1. Ballina
  2. Kategoritë
  3. Vlerat dhe rregullat

Hadithi “I Dërguari i Allahut ﷺ na ka urdhëruar shtatë gjëra dhe na ka ndaluar shtatë të tjera

عَنِ الْبَرَاءِ بْنِ عَازِبٍ رَضيَ اللهُ عنه قَالَ:
أَمَرَنَا رَسُولُ اللهِ صَلَّى اللهُ عَلَيْهِ وَسَلَّمَ بِسَبْعٍ، وَنَهَانَا عَنْ سَبْعٍ: أَمَرَنَا بِعِيَادَةِ الْمَرِيضِ، وَاتِّبَاعِ الْجَنَازَةِ، وَتَشْمِيتِ الْعَاطِسِ، وَإِبْرَارِ الْقَسَمِ، أَوِ الْمُقْسِمِ، وَنَصْرِ الْمَظْلُومِ، وَإِجَابَةِ الدَّاعِي، وَإِفْشَاءِ السَّلَامِ، وَنَهَانَا عَنْ خَوَاتِيمَ -أَوْ عَنْ تَخَتُّمٍ- بِالذَّهَبِ، وَعَنْ شُرْبٍ بِالْفِضَّةِ، وَعَنِ الْمَيَاثِرِ، وَعَنِ الْقَسِّيِّ، وَعَنْ لُبْسِ الْحَرِيرِ وَالْإِسْتَبْرَقِ وَالدِّيبَاجِ.

Bera ibn Azibi (Allahu qoftë i kënaqur me të!) ka thënë:
“I Dërguari i Allahut ﷺ na ka urdhëruar shtatë gjëra dhe na ka ndaluar shtatë të tjera. Na ka urdhëruar ta vizitojmë të sëmurin, ta përcjellim xhenazen, të lutemi për atë që teshtin, t’ia përmbushim betimin ose kërkesën e atij që na është betuar, t’i dalim në ndihmë të shtypurit, t’i përgjigjemi ftesës dhe ta përhapim selamin. Ndërkaq, na ka ndaluar unazën e arit (ose ka thënë: rrethin e arit), pirjen në enë argjendi, nga shalat dhe shtrojat e mëndafshta, veshjet e mëndafshta, si dhe nga veshja e armaçit, mëndafshit (të zakonshëm), dhe mëndafshit të vrazhdë (istebrak).”

Sahih Muttefek alejhi Sahihu i Muslimit - 2066

Shpjegimi

Profeti ﷺ i urdhëroi muslimanët me shtatë gjëra dhe i ndaloi nga shtatë të tjera: Ato që i urdhëroi janë: së pari, vizita e të sëmurit; së dyti, përcjellja e xhenazes, pjesëmarrja në namazin e të vdekurit, varrosja e tij dhe lutja për të; së treti, lutja për atë që teshtin dhe e falënderon Allahun duke i thënë: “Allahu të mëshiroftë”; së katërti, përmbushja e betimit të atij që betohet dhe besimi i tij, domethënë se nëse dikush betohet për një çështje dhe ti je në gjendje ta bësh atë të jetë e vërtetë, atëherë vepro ashtu; në mënyrë që të mos e detyrosh të shlyejë betimin e tij; së pesti, mbështetja e të shtypurit, duke e ndihmuar dhe duke penguar çdo dëm që i bëhet nga shtypësi, sipas mundësisë; së gjashti, përgjigjja ndaj ftesës për ushqim, si dasma, akika (therja e kafshës pas lindjes së fëmijës) ose raste të tjera të ngjashme; së shtati, dhënia e selamit, përhapja dhe kthimi i tij. Ndërsa ato që i ndaloi janë: së pari, mbajtja e unazave të arit dhe marrja e tij si zbukurim; së dyti, pirja në enë argjendi; së treti, ulja mbi mejathir, që janë shtroja prej mëndafshi që vendosen mbi shalën e kalit ose të devesë; së katërti, veshja e një rrobe prej liri të përzier me mëndafsh, e quajtur “kasij”; së pesti, veshja e mëndafshit; së gjashti, veshja e istabrakut, që është mëndafsh i trashë; dhe së shtati, veshja e dibaxhit, që është lloji më i mirë dhe më i çmuar i mëndafshit.

Mësime nga hadithi

  1. Sqarimi i disa të drejtave të një muslimani ndaj vëllait të tij musliman.
  2. Rregulli bazë është se çdo gjë në fe, qoftë urdhër apo ndalim, zbatohet për burrat dhe gratë, përveç nëse është përcaktuar si karakteristikë e burrave ose si karakteristikë e grave.
  3. Hadithe të tjera tregojnë se grave u ndalohet të përcjellin xhenazet.
  4. Hadithe të tjera tregojnë se grave u lejohet të mbajnë ar dhe mëndafsh.

Shfaq përkthimet

39 Gjuha
EN English Anglisht
UR اردو Urdu
ES Español Spanjisht
ID Indonesia Indonezisht
BN বাংলা Bangalisht
TR Türkçe Turqisht
RU Русский Rusisht
BS Bosanski Boshnjakisht
SI සිංහල Sinhalisht
HI हिन्दी Indisht
ZH 中文 Kinezisht
FA فارسی Persisht
VI Tiếng Việt Vietnamisht
TL Tagalog Tagalogisht
KU Kurdî Kurdisht
HA Hausa Hausaisht
PT Português Portugalisht
ML മലയാളം Melejalemisht
TE తెలుగు Gjuha telugu
SW Kiswahili Sevahilisht
MY မြန်မာ Burmisht
TH ไทย Tajlandisht
PS پښتو Gjuha Pashto
AS অসমীয়া Asamisht
AM አማርኛ Emherisht
NL Nederlands Hollandisht
GU ગુજરાતી Guxhratisht
PRS دری Darisht
SR Српски Serbisht
RO Română Rumanisht
HU Magyar Hungarisht
MOS Moore الموري
KN ಕನ್ನಡ Kannadisht
UK Українська Ukrainisht
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية