1. హోమ్
  2. కూర్పులు
  3. సద్గుణాలు మరియు పద్దతులు

హదీస్ “పిసినారి ఎవరంటే, తన సమక్షములో నా ప్రస్తావన వచ్చినప్పటికీ నాపై అల్లాహ్ యొక్క శాంతి, శుభాలు మరియు దీవెనల కొరకు ప్రార్ధించని వాడు (దరూద్ పఠించనివాడు).”

عَنِ الحُسَينِ بنِ عَلِيٍّ بنِ أَبِي طَالِبٍ رضي الله عنهما قَالَ: قَالَ رَسُولُ اللهِ صَلَّى اللهُ عَلَيْهِ وَسَلَّمَ:
«الْبَخِيلُ مَنْ ذُكِرْتُ عِنْدَهُ فَلَمْ يُصَلِّ عَلَيَّ».

అల్ హుస్సేన్ ఇబ్న్ అలీ ఇబ్న్ అబీ తాలిబ్ (రదియల్లాహు అన్హుమా) ఉల్లేఖన: “రసూలుల్లాహ్ సల్లల్లాహు అలైహి వసల్లం ఇలా పలికినారు:
“పిసినారి ఎవరంటే, తన సమక్షములో నా ప్రస్తావన వచ్చినప్పటికీ నాపై అల్లాహ్ యొక్క శాంతి, శుభాలు మరియు దీవెనల కొరకు ప్రార్ధించని వాడు (దరూద్ పఠించనివాడు).”

ప్రామాణికమైన హదీథు అత్తిర్మిదీ, అన్నసాయీ కుబరాలో మరియు అహ్మద్ నమోదు చేసినారు: సునన్ అల్ కుబ్రా అన్నసాయీ - 8046

వివరణ

ఈ హదీథులో ప్రవక్త సల్లల్లాహు అలైహి వసల్లం తన పేరు గానీ, మారు పేరు గానీ లేక తన వర్ణన గానీ ప్రస్తావించబడినప్పుడు తనపై అల్లాహ్ యొక్క శాంతి, శుభాలు మరియు దీవెనల కొరకు ప్రార్థించకుండా (దరూద్ చదవకుండా) ఉండరాదని హెచ్చరించినారు. ఆయన సల్లల్లాహు అలైహి వసల్లం ఇలా అన్నారు: “అసలైన పిసినారి ఎవరంటే, ఎవరైతే నాపై అల్లాహ్ యొక్క శాంతి, శుభాలు మరియు దీవెనల కొరకు ప్రార్థించడో (దరూద్ చదవడో)”. దీనికి అనేక కారణాలున్నాయి:
మొదటిది: చిన్నదైనా, పెద్దదైనా తనకు ఎటువంటి నష్టమూ కలిగించని, మరియు దాని కొరకు అతడు ఎటువంటి ఖర్చూ చేయనవసరం లేని, ఎటువంటి కష్టమూ పడనవసరం లేని విషయంలో అతడు పిసినారిగా ప్రవర్తించినాడు.
రెండవది: అతడు తన పట్ల తానే పిసినారితనం చూపుకున్నాడు. తన ప్రవక్త సల్లల్లాహు అలైహి వసల్లం పై అల్లాహ్ యొక్క శాంతి, శుభాలు మరియు దీవెనల కొరకు ప్రార్థించుట (దరూద్ పంపుట) వలన అతనికి లభించే ప్రతిఫలం నుండి దూరమై పోయినాడు. ఎందుకంటే, ప్రవక్త సల్లల్లాహు అలైహి వసల్లంపై శుభాల కొరకు ప్రార్థించకుండా ఉండిపోయి తన పట్ల తానే పిసినారితనం చేసుకున్నాడు; ఆదేశపాలన చేయడం అతని పై ఉన్న విధి, ఆ విధిని నెరవేర్చకుండా దూరంగా ఉండిపోయాడు, తద్వారా అతనికి లభించే ప్రతిఫలం నుండి కూడా తనను తాను వంచించుకొన్నాడు.
మూడవది: ప్రవక్త సల్లల్లాహు అలైహి వసల్లం పై అల్లాహ్ యొక్క శాంతి, శుభాలు మరియు దీవెనల కొరకు ప్రార్థించడం, ఆయనకు మనపై ఉన్న హక్కులలో ఒకటి, ఎందుకంటే ఆయనే మనకు ధర్మాన్ని బోధించినారు, మనకు మార్గదర్శకం చేసినారు; సర్వోన్నతుడైన అల్లాహ్ వైపునకు మనకు పిలుపునిచ్చినారు; ఆయనే మనకు ఈ వహీని (దివ్యవాణిని) మరియు ఈ షరియత్ ను అందజేసినారు. మనకు సన్మార్గ దర్శకం లభించడానికి కారణం సర్వోన్నతుడైన అల్లాహ్ తరువాత ఆయన సల్లల్లాహు అలైహి వసల్లం మాత్రమే. కనుక ఎవరైతే ఆయన సల్లల్లాహు అలైహి వసల్లం పై అల్లాహ్ యొక్క శాంతి, శుభాలు మరియు దీవెనల కొరకు ప్రార్థించడో (దరూద్ పంపడో) అతడు తన పట్ల తాను పిసినారితనానికి పాల్బడినాడు, మరియు ప్రవక్త సల్లల్లాహు అలైహి వసల్లం యొక్క హక్కులలో ఒక కనీస హక్కును తీర్చడం పట్ల పిసినారితనం వహించినాడు.

