zãmsame, yẽ me la mani sẽn na n yi gõeemẽ wã.
  4. Limaam Al-ƙurtubiy (Wẽnd na yols-a) a yeelame: b sẽn rat ne b baaligimdã yaa b yiibã sẽn wat n tʋg n ta wakat ninga b sẽn tõe n yals ne b mens yelle; la ad rẽnda yɩta pagbẽ wã halɩ tɩ b sɩdbã wa tʋg n kẽ ne-ba, la rẽ ka rat n yeel tɩ b taa baaligimdu halɩ tɩ b wa yã Hayd tɩ b yaool n rogl-b sãri tʋʋma, bala a tõeeme n furi taoor tɩ rẽ ka ta ye, n sek a menga ne sɩdã n yi a zãadã gesgo, wala a sẽn yã Pekre, tɩ yẽ na n ka sek a menga yel-manesdse, b sã n bas-a wakat-kãngã a na n yeebame t'a yεlã sãame, la ka woto yẽnda wakat-kãngã n sõmb ne b na ges a yelle la b gũus-a la b yals ne a yelle, sẽn na yɩl t'a zãabã kell n pidi, tɩ rapã tall yamleoog ne b na fur-a. Wãnde n kɩt tɩ d bãngdbã yeele tɩ bi-pugl rɩlgr ka lʋɩt n bas a saambã a sẽn wat n ta baalik ye, la yaa a sɩdã sẽn na n wa kẽ ne-a.

Wilg Goɑmã lebg-rãmbã

51 Buudɑ gomdã
EN English الإنجليزية
UR اردو الأوردية
ES Español الإسبانية
ID Indonesia الإندونيسية
UG ئۇيغۇرچە الأيغورية
BN বাংলা البنغالية
TR Türkçe التركية
RU Русский الروسية
BS Bosanski البوسنية
SI සිංහල السنهالية
HI हिन्दी الهندية
ZH 中文 الصينية
FA فارسی الفارسية
VI Tiếng Việt الفيتنامية
TL Tagalog تجالوج
KU Kurdî الكردية
HA Hausa الهوسا
PT Português البرتغالية
ML മലയാളം المليالم
TE తెలుగు التلغو
SW Kiswahili السواحيلية
TA தமிழ் التاميلية
MY မြန်မာ البورمية
TH ไทย التايلندية
DE Deutsch الألمانية
PS پښتو بشتو
AS অসমীয়া الأسامية
SQ Shqip الألبانية
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
YO Yorùbá اليوروبا
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda الكينياروندا
RO Română الرومانية
HU Magyar المجرية
MG Malagasy المالاجاشية
OM Oromoo الأورومو
KN ಕನ್ನಡ الكانادا
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
Sagsã
Pɑɑgã