1. ပင်မစာမျက်နှာ
  2. အမျိုးအစားများ
  3. ဖိကဟ်နှင့် ၎င်း၏စည်းမျဥ်းများ။

ဟဒီးဆ် အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) သည် ရမဿွာန်လ၏ နောက်ဆုံးဆယ်ရက်ဝင်ရောက်လာသော် ညကိုနိုးနိုးကြားကြား‌ နေတော်မူပြီး၊ မိမိ၏အိမ်သူအိမ်သားများကိုလည်း (ဝတ်ပြုရန်) နှိုးတော်မူ၏။ (ဝတ်ပြုကိုးကွယ်မှုတွင်) ကြိုးစားအားထုတ်တော်မူ၏။ ထို့ပြင် ခါးဝတ်ပုဆိုးကိုလည်း မြဲမြံစွာချည်နှောင်တော်မူ၏။

عَنْ عَائِشَةَ أُمِّ المُؤْمِنينَ رَضِيَ اللهُ عَنْهَا قَالَتْ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ إِذَا دَخَلَ الْعَشْرُ أَحْيَا اللَّيْلَ، وَأَيْقَظَ أَهْلَهُ، وَجَدَّ وَشَدَّ الْمِئْزَرَ.

ဤဘာသာပြန်ဆိုချက်ကို ပိုမိုသုံးသပ်ရန်နှင့် စစ်ဆေးရန်လိုအပ်သည်။.

မုအ်မင်န်တို့၏ မိခင်ကြီး အာအိရှဟ် (ရဿွိယလ္လာဟုအန်ဟာ) က ဆင့်ပြန်ခဲ့သည်။
အလ္လာဟ်အရှင်မြတ်၏ ရစူလ်တမန်တော် (ဆွလ္လလ္လာဟုအလိုင်ဟိဝစလ္လမ်) သည် ရမဿွာန်လ၏ နောက်ဆုံးဆယ်ရက်ဝင်ရောက်လာသော် ညကိုနိုးနိုးကြားကြား‌ နေတော်မူပြီး၊ မိမိ၏အိမ်သူအိမ်သားများကိုလည်း (ဝတ်ပြုရန်) နှိုးတော်မူ၏။ (ဝတ်ပြုကိုးကွယ်မှုတွင်) ကြိုးစားအားထုတ်တော်မူ၏။ ထို့ပြင် ခါးဝတ်ပုဆိုးကိုလည်း မြဲမြံစွာချည်နှောင်တော်မူ၏။

صحيح متفق عليه صحيح مسلم - 1174

ရှင်းလင်းချက်

တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) သည် ရမဿွာန်လ၏ နောက်ဆုံးဆယ်ရက်ဝင်ရောက်လာသော် အေဗာဒသ်ဝတ်ပြုမှုအမျိုးမျိုးဖြင့် တစ်ညလုံး နိုးနိုးကြားကြား‌ နေတော်မူပြီး၊ မိမိ၏အိမ်သူအိမ်သားများကိုလည်း ဆွလားသ်ဝတ်ပြုရန် နှိုးတော်မူ၏။ မိမိပုံမှန်လုပ်‌နေကျထက် ပို၍ ဝတ်ပြုကိုးကွယ်မှုတွင် ပိုမိုကြိုးစားအားထုတ်တော်မူ၏။ ဝတ်ပြုကိုးကွယ်မှုအတွက် အချိန်အပြည့်ပေးကာ မိမိ၏ဇနီးကြင်ယာ‌တော်များနှင့် ခွဲခွာနေတော်မူ၏။