من فوائد الحديث

  1. ప్రవక్త సల్లల్లాహు అలైహి వసల్లంపై అల్లాహ్ యొక్క శాంతి, శుభాలు మరియు దీవెనల కొరకు ప్రార్థించకుండా ఉండడం (దరూద్ పంపకుండా ఉండటం) పిసినారితనపు నిదర్శనాలలో ఒకటి.
  2. సర్వకాల సర్వావస్థలలో ఆరాధనకు మరియు విధేయతకు సంబంధించిన ఆచరణలలో ప్రవక్త సల్లల్లాహు అలైహి వసల్లం పై అల్లాహ్ యొక్క శాంతి, శుభాలు మరియు దీవెనల కొరకు ప్రార్థించడం (దరూద్ పంపడం) ఉత్తమమైనది, మరియు ఆయన సల్లల్లాహు అలైహి వసల్లం ప్రస్తావన వచ్చినపుడల్లా అలా చేయాలని నిర్ధారించ బడినది.
  3. ఇమాం అన్’నవవీ (రహిమహుల్లాహ్) ఇలా అన్నారు: “ఎవరైనా ప్రవక్త సల్లల్లాహు అలైహి వసల్లం కొరకు ప్రార్థించినట్లయితే అతడు అందులో శాంతి, శుభాలు మరియు దీవెనలు కలగాలని ప్రార్థించాలి (దరూద్ పంపాలి). అంతే కానీ, ఏదో ఒకదానితో సరిపెట్టరాదు. అంటే ఉదాహరణకు “సల్లల్లాహు అలైహి” (ఆయన(స) పై అల్లాహ్ యొక్క శాంతి మరియు శుభాలు కలుగు గాక) అని మాత్రమే పలకడం; లేదా “అలైహిస్సలాం” (ఆయన (స) పై అల్లాహ్ యొక్క దీవెనలను కురియుగాక అని మాత్రమే పలకడం. అలా చేయరాదు. పూర్తిగా “సల్లల్లాహు అలైహి వసల్లం” (ఆయన (స) పై అల్లాహ్ యొక్క శాంతి, శుభాలు మరియు అల్లహ్ యొక్క దీవెనలు కలుగుగాక) అని పలకాలి.
  4. సూరతుల్ అహ్’జాబ్ 33:56 ఆయతులో అల్లాహ్ అవతరింపజేసిన ఈ ఆయతు “إِنَّٱللَّهَوَمَلَٰٓئِكَتَهُۥيُصَلُّونَعَلَىٱلنَّبِيِّۚ” (ఇన్నల్లాహ వ మలాఇకతహూ యుసల్లూన అలన్నబియ్యి - నిశ్చయంగా అల్లాహ్, ఆయన దూతలు కూడా ప్రవక్త సల్లల్లాహు అలైహి వసల్లం పై ‘సలాం’ ను పంపుతున్నారు) ను గురించి అబూ అల్ ఆలియహ్ (రహిమహుల్లాహ్) ఇలా అన్నారు: “ఇందులో అల్లాహ్, ప్రవక్త సల్లల్లాహు అలైహి వసల్లం పై ‘సలాం’ ను పంపడం అంటే అల్లాహ్, ఆయన సల్లల్లాహు అలైహి వసల్లం ను ప్రస్తావించడం; అలాగే ‘మలాఇకలు’ (దైవదూతలు) ప్రవక్త సల్లల్లాహు అలైహి వసల్లంపై ’సలాం’ పంపడం అంటే ఆయన సల్లల్లాహు అలైహి వసల్లం కొరకు ప్రార్థించడం’ అన్నారు.
  5. అల్-హలీమీ (రహిమహుల్లాహ్) ఇలా అన్నారు: “అల్లాహుమ్మ సల్లి అలా ముహమ్మద్” యొక్క అర్థం “ఓ అల్లాహ్! ఆయన (స) పేరును ఉన్నతం చేయడం ద్వారా ఈ ప్రపంచములో ఆయన ప్రస్తావనను ఉన్నతం చేయి; ఆయన ధర్మాన్ని ప్రబలం చేయి; మరియు ఆయన షరియత్ ను పరిరక్షించు; అలాగే పరలోకములో: తన ఉమ్మత్ కొరకు సిఫారసు చేసే భాగ్యం ఆయనకు కలిగించు; మరియు ఆయన సల్లల్లాహు అలైహి వసల్లం కు నీ యొక్క ఘనమైన ఉదారత ద్వారా ఉత్తమమైన బహుమతిని మరియు ప్రతిఫలాన్ని ప్రసాదించు; ఆయన సల్లల్లాహు అలైహి వసల్లం కు “మఖామ్ అల్ మహ్’మూదహ్’ (స్వర్గములో ఉత్తమమైన, ప్రశంసా పూర్వకమైన స్థానం) ప్రసాదించుట ద్వారా మునుపటి మరియు తరువాతి తరాలకు ఆయన ఘనత, ఆధిక్యత గురించి తెలిసేలా చేయి; మరియు (ప్రళయ దినమున) ఒకే చోటికి చేర్చబడిన సన్నిహిత సాక్షులందరిపై ఆయనకు ప్రాధాన్యతను ప్రసాదించు.”

అనువాదాలను వీక్షించండి

51 భాష
EN English ఇంగ్లీషు
UR اردو ఉర్దూ
ES Español స్పానిష్
ID Indonesia ఇండోనేషియన్
UG ئۇيغۇرچە ఉయ్ఘర్
BN বাংলা బెంగాలీ
TR Türkçe టర్కిష్
RU Русский రష్యన్
BS Bosanski బోస్నియన్
SI සිංහල సింహళ
HI हिन्दी హిందీ
ZH 中文 చైనీస్
FA فارسی పర్షియన్
VI Tiếng Việt వియత్నమీస్
TL Tagalog టాగలాగ్
KU Kurdî కుర్దిష్
HA Hausa హౌసా
PT Português పోర్చుగీసు
ML മലയാളം మలయాళం
SW Kiswahili స్వాహిలీ
TA தமிழ் తమిళం
MY မြန်မာ బర్మీస్
TH ไทย థాయ్
DE Deutsch జర్మన్
PS پښتو పష్టో
AS অসমীয়া అస్సామీ
SQ Shqip అల్బేనియన్
SV Svenska السويدية
AM አማርኛ الأمهرية
NL Nederlands الهولندية
GU ગુજરાતી الغوجاراتية
KY Кыргызча Қирғизӣ
NE नेपाली النيبالية
LT Lietuvių الليتوانية
PRS دری الدرية
SR Српски الصربية
TG тоҷикӣ الطاجيكية
RW Kinyarwanda Кинёрвондӣ
RO Română الرومانية
HU Magyar المجرية
MOS Moore الموري
MG Malagasy Малагашӣ
OM Oromoo Урумӣ
KN ಕನ್ನಡ Канада
WO Wolof الولوف
UK Українська الأوكرانية
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية