عَنْ أَبِي هُرَيْرَةَ رضي الله عنه قَالَ:
كَانَ رَسُولُ اللهِ صَلَّى اللهُ عَلَيْهِ وَسَلَّمَ يَسِيرُ فِي طَرِيقِ مَكَّةَ، فَمَرَّ عَلَى جَبَلٍ يُقَالُ لَهُ جُمْدَانُ، فَقَالَ: «سِيرُوا هَذَا جُمْدَانُ، سَبَقَ الْمُفَرِّدُونَ» قَالُوا: وَمَا الْمُفَرِّدُونَ يَا رَسُولَ اللهِ؟ قَالَ: «الذَّاكِرُونَ اللهَ كَثِيرًا وَالذَّاكِرَاتُ».

Ebu Hurejra (Allahu qoftë i kënaqur me të!) tregon:
"Teksa i Dërguari i Allahut ﷺ po ecte rrugës për në Mekë, kaloi pranë një kodre që quhej Xhumdan dhe tha: 'Ecni, se ky është Xhumdani! Kanë përparuar muferridunët!' - Cilët janë muferridunët, o i Dërguari i Allahut? - pyetën ata. - 'Ata burra dhe ato gra që e përmendin Allahun shumë', - tha Pejgamberi ﷺ."

Sahih Transmeton Muslimi Sahihu i Muslimit - 2676

Shpjegimi

Profeti ﷺ në këtë hadith sqaroi pozitën e atyre që e përmendin shpesh Allahun dhe se ata janë veçuar duke u paraprirë të tjerëve në arritjen e shkallëve më të larta në Xhenetet e mirësisë, si dhe i krahasoi me kodrën Xhumdan, e cila dallon nga kodrat e tjera.

Mësime nga hadithi

  1. Pëlqehet të angazhohemi dhe të bëjmë sa më shumë dhikër, sepse përparësia në botën tjetër do të jetë përmes adhurimeve të shumta dhe sinqeritetit në to.
  2. Dhikri - përmendja e Allahut- mund të bëhet vetëm me gjuhë ose vetëm me zemër, ose me gjuhë dhe zemër së bashku, e ky i fundit është niveli më i lartë.
  3. Prej dhikrit janë edhe format specifike fetare, si: dhikri i mëngjesit dhe i mbrëmjes, pas namazeve të obliguara dhe të tjera.
  4. Neveviu ka thënë: "Dije se vlera e dhikrit - përmendjes së Allahut-, nuk kufizohet në tesbih (thënien: subhanallah), tehlil (thënien: la ilahe il-lallah), tahmid (thënien: elhamdulilah) dhe në tekbir (thënien: Allahu ekber), përkundrazi, çdo njeri që vepron ndonjë adhurim kushtuar Allahut të Lartësuar është përmendës i Tij."
  5. Dhikri - përmendja e Allahut- është nga shkaqet më të mëdha të qëndrueshmërisë (në fe). Allahu i Lartësuar thotë: "O besimtarë, kur të ndesheni me ndonjë forcë armike, qëndroni të patundur dhe përmendni shumë Allahun, që të fitoni." (El Enfal, 45)
  6. Krahasimi mes atyre që e përmendin Allahun dhe kodrës Xhumdan është tek veçimi dhe dallimi. Kodra Xhumdan është e veçuar nga kodrat e tjera, e po ashtu edhe ata që e përmendin Allahun e Lartësuar janë të veçuar nga të tjerët. I veçuar është ai që zemra dhe gjuha e tij janë të veçuara për të përmenduar Allahun, edhe nëse është në mesin e njerëzve. Të tillët gëzohen në kohët e vetmisë dhe ndihen të pikëlluar nga përzierja e tepërt me njerëzit. Po ashtu nga arsyet e përngjasimit mund të jetë se përmendja e Allahut është shkak i qëndrueshmërisë në fe, ashtu siç janë kodrat shkak për qëndrueshmërinë e tokës. Ose, se përmendja e Allahut është shenjë e nxitimit për në vepra të mira në këtë botë dhe në botën tjetër, pasi mbërritja në Xhumdan e udhëtarit nga Medina për në Mekë, ishte shenjë e arritjes në Mekë, e kushdo që arrinte në Xhumdan, konsiderohej se ia kishte kaluar të tjerëve, e po ashtu ai që e përmend Allahun e Lartësuar është përpara të tjerëve me përmendjen e tij të shpeshtë. Allahu e di më së miri.

Shfaq përkthimet

57 Gjuha
EN English Anglisht
UR اردو Urdu
ES Español Spanjisht
ID Indonesia Indonezisht
UG ئۇيغۇرچە Ujgurisht
BN বাংলা Bangalisht
TR Türkçe Turqisht
RU Русский Rusisht
BS Bosanski Boshnjakisht
SI සිංහල Sinhalisht
HI हिन्दी Indisht
ZH 中文 Kinezisht
FA فارسی Persisht
VI Tiếng Việt Vietnamisht
TL Tagalog Tagalogisht
KU Kurdî Kurdisht
HA Hausa Hausaisht
PT Português Portugalisht
ML മലയാളം Melejalemisht
TE తెలుగు Gjuha telugu
SW Kiswahili Sevahilisht
TA தமிழ் Tamilisht
MY မြန်မာ Burmisht
TH ไทย Tajlandisht
DE Deutsch Gjermanisht
PS پښتو Gjuha Pashto
AS অসমীয়া Asamisht
SV Svenska Suedisht
AM አማርኛ Emherisht
NL Nederlands Hollandisht
GU ગુજરાતી Guxhratisht
KY Кыргызча Kyrgyzisht
NE नेपाली Nepalisht
YO Yorùbá Jorubisht
LT Lietuvių Lituanisht
PRS دری Darisht
SR Српски Serbisht
SO Soomaali Somalisht
TG тоҷикӣ Taxhikisht
RW Kinyarwanda Kinjaruandisht
RO Română Rumanisht
HU Magyar Hungarisht
CS Čeština Çekisht
MOS Moore الموري
MG Malagasy Malagasisht
OM Oromoo Oromisht
KN ಕನ್ನಡ Kannadisht
WO Wolof الولوف
AZ Azərbaycan Azerisht
UZ O‘zbek Uzbekisht
UK Українська Ukrainisht
KA ქართული الجورجية
MK Македонски المقدونية
KM ភាសាខ្មែរ الخميرية
PA ਪੰਜਾਬੀ البنجابية
MR मराठी الماراثية
KMR Kurmancî الكرمنجية