ဟဒီးဆ်မှ သိမှတ်ဖွယ်ရာများ

  1. ၁။ မွန်မြတ်သောအချိန်ကာလများကို ကောင်းမှုကုသိုလ်များ ပြုလုပ်ခြင်းဖြင့် အခွင့်ကောင်း ယူရန် တိုက်တွန်းထားခြင်း။
  2. ၂။ နဝဝီက ဆိုသည်- ဤဟဒီးစ်တော်တွင် ပါရှိသည်မှာ- ရမဿွာန်လ၏ နောက်ဆုံးဆယ်ရက်တွင် ဝတ်ပြုကိုးကွယ်မှုများကို တိုးမြှင့်ပြုလုပ်ခြင်းသည် မွတ်စ်သဟဗ် ဖြစ်သည်။ ထိုဆယ်ရက်အတွင်းရှိ ညဉ့်များကို ဝတ်ပြုကိုးကွယ်မှုများဖြင့် နိုးနိုးကြားကြား‌နေခြင်းသည်လည်း မွတ်စ်သဟဗ် ဖြစ်သည်။
  3. ၃။ လူသားသည် မိမိ၏အိမ်သူအိမ်သားများကို ဝတ်ပြုကိုးကွယ်ရန် အမိန့်ပေးခြင်းဖြင့် အလေးထားဂရုစိုက်သင့်သည်။ ထို့ပြင် ၎င်းတို့အပေါ် စိတ်ရှည်သည်းခံရမည်။
  4. ၄။ ကောင်းမှုကုသိုလ်များ ပြုလုပ်ရာတွင် ဆုံးဖြတ်ချက်ခိုင်မာမှု၊ စိတ်ရှည်မှု၊ ဇွဲလုံ့လဝီရိယတို့ လိုအပ်သည်။
  5. ၅။ အိမာမ်နဝဝီက ဆိုသည်မှာ - ပညာရှင်များသည် ဤဟဒီးစ်ပါ (شدّ المِئزر) "ရှဒ္ဒလ်မိအ်ဇရ" (ခါးဝတ်ပုဆိုးကိုလည်း မြဲမြံစွာချည်နှောင်တော်မူ၏) ဟူသော စကား၏ အဓိပ္ပါယ်နှင့် ပတ်သက်၍ ကွဲလွဲကြသည်။ အချို့က တမန်တော်မြတ်(ဆွလ္လလ္လာဟုအလိုင်ဟိဝစလ္လမ်) သည် အခြားသောညများထက် ဤညများတွင် အေဗာဒသ်ခဝပ်ဆည်းမှုများကို ပိုမိုပြုလုပ်ခြင်းဖြစ်သည်ဟု ဆိုကြသည်။ ဤအဓိပ္ပါယ်အရ ဤစကားစုသည် အေဗာဒသ်ခဝပ်ဆည်းကပ်မှုအတွက် အသင့်ပြင်ဆင်ခြင်းနှင့် အားထုတ်ခြင်းကို ဆိုလိုသည်။ အာရဗီစကားတွင် (شَدَدْتُ لهذا الأمر مِئزري) "ရှဒဒ်သု လိဟာဇလ်အမရိ မိအ်ဇရီ" ဟု ဆိုကြပြီး "ဤကိစ္စအတွက် ကျွန်ုပ်၏ ခါးဝတ်ပုဆိုးကို မြဲမြံစွာချည်နှောင်လိုက်သည်" ဟု အဓိပ္ပါယ်ရသည်။ဆိုလိုသည်မှာ ထိုကိစ္စအတွက် ကျွန်ုပ်အဆင်သင့်ဖြစ်နေပြီ၊ အချိန်အပြည့်ပေးလိုက်ပြီ ဟု ဆိုလိုသည်။ အချို့က ဤစကားစုသည် အေဗာဒသ်ခဝပ်ဆည်းကပ်မှုတွင် အာရုံစူးစိုက်နိုင်ရန် ဇနီးသည်များနှင့် ခွဲခွာနေခြင်းကို ခိုင်းနှိုင်းပြောဆိုခြင်း ဖြစ်သည် ဟု ဆိုကြသည်။

ဘာသာပြန်များကို ကြည့်ရှုရန်

46 ဘာသာစကား
EN English အင်္ဂလိပ်
UR اردو အုရ်ဒူ
ES Español စပိန်
ID Indonesia အင်ဒိုနီးရှား
UG ئۇيغۇرچە ဝီဂါ
BN বাংলা ဘင်္ဂလီ
TR Türkçe တူရကီ
RU Русский ရုရှား
BS Bosanski ဘော့စနီးယား
SI සිංහල ဆင်ဟာလီ
HI हिन्दी ဟင်ဒီ
ZH 中文 တရုတ်
FA فارسی ဖါရစီ(ပါရှန်း)
VI Tiếng Việt ဗီယက်နမ်
TL Tagalog တဂ္ဂလော့
KU Kurdî ကာ့ဒ်
HA Hausa ဟောက်ဆာ
PT Português ပေါ်တူဂီ
ML മലയാളം မလေးရာလမ်
TE తెలుగు တေလဂူ
SW Kiswahili ဆွာဟီလီ
TA தமிழ் တမီးလ်
TH ไทย ထိုင်း
DE Deutsch ဂျာမန်
PS پښتو ပါရှ်တို
AS অসমীয়া အာသံ
SQ Shqip အယ်လ်ဘေးနီးယန်
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
NE नेपाली النيبالية
PRS دری الدرية
SR Српски الصربية
RO Română الرومانية
HU Magyar المجرية
MOS Moore الموري
MG Malagasy মালাগাসি
KN ಕನ್ನಡ কন্নড়
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